皇庭匯 (已結業)

本人最近上openrice睇到盛讚這裡的籠仔蟹蒸飯非常出色，所以我提早兩日前預訂！今晚親自品嚐到又新鮮又超級多膏嘅膏蟹，蟹膏佈滿整個籠仔飯面，令到每口飯都非常甘香！果然名不虛傳！燒鵝皮脆肉嫩多汁，咬落不油膩！平日好少可以食到新鮮肥美嫩滑的白飯魚，這裡的白飯魚煎蛋就正正採用新鮮白飯魚去煎蛋，食落覺得好驚喜！芥蘭炒得好爽脆，無草青味，是我最喜歡的！我必定會介紹多些朋友前來品嚐！

為咗慶祝本人喺openrice晉升為「卓越食家」，所以我們一家四口一早預訂咗今晚去「皇庭匯」旺角店食晚飯慶祝！我們叫咗燉竹絲鷄湯、籠仔頂角大糕蟹蒸飯、清蒸頂角大糕蟹、咕嚕芝麻黑豚肉同石鍋臘味炒芥蘭！燉竹絲鷄湯真係超足料，味道相當芳香濃郁！今次嘅籠仔頂角大糕蟹蒸飯同清蒸頂角大糕蟹係我們嚟食過咁多次最超級多糕嘅一次，啲蟹糕多到佈滿整個蟹蓋，蟹糕非常甘香，味道非常鮮甜，肉質相當新鮮彈牙！咕嚕芝麻黑豚肉非常外脆內軟，外層嘅炸粉唔會太厚！石鍋臘味炒芥蘭嘅芥蘭非常爽脆幼嫩，臘味嘅味道好香濃，散發出淡淡嘅油香，芥蘭吸收晒臘味香味！

今晚我們再去咗「皇庭匯」旺角店食晚飯！喺點菜嘅時候我們發現他們推出多款超抵食最新優惠！有明爐一哥燒鵝皇「例牌」$38，「半隻」$48，「一隻」都只係$88蚊咋，真係超抵食呀！碧綠玉環瑤柱甫都只係$48蚊咋！另有其他多款優惠！而我們就叫咗大閘蟹、沙參肉竹龍骨湯、明爐一哥燒鵝皇「半隻」、碧綠玉環瑤柱甫同薑汁炒芥蘭！大閘蟹有超多膏，膏嘅味道非常甘香，令人回味無窮，想每人都叫多幾隻嚟食！沙參肉竹龍骨湯真係非常足料，火候十足，味道非常甘香濃郁！明爐一哥燒鵝皇「半隻」，雖然他們推出呢個超優惠嘅價錢，但絕無影響出品嘅質素！燒鵝同以往一樣係即叫即燒，肉質皮脆肉嫩多汁，依舊保持水準！係本人嘅極力推介！碧綠玉環瑤柱甫嘅瑤柱炆得好入味，肉質亦好彈牙！薑汁炒芥蘭，用薑汁嚟炒可以撇除草青味，芥蘭亦非常爽口同無根！

之前睇到openrice嘅食評知道呢度有出名嘅一頭鮑魚，需要提早預訂，所以我一早預訂咗每人一隻！今日終於在本人生日可以品嘗到一人食一隻一頭鮑魚嘅滋味，感覺非常自豪，非筆墨可以形容，一定要自己親自嚟品嘗，先可以感受到箇中嘅奧妙！紅燒翅比米線還要粗，真係貨真價實！乳豬香脆而不肥膩！長腳蟹原隻新鮮蒸果然係非常新鮮彈牙！大壽桃包旁邊圍著幾個小壽桃包，賣相非常吸引！新鮮果盤嘅賣相同樣吸引，有一對用蘋果砌成嘅鴛鴦，真係非常有心思！食完今晚呢餐，我終於明白點解他們會得到如此好評！我必定會介紹好多朋友嚟食！

