皇寶餐廳小廚 (已結業)

作為土瓜灣街坊最愛吃這家茶記早餐🥢分享一下我減肥會怎樣叫早餐怎樣節省卡路里😈：每次我都會點• 雞排米粉餐 $34（好抵💓）（喜歡吃雞排因爲可以吸收多點蛋白質，請自行去雞皮）• 煎雙太陽蛋🍳🍳（以前會吃炒滑蛋，不過想低卡路里一點已改口味，雙太陽蛋比雙煎蛋更低卡啊，因為只用油煎一面，煎兩面用油更多是常識吧🙈）• 多士走牛油（少了牛油吃得更安心🤟🏻）• 這次叫了凍咖啡走甜（平時我會叫凍齋啡，不過剛好今天胃有點不太舒服）.好喜歡這家米粉的粗幼質感雞排好入味，不會乾柴最值得一讚的是這家的咖啡超濃咖啡味！每個週末早上我都會來報到😹

皇寶餐廳小廚👍🏼除了西貢和鯉魚門，在紅磡土瓜灣都能夠嚐到鮮活的滋味 🦞🐟🦀🍤🦑🐙🦐特別推介：避風塘炒蟹飽滿的蟹肉很甜，蒜香味和辣味滲透蟹肉，美味極了！！ 朋友們都把剩餘的蒜打包回家，加在麵或粥裡吃呢 😄芝士龍蝦+煎米粉底龍蝦不一定配伊麵，原來配米粉都好好食，香濃的芝士龍蝦汁滲透在煎脆咗嘅米粉裡面，口感和味道一流 😋 腰果露由於腰果露所花工序及時間較多，因此在糖水鋪也不常見。中式糖水之中，我特別喜歡腰果露，營養豐富，性質滋潤～ 讚👍🏼

每隔兩星期左右，晨早跟小友回學校之前，兩仔爺都會跑到這兒，嘆一份港式早餐....從巴士站走下來，沿路其實有不少茶記的。經我倆不斷去試反覆實驗底下，最後的結論是以這一間最為經濟抵食，味道也挺不差....一碗麵，再加上多士及腿奄，最後連嘢飲盛惠三十二大洋，以這區消費來說，真的不貴了....而且每碟東西份量十足。小友說食畢一整個餐，就連午餐都可省掉....鮑片火腿麵一大碗，用的是平常要加錢吃的一丁麵，麵呈鬈曲狀淥得爽身不硬；腿絲及鮑片絲堆得滿滿不欺場；隨一丁附送的味粉包及麻油是分開落的，要加幾多悉隨專便，最合我這種不喜吃超濃口味的人....光吃那麵基本上已飽了大半，再連吃一片多士，多士本身烘得不大夠脆，牛油份量也未見多，正要皺眉頭，幸好奄列內火腿絲量不吝嗇，蛋亦處理得不乾，算是扯了個平手吧....吃完此頓後，和小友約定，決定將這裡暫定為我倆早餐的飯堂好了....

位於土瓜灣舊區的餐廳小廚，不知道大家是否知道馬會投注站在哪？它就是位於對面馬路的地方，招牌都尚算搶眼，我和友人們會來這裡吃晚飯是因為被它的紅色卡位吸引而進去，它給人的感覺幾光亮潔淨！是晚一行三人點了幾個小菜，其中覺得最有驚喜的是炸豬手，外面香口𥚃面又嫩滑，不會太鹹，很好吃！價錢才$168好抵食👍其他小菜也不錯，做到即叫即炒，熱騰騰的上枱，在這裡用餐十分經濟實惠！不錯不錯！出品比一般茶餐廳好很多！相信如果下次再路過土瓜灣會再惠顧！

呢到叉燒飯係我响土瓜灣食嘅茶記入面最好味，肉質靚，又半肥瘦，仲好大碟，我掛住食都唔記得影相。另外幾位同事叫咗特餐(即係常餐)，佢有幾款，有啲正常麵餐跟多士煎蛋嗰啲，另外又有淨麵餐，啱晒成班同事、唔同食量嘅人去食。

今日係冬至呀～冬大過年~不過我地屋企又冇話特別慶祝~所以冇去酒樓食飯~不過呢喺茶餐廳食一樣可以食得好！四個人就嗌咗四餸一湯 ，先黎一個椒鹽魷魚同埋椒鹽豬扒，再加一個清蒸沙巴同埋臘味炒芥蘭，之後再加多一個瑤柱魚肚粟米羹~份量都已經好足夠啦！呢間不嬲都係我哋嘅飯堂嚟嘅~所以一直都好支持佢㗎 其實我老豆食嘢比較麻煩口味比較 要求高家~ 所以佢食開呢間就覺得呢間好~咁我自己又覺得呢間啲味道都ok嘅~而且份量都幾足下~上菜速度都好快！如果相比起去茶樓食冬至飯應該又要等好耐又多人上菜速度都未必有咁快有飯食喔！ 清蒸沙巴同埋椒鹽豬扒 個人都覺得要讚下嘅不過椒鹽魷魚就失色咗少少啦~個人就覺得一般囉~

呢間係土瓜灣開左一年左右嘅餐廳，係我同屋企人經常惠顧嘅餐廳，原因係小菜大部分都係住家菜，較少油同味精，適合一家大細注重健康嘅人士，晚餐一般不用等位，服務態度中規中柜，街坊生意算係過得去。比較好食嘅小菜有肉松炒四季豆、沙薑雞、瑤柱粟米湯等

新開的餐廳進去坐阿姐們都唔錯、叫了三個菜沒有套餐可以選、飲品需要另外正價買點的菜真的是一般般。第一個上的魚香茄子不入味醬汁還算多，第二個則是椒鹽豬扒則平平無奇，最後一個肥牛粉絲煲汁太少了粉絲都很乾

