皇室甜品 (城南道)

營業中

休息中

一直以來, 去完九龍城食飯, 一定到金滿堂或者係合成食糖水, depends on 想食中式抑或係西米撈之類的甜品最近不去金滿堂, 多了去皇室食, 因為食過一次覺得味道都唔錯, 款式都幾多, 最重要係, 覺得佢有心機處理d甜品, 呢樣係好重要的, 認真, 先可以做到好食的東西嘛!好似今次去食的什果西米撈, 每粒生果都切得靚, 唔會有爛生果的情況, 芒果, 奇異果, 牛油果, 都係揀手的, 夠甜, 西米撈的芒果汁都好味, 份量又夠, 好多地方都唔識分開生果粒同西米, 食的時候好朗貝服務幾好, 推介俾大家去試試

初食熱既傳統甜品,覺得麻麻地.後來食過特別既宇治金時同朱朱奇兵後,便改觀.用日本既紅豆同綠氣,香而不過甜,味道清新. 朱朱奇兵更出奇既好味,以為只係冰碎加朱古力糖醬. 食落...好似將朱古力變冰,整碎. 幾次黎都要等半小時以上,不過等都值,而且服務態度好,所以愈來愈多人.

甜品之中都有令我印象深刻的店, 就係皇室甜品貼堂的係佢地個心太軟, 味道不錯點解要貼堂? 點解好食? 因為蛋糕的外層好軟熟, 仲好夠朱古力的香味, 而個核心入面的朱古力就超滑, 仲有點好香的牛油味, 用枝义拮穿個心太軟的時候, 有股白煙 (熱氣) 冒出, 口水係當時已經吞緊兩球雪糕可以自己揀口味, 我的雲呢拿同 COOKIE AND CREAM 味道都OK, 仲幾滑事頭婆笑容滿面, 幫我地落單時候態度又誠懇, 係度食野好開心

食盡九龍城4th station, 最後甜品站 叫左白雪公主(價錢大約$27), 宇治金時($26), 芒果棉花冰($33), 心太軟($35)入面環境一般,但都幾多位,唔怕冇位坐~門口睇到d甜品麻麻... 點知估唔到入去食係..!! 實 物 大 過 相 片 !! 白雪公主好多果肉+芒果雪糕+一種貌似河粉的粉好大碗~ 都ok好食~ 但粉不是我favourite =p宇治金時好好食呀~~我本人好鐘意食greentea味雪糕又係好大碗!佢下面有好多軟棉棉既雪冰,好易入口綠茶+紅豆好登對! 仲有大量小丸子 芒果棉花冰呢家間間都出品...不過真係好食既,我覺得no.1就一定係台灣出品的棉花冰 跟住都係糖百府既整得好食的呢個麻麻...碎得黎好散囉不過整體黎講都好大碗, 同埋都幾唔錯架啦~心太軟好食!!佢配左2個icecream, 分別係cookie味同choco味chocolate味雪糕幾濃幾好食個心太軟~好正! 好多好多汁呀貴得黎都好食

本來去金滿堂食甜品的, 但無位, 於是過左去隔離食皇室當時最有興趣食係芒果或什果類的甜品, 對雪糕, 紅豆沙等反而無興趣, 因為其實我係想食一d生果類的揀左個叫鋒芒畢露的甜品食, 見其名就知係芒果為主的了, 碗甜品有大量芒果肉, 仲有椰果, jelly, 西米, 芒果汁撈埋食, 都幾能夠滿足我當晚要求, 其實味道都幾好, 芒果甜, 椰果爽, 西米芒果撈有流質的效果, 唔會乾啃, 味道同口感都達到要求了皇室的甜品味道都唔錯, 下次會再食!

