皇茶冰室 (已結業)

今日去開荃灣有點野做，係荃灣有時都非常懷念果時食既椒鹽豬扒飯，之後決定去皇茶冰室，其實間餐廳都幾時尚，而且價錢又唔算太貴，所以之後會再去。【厚切椒鹽豬扒飯$50+奶茶紅豆冰($6跟餐價錢)】椒鹽豬扒非常厚肉，但估不到肉質咁鮮嫩多汁，又不會乾，入口又非常軟淋，椒鹽香味令我食慾大增，不錯。奶茶紅豆冰的奶茶味真係好香濃，茶同奶調較剛剛好，又不會奶味蓋過茶味。再加上紅豆一同吃，十分滋味。不錯不錯。【鮮茄焗豬扒飯$56】個焗豬黎喇，餐廳將原個焗盤餸上，見到盤邊的醬汁仲熱滕滕，再將飯面鋪上了一層芝士，令鮮茄汁味道又不會太酸，厚切豬扒嘅肉質非常嫩滑，又不會太乾仲要有肉汁。值得推介!!【椒鹽雞翼$30】我見有人叫椒鹽雞翼，賣相唔錯，我們立即叫來食，來到之後真係好大隻，炸得非常香脆，又不會好油，外皮又炸得非常乾身，內裡非常多肉汁流出來。

最近街上都發覺愈來愈多冰室，今次來到路德圍附近，發現一家冰室好像不錯，襯着下午茶的時間，就去試一下。餐廳裝修簡單，走懷舊風，也設不少卡座，整體感覺舒適。下午茶選擇也不少，點了一份雞翼薯條。雞翼相當香脆，嫩滑多汁。薯條是甚有茶餐廳風味的閃電薯條，很香脆。看到推介的皇牌咖哩焗飯，忍不住點了一份炸魚柳的。推介有驚喜，炒飯底的焗飯加上拉絲芝士和咖哩，不謀而合，十級推介！連考功夫的乾炒牛河也不遜色，河粉滑，牛嫩，上色足，夠鑊氣。今次未嘗到奶茶，下次有機會一定要試試！

突然想吃下茶餐廳，呢間皇茶已經不是第一天次去食，之前已經去過好幾次，水準都不錯，今天叫咗個鴛鴦扒意粉，啲豬扒都幾軟熟，唔算薄切，通常嚟呢度我哋會叫下午茶，下午茶都幾抵食㗎，尤其佢啲炸雞髀同雞翼，好juicy，唔會炸到柴皮！但係今日叫咗個乾炒牛河，唔知點解有啲失水準，平時食開好好食㗎！

招牌沙爹牛肉麵好吾掂，仲上錯餐，今日年初五大部分餐廳都未開，只可以入去哩間平時早餐時間無乜客人的餐廳。但今日亦只是差不多滿，可想而知。坐低姐姐馬上抹枱，幾快手，環境系幾舒服。叫了兩個早餐1。 招牌沙爹牛肉麵(要爽D),北海道牛乳炒滑蛋，牛油厚多士，加茶走 奇怪，沙爹牛肉要差不多十分鐘至來，上面有跟菜，賣相以為OK，但牛肉真系又鞋又 靱又無牛肉味，有一塊有渣添，沙爹無香味。生菜太淋，湯無味，個麵應該系比較便宜的麵，要爽不爽，食一陣就淋曬，絕對吾掂，仲用來做招牌菜，老闆真系自己攞來搞。 北海道牛乳炒滑蛋味道有點草青味，沒有牛乳味，更吾使問系咪北海道來，多士是唯一可以合格的食物，牛油幾香 茶走飲落吾鞋，算OK。2。香茅豬扒公仔麵加咖啡(HKD35) 等左5分鐘，咬左一啖"豬"，幾好味喔，但食多啖，睇清楚，點解有皮，啊！原來來錯左雞扒，算啦！ 咖啡聞落幾香，但飲落苦中帶茶味，應該沖咖啡時有問題，亦絕對吾系即磨。

今日去咗荃灣老人院度做義工，探下D公公婆婆，同佢哋玩下遊戲，真係自己都覺得自己後生啲。六點左右同朋友行番出港鐵站附近搵地方食飯，行行下見到呢間皇茶冰室，見吾多人，裝修又幾好就入去試下😆鮮茄焗豬扒飯$56，新鮮焗起，所以都等左一陣先有得食，豬扒好琳，味道好好。瑤柱蛋白炒飯$65，都係即叫即炒，D蛋白好嫩滑，飯軟硬適中，好好味👍去冰室梗係要試吓奶油豬，好香，包外脆內軟😋正。另外加$6就可以有熱飲。

