皇茶冰室 (已結業)

朋友介紹「皇茶冰室」的奶茶非常好飲，咁啱路過所以決定一試！店舖嘅裝修有別於其他傳統嘅冰室，時尚簡約，座位既空間非常鬆動！店員嘅態度好熱情，不停介紹好食嘅食物俾我，都好有禮貌！午餐時段到冰室，點左一下「鮮茄焗豬扒飯」😍餐廳完碟餸上，熱辣辣香噴噴，飯上面鋪上一層芝士，鮮茄汁同埋大大塊厚豬扒，外表非常吸引！店主仲好細心照顧到一啲好鍾意食芝士嘅人，另外送上芝士粉（第一次食冰室可以自己落芝士粉）！芝士同鮮茄汁加埋飯非常好食，味道唔會太酸，而飯係粒粒分明嘅炒飯，非常可口👍🏽厚切豬扒嘅肉質非常嫩滑，唔會乾爭爭之餘，係成個飯嘅精髓！另外，男朋友點左「焗咖喱牛腩飯」，個飯一黎到已經聞到好香嘅咖喱味，佢嘅咖喱味香濃之餘帶有小小辣，令咖喱味道更為突出！牛腩份量多而且恔得林容易入口，配上乾身嘅飯粒，非常可口👍🏽估唔到冰室嘅焗飯質素咁高，非常推介！最後，終於飲到朋友所推介嘅奶茶！雖然外表平平無奇，但係飲落就知道茶同奶嘅份量掌握得好好，茶味香濃得來又滑，冰塊數量唔會太多之餘，甜而不膩👍🏽果然係冰室嘅招牌奶茶！奶茶迷不妨一試！

兩個人簡簡單單系荃灣食乜好？呢間份量、菜式都非常適合吖茶餐廰來說，這間餐廳裝修較西式，位置寬闊乾淨來到這裡，記得要點牛仔骨，好香口野味，薯仔外脆內汁，個醬汁好甜好好味，我系牛仔骨精，去邊都要吃牛仔骨，呢間的弄法真的少有，絕對要點個蝦用好多蔥、蒜去爆香，好香口好好吃，我直頭用個蔥蒜去撈飯食添吖食完咁野味，系時侯食個菜清下腸胃，來個雜菜煲和芝士石斑西蘭花吧。西蘭花軟硬適中，不會過硬。個雜菜煲亦夠清，材料夠多，有粉絲、蝦、芥蘭。總括而言，抵食好味

早餐的多士外硬内乾，咖啡既澀且苦。雖然食物質素不濟，但也不及其服務之不濟。只有數枱客也會錯單，去5次有3次叫你換位，但大前提是佢仲有好多吉位。今天更離譜，全餐廳半滿，我們已吃至尾聲，又叫我們換位(讓给新來的6位客)。我們說差不多完，好快，阿姐發難說唔換唔换囉，唔使你換喇。其實，如果我們剛開始吃，我好樂意換，但你俾多一分鐘我我都走啦，叫人地坐住第二張等等先唔得既咩!在荃灣充滿高質食肆的地區，你們實沒有讓我再去的理由

身邊朋友成日覺得我成日食好野但其實我都好中意食茶記🤣荃灣路德圍好多餐廳，今次去了 皇茶冰室係比較新式的茶餐廳 價錢實惠 所以座無虛席😌炭燒豬頸肉辛辣麵配奶油豬 $46 連餐飲怎料上餐時 突發有埋咸牛肉炒蛋🍳坦白說豬頸肉個味道我唔太中意 唔識點講總之個醃料味道不是我杯茶😭 辛辣麵同豬勁肉也沒有很夾反而跟餐的奶油豬很脆💕非常好吃！咸牛肉炒蛋略嫌熟左少少！另外都叫左飯類豆腐火腩飯 $46係男人的浪漫呀！！ 當然一定無大排擋咁有穫氣，爸爸話不過不失都幾惹味肉燥照燒豬軟骨意粉 $46賣相幾ok，不過感覺肉燥還是同飯夾d😆豬軟骨都算入味！份量來說都算大份。比埋menu大家參考下

今日嚟到荃灣區探朋友，朋友介紹佢話算係屋企附近抵食之選，當晚星期六天氣都開始回暖，周圍食店都圍著唔少人排隊，我地都唔例外大概等咗10分鐘左右先有位。由於我地得3個人，每人叫咗一款食物加杯飲品，平均$50左右。跟豬扒通粉個餐炒蛋一定要叫嚟食，真係炒得好勁滑。牛角酥要趁熱食朋友話純粹男人的浪漫，見佢食晒碟飯都應該知唔差。等咗好耐差唔多有15分鐘，其他野差唔多食晒先出場。不過絕對交足功課叉燒勁多勁厚，估到唔成碟米粉炒得好有鑊氣，係好好食！我反而想佢米粉多少少，叉燒實在太足料！一般通粉，朋友話件豬扒好正，我無試所以唔清楚。唔錯檸檬水夠大杯，檸檬份量又夠多夠新鮮，食完油膩野再飲返杯清清腸胃。

