皇庭匯

營業中

休息中

包了間房，擺壽宴，服務差，竟獲告知唔可以轉房間電視台，上菜慢，餸上完，要客人自己分菜，翅是微溫，紅豆沙是凍的。由頭到尾，要不斷起身叫侍應加茶,加飲料。同坐大堂無分別，

昨天中午買一盒燒肉飯，D燒肉只見脂肪不見肉。三十蚊買盒脂肪加飯。太失望了好彩加咗薑葱蓉，唔係就變白飯加色了其實廣源邨已經無野好食，都唔做好D。已經好耐冇幫親佢啦，點知仲愈黎愈差。

今日下午我們去咗「皇庭匯」沙田店飲下午茶！藥膳鷄腳、皇庭匯蝦餃皇、鴛鴦蒸燒賣、特式三皇包、奶皇馬拉糕同乾炒羅漢齋麵！藥膳鷄腳嘅藥膳湯底超級濃郁，味道極之鮮味甘甜，鷄腳非常軟滑同入味！皇庭匯蝦餃皇嘅餃皮相當煙煙韌韌，蝦肉超爽甜彈牙！鴛鴦蒸燒賣嘅蟹籽燒賣肉質好結實同爽甜彈牙，牛肉燒賣嘅肉質好鬆軟嫩滑！特式三皇包嘅叉燒包包質非常香滑鬆軟，叉燒嘅味道相當香甜，奶皇流沙包極之流沙，味道非常香滑濃郁！奶皇馬拉糕嘅糕質相當鬆軟，中間夾住兩層香甜嘅奶皇一齊食，真係好好味！乾炒羅漢齋麵炒得超乾身，唔會有好油膩嘅感覺，麵質非常爽口彈牙，材料亦相當足料！

叉燒包，奶皇包，菜肉包，蓮蓉包，豆沙包，最鍾意食邊款包？我細細過就好鍾意食-麻蓉包。但宜家已經好難係酒樓找到。在友人報料下得知依度有得食，立即過黎會一會佢。當然麻蓉包係今日既主角，第一時間點了佢。等左20分鐘，期待已久的麻蓉包終出現。二話不說就撕開包底既紙，一口咬開，睇睇啲麻蓉咩樣先，估唔到竟然同細過時見過既麻蓉包差唔多樣。皮薄餡多，味道濃郁，口感實在，令人回味。單單一個好食既麻蓉包已經令我計劃下次再黎。

今日上午我們去咗「皇庭匯」嘅沙田店飲早茶！我們叫咗翠瓜帶子腸粉、皇庭匯蝦餃皇、帶子鳳眼餃、椒鹽脆豆腐、脆皮叉燒包同椰絲甜薄𦉘！翠瓜帶子腸粉嘅腸粉好晶瑩嫩滑，帶子相當鮮甜，味道好清新！皇庭匯蝦餃皇嘅餃皮非常薄身，相當晶瑩剔透，可以清楚睇到入面嘅大蝦，蝦亦非常大隻同爽口彈牙！帶子鳳眼餃嘅餃皮好煙韌彈牙，餡料超多，口感非常豐富！椒鹽脆豆腐嘅外層炸得金黃香脆，入面嘅豆腐相當嫩滑，極之惹味！脆皮叉燒包嘅脆皮外層好香脆，叉燒嘅味道相當香甜，包質亦好鬆軟！椰絲甜薄𦉘嘅薄𦉘皮好煙煙韌韌，入面嘅椰絲同花生碎非常足料，但味道唔會太甜，真係超好味！係本人嘅必食推介！