早前本人在openrice睇到皇庭匯海富店嘅食評口碑幾好，咁啱今日係本人生日，所以我一早預訂咗飲下午茶同食晚飯！第一試他們出品嘅點心，果然名不虛傳！蝦餃爽口彈牙同超大粒！鮮蝦菜苗餃我鍾意豆苗同蝦嘅配搭，味道好香！蟹子鳳眼餃嘅蝦好彈牙！煎薄餅好香脆唔油膩！蝦腸晶瑩剔透，切開一口一啖，加埋露筍嘅配搭，都幾好！

今日係一年一度嘅農曆八月十五中秋佳節正日，我們一家四口今晚去咗我們最鍾意去嘅「皇庭匯」旺角店食中秋團圓飯！我們叫咗鮮人參燉竹絲鷄湯、鹽燒大花竹蝦、冰鎮南非鮑魚、果皮蒸南非鮑魚、清蒸沙巴龍躉、燒鷄同甜品酒釀湯丸「熱」！鮮人參燉竹絲鷄湯真係非常足料同火候十足，而且味道相當濃郁！鹽燒大花竹蝦，因之前試過上湯焗同豉油王香煎，所以今次我們要求鹽燒，結果出嚟嘅效果係意想不到咁好，賣相相當吸引，味道唔會太鹹，令到蝦嘅鮮味更加突出，肉質超彈牙同非常乾身！係本人嘅必食推介！冰鎮南非鮑魚同果皮蒸南非鮑魚，果皮蒸鮑魚嘅時間啱啱好，唔會過火，令鮑魚嘅肉質唔會過韌，而冰鎮鮑魚嘅肉質比較爽口彈牙，更加將鮑魚嘅鮮味帶出嚟！清蒸沙巴龍躉真係新鮮即叫即劏，蒸嘅火候控制得恰到好處，肉質相當嫩滑！燒鷄炸得皮脆肉嫩！

今日我們去咗「皇庭匯」旺角店飲下午茶！喺點心紙上見到他們推出咗新款點心，我們就即刻點咗嚟食！我們叫咗皇庭匯蝦餃皇、鮮蝦菜苗餃、露筍鮮蝦腸粉、脆皮燒肉幼麵、鮮魚片粥、蠔皇叉燒包、脆皮叉燒包、冬茸冬菇包同紫薯煎軟餅！皇庭匯蝦餃皇同鮮蝦菜苗餃都保持到一貫水準，餃皮非常薄同煙韌彈牙，鮮蝦亦相當大隻同鮮味十足！係本人嘅必食推介！脆皮燒肉幼麵嘅燒肉相當皮脆肉嫩，而幼麵嘅麵質亦好彈牙！鮮魚片粥嘅粥底煲得好綿，魚片同生菜都好多，真係非常足料！脆皮叉燒包嘅脆皮焗得非常香脆，包質超鬆軟，叉燒亦好蜜汁！而新推出嘅露筍鮮蝦腸粉嘅配搭好新鮮，露筍同鮮蝦夾埋一齊食，感覺相當清新同爽口彈牙！真係創意十足！另一款新推出嘅冬茸冬菇包嘅賣相真係好似一隻冬菇非常得意，本來以為入面嘅冬茸會係將冬菇切碎嚟做餡，但咬落去先知原來係冬瓜蓉，感覺非常特別！

由於今日係我爸爸嘅多年老友大壽，所以我爸爸千叮萬囑我一定要提早一日打去「皇庭匯」旺角店預訂一隻鴻運乳豬全體！因為爸爸話對「皇庭匯」出品嘅食物較有信心，同埋環境比較舒適！我們今晚叫咗鴻運乳豬全體、濃湯鷄煲翅、清蒸青班仔、豉油王香煎大花竹蝦、上湯焗大花竹蝦「伊麵底」、籠仔大肉蟹蒸飯、蒜蓉粉絲蒸大元貝同杞子雲耳浸菜心！他們嘅鴻運乳豬全體非常皮脆肉嫩，無多餘嘅脂肪，唔油膩，就算擺凍咗啲皮都仲好脆，唔會變腍咗！係我食過咁多間酒家嘅乳豬整得最好嘅一隻！係本人嘅必食推介！同埋唔係好貴，只係賣$568！不過價錢唔重要，最緊要係好食！豉油王香煎大花竹蝦非常新鮮彈牙，煎得非常香脆，醬汁嘅味道恰到好處，唔會太鹹！另外我再叫咗另一種食法，就係上湯焗大花竹蝦「伊麵底」嘅伊麵好彈牙同唔油膩！兩種唔同嘅食法各有各特色，兩種我都鍾意！蒜蓉粉絲蒸大元貝真係超大隻同超新鮮！清蒸青班仔蒸得非常嫩滑，都只係賣$118咋！以呢個價錢喺其他任何一間酒家都食唔到！所以每次有朋友約我們食飯，我們都會選擇去「皇庭匯」食飯！

