皇室甜品 (城南道)

營業中

休息中

呢排鍾意食乳酪，食完晚餐行過見呢間有乳酪，所以就入去試下．叫咗個原味乳酪配紅豆同芒果，士多啤梨醬．唔使等好耐就有得食啦，睇個賣相算係正常嘅，但一食就出事，乳酪完全冇味，好似食緊冇味嘅雪糕咁，紅豆整得耐得滯？爛嘅．．．啲芒果酸嘅．．．成杯嘢食咗幾啖就比錢走人，去隔離金乜堂食番個正常嘅甜品補償番．．．可能叫其他會好食啩，但我冇信心玥比機會佢囉

琴晚食完飯仲有QOUTA就一行七人去左呢間食甜品我叫左熱紅豆沙跟住我既朋友叫左 凍燉奶 凍綠豆沙 花之戀 傾城之戀 宇治金時 心太軟我覺得 開甜品店 如果連傳統甜品都做唔好 就不如唔好開紅豆沙勁粉紅色 色素好重冇陳皮味 紅豆味好淡但係成碗勁甜 最大問題係 紅豆沙完全唔起沙綠豆沙問題差不多!!其實我朋友本身想叫燉蛋既 估唔到連燉蛋都冇就叫左燉奶啦 好CHEAP 呢D貨色頂多值6蚊8蚊跟住花之戀我冇試就唔知LA傾城之戀冇任何特別因為我之前都整過朱古力PUDDING好食過佢添宇治金時個雪糕幾夠味既可惜D冰就淡茂茂 唔通要人撈埋黎食?心太軟同7-11果個差唔多 = =任揀兩舊雪糕揀左曲奇同芒果亦都係CHEAP野但賣$38整體黎講唔抵食 唔正宗 唔好味!!

啱啱幫襯咗一間黑店食午餐,食到成肚氣,火辣辣,咪揾間甜品店中和一吓情緒囉.路經此店便入去試吓.今日叫咗兩款甜品嚟食,第一款係宇治金時,成份有綠茶雪糕,紅豆,白玉同雪花冰,雪糕有綠茶嘅清香,可惜不夠軟滑.紅豆質感軟硬適中,味道又唔會太甜,幾好.白玉應該係糯米粒,煙煙韌韌幾有咬口.但雪花冰得表面甜,食到中間已經冇乜味道,此點要扣一點分.整個甜品味道特別,可以一試.第二款係龍珠二世,入面有芒果,龍眼,朱古力雪糕,水晶珠同黑珍珠.龍眼清甜,朱古力雪糕就過甜,都係嗰句,唔夠香滑,水晶珠爽口,黑珍珠就煙韌,如果芒果冇咁酸會更好,整個甜品配搭得宜,味道OK.

小妹carol 最中意就係甜品, 又寫甜品依評, 今次呢就寫之前去左九龍城食既皇室甜品.入到去依間甜品舖唔係好多人,唔知好唔好食呢~@@坐底左就落單.見到有個白馬王子幾得意..唔知係點, 我就叫左個白馬王子.點知....哈哈~睇到個樣..拿...唔好亂唸野呀....哈哈~一柱擎天既係白色既椰子冰, 食落幾香, 不過我覺得甜左少少.下面呢就有椰果做底..都幾清甜.左邊仲有一大cone 朱古力雪糕, 溶左d落椰果到溝埋都唔錯~

堂食: 意味情濃 $23: 有椰汁布甸, 意式涼粉, 紅豆, 雪糕等所有配搭也是小女子的心頭好, 涼粉一條條用义食都係第一次, 都頗有趣 布甸夠滑溜, 但椰汁味不足, 而雖要加上額外的椰汁搭夠但本人認為加花奶會更好味; 另外的紅豆及綠茶雪糕也合格 一碗甜品內可以食到多種甜美的配搭, 感覺很豐富而且要讚是甜度也不高有借口比甜魔試多幾款 第二次外賣 : 朱古力軟心雪米糍, 紅豆, 豆腐花 $23主角梗要先試豆腐花, 豆味適中頗滑溜, 但絕非公和等質素 但在紅豆和花奶的帶領下也不難凸出整體的味道 因為軟心雪米糍有點點溶化, 要快點搞掂佢 剛剛溶解時的雪米糍是最好味的,皮也是剛軟化, 還有雪糕內膽上的朱古力軟心, 食甜品的感覺真好 總結 : 泰菜與火窩等上火的食物充斥著的九龍城下, 有此主打冰凍甜品為降火場, 不難成為開飯之選

九龍城嘅美食真係食極都食唔晒。平均一個月去一次。今日又去行街食野。食完點心同泰菜之後就周圍逛逛。去完街市買巨峰同交荀之後，又覺好攰。於是就行咗幾條街黎皇室食甜品同抖抖。我都係食士多啤梨黑馬王子，因為上次食過好食。阿媽就食熱芝麻糊燉奶，阿爸就要火龍果涼粉。士多啤梨黑馬王子賣相好吸引，面頭鋪滿切半嘅strawberry。粒粒都好大。中間有琉璃珠、黑珍珠同珍珠，底層係士多啤梨沙冰。沙冰好冰涼，不過今次d沙冰多咗陣榴槤味，唔知係咪個blender 之前攪過榴槤，好在我都ok接受得到陣榴槤味。火龍果涼粉我自己就覺得呢個combination好怪，不過阿爸係涼粉精，佢又覺得好味。火龍果切得好大粒，我估味道都應該不錯，因為阿爸淨係顧住食，無出過聲。熱芝麻糊燉奶呢個就唔好食，阿媽話燉奶唔夠奶味，芝麻糊又唔夠味又唔夠幼細。環境都幾舒服，因為人不多，也可以坐耐一點。