行山前來吃個brunch, 原來早餐供應到11:30, 坐下立即點餐，兩人叫了三份早餐，因為看到幾款也很想試，而且價錢又不貴。北海道3.6牛乳麥皮 配牛油厚多士 $32麥皮很大碗，沒加糖的，很健康，牛油厚多士皮脆內軟又好味。自選雙拼三文治 $32看到又有點選擇困難，最後選了芝士和雞蛋，份量也不少，炒蛋很嫰滑，芝士味又夠香濃。仿鮑魚絲火腿通粉 配煎雙蛋及牛油厚多士 $34通粉清淡健康，煎蛋的熟度剛剛好。每份餐還附有餐茶，簡直是抵吃健康又美味之選。

荃灣皇茶冰室 今天在荃灣附近放工，所以來到了皇茶冰室試試。我九點多來到，幸好人未算太多，可以坐到卡位。我先點了一份瑤柱蛋白炒飯。瑤柱蛋白炒飯分量十足，而且蛋白味濃郁，炒得十分香口。基本上連男仔都一定吃得飽。我又點了一份椒鹽雞翼。椒鹽雞翼有四隻，炸得香脆，而且都很大隻。另外，我又點了一杯奶茶紅豆冰。奶茶紅豆冰的奶茶味十分香濃，茶味也適中。加上紅豆一同吃，十分滋味。今天真的很滿足，下次會再來試試其他菜式。

今天放假就同女朋友行街 ，在荃灣食肆非常多 。好似茶餐廳大大話話十零間都有在路德圍見到有間冰室，所以就選擇入去試一試。 餐牌種類好多我就叫了沙爹牛肉河啲牛肉好嫩加埋菠蘿味道好有酒樓吃的感覺，而且份量非常大碟可以兩人吃都夠。 其次係叉燒蝦炒蛋飯啲蝦好大隻而啲蛋好滑唔會太熟 ，拼埋一齊食味道好特別。 最後食埋豬扒包個包好脆而啲豬扒外脆內嫩 加埋青瓜沙律醬簡直是絕配， 問過老細點解啲豬扒可以外脆內軟佢話係本店特別煮法。可能兩個人吃所以已經好飽 吃唔到其他嘢食。所以下次值得再來試一試其他嘢食。

星期六收工相約老公近近地向荃灣食飽飽先再回家補眠，最方便當然去路德圍附近睇下有咩好食，行行下發現一間新冰室，而且仲坐滿人，一於入去試試先。餐廳選擇都算多，但由於唔想太用腦所以揀經典套餐最方便。叉燒海蝦炒蛋飯（配特製皇茶甜豉油）炒蛋口感滑嘟嘟，蛋味濃郁，叉燒有少少焦香味，肉質軟嫩，海蝦爽口彈牙，甜豉油加咗美極煮成，多了一份鮮味。厚切椒鹽豬扒飯豬扒厚肉，肉質鮮嫩多汁，入口軟淋，椒鹽香味四溢，令人食指大動。奶油豬麵包微暖，外層不夠香脆，但奶油香甜可口，入口滋味。

今天到荃灣睇戲，經過這家冰室見有卡位坐，環境衛生，先來吃個快午餐再去睇戲。***********************瑤柱蛋白炒飯 (7/10)個人很喜歡吃炒飯，平常除了在酒樓很少機會吃到瑤柱蛋白炒飯，然而這家茶記竟然有這個吃，我放棄了叫下午茶，轉吃這個，炒得乾身，不油膩，配料充足，沒有失望。焗咖哩牛脷飯 (8/10)焗得香口，熱辣辣，咖哩味道剛好，牛脷亦十分淋嫩，男友說本來也未算太餓，但這飯很開胃，配上檸樂，一口接一口便吃光了，男友大讚。茶記有這質素，值得再來的。

從未試過有邊間嘢會比呢間嘢更差囉，裡頭嘅侍應簡直係垃圾都不如，服務態度差到簡直無筆墨可形容！你叫個餐，佢哋嘅文化係興係逐樣逐樣上，而且每一樣都要等成大半個鐘有多，搞到你以為自己入錯舖頭，懷疑緊自己係咪入咗法國餐廳！又或者佢地樣樣都要走轉美國先至返到嚟呱!就算係你想叫佢地拎杯水咁簡單，應係應你，但就係得個應字囉!你以為一個係咁啫，第二個唔會呱，但你點諗到連第三個都係咁，簡直係令你O曬咀!又可能係因為佢地嘅水實在太矜貴了，係響天山雪蓮番嘅都唔定，所以咪咁珍惜囉！假如你想追單，你仲死硬，你個餐肯定要等到天荒地老，外送俾佢地寸爆!真係沒有最差，只有更差!所以奉勸各位，想食呢間野嘅話一定要好有耐性、超有耐心及寬宏大量能寬恕嘅心，唔係激死自己搵山拜就唔值啦！仲有最重要一點嘅就係，如果你好肚餓或好趕時間的話，奉勸一句：千祈唔好去!唔係你肯定想一頭撞牆死了算，因為會好後悔！