呢度既餐好抵食, 除左有湯之外仲有一碗白飯贈送, 好岩一班FD或者一家人黎食好西因為都好耐冇食過D居家既餸菜, 所以特登點了幾樣都係家入面常出現既菜, 回味一番瑤柱肉碎蒸蛋係蒸得好靚仔既蒸蛋, 瑤柱香味同蛋MIX埋左一齊, 食落個口味同層次都有所提升, 而且瑤柱既份量都幾多, 不但止好香口, 而且咬落比普通蒸蛋係好咬口D既魚香茄子煲好多時出去食既魚香茄子煲都會偏咸, 但呢間個醬汁同味道處理得岩岩好, 即使係單吃也不會覺得很咸, 重點是他的煲是很傳統的那一種, 令到靠邊的茄子都被燒得香香脆脆的, 口感一流!!蒜蓉炒時菜(菜心)原本想叫通菜的, 但店員表示不是通菜的季節, 建議我們吃菜心, 味道和製法都是很吸引的! 果然是夠新鮮的時菜才做到!!

每次經過呢間餐廳都係見到長長既人龍到底一間冰室有咩咁吸引在場所見大部份都係好一家大細黎食蒜蓉蒸鯇魚腩呢度既食物唔算貴, 呢個蒸鯇魚腩都只係$78, 重點係個份量好足下, 蒸鯇魚腩唔係度度都有得食, 而且要蒸得好食一定要即蒸即食先係最好呢間餐廳真係做到即叫即蒸, 已經好加分, 蒜蓉蒸出來個味道同鯇魚腩既味道好夾, 又嫩滑又夠味!!菠蘿生炒骨甜甜酸酸既菠蘿生炒骨, 不但止好夠味, 而且最重要係好夠鑊氣, 生炒骨係入哂味既, 食到入面都係香甜既味道, 一個餸既SIZE都夠4人吃, 但價錢都只係$62, 性價比高

今日探個住荃灣的朋友，探完介紹去路德圍搵食，行到去真係好多選擇，想平平地食小菜，揀了一間茶餐廳格局皇茶冰室，見到餐牌好多選擇，叫了黃金蝦、原條豉汁蒸倉魚同埋蒜蓉炒芥蘭。每個餐都跟一碗老火例湯，今晚係煲冬瓜湯，夠清潤，再上埋黃金蝦同白飯一碗及基本餐茶都係$75咋。黃金蝦，外層每隻蝦都被邪惡的蛋黃包住，蝦肉彈牙新鮮，蝦殼炸得酥脆香口，蛋黃成碟都係，至岩餸飯。豉汁蒸倉魚$78，睇相已好想食，上枱更覺得超底食勁大條，蒸得火喉剛好，肉質給實鮮甜。炒碟清菜叫了蒜蓉炒芥蘭$48，芥蘭爽脆。最後可加$12有杯特飲，分別叫了奶茶紅豆冰同龍鳳檸樂，紅豆好大粒喎。

係附近行過，簡簡單單揀一間茶記食下，坐底無耐，姐姐就好熱情咁推介招牌菜，由佢介紹下，要了蜜椒薯仔牛仔骨，芝士魚柳扒西蘭花和豉汁蒸倉魚例湯都唔錯，木瓜味都好出，而且唔覺好多味精，蜜椒牛仔骨，好岩鍾意濃味既人，味道好香好濃，牛仔骨亦都好嫩，送飯一流，另外就到芝士魚柳西蘭花，芝士係用平時食芝士焗龍蝦的芝士，唔算太濃味，唔好搶走魚同西蘭花的味道，配合起上黎，味道都岩岩好，都幾特別，不過就好想整多碟伊麵做底最後蒸倉魚因為即時蒸，所以都講明要需時，不過我覺得值得等，因為條倉魚蒸得岩岩好，成條魚都好嫩滑，無過老，今餐，最鍾意條魚，還有杯奶茶紅豆冰都值得試試

25-3-2018總結放頭：勁差路經荃灣見佢裝修算ok入左去食入到去睇完餐牌想落單先至走黎話今日爐頭壞左全日無炒粉面得西式野侍應睇落又新人改叫牛利過幾分鐘返黎先話無張單仲要連同原來另一碟飯一齊扔左返返黎問另一個飯係咩改左叫魚柳過幾分鐘又話無晒明明order前就講左無既就改雞扒又係要返轉頭問返叫啲咩講真呀你廚房出事無所謂但個客入黎果時又唔講有咩無要人諗完落單果時先話無識唔識做飲食架最後野食又難食服務又差建議咁多位唔好食