last night 到了九龍城的皇室食甜品, 不吃金滿堂而取這間, 因為人比較多, 有少少羊羣心理呢餐牌大部份甜品都有相睇, 結果叫其貌特別的芒晶晶食芒晶晶的材料有水晶珠, 木薯粒, 芒果雪糕一球, 芒果肉同芒果汁, 製作其實沒有技術可言, 只係各材料加起來就係, 心思在於材料配搭得合唔合襯, 水晶珠沒有什麼味道, 木薯粉就好爽, 配合芒果肉食都幾好味, 芒果汁落得唔係好多, 係個芒晶晶做得不夠好的地方可能覺得唔難做, 所以都唔覺太特別, 下次睇吓有無其他好野食

今日專登去食, 嘩....都10點幾啦, 門口仲十幾個人等位不過都好快入得叫左心太軟伴朱古力&綠茶雪糕, 仲有芒芒小丸子芒芒小丸子其實同許留山差唔多啦,d芒果幾甜,係少左d囉心太軟等左好耐呀, 都有成15分鐘不過, 等, 係值得既個蛋糕好香, 一篤落去, d朱古力醬"巴巴"聲流出黎最緊要係d朱古力醬夠多丫嘛,多先好味架嘛不論係蛋糕同裡面d朱古力醬都好好味總之就係正至於果2球雪糕, 一般般啦,牛奶公司果d囉,朱古力好似好味d,因為有碎朱古力o係裡面下次想試下宇治金時

食甜品又食到九龍城了, 今次目的地係皇室甜品想食心太軟, 咁啱呢到有得食, order一客試試, 呢度個心太軟係跟兩球雪糕一齊serve, 雪糕揀左綠茶同雲呢o拿, 個心太軟幾好味, 朱古力蛋糕好軟熟, 當朱古力開始由我整既切口流出時, 香味已經撲埋嚟, 真係好想咬一啖唯一要彈只係嗰兩塊士多啤梨肉, 無味的, 但就當佢係伴碟, 唔挑剔佢喇, 個心太軟好食就得啦!

從openrice的一百大排名找到此店, 昨晚就同老公去食我食芒果腸粉, 老公食蜜瓜涼粉, 芒果腸粉的腸粉皮好似椰青肉, 但係如果係椰青肉, 又點會齊緝緝? 可能係其實將椰子肉攬碎, 再煮過而成, 無論點整都好, 好食就得! 芒果肉好多, 仲好甜, 我自己都食兩條, 肥死, 慘老公個蜜瓜涼粉都ok, 涼粉滑, 不過落椰汁無落淡奶咁好味!

尋日同幾個朋友去kln city食thai food,好味!不過大家特登唔食咁飽,coz聽聞城南道的心太軟好好味!!大家想試番..!!大家一坐低就嗌左先,咩都唔理!!跟住睇下menu,嘩!!好多款糖水都唔知食咩好!!正當我地心大心細的時候,有個好nice的老闆娘就行過泥介紹番!!我地幾個嘈喧巴閉..不停問糖水裡面有d咩嫁,有d咩呀??我聽到都覺得煩呀..但老闆娘仲好好笑容,叫我地慢慢睇..哈!!真係好野..咁都忍到!唉,,,嘈左一輪!最終都係哂左老闆娘介紹的!芒果腸粉,同一個新出的唔知咩朱古力雪花冰!!等左一陣,d野就齊哂!!果然效率好高呀下!!賣相好靚...試下先!!um..芒果腸粉個d粉好鬼滑,入口滑嘟嘟,好得意!!----朱古力雪花冰'''嘩!!仲靚呀!!刨到好似用鉛筆刨刨咁呀!一層一層疊到好高,上面仲加左d彩色朱古力碎同粟米x,!!哈...仲我中意的小丸子,同黑珍珠..!!加埋個d朱古力味的冰,簡直一流!!呢個真係值得一試,賣相同味道'掂''呀!!----最後,仲有大家極期待的心太軟...wakakkaka!!!一桔泥去,,d朱古力醬溉出泥囉!!比起有一次去科學園食差好遠囉!科