上次食過下午茶唔錯，今日專登黎食lunch...叫咗個厚切豬扒配廚師腸仔飯，黎到見到條腸仔白雪雪，咬落入面仲要係冰嘅！心唸煎都未煎過仲夠擔上檯，叫樓面姐姐同佢講條腸仔凍嘅，佢個反應係想伸隻手去條腸仔度摸下係咪凍，即刻喝住姐姐，你唔係想用手摸呀嘛！佢話唔係唔係，我叫廚房換過條腸仔比你。換完返黎，條腸仔個樣都同白灼無分別，問姐姐，腸仔你哋唔煎用灼架？佢話係呀，腸仔係白灼先好味⋯我唔係黎茶餐廳打邊爐囉！食白灼腸仔，我唔好返屋企自己灼⋯真心覺得離譜！仲有塊厚切豬扒乾到柴咁！入面仲要無味！完全可以black list呢間冰室！題外話：我對面個男人叫杯熱水，好耐都未黎，隔咗10分鐘問個姐姐，個姐姐話攞咗啦！但比錯咗隔離檯，然後姐姐係個張檯度拎返杯水比個男人😱😱😱😱10分鐘杯水有無人飲過？離譜到驚😡😡😡😡😡😡😡

今晚又要開ot, 開ot前經過路德圍，就去奶茶聞名既皇茶醫醫肚！平時午飯時經過都坐無虚席，6 點去到，人流仲未好多，呢度樓底頗高，空間感唔錯！有闊落既卡位，主要以4 人檯為主！一個人食飯，最緊要快靚正，食男人的浪漫(豆腐火腩飯) 就最好不過！除左豆腐火腩飯外，其實餐廳都仲有好多選擇，尤其傳統茶餐廳既焗飯，扒飯，茶餐等，選擇甚多！餐廳都會見到好多奶茶既廣告牌，佢哋對自己既奶茶都幾有信心！奶茶用上黑白奶茶既杯熱辣辣送到，其實有黑白奶加持，奶茶多數都有香滑既奶味同口感！再加上茶味香濃，都有做到齒甲留香既效果！怪唔得佢哋會對自家奶茶咁有信心，用上皇茶呢個名！熱辣辣火腩飯好快就送到，都係即叫即炒，火腩肥瘦5/5 開，唔會太咸，豆腐幾滑，夾起唔會散！火腩唔會太肥，又唔會太咸，件頭都ok茨汁做得幾好，好好的黏在飯同火腩上，食完唔會成碟水，值得一讚！埋單都係50 蚊，非常抵食！ 啱晒呢d一人前快閃飯！

帶細女落沙咀道睇隊友比賽，睇完一場話肚仔餓，咁就帶佢去附近搵嘢食，見到呢間寫住招牌沙嗲牛肉麵，就入去試一試。先嚟咗個北海道36牛乳炒滑蛋，配牛油厚多，講真個滑蛋炒得過咗火有啲老。至於招牌沙嗲牛肉麵就一般，唔太差亦唔見得好想再翻食，應該係個沙嗲汁唔夠多，啲牛肉就冇想像中咁好，可能我對沙嗲牛比較嚴謹嘅關係。餐飲叫咗熱好立克，反而呢杯熱好立克係重點，我覺得非常好飲，好立克粉夠晒多，但又唔會太甜，有啲餐廳沖到好難飲，但呢度嘅好立克係非常出色。皇茶冰室餐牌店內裝修簡約，大大個KING CAFE幾搶眼，座位亦算坐得舒服，整體環境清潔乾淨，店員招呼亦不錯。

正所謂三人行必有我師, 今天跟兩個朋友敍敍舊, 發現大家這幾年來都進步了不少, 實在可喜可賀. 而今天午餐的店家亦是在其中一位所介紹的, 整體感覺食物品質優良, 地方舒適. 我們下單了 皇茶XO醬太陽蛋鮑魚火腿絲印尼撈麵配奶油豬, 蒜蓉板燒雞扒伴德國腸配黃金3.6牛乳炒蛋及牛油厚多士 和 特色大蝦西炒飯.蒜蓉板燒雞扒很大塊, 又很香口, 剛剛熟, 含大量清甜肉汁. 德國腸結實彈牙. 黃金3.6牛乳炒蛋軟滑濕潤. 牛油厚多士微熱多牛油亦脆口. 奶茶香滑. 奶油豬香甜可口. 印尼撈麵內有很多XO醬, 極為惹味, 較辣, 蒜香味亦重. 太陽蛋最為欣賞, 是脆邊的. 鮑魚火腿絲爽口清甜. 特色大蝦西炒飯份量大, 料多, 酸甜開胃. 大蝦特別大粒, 彈牙又爽口.  咖啡濃郁.看到朋友們的進步, 自己要視之為榜樣, 才能在不久的將來更上一層樓.