皇庭匯

營業中

休息中

沙田廣源皇庭匯酒樓，房內的女服務人員態度勁差勁👎！👎客氣遞單給她居然冷面搶單👎還不只一次，來了兩次也是這樣！！皇庭匯酒樓有福了，請到「一流」員工！今時今日遇見到此人等，唔知道以為我欠她，要求她呢！！可想而知態度惡劣！味道可以，但食物質素一般，可以有改善空間

話說之前新年一家人想團聚近近地食餐飯，一早book左位諗住試下呢間酒樓，上菜速度同職員禮貌都算正常，但食物材料同味道真係唔太掂。瑤柱豆苗就埋野咁，偏咸；蒸龍躉好細條，又唔係好熟；發菜蠔屎生菜一食就知唔係靚野，就咁就食過一千蚊，點知又貴又唔飽！可一不可再，都係試一次算以後唔好貪方便

第一次買外賣就比佢陰到,真係不知所謂!!!!!!叫左個下午茶,豬頸肉炒河,熱檸茶$42原來外賣唔係劃一加$1/$2, 係逐樣計!(外賣盒每個一蚊),明明野飲係杯!盒野又細盒 打開完全唔見豬頸肉,唔建議大家去食炒粉麵!你去街市買黎加豉油就得啦!

正常一間酒樓諗住食個晚飯，一千走唔甩，都冇所謂啦酒樓係咁嘅價。點知啲野勁唔好食，叫左一碟鴨腳同一碟鮑菇，點知兩碟個汁係一樣味！仲要勁多汁，又一pat pat咁，唔好食！仲有碟豆苗啲汁又係一pat pat啲生炒骨唔香唔脆唔可以話難食，但唔係好食囉成千蚊食啲咁嘅野，唔會再來

以前通常去酒樓都係下面食粉麵,因為小菜經常要等45分鐘以上先上菜,最近見情況有改善,加上食太多粉麵都悶,就多左叫小菜,比酒樓食平少少,亦唔需要茶錢加一3但人叫左3個餸,蝦仁炒蛋滑身,蝦亦大隻爽口唔記得叫咩咩奇味骨,個汁略嫌酸左少少,仲食到d類似似梅粒咁,骨少肉厚,有8大件最後椒鹽魷魚鬚,粉漿好薄脆口,魷魚軟熟,陪襯既腰果亦好好食,脆卜卜,份量一樣好足,有十幾條叫小菜都會附送白飯,湯/熱飲,所以都算抵食~

通常去茶樓只會叫點心食,所以都好耐無食過鳳抓排骨飯啦!今日返工無飯帶,又唔想叫難食外賣,早5分鐘出門口去酒樓買個盅飯,lunch時叮返熱黎食,先要入去收銀比錢買,然後再返出去等伙記拎飯好耐以前係會用鐵兜仔裝住蒸,然後買時先倒落外賣盒,而家換左膠兜直接蒸,有人買就cup返個蓋搞掂,但其實膠應該承受唔到咁熱,仲要係長時間蒸住,如果用鐵兜我仲可以自備飯盒添我記得上次食...好似係有2隻雞腳 排骨都多d點解少左咁多既

酒樓下面間粉麵鋪,通常我都只會食牛腩麵,河粉其實都好食,但係d阿姐次次都整到碎晒,又未熟一餅野咁拎出黎,之後就無再叫今次碗牛腩麵真係算好好,牛腩比得又多,呢度等於平時2碗,一d都無誇張,平時真係少到離晒譜(大概4件),最近街市開左一間食粉麵既,又平又好食過呢度,會轉去果邊食了另外呢度飲品係特別貴,凍飲係要加唔知7蚊定9蚊,所以我係一定唔會飲野...仲有樓面經常有一兩個侍應係唔想做,揮晒手都當見你唔到!

星期六諗住去飲下午茶，一入見到去同個黑衫經理講兩位，佢叫我地自己搵位，入到去都好full下，見到一張4人枱岩岩走左，我一行2人就坐埋去，坐底左無招呼，無人收枱，等左一陣個黑衫經理再次出現叫我地坐埋一邊，因要搭枱，但當時無客，因為朋友拿住一個大紙袋放在一張凳上，我地亦都坐埋左一邊，黑衫經理繼續呼喝我地坐埋一邊，並且吩咐其同事唔好開茶俾我地，我地感到有點過份，打電話到皇庭匯，接線電話位小姐指要了解一下，如是者我和友人等左10分鐘，無侍應再埋過我地張枱，再打電話去問，接線小姐再表示要了解，我和友人都等到不想再等，走到門口問收銀姐姐有無投訴電話，收銀姐姐表示沒有，再問有沒公司電話，通通回答沒有，友人跟我都已經氣炸了，沒有跟他們再說就走了，後來再打電話到其他公分店得知，店長已經是最大，投訴無門，絕對不會再去！

我朝早阿媽飲茶，點左一籠蒸蘿蔔糕，山竹牛肉，鳳爪排骨飯，腸粉，15分鐘後，除左蘿蔔糕，其他野食都來左，咁我就問個女侍應，可唔可以幫我追個蘿蔔糕，點知個女侍應話：我唔識追，俾張點心紙你自己寫上去自己追！我即火都來埋，問另一個著西裝既男人，佢d同事咩態度，但係態度好似唔在乎咁，所以我即刻寫呢篇食評上來

