皇廷大酒樓 (已結業)

午市點心.方便妹, 來了合和食.都係一般點心午餐.媽要飯, 冇飯唔"飽"...所以叫了一個义飯.點知一上, 义燒的鼓油係生抽, 咸到爆!完全冇蜜味.唔得呢...妹的楊枝甘露"瓊"左!!!!其他點心都ok, 服務唔得, 人手唔夠.唔會再黎.

之前同屋企人係新年前食過一次晚飯. 諗住佢話哂集團唔會差得去邊.點知真係好差. 個日叫左半隻雞, 炒斑球, 一個小菜煲+白飯. 除左個煲之外樣樣都凍, 半隻雞好咸. 服務更差, 叫加水成日都無人理. 其他枱d人都發哂脾氣. 結果埋單只俾幾蚊貼士齊頭就算.今次一大班屋企人食飯. 食物算好少少. 點知埋單時出事喇, 有個經理黎埋單之後走左, 之後有個侍應走埋黎問邊個人埋單, 跟住同埋單個個親戚講問佢攞幾十蚊貼士, 又話係公司規矩一定要俾. 我親戚費事同佢嘈就俾左幾十蚊cash佢. 其實我都唔知個個侍應有無自己袋左. 呢件事好離譜, 點會諗到有人兜口兜面問人攞幾十蚊貼士, 而且個個侍應唔係負責埋單或serve我地,點解會由佢問. 如果係個經理開口都可以理解, 因為佢負責埋單ma.最後想問大家, 係咪真係有規矩一定要俾幾十蚊貼士咁多? 我地已經俾左加一服務費啦,就算俾貼士都只係會十蚊八蚊. 講真以佢地d服務黎講十蚊貼士已經俾多佢.

未試過咁火!!1)一坐埋位,點心紙都冇,叫左幾個侍應先拎到一張出黎!!2)等左九個字先有野食,我地寫字樓放飯一個鐘ja!3)最尾陣係黎左一半野食,結果我地叫埋單,點知埋單埋左十五分鐘都冇人黎,4)出去同佢理論,佢地怒視番我地轉頭!仲話"咁部機有事,我地唔想嫁嘛"是日搞到我地返公司遲到,檯檯都嬲住走!!仲要再嗌外賣食!全香港真係諗唔到有邊一間酒樓的態度可以差過佢,(((((麻煩openrice一定要幫我張貼呢張食評,我們發誓沒有侮辱、挑釁、捏造事實誹謗他人或人身攻擊之內容,我們所講的全部都是事實!!)))))以免無辜的人客呆等,要知道寫字樓地區,冇可能野食都黎唔到,除非大家有三個鐘頭放飯時間,同埋唔介意離譜咁差的服務態度,如果唔係千祈唔好幫襯!!(是日陣係食左$60,因為d野陣係黎左一半)灣仔區一公司仝人

前幾天星期日,諗住本身想去皇上皇食,但上到去先至發覺原來已經冇左,只好選擇這間酒樓食,大中小點一律同價都幾好,不過要搵侍應時有時都會感覺好困難,態度又唔係太好......不過講食方面,叫左珍珠雞,燒賣,兩碗粥,腸粉等等......味道幾好味既......不過唔知那間店的侍應係咪唔優冇得做,佢地真係有幾個做野真係實在太馬虎啦......,這難怪很多人對這間店不太滿意的地方就是這樣吧

６／１２／２００７　晚ａｎｎｕａｌ　ｄｉｎｎｅｒ唔想寫太多浪費自己時間１）　服務十分之差，叫待應做少少野推三推四２）　環境好唔得，唔適宜攪多於１０圍的聚餐。３）　野食一樣唔得～份量唔夠～ｄ野又唔新鮮～好彩　　　食左串魚旦先黎４）　價錢唔合理，平日都要成＄２６８０一圍，但就　　　無咩野食～搵笨

外公每年生日都會在東園擺番兩圍。不過今年東園full左，連東園金閣都爆埋，唯有搵個另一間啦！因為外婆行動不方便，所以不找太遠的，就近近地選了皇廷。雖然只擺兩圍，但地方就俾到好大，有點誇張。大概是沒有客人的原因吧！吃飯之前長輩有的打麻雀，有的唱粵曲，各自精彩，基本設備算是提供充足。不過，當老人家表示冷氣太凍，問有冇披肩時，侍應竟拿出台布來代替披肩，似乎有點不對板。時間差不多，準備埋位。單看餐具已覺得好搞笑，相信是七八十年代屋村酒家所用的。照例先來乳豬全體，豬頭肥大，身就好小，不合比例。嘗一口，肉韌皮不鬆，是難得一見的低水準作品；翅，水多又有肉絲，但真正的魚翅就好難搵到；魚又蒸不熟，中間那部份全不能吃，不過隔離台的那條魚就老個我阿婆，認真吹賬。不再詳述，反正其他食物都是中下水平，講太多都無意思。服務方面，可能始終係擺酒，不算差得太離譜，但當然稱不上是好。唯一可取，價錢真是便宜。

嘩~折墮d 講一句，真係好耐無食過咁難食的點心。今日星期日同家人去上述酒樓飲茶，兩點十分去到，見佢無特價下午茶都諗住試下。一入到正門，一望已經覺得唔對路，只開了一個大廳，佢只坐了一半人，得大約十張"木台"，心想就算無下午茶特價都唔駛咁少人啊?!叫點心。個墨西哥奶皇包好難食，個墨西哥皮唔係好熟，仲濕濕地o架，一咬落去散哂，勁驚.....蛋撻仔的蛋深黃色的，唔知佢係用o左蘇丹紅雞蛋，定係咸蛋黃的蛋呢? 仲有ar, 個蛋和個皮分分地開，好明顯地係唔新鮮的。仲食o左個素菜腐皮卷，超油，塊皮又唔脆，我家姐仲話d 餡有點"宿"，我唔覺"宿"，但一d 都唔好味。叉燒包有不明黑色硬物，應該係燒了焦的叉燒。雲吞OK啦。鮮蝦雜菜餃的皮比粉果的皮還要厚，my god!!!仲食o左個鯪魚肉燒賣，熱辣辣的，算係最好食的一個點心，都咪話唔灰!!!