波兒我不知道朱古力心太軟是那一家餐廳創作出來, 只知只要做得好味, 波兒願意做其長期擁躉跟男朋友到甜品店吃甜品, 波兒我選了朱古力心太軟做是晚的甜品, 整個甜品是一set的, 有主要的心太軟盒子, 兩球雪糕及士多啤梨伴碟心太軟盒子很出色, 外層的雞糕軟熟, 有香甜的朱古力味, 這個盒子的朱古力味是有層次的, 內裡的朱古力比外層朱古力蛋糕的朱古力更甜, 更香更滑, 每一更朱古力都令波兒吃得很滋味, 好食雪糕選了兩球都是雲呢拿, 可能吃了很多朱古力吧, 雲呢拿已經不甜了, 不過雪糕都滑, 味道可以啦@@這份心太軟十分美味, 令波兒印象深刻, 會再同男友來吃喔

尋晚食完飯去左食甜品, 因為晚餐喺九龍城度過, 都唔想搭車出去, 於是就喺番九龍城食就算...邊度先好食呢? 呢個係個問題, 最後係入左皇室食..睇完餐牌, 拍板叫左個芒果腸粉, 之前未食過呢樣野, 因為覺得腸粉應該係咸個播, 點食呀.. 原來一直以嚟誤會左佢, 個粉皮係用椰子肉同竘藥做, 係甜既, 味道唔錯, 口感頗佳, 因為有咬頭, 爽爽地, 幾好食..芒果肉多, 唔會酸, 加埋就成為一碟好食既甜品喇!

連續兩既食甜品, 分別食過金滿堂同皇室, 都係食心太軟, 我覺得皇室好食好多首先係個殼, 因為個蛋糕係軟熟一d, 而且朱古力味香d, 所以佢好食d跟住係個心, 朱古力味比較香, 唔係一味死甜, 而且滑d, 無咁杰, 食既時候唔會喺個口入面漿住漿住咁, 同埋有少少咸既感覺, 所以個心太軟既主角佢優勝好多..伴碟既雪糕係綠茶味, 其實可以自己揀, 仲有兩球, 所以好正, 再加d朱古力漿喺面, 做到前後呼應再去食, 一定揀呢間

在深圳看了個令人失望的藝術展，逛了個令人沮喪的「文化」區，腸胃飽受刺激的太公伉儷 (特別係太公之公)，無力再戰下一餐，唯有打道回府。途上，兩個人又心思思要去九龍城逛街；去得九龍城，太公又心思思想去吃皇室的宇治金時，這次更可藉詞「我個喉嚨受咗咁大既刺激，要食返d凍野中和下！」嘿嘿....皇室的宇治金時，第一次吃即愛上；無他，因為太公愛紅豆，而且要很甜很淋的那種；皇室宇治金時裏的紅豆做到這一點，所以教太公愛上。除紅豆外，還有QQ珍珠粉圓和抺茶雪糕；QQ珍珠粉圓竟有Al Dente 之感，雖然沒有「夾生」，但終究有點太硬之感，不夠彈牙，雖然仍爽口；抺茶雪糕抺茶味不夠香濃，尚算幾滑。而淋在刨冰面的糖水，只有甜，上次吃上去有抺茶味道 (雪糕球溶得沒那麼快, 上次應是抺茶糖水！)，而且今次淋得不夠多，中間部份有點失甜.....整體來說，退步了，但夠香甜夠淋的紅豆，仍然值得我為她守候！吃畢，一如以往，依然是冷得要打冷震...依吔！不過，可以一過自己的口癮，還是好抵！ 超正！ 勁開心！ 喪快樂！ 爆歡喜....(999呀，呢度有人凍到sort 咗呀，over....)

今日同兩位姊姊來食，二家姐叫了宇治金時，我叫了紅豆與豆腐花，三家姐叫了紅豆與涼粉。我們都覺得紅豆很不錯，夠晒甜。不過豆腐花的味道就被蓋過了。份量都不少，如果吃正餐沒有留肚，真的很大機會吃不光。只有兩位阿姐負責樓面，人手略為不足。想要一杯水也等了不少時間。不過她們的態度是很好的。