皇朝漁苑 (已結業)

這是我第二次來到光顧，上次是坐着面對海景的座位，今天實在太熱了，所以我和家人坐在有冷氣的座位。上次就是看着這個海景吃飯呢。牠在午餐，我也在午餐。我們三人，點了很多不同的點心，當中也有小菜。黑松露蟹肉鮮蝦餃，蝦肉彈牙。蜂巢香芋角，酥脆但油膩。話梅燒雞翼，本身期望很高，但後來發現只是話梅汁。XO醬煎蘿蔔糕，比其他酒家更多蘿蔔。黑松露雜菌腐皮卷，這個是mvp，平庸的外表，內有乾坤，我最推薦來到必點！3個人吃，埋單$688，很飽很滿足。 環境乾淨衛生，設有泊車位，也可攜帶寵物。除了室外間中有蚊，整體不錯。

假日與兩老遊下車河，搵個地方飲茶，以前住大埔對大埔有份特別的感情，一于去三門仔飲茶順道入大尾篤兜下。之前跟友人來過皇朝漁苑，所以知道酒樓有提供泊車位，方便曬。下午茶時段，等了數十分鐘，安排了室內冷氣位。如果喜歡室外或帶了狗狗，可考慮室外，遠處有海風吹送，都唔錯架。這裡的食物味道算中上，難得也有較多懷舊菜式，適合兩老懷緬一番，價錢也屬中等價錢，老遠來到三門仔，什麼價位也值一試吧？！嘿嘿總結：整體食物不錯，喜歡懷舊點心，這裡是一個選擇，另外酒家晚市也很受歡迎，因有即燒乳豬、燒鵝，想食就先預定比較好，不然會有機會落空。下次會想和家人再試下晚市海鮮、小菜！讚👍🏻

今晚係大埔三門仔路「皇朝漁苑」食晚飯。呢度最吸引嘅係有即燒乳豬，可以現場睇住師傅燒。燒好就比另一位師傅即摲送上枱👏🏻👏🏻👏🏻👏🏻👍！乳豬入口香脆熱辣，肉質嫩滑，味道醃得剛剛好😋😋😋。其他菜式都做得好有水準；滷水鵝片、無花果酸甜排骨、蒜香炸魷魚鬚、上湯魚肚浸勝瓜、冬菇方魚炒時蔬、欖菜蝦仁炒飯。碟碟味道都做得好好味。單尾甜點；紅棗糕同馬拉糕仲要係完全無得輸嗰隻🥰🥰🥰😍😍😋😋😋😋超鍾意。

嚟到大埔嘅三門仔，有間叫做皇朝漁苑，有停車場🅿️夠曬方便。有室水同户外座位，今日天氣好舒服，我當時選擇咗户外啦，環境一流，服務態度非常好。我叫咗個二人午餐，我已經係常客，點心一流，我最鍾意食嘅係花甲，個凍食花甲真係好好味😋

唔講唔知，原來大埔都有一處隱世既地方好似鯉魚門咁，叫做三門仔漁村🏞。係大埔墟站搭74k巴士就會去到三門仔～一落車就見到有風景同船🚤，好靚，如果日落之時來到一定影到更靚既相！是晚同大伙兒來到皇朝漁苑食晚飯🥢第一道就係燒乳豬拼蜜汁叉燒，特登去左睇師傅烤乳豬既過程🔥果然真材實料，唔怪得乳豬皮脆肉嫩啦😋蜜汁叉燒都好好味呀！..滷水鵝肉拼盤🍱 有鵝肉、豬腩肉、蛋同豆干，配埋酸醋，好味又清新！椒鹽鮮魷🦑好惹味！搭配避風塘料，好正！..有道咕嚕肉好特別，裡面除左有常見既菠蘿，仲有無花果！真係勁驚喜！未試過咁樣既配搭，出來既效果又唔錯～..想講碟炒飯好好味，有蝦同帶子，仲有黑松露同胡椒，食落真係好惹味🤤..成餐都食得好滿足！