今晚有親戚喺外國返港，所以我們帶咗他們去「皇庭匯」旺角店食晚飯！我們叫咗「皇庭匯」新推出嘅超優惠套餐「半席」！個套餐有燒味金裝大拼盤、錦醬豚肉影花姿、黃金芝心百花球、海皇花膠鷄絲翅、翡翠新鮮龍躉球、瑞蒸海龍躉頭腩、鮑汁海螺扒菜苗、芝麻脆香黃金鷄、瑤柱蛋白炒飯同精美美點！錦醬豚肉影花姿嘅豚肉非常爽口，花姿亦鮮嫩彈牙！黃金芝心百花球裡面嘅芝士非常香滑，百花球嘅蝦膠非常新鮮，肉質彈牙！海港花膠鷄絲翅非常足料，啖啖都有花膠同翅，真係真材實料！芝麻脆香黃金鷄炸得皮脆肉嫩，火候啱啱好，唔會過火過韌！瑤柱蛋白炒飯炒得鑊氣十足，粒粒分明，非常香口！咁多嘢食一席（12位用）$1688，半席（6位用）$888咋！呢個係全包價，無收加一！仲有韓國鮮橙汁送，真係超抵食呀！

因為好掛住「皇庭匯」嘅籠仔頂角大糕蟹蒸飯，所以我們預早一日預訂，今晚去咗他們旺角店食飯！每次嚟他們都無令我們失望，仍然保持水準！頂角大糕蟹非常新鮮，肉質鮮味同超多糕！真係食過番尋味，價錢相而！以呢個價錢喺其他任何一間酒家都食唔到！喜歡食頂角嘅人士，唔嚟一試，就係你們嘅損失！我們另外叫咗有機鮮茄什菜煲、芝麻蔥油鷄同濃湯鷄煲翅！濃湯鷄煲翅嘅湯底非常濃郁，魚翅份量十足，都只係二百幾蚊咋！真係非常抵食！芝麻蔥油鷄用咗他們嘅秘製醬汁配搭得洽到好處，鷄肉非常嫩滑！有機鮮茄什菜煲由多種新鮮蔬菜同有機鮮茄配搭而成！有機鮮茄令到呢個湯汁非常鮮甜！平日其他酒家嘅什菜煲嘅湯我們係唔會飲，但這個有好濃鮮茄味，所以我們全部都飲晒，一滴不漏！最後最令我們驚喜嘅係他們嘅大廚自製嘅甜品！水中花「熱」同情迷小丸子「凍」！本人極力推介水中花「熱」一打開個甜品盅，有一朵好生動嘅白菊花呈現眼前，令我們驚喜萬分，嘆為觀止！因為真係好靚，令我們有啲唔捨得食咗朵菊花！真係要畀十個讚師傅！情迷小丸子「凍」都令我們好驚喜嘅係原來湯丸係可以凍食！凍食令湯丸非常煙韌！呢兩個甜品係我嘅必食推介！不過記得要提早預訂！溫馨提示：呢兩款甜品要三位