因此酒樓在家樓下商場，其實呢間服務一向都差，今次忍無可忍。有位入內坐下，一邊食客有藥味，另一邊2個小朋友勁噪，我問職員想轉枱，佢就勁差講“咁……你出去攞過張飛”，我問佢“攞個張??”，佢再差多 D 態度講“你唔坐未出去攞過第2張攞”，我即時鬧爆佢攞過第2張即係重新排，同門口職員講又係另一回事，佢仲仍鬧。另外，炸嘢是不能食的，因又淋，又油咁。所以一句講，一肚氣，嚟10次有一半個要勞氣

肉肉餐今日病病地，練歌前唔想食麥當勞，去左茶樓樓下一枝公食。諗嚟諗去唔知食乜好，見到人點燒味，我就跟住叫豉油雞燒鴨米粉，無米粉之下，要了米線，加個熱杏霜。這裏好好咁將米線同餸分開的，餸上仲送左薑蓉！米線湯底清清地又有味，唔會好寡，上面有幾條生菜，相當貼心。 之前同朋友仔來食燒鴨係幾好味既，今次差左，肉質有啲鞋，無之前咁香，可能同之前食既部位唔同有關係，不過就夠肉地呢☺。 雞就重甜甜的豉油，唔會一味死得個咸字，都係厚肉，而且入味，帶少少肥膏，增添香味。碗米線好夠熱，食時放啲肉落啲湯度，啲肉熱啲咁食之餘，又可以洗吓肉啲醬油，始終唔好食咁咸好啲，無咁唔健康嘛。(因為食咁多已經好唔健康了😄)

我係一隻好驚一個人的monkey,包括睇戲，買野，食飯。 但係有時唔係你話唔想一個人就有人陪你，一個人就食簡單啲吧。上次食過依間啲叫餸食飯同燒味都幾好食，今次就試下佢既湯嘢，叫左酸辣湯米線-中辣。我叫的係腐皮同豬潤，兩樣都十分新鮮，腐皮唔係好大塊，但份量多到一個點而且仲好厚，啱曬腐皮愛好者！豬潤剪到細細塊，容易咬，又唔會過熟而實的的咁！一碗麵來說，大家話湯重要啲定麵重要啲？我就話兩種都重要， 個湯十分夠味，酸辣味主要係酸菜煮出來的味，夠酸夠咸，同埋有少許麻味，米線較幼身，無煮過龍發脹咁讚同一碗美味又夠份量既米線晚餐做朋友，都唔係咁難過啫第日唔洗成日食麥記咁dry了！

同一世貢獻飲食業的大廚老豆 嘴刁到飛起的媽子 家族飯聚食材新唔新鮮 有無真功夫 無所循形 肉類不太新鮮 只有乳豬食得下 乳鴿同炸子雞肉霉無咩味 蒸魚可以的抄小菜部分ok但考真材實料的炸蟹鉗個d就一食就知溝左好多粉 還我蟹肉！紅豆沙水還水 沙還沙 豆殼浮浮 疑似溝水 其實全家都做過飲食都知道當客人話要送糖水 而廚房煲隔了夜夜夜夜的糖水終於見底 係會點做 只能唱返句 別怪她~別怪她~怪就怪講漏左得兩個人食最驚喜的是壽包 皮薄蓮蓉靚有少少蛋黃 正

晚飯9點幾叫咗個孖寶$168，黎左半隻雞，10點左右想加單話無，好似唔想做咁，之後又想叫我埋單先，我話仲有個鮑魚未到，搞完一輪又話無鮑魚，無孖寶，咁唔早講，魚缸D鮑魚齋睇架？咁都算啦！我地食得半隻雞就要埋單，半隻雞收$68，埋單$108，我覺得好唔順氣，指住張單話「孖寶$168，鮑魚散叫$108，半隻雞應該收$60，你地自己做錯，仲要焗我地俾個貴D個價錢，我覺得自己好似中伏囉⋯⋯唔會再幫襯」侍應求奇敷衍我2句，個唔知乜經理定老闆就大魚大肉同個女人飲酒食野，一D都唔識做

好耐無響依間食店食野了， 因為之前入親嚟都會有陣酸縮味，食嗰陣都唔安樂。上兩個月發現這裏裝修了，今日就同一起練歌的同伴去試。原来點餸的款式不多，只有一張紙咁多，不過都係大路嘢。燒鴨(例版)一入餐廳時已見到啲燒味幾靚， 脹卜卜，所以都有衝動點。 依碟燒鴨份量充足，唔只得個樣，雖然個皮唔太脆，但好多件頭都肉厚，鴨味很出，肉都夠鬆化。翠肉瓜炒牛肉翠肉瓜切既成長條型，牛肉切得咁薄又唔肥，無論翠肉瓜定係牛肉都很多，又唔會好咸。生炒骨好夠脆，炸粉唔厚，汁料味道唔太酸，配料例如青椒，洋葱等都很新鮮。每叫一味餸都會送一碗白飯同一杯飲品，十分抵食又幾好味，下次再嚟食。