假期一大班人行完山就去了皇朝漁苑食晚飯，有室內和室外座位，環境幾大幾靚，看日落一流。食燒烤乳之前，還可以觀賞到師博燒乳豬的過程tim💜燒乳豬燒到剛剛好，皮脆肉嫩，好好食。這裡有黑啤飲，黑啤同啤酒都好大杯，正。炸鮮魷好好味，炸到金黃色，好脆好香，送酒一流。食物和湯有Home Feel。有肉有菜有湯有酒有甜品，真是好豐富好滿足的一晚。🥳還見到有人在這裡慶祝生日。

突然被告知不用上班無所事事於是乎帶埋愛犬到三門仔飲茶呢度環境非常好而且仲可以帶埋狗仔入來即使坐室外環境都唔會太熱仲有超級無敵大海景入到裏面見到師傅喺度燒緊乳豬燒得非常靚於是乎即刻叫咗一份果然係外皮酥脆可口肉質嫩滑而且調味做得非常好唔會太咸有別於一般出邊食嘅燒乳豬五星好評再來係椒鹽魷魚酥味道非常好夠香不過由於魷魚鬚大小不一所以有啲細條嘅過咗火老左4星蜂巢炸芋角外層酥脆內裏綿密可惜芋頭味唔係好夠同埋有啲油膩3星皇朝腸粉王蟹籽燒賣XO醬蘿蔔糕蜜汁叉燒包基本點心冇乜驚喜之處味道都不錯4星鵝肝帶子龍鬚卷一舊有成粒帶子係入邊口感非常豐富鵝肝味稍嫌不夠4星原隻鮑魚魚翅竹笙灌湯餃湯頭非常鮮味有成隻鮑魚係入邊仲有魚翅唯一係個餃皮太爛所以扣左分4星最後嘅係甜品軟滑紅棗糕呢個真係非常之驚喜估唔到個軟滑紅棗糕真係咁軟滑在配搭埋陣陣紅棗清香真係一絕五星好評最後埋單九百幾蚊4個人價錢屬於偏高但以環境，服務和食物質素來講真係都算值而且呢度周不時都會有明星嚟食有興趣嘅朋友記得來試

主要想提醒大家 門口有個短髮姐姐，非常之看低人，我們一家5口經朋友介紹去到 個日係禮拜日，中午1點左右 ，到達門口個姐姐問有冇訂枱，我地冇訂，佢個d眼神好鄙視😒，然後好冷嘲地講左句，咁你等下啦！過程個d眼神都可以殺死人，（佢眼神由上到下打量一番，然後好藐視地厲住我地，後來就好冇禮貌叫佢同時帶我地入去（用個菜牌yap我地入去）不過茶樓內既姐姐完全係兩個世界，我只想講 大家都係互相尊重 你咁睇唔起人 你大可以寫名 或者講名不招待冇訂枱既，不招待看似窮人的人，講清楚我會知趣離開（可能因為附近d豪宅人食開都有訂枱）外面去既人唔識規矩！我唔覺得自己去食嘢大曬，我第一次去唔知要訂枱 但係你可以拒絕我地入去食 ！不需要看低人 我食飯唔係唔比錢 何必咁樣藐視人 你開在豪宅區 唔做其他人生意 可以講明 其他客人會識趣

雖然位置唔方便，但這裡的環境靠山面海，風景怡人，週末來呼吸一口新鮮空氣是一件賞心樂事餐廳分室內外，室外有帳篷遮蓋，又有多把風扇，唔怕曬又唔怕落雨坐室外雖然熱少少，但可以帶著小毛孩已經很感恩蝦餃皮薄餡靚珍珠雞略咸燒鵝好入味，略肥同多骨蘿蔔糕配XO醬不錯的哦這個飽魚汁麵好好味呀～花甲很新鮮，無沙，蜆味十足福建炒飯材料豐富，雞蛋炒飯底，仲有鮮蝦添！炸墨魚餅雖然不是很脆，但墨魚肉很彈牙總結: 環境幽美，地方偏僻，有免費泊車位，適合駕車人士。食物味道好，收費貴一點，但可以帶狗狗共餐，加分！

