影片
更多
2009-08-09
92 瀏覽
見到報紙有買一送一的coupon咁抵，所以約同朋友一齊試下，尖沙咀嗰間嚟緊兩星期都滿座，真係誇張，咁咪試下呢間，星期二打電話問星期五居然都仲有位，即刻訂位，之後上嚟openrice諗住睇下其他食評點講，點知居然冇人讚，真係嚇親，好想唔嚟食，不過問過其他地方都冇位，唯有照食啦！地點就真係唔多方便，唔近地鐵站，天后出站要行幾個街口，仲要响垃圾站對面，真係有啲唔開胃。上到去地方唔算大，樓底唔高，不過佢哋位與位之間有足夠空間，呢樣都算抵讚。成個場ge環境好簡約，個洗手間都幾特別，男女洗手間道門係自動門，不過女洗手間道自動門好似壞咗，搞到好似好open咁，入面整到好似好大，原來得幾格。食物方面生蠔就當然冇，不過就有熟青口同扁貝，魚生只有三文魚，冇壽司供應，其實都冇所謂，就算平時食自助餐見到有都未必攞嚟食，不過佢都有唔少凍肉供應，如煙三文魚、巴馬火腿、鵝肝、鴨胸、燒牛肉等等，沙律都係基本食物，雖然唔多選擇，不過朋友話都幾新鮮，熱葷樣樣攞少少都有一大碟，其中雞翼最好味，其餘每樣食物都唔錯，未至於唔入得口丫。甜品選擇都唔少，蛋糕都有好多選擇，其中最好食係朱古力蛋糕，芝士蛋糕係日式，唔係好濃味，對我呢個
地點就真係唔多方便，唔近地鐵站，天后出站要行幾個街口，仲要响垃圾站對面，真係有啲唔開胃。上到去地方唔算大，樓底唔高，不過佢哋位與位之間有足夠空間，呢樣都算抵讚。成個場ge環境好簡約，個洗手間都幾特別，男女洗手間道門係自動門，不過女洗手間道自動門好似壞咗，搞到好似好open咁，入面整到好似好大，原來得幾格。
食物方面生蠔就當然冇，不過就有熟青口同扁貝，魚生只有三文魚，冇壽司供應，其實都冇所謂，就算平時食自助餐見到有都未必攞嚟食，不過佢都有唔少凍肉供應，如煙三文魚、巴馬火腿、鵝肝、鴨胸、燒牛肉等等，沙律都係基本食物，雖然唔多選擇，不過朋友話都幾新鮮，熱葷樣樣攞少少都有一大碟，其中雞翼最好味，其餘每樣食物都唔錯，未至於唔入得口丫。
甜品選擇都唔少，蛋糕都有好多選擇，其中最好食係朱古力蛋糕，芝士蛋糕係日式，唔係好濃味，對我呢個芝士迷當然唔多夠啦！比較特別係佢啲蛋糕全部切得好細件，可能有啲人覺得酒店好小家，但我又覺得幾好，細細件可以試多幾款唔同味，總好過大大件攞埋位但又食唔哂，總觀甜品加埋蛋糕都超過十款選擇，都食得幾滿足。生果就只有西瓜同火龍果，選擇雖然少啲，但都幾甜，如果有埋雪糕就最好喇！
飲品方面，熱咖啡、奶茶、檸茶、檸水全部自助式，飲多幾杯都得。
呢度一個幾大特式就係用好多細碟仔放食物，咁樣都好，唔駛等啲人攞嘢食攞到好似打完仗。
值得一讚的就係侍應服務幾好，收碟速度都好快。
整體上如果原價$288.00一個人就當然唔抵食，但以買一送一價埋單每人唔駛$180.00嚟講，都算係咁啦！
張貼