本來我們一家人都係這酒樓的熟客,每個星期都會去, 長輩話平低食可是最近用一d特價手法欺騙客人本來這酒樓特價時段是\'全日\'不過這幾天改了時間只在十一時前當時我們叫點心時, 男職員說改了特價時段:\"你們要十一時前落單叫點心先有特價\"之後長輩同我們講返轉了特價時間好彩她們早了到叫了點心給我們孫仔結果在結帳時,這酒樓出了張$150我們正要付錢時,他們職員再給我們多一張單據說:\'剛剛那張百多元是我們出錯單, 你們在十二時結帳應該是給正價三百幾多元正!!! 我們白紙黑字寫上那牌(細到都唔冇3mm)\"當然我們老中細三代一齊大叫被欺騙,老一長輩說:明明那位樓面說只要她們在十一時叫點心就冇事, 我唔識字你們說我聽中一代長輩吵:唔係付多三百多元的問題, 點都唔會付款, 甘你們一分鐘前給我的一百元的單,一分鐘後又給我多一張單, 什麼道理??幼一代後輩:唔好吵了, 他們態度差到極,我付款好了, 不過你們酒樓一張檯出兩張單,兩張單都要給回我們(因當時員工態度好\'串\',而我們想向他們說道理,但有一位部長走上前,好似我們全家對著空氣大罵)另一位後輩:他們電腦出的第一張單都是一百多元, 我們付了一百多

(9/1)Foreword:May the joy you share on your wedding day, be the kind you'll share all along life's way.　　當然這段婚約的主角當然不是我，相信我那段的男女主角還沒有相逢，這是某位親友的盟結良緣之喜。我曾猶豫應否與9527一起前往，惟恐親友的誤會，但仔細想過後還是與他一起前往，只因他聽了我赴喜宴後坦誠地說：「其實……雖然我並不了解男女婚約的一回事，但我想了解港人喜宴的情況。」竟然他抱著這種心情，我又於心何忍呢？　　接下來便是他的置裝問題，他連忙地說：「這當然不是問題，你還不記得我是來自diupfujf嗎？」他以異能換了一套英式tuxedo，我嚇了一跳，只因他的俊俏外貌配合了筆挺的禮服，足以令不少女子趨之若鶩，但他來自diupfujf的事實，足以令我清醒，我隨後說：「其實我倆不是出席西方結婚派對，tuxedo暫不適用，smart casual便可。若你以這身裝扮，有點喧賓奪主。」結果他穿著了近似Paul Smith款式的服裝前往，保留了不少英氣。　　設宴的位置頗寬敞，大概有二十席以上，佈置

唔知發乜瘟有新王朝唔去o黎呢度，話哂皇上皇集團，但點解中環好食得多？待應招呼不好不差，環境當然不可以和樓上比較，食物就，除了個粥外，冇乜邊樣似係自己整，食物又不致於冷冰冰，但係樣樣的味道都不及人。但埋單每個人都只係$25（未計貼士）一句講哂，除了平，一無可取。這樣的價錢，可以消磨幾粒鐘，又比茶餐廳抵喎！

因補拎准考證,所以去了灣仔.和表妹都想飲茶聊聊天,2點後大,中,小點一律$9.人不太多,可能是weekday,而且在灣仔,這個時候都過了lunch hour.total點了5籠點心和一個甜品,甜品- 楊枝金露,難食的很,不建議選擇.其實點心都很好!但茶水不夠熱.但值得一試.

與同事來吃午飯。點心的味道不錯，最好味的是叉燒腸、蝦米腸、蝦蛟、鮮蝦豆苗餃，燒賣、馬拉糕和鮮竹卷ok。環境不錯，但服務一般。價錢太貴。

合和中心共有三間酒樓，呢間食物質素最差，所以如果與同事飲茶，大家絶少揀此間。過去兩年公司也在此攪春茗，由於大家都不滿呢度食物，因此公司今年也不再在此攪春茗了。

復活節假期抽一天時間約埋表姐一齊去探外公。上到外公屋企唔夠五分鐘，就去飲茶。佢提議行去皇廷，當係散步。咁老人家都話行，後生既都冇理由唔行啦！沿住堅尼地道一直行落山，行到身水身汗，終於到達。假期既食飯時間竟然得好少人。或者外公是熟客的關係，侍應安排我們坐入房。坐落開了茶，做後輩既當然把menu交給外公由他發板，佢就點了幾個點心和最喜歡的干炒牛河。點心分別是牛肉、韮菜餃、鳳爪以及油菜。幾個點心冇樣掂。牛肉好散好古怪，亦唔好味；鳳爪明顯係雪藏貨，無鮮味可言。韮菜餃既皮好厚，餡料唔多；連最基本既菜心都太硬，仲有"渣"，水準真係低得徹底。至好係個碟干炒牛河，起碼夠味道，但亦唔稱得上係有水準。埋單幾十蚊，真係幾平，不過就食唔到好野。連外公都話，呢間野得個平字，但食物比起近灣仔地鐵站間東丸就差好遠。

Poor food, poor service, not professional, indecent environment, dirty toilet, angry face managers.