星期六一朝早要翻工隨手打左個電話俾好耐無見既老人家老人家又即刻答應😝😝😝 仲話自己搭車入黎大埔join我添 真係醒目😊😊一場黎到 梗係帶老人家食好西啦男朋友提議揸車人三門仔飲茶甘當然舉腳贊成啦🤤🤤🤤 平時無車入好麻煩架星期六下午無book 基本上好full 我地只獲安排外面位置 不過當日天氣晤錯 有少少風 都接受到呀😁我地叫左8碟點心最impress係原粒鮑魚燒賣40蚊一粒 我本身覺得貴食完覺得真係名不虛傳 好正鮑魚燜得好冧 下面既燒賣豬肉同蝦既比例剛剛好 真係好好味傾下食下 都晤記得要影相了老人家食得好開心 不停話景色好靚 食物好食我都好開心 今餐埋單接近900蚊但自己搵得到 家人食得開心 係最滿足

我地一共五人訂枱，七點食飯，到達已經八成滿，提一提大家，飯廳冷氣幾凍，記得帶衫保持體溫今晚壽星公話事，點了套餐B海鮮羹，蝦同帶子既鮮味挺突出滷水拼盤，由於套餐關係，份量比對單叫少。拼盤之中，大腸最入味，蛋切得太細，一雙蛋切成八件，試唔出滷水真味。香芋鴨，芋頭與鴨配合得好好味，即使係油炸，一點也不肥，非常酥脆！香麻雞，麻辣雞上面既醬汁做得好香口，即使攪亂一齊食，唔會覺得辣，或者麻。聖子，我第一次食聖子要用刀叉，服務員送上餐具都吓一吓。聖子剛剛熟如果粉絲多多少少更好。沙巴龍躉，剛剛熟，魚肉好滑炒飯，有少少黑松露既感覺，加入蒸魚海鮮豉油一齊食甜品，黑芝麻由於壽星公關係，訂了六件壽包，好事成雙，希望壽星公心想事成🎉🎉最後甜品鬆糕，祝願壽星步步高升

25/5/2019 星期六，天氣唔穩定，預告又話落雨，但係又想飲茶，於是揀咗呢間位於三門仔，風景優美的食店。我最喜歡地方坐得舒服，食物要睇得又美味。知道呢度馳名新鮮燒烤乳豬，果然名不虛傳，皮脆肉嫩，爭著食。仲有 原隻鮑魚燒賣，好食好食。呢度仲食到好多酒樓都無整嘅 芋角，好有芋頭味，大家爭著食。其他點心都好有水準，真係值得由市區揸車入嚟大埔三門仔飲茶。呢度有地方泊車，好方便。

星期日準備食餐好，復活節假終於完了，於是在六點前訂位， 要求坐近沙發位， 到步之後我哋坐了入邊，而且有梳化位置，完全不用再等待。我哋響餐牌上面選擇了多蔬菜少肉的食物，分別有豆腐蔬菜鍋，蔥花炒豪仔，皇朝鴨以及咕嚕肉。最令我哋一家都覺得有特色嘅係皇朝鴨，佢嘅食法有啲似扁皮鴨，職員會將鴨變成肉碎，然後配以蔬菜或包皮，讓我地可以好似扁皮鴨一樣卷成一舊嘢食。唯一可惜嘅係鴨炸咗之後變得好干，影響味道。餐後有甜品送，分別係蘋果雪梨和紅棗水，甜品比較清甜。由於餐廳人數少，我哋覺得服務不錯。

香港唔多食肆歡迎寵物，當我地知道呢度歡迎狗隻，我地就改為去呢度飲茶首先，呢度大把位泊車，唔需要等位，又近飲茶地方。 有好多點心選擇，最驚喜係有椒鹽豆腐同天鵝撻！唔算好好食，但個樣好得意。其他點心都ok，响同區相信叫好啦。最好係個view 同環境，好舒服好開揚，最開心係可以帶狗去，大家都開心。好多人話佢地服務態度奇差，好好彩，我去左幾次都無乜嘢，打算會試下晚餐，聽講佢地晚餐主打海鮮。 好希望香港會多d呢類食肆，雖然價錢較高，但環境真係好呀！

周六天氣晴朗 藍天白雲 帶狗仔來三門仔皇朝飲茶 有私家停年場 坐在露天座位 見到有師付現場燒乳豬 環境好  服務好  食物精美 特別是賽螃蟹餃 XO炒蘿蔔糕 小籠湯包 下次再來試一試夜晚飯 燒乳豬