皇廷大酒樓 (已結業)

教會聚餐通常都揀這裡﹐因為在教會附近﹐價格亦算相宜。不過食物及服務通常都是非常不到水準。昨晚我們教會又有聚會﹐依慣例的又是這裡喇﹐服務就一貫的不到位﹐真的以為自己在大陸了﹐你有你講﹐她(侍應) 有她的堅持。講多都費事﹗但是食物卻有進步啊﹗不是十分好吃﹐起碼不再難吃吧﹗先來的白灼蝦挺新鮮﹐不像以往那些甩頭的﹗那個酸甜排骨是有點過甜而酸度不足﹐不過值得讚的是他們沒有像很多酒家用那些肥豬肉來炸﹐而是用一字排﹗其他的菜都是不過不失啦﹗

今日學校度攪春茗,一入去覺得環境唔錯,上菜時間亦非常恰當,侍應服務得幾好!!食物味道幾好,春茗都係食果d野ga la,冇咩特別,鮑魚生菜,瑤柱蠔豉都好好足料~個翅又唔會好似我以前食果d咁鹹,總括來說算不錯了~

老實說,我咁大個人去飲喜酒,最難食同服務最差都萛係呢一間, 雖然係去飲同事的喜酒,不過我都不希望有下次一再來(尤其喜酒),因為係呢道擺可算是失禮至極,我不知婚宴套餐係幾多錢一圍, 如果係一D都唔平,就真係要諗下會不會在呢度擺了!!!!而我有D 朋友都係食過皇上皇集團D酒樓食物(包括去飲), 都係一致認為差！失禮！但係食物真係好難食,拍得住一般屋邨酒樓(即係從來不用等位又少人去果d),服務? 上枱食物只放側邊(一般服務好的都應該放係轉枱中間),"針"酒個侍應又唔好態度,四圍望,仲要"針"到我地叫停先識停(結果? 梗係倒到成枱都係啦),個禮堂係好大無柱，不過比賓客坐既張枱超細,明明只夠坐十人,卻當十二人枱咁坐,超迫!!!!!!!!!!!鮑片係去飲必食, 但係一般都係啡色，食到橙色都係第一次，翅？係各人的碗內完全找不到，食到最尾．．．．．生果．．．橙，大家都以為好甜，點知個個食到盲公開眼咁滯，酸到.......... >.<

今日我同班同事去呢間野飲茶, 一去到叫我地自己入去, 又吾理我地, 好不容易搵到位, 又吾比卡我地, 想叫人落點心order, d人明明行過又扮睇吾到, 終於見到有個女人, 叫佢, 佢應左, 點知行行下過黎, 比隔離檯d人叫佢,佢竟然可以理隔離張檯, 之後就走左去, 甘之後我地再叫番佢啦, 佢都可以黎到, 然後再走左去隔離張檯講野, 完全當我地冇到, 我地叫經理黎,同緊經理投訴之際, 個女人竟然陷咀叫經理理隔離張檯, 真係嬲到我地個個飛起, 個經理都係事旦甘say下1,2句sorry, 就走開左, 但個女人仲笑笑口, 一d悔意都冇...呢間野真係不知所謂, d 野食又吾係十分好, 油到死, 又吾係平, 服務又甘差...我真係勸你地以後吾好幫趁佢

之前公司0係度搞annual dinner,有歌星表演,有獎抽,氣氛唔錯,但食物就一般...間酒樓都算大,做annual dinner來說,佢個hall都算新算靚,似似地酒店.當晚成9點先有得食,先食燒豬,都唔差,燒得几香口几脆,再黎几個菜,水準都係一般,好似炸蝦球咁,唔知點解同埋甜0既炸鮮奶一齊上,蝦球好韌,冇咩蝦味,反而炸鮮奶ok,但冇糖俾人點,淡0左d.炒西芹帶子,但唔知點解肉片最多,帶子好細粒,d帶子裙仲大d...炸子雞好肥,好多肥肉,而且脾位仲好多血,要嫩都唔洗生成咁...個翅不知所謂,一d翅都冇,仲差過街邊碗仔翅.有個菜係炒小鮑魚,呢個几好食,個鮑魚殼就放0左蝦肉入去,再, 齊炒,味道唔錯,d鮑魚仔新鮮唔韌.甜品係水晶包同芒果布甸,話時話,酒席甜品上芒果布甸都几奇怪,不過味道唔錯.水果係一盤橙...冇人食過,冇刀咩都冇,唔係人人都識就咁剝橙皮嘛...結果佢地又係收番哂d橙...呢度服務一般,勝在環境唔差囉...

如果係灣仔重有好其選擇,唔洗去這間酒樓飲茶事緣因為冷氣太凍,所以茶好快凍,我叫個男仕應換過熱水,他話重暖,好似不想換,我話凍左點飲吖,他先肯換,現在咁既服務態度重有得出現,間酒唔執笠已經好好彩,另外,d野食質素好差,屋邨酒樓重好過他,如果係灣仔重有好多選擇,我會推介榮華和龍門,雖然地方舊,雖野食勝在有質素.

事先講明，這個食評是寫合和城皇廷的。今日下午同班舊伙記飲茶，不知怎的落好大雨，所以就近近地來了呢度飲茶。十二點搭十坐低，剔左點心，等到一點搭二仲飲緊茶，點心一籠都無來過，就叫個侍應追追；十分鐘過後點心仲未來，又追；一點半，忍無可忍，同個侍應講，我地實在等得太耐，要走。一粒米都未落過肚，咁谷氣當然唔會俾茶錢，係一起身就走！最奇的就是，過程中完全沒有人理會我們。呢間究竟係咩酒樓來的？俾分只有服務一欄作準，因其他不知怎比分。