國慶日, 下晝去左燒野食, 攪到個人熱辣辣...好想食 D 凍野降下溫於是去左九龍城食甜品...咁想降溫就梗係食綿綿冰喇.....男友揀左朱古力味, 而我就叫左侍應姐姐介紹既石榴味!!朱古力味麻麻地, 無朱古力味, 好淡 反而石榴味真係好掂...清香又唔太甜另外, 白色個 D 粉團真係頂唔順囉, 又黐口又無味, 仲鬼咁飽肚..試左一粒已經無食 仲有, 呢度 D 位好窄呀..坐裡面既位直頭唔可以企直個人行入去, 連行人通道都只有一個人既闊度

夏日炎炎~~好想搵d野食可以涼快一點~之前未試過食<皇室甜品>,見到有雪花冰..咁就試下啦~order 了 <山楂檸檬冰> 同<炭燒咖啡雪花冰>~先講山楂檸檬冰, 入口酸酸地飲到d山楂,好特別~好好飲同解喝!推介!炭燒咖啡雪花冰,好香既咖啡味~仲有d紅豆,丸子,咖啡點子~好食!好快已經食哂

之前去過一次.有隻好好飲ga野,叫做"山楂lemon 冰"其他d野食ok la~~~~正正常常la但係之後去左3次都話冇貨...希望佢註意下....

我是一個酷愛甜品的人，尤其是榴蓮pancake。我自問在超過二十閒甜品店吃過榴蓮pancake.今次吃這個榴蓮pancake實在令我有點失望。首先榴蓮肉太少cream太多。令這個榴蓮pancake的黃金比例被破壞。實在令我有點失望。不過有一樣值得稱讚就是皮比較薄

去襯九龍城，到好多時都會順道食甜品，這間係我都幾鍾意食！間野如果八點後開始多人，有時見到都要座出舖外，都好多人等！但通常我都會早啲食，唔駛等我至今係這間鋪食過啲甜品，可以睇睇圖片間鋪我暫時最鍾意的是心太軟同白雪黃金卷！值得可以試下！！唔算貴！！

今日試左皇室甜品, 食左 bf 話好出名0既宇治金時, 真係唔錯, d 小丸子好彈牙 d 紅豆又唔甜, 最得意係d 冰唔易溶好快變左水汪汪咁 ~ 唔錯仲叫左個 鋒芒必露, 佢地張 d 焦糖布甸變做 QQ 好過癮好味丫, 下次會再嚟

上星期食過滿X的榴槤PANCAKE之後, 覺得實在太好食...昨晚飯後去到九龍城的皇室甜品店食飯後甜品, 都幾多客人 不過...朋友叫了一客叫芒果黑馬王子的甜品食, 看上去賣相唔錯的, 除了芒果肉之外 (芒果肉聽朋友講幾甜), 仲有水晶芝麻, 黑珍珠 (飲珍珠奶茶時咬到的煙靭東西), 西米等, 朋友對自己的食物評價不錯但係論到我的芒果PANCAKE, 就出事了, 首先PANCAKE的皮真係太厚了, 比起在滿X食到的厚了三倍之多, 變成食的時候成口都係皮, 口感好差另外CREAM一點都唔滑, 泡沫比較粗糙, 雖然芒果的肉幾甜, 但成個PANCAKE的處理可算是很失敗呢雖然一樣甜品唔好食唔代表成間甜品店好差 (何況朋友的都OK), 但今次就令我好失望了

同班fds食完泰菜，就行過兩條街食甜品。一條街中，金滿堂就有3間咁多，再行前少少就見到皇室。在兩者抉擇中，選咗皇室甜品。一行九人，被安排坐近門口嘅大枱。店員隨即遞上九本menu~甜品款式很多，看menu也看到花多眼亂。揭來揭去，最後我揀咗士多啤梨黑馬王子。呢款甜品以strawberry 為主要生果。賣相得討好，半切嘅士多啤梨排成花花狀。面頭還有龍眼肉、水晶珠同珍珠。而底部就係士多啤梨沙冰，好surprise 沙冰好幼細，不會有大碎冰。甜度剛好，很natural。最鍾意食水晶珠好彈牙，口感好正。龍眼肉好甜；士多啤梨就酸酸地。整體很滿意，會再來。

本黎林住去金滿堂，但系吃左幾次想試下新野，所以今晚特意黎依間。真好彩，依日一日都落雨，天氣陰陰沉沉，人唔多，入面大把位。我地穩左個靠墻的位置，體左下個menu，查實依間既甜品幾有新意啊，而且圖文並茂，馬上恨不得快d試下。芒果黑馬王子（25）：入面有龍眼肉，芒果，黑珍珠同小小點的東西。好彩師傅調個芒果汁底唔系好凍，吃落去好舒服，唔甜唔酸，味道剛剛好，最贊就系龍眼肉，大大粒。芒芒冰沙（32）：個mango冰好凍啊，差d凍親牙，但系旁邊伴有紅豆，小丸子同好多大大粒芒果，最贊既系d芒果真系好甜啊，彌補翻個冰沙太凍。人地話吃甜品系會有好心情，果然，當同心愛既人一齊品嘗，你一啖我一啖真系好幸福啊，而且男友話依間店好似俾隔離果間金**好吃，體黎下次要多d過黎幫襯下先得！