今晚出街覓食去，係土瓜灣道其實有好多野食，行過見到一間門面幾睇得下既餐廳，招牌閃零零，見到入面又大又寬敞又光猛，俾左一種安心既感覺俾我，就決定入左去試啦侍應們好好招呼我地入座後，我就問佢有咩好介紹啦，見到店內牆上好多幾特別菜式，就連燒全體乳豬都有可惜原來係要事前預訂為左滿足返我見到想食肉既心理，佢就推介同樣係皇寶招牌菜既金牌芥末炸豬手小弟唔好芥末既關係就叫店員攞條乳豬醬黎點，可能我係第一個咁要求所以佢都有啲好奇但佢都攞左黎俾我點，配搭當然都唔錯啦，仲推介返佢可以配乳豬醬俾啲唔中意芥末既人講返隻豬手上菜時睇落都幾有氣派，皮脆肉juicy但就要快食啦事關擺耐左接觸空氣多就變''林''左食完隻豬手都飽左一半於是就叫返個菜食下，見到牆上有個菜心炒鮑魚平時食鮑魚都係蒸唔知炒又有咩感覺又叫左黎試下菜心超嫩切到一口鮑魚又易入口食落清脆油又唔多最後試埋個家鄉炒粉絲都好大碟下味道幾好，幾中意佢啲炒蛋碎，加埋荷芹味道又幾match，整體黎講炒得幾乾身環境唔係迫又坐得舒服，味道好大眾化meun仲有好多野叫仲可以有特別要點整下次可以再黎試其他

久違的沙爹牛肉麵，每隔一段日子都會懷念起來。我最愛普通光身麵配沙爹牛肉，呢間牛肉肉質不會過霉也不過硬，每塊牛肉都沾麵沙爹汁沙爹牛肉雖然卡路里高但偶爾吃吃也無仿。但餐飲凍咖啡則痳痳⋯⋯⋯茶餐廳通病過酸。希望餐廳能好好改善一下。

近日路經此處，發現有間新開的小廚，於是就在平安夜晚來食，老闆好客氣，見我們看著餐牌，會上前介紹餐廳推介，首先嚟個「濃湯雞燉翅」，湯味濃郁，翅好有口感；海鮮新鮮，「花竹蝦蝦米粉底」，米粉煎法出色，外脆內軟加埋蝦湯，確實好味 :之後再吃「香芥豬手」，一吃難忘，皮香肉軟，好難想像小廚餐館有此水準，特別推介一個「炸米炒飯」，聽名稱已覺得意，食落原來都是，炒飯配上炸米，好特別，好好味，一點都不油，大家都好滿意呢間小廚既菜式，值得推介。

個次同老婆去食晚餐，見到間野新開張就入左黎，叫左2個小菜試下。。點知等左1小時15分左右。。中途我地仲問要等幾耐，個個都話10分鍾，又唔比取消，之後終於有得食，但無想像中咁好食，以後唔會再去，真係餓死都未有得食。

一班老友行完山再去皇寶小㕑晚飯先來上湯龍蝦米粉底，米粉煎法出色，外脆內軟加埋上湯龍蝦，確實一絕:再吃香芥豬手，一吃難忘，皮香肉軟，香港少有的高水準，再吃秋季蛇羮足料又抵食又美味，再來鐵板薑蔥蠔，聽老闆講是專登選購的靚蠔，味道十足一食就知係精心挑選過既上等蠔，還有酥炸尤魚，家鄉炆鴨，炒米粉絲等等，之後一問，可以預早通知食物或自備加料，老友非常滿意超值:性價比高大酒店質素，餐廳價錢，只是人太多，要早點去拿位

太耐無見所以今日相約一班同學仔聚會，每次相約吃飯必有一個難題就係唔知食乜，咁啱一位同學仔因腳踝受傷所以就他方便就係佢屋企樓下吃飯（諗少好多），他提議佢屋企附近新開一間小廚裝修和食物不錯（之前佢有食過），所以一行人決定一試（最重要佢有我喜歡ge海鮮）。清蒸海斑：由於是街市即日交來的鮮魚，無論是肉質或是味道上，都格外嫩滑鮮味，就連我這個吃魚的門外漢也能“一吃便知龍與鳳”，而且蒸得火候剛好；紅燒雞湯大鮑翅「足一斤」嘅翅非常粗身，差唔多去到銀針粉咁，仲要係一梳梳㗎，翅嘅份量仲多過湯，真係超級真材實料，湯底嘅味道更加有香濃ge鷄味！另一碟亦都係好味必食推介（燒豬手），上枱時見到隻豬手肉色已經燒得好靚，外皮卜卜脆，肉質又嫩口，味道唔會太鹹，而且又冇乜油膩感覺，因為廚師已預先將皮下的脂肪去除，非常细心 。

前幾日係皇寶餐廳小廚新店開張，我哋一家人走咗去湊熱鬧。 食咗幾個小菜，味道同賣相都好得。 咁多個小菜之中最鍾意係濃湯雞燉翅， 香芥金牌炸豬手， 水蜜桃菠蘿咕嚕肉。 一食完第一啖已經好鍾意， 我哋個個都推介畀好耐冇食呢啲菜式嘅媽媽， 媽媽食完之後超鍾意，仲係咁食，因為佢真係有好多好多年 ，因為牙嘅問題冇食過呢啲啦！我哋呢啲相機食先嘅人，當然會將啲美食分享畀身邊好友， 仲話要一齊約埋去再食， 好期待下一次試菜。由於今次係生日飯局， 主人家畀錢，所以我都唔知人均消費係幾多 ，不過我見大部分小菜都係介乎於70至80。