前幾日天氣凍左好多， 突然想食嚇雞煲打下邊爐， 就隨意咁樣入咗呢間位於荃灣嘅皇茶冰室。呢度嘅雞煲嘛度同辣度都可以自己控制， 由於朋友唔太食得辣， 我哋就揀咗小麻同小辣。雞煲食落十分之惹味， 麻度同辣度都控制得啱啱好， 雞嘅份量亦都十分之充足， 兩個女仔食完已經覺得幾飽。 但係食得啲雞煲又點可以唔打邊爐呢， 所以我哋都仲叫咗啲配料嚟打邊爐。之後嘅配料係逐樣逐樣咁計錢， 我哋就分別叫咗午餐肉、鮮牛、生菜同肥牛。生菜索曬雞煲嘅香味， 食落又麻又辣咁， 非常香口。鮮牛肉較一般肥牛滑嫩，都幾好食。

紅豆冰，腸仔火腿午餐肉豬扒煎蛋飯，都是「那些年」中學時代跟我一起成長的午餐。看到這個懷舊飯，不禁令我想起當年中學放午飯時跟大顆同學一起用餐的歡樂時光！餐廳位於荃灣路德圍，中午時份人流不絶。中午時份以午市套餐為主，亦有中式炒粉麵；晚市還有中式小菜供應。懷舊公司飯（$49）👍👍👍👍這個飯有齊所有茶餐廳的主要食材，有豬扒，腸仔，火腿，午餐肉，煎蛋。飯面還加有豉油，把蛋黃刺穿，然後把豉油飯拌勻，已是一樣簡單又美味的食物。加上一片豬扒，午餐肉，一片火腿和一條香腸，往日美味的回憶立時尋回。懷舊紅豆冰（+$12）👍👍👍👍紅豆冰同樣是我的至愛之一，一杯懷舊紅豆冰配懷舊公司飯就最適合不過了。紅豆冰加入了忌廉，口感更香滑，而我就最喜歡把冰粒和紅豆粒一起放入口咬碎，感覺很冰爽。鮮茄焗豬扒飯（$56）👍👍👍👍厚厚的豬扒配合醒胃的鮮茄醬汁，味道酸酸甜甜。下面是熱辣辣的炒飯，份量夠哂大，又好味又飽肚。熱檸檬菜蜜（+$6）👍👍👍👍熱檸檬菜蜜，潤喉暖胃。門面內在環境餐牌

天氣凍凍地，最啱食雞煲。係網上見到呢間新開無耐的餐廳的雞煲幾唔錯，價錢又唔貴，一於放工約朋友去試下。雞煲的辣味同麻味都有幾個level可以揀,因為朋友唔食得太辣，所以我地揀左少辣同少麻。好快雞煲同火鍋料就送到枱上😋雞煲雖然係小辣，但辣味都有啲強，朋友都係覺得有啲太辣，但我就覺得剛好（雞煲都係要有辣先好食👍）。雞肉好入到醬料味，最正係雞肉超級嫩滑，每啖都好juicy❤份量夠2~3人食，我地兩個女仔食完啲雞都已經飽左6成。食完雞就開始打邊爐~鮮牛肉好大碟，牛肉嫩得黎又彈牙，完全無渣打邊爐點少得響鈴，浸一浸秒速上水，外冧內脆，仲要索晒湯底味，超好食本身雞煲已經跟左碟生菜，所以我地就叫左鮮枝竹，可以有多啲蔬菜食龍鳳檸樂其實係檸檬同鹹檸加可樂，飲落酸酸甜甜，可以解膩，配食雞煲一流朋友叫左杯懷舊紅豆冰，紅豆好粉，好香甜😋但啲cream撈渾左後就有啲過甜了整體黎講呢間的雞煲好食，而且又唔洗等位同坐得舒服，係一個回頭之選

今日約左朋友行山，起荃灣開始前決定食個豐富早餐，不過大家都遲到好多餐廳無哂早餐啦！經過呢間見到早餐時段去到11:30，我地立即進入！餐廳裝修幾新淨。招牌沙嗲牛肉麵，配炒蛋同多士。味道正常，都幾大碗。脆脆魚柳拼德國腸，配炒蛋同多士。魚柳炸得有點兒過，味道都正常。

新年前去荃灣行花市感受下節日氣氛，入去迫之前要先醫飽肚子，先有力有氣。黃金蝦外層有濃濃的邪惡蛋黃吃得十分滋味，蝦肉新鮮，蝦殼炸得酥脆，喜歡這口感的我當然殼都不放過。啫啫芥蘭煲份量滿多的，有蝦米相伴，芥蘭雖炒得味道不濃但多一份鮮味。菠蘿生炒骨生炒骨外脆內軟，肉質嫰滑，菠蘿甜中帶酸，減低油膩感，好食。招牌芝士流心西多士又一邪惡之作，見到芝士就不會放過，炸得酥軟的西多內有帶流心的芝士，味道甚濃，停不了口。龍鳳檸樂食完後喝一杯龍鳳檸樂，暢快一番。