為咗畀一個非常難忘同驚喜嘅生日飯畀我最尊敬嘅人！所以我今晚喺「皇庭匯」預訂咗他最鍾意食嘅紅燒大鮑翅同蠔皇扣一頭青邊鮑！紅燒大鮑翅嘅翅每條都好似芽菜咁粗，份量十足，真係足四両，絕無偷工減料！湯底非常濃郁，魚翅亦非常香滑彈牙！令我們每個都回味無窮同讚不絕口！每位都只係$638「足四両」！蠔皇扣一頭青邊鮑真係超大隻，斤量十足！鮑汁同鮑魚配合得天衣無縫！他們將鮑魚烹調得肉質非常嫩滑入味！齒頰留香！味道非筆墨能夠形容！真係要親身去試先可以感受到箇中滋味！每位都係$598！明爐一哥燒鵝皇係即叫即燒！皮脆肉嫩多汁！所以每當喺重要嘅節日或宴請重要嘅人！我都會向他們推介「皇庭匯」！因他們由開業至今都一直保持水準！備註：紅燒大鮑翅同蠔皇扣一頭青邊鮑！需預早兩日預訂！

今日17號晚我們一家提早同Daddy慶祝父親節！因為Daddy喜歡食海鮮！所以Daddy第一時間選擇咗去「皇庭匯」旺角店！因他們嘅海鮮非常新鮮，貨真價實，價廉物美！他們推出咗超優惠嘅老虎斑兩食！一食雲耳金菇蒸老虎斑頭腩！二食西芹炒老虎斑球！肉質非常新鮮嫩滑彈牙！份量超十足！一碟等如其他酒家三碟嘅份量！價錢都只係$800兩食！真係超級抵食夾大件！本人極力推介！值得一試！籠仔大膏蟹蒸飯！蟹肉汁溶入蒸飯裡，令飯倍感甘香！京式片皮鴨兩食亦非常抵食！一食京式片皮鴨！二食生菜包炒鴨鬆！一食$68！兩食都只係$98咋！喺呢間酒家可以用超抵食同超優惠嘅價錢就可以食到好過其他酒家嘅出品！

早兩日20號係我嘅生日！我們一家都係選擇咗去「皇庭匯」旺角店食飯慶祝！我們當日叫咗全部都係海鮮！最開心的是樣樣都仍然保持水準，長腳蟹可能經過特別處理過，非常新鮮彈牙，肉汁鮮甜！係我食過咁多間處理得最好！係我的極力推介！可以清蒸！可以蛋白花雕蒸！我自己最鍾意清蒸！頂角膏蟹，一隻清蒸、一隻籠仔膏蟹蒸飯，各有各特式！特大元貝，是我食過咁多次最大的！勁勁勁大！我最喜歡的冰鎮南非鮑魚！這個要一次過食2隻先夠喉！因為實在太好味！值得一讚係瑤柱蛋白炒飯！有大師級水準，啲飯炒得粒粒好乾身！色香味俱全！天鵝生果拼盤，非常有心思同創意！總括來講！這一餐是我食過咁多海鮮，最新鮮和最水準，時間控制得好好嘅一餐！價錢公道！而且不要搭咁遠車去西貢，流浮山或鯉魚門食海鲜喇！「皇庭匯」旺角店畀咗我一個超美好嘅生日回憶！

每次去皇庭匯飲茶或食晚飯都畀到我驚喜！見到點心紙上寫原隻鮑魚燒賣就點嚟食！嚟到見到之後真係好開心！鮑魚真係超大隻！蝦餃入面嘅蝦好彈牙！腸粉十分嫩滑，他們好細心將腸粉切開！所有點心都係即叫即做即蒸！值得一試再試！環境舒服，乾淨！員工服務態度良好，招呼周到！

皇庭匯嘅出品極具創意同特色！每次去都有驚喜！由其冰鎮鮑魚真係一試難忘，係必食首選！他們將鮑魚切開一口一啖，非常細心！阿拉斯加長腳蟹經過特別製法，能夠鎖住肉汁鮮味，特別鮮甜彈牙！招牌燒鵝賣相非常特別，與眾不同，品嚐隻燒鵝整個過程都可以保持熱度，唔會凝固！