盈小館

營業中

休息中

今日約咗朋友去和生圍行下，行到攰又熱，見到近大路邊有間茶餐廳叫盈小館，都好多人向度食緊嘢，不如就入去食個午餐😊餐廳冷氣足，唔會焗👍🏻我見到午餐sets都好多款，不過天氣太熱所以叫咗個常餐👉🏻沙爹湯通心粉+煎雞扒、餐肉+腸仔+多士、凍檸茶走甜😊凍檸茶走甜就試到個茶味🍹餐肉+腸仔+多士👉🏻餐肉係用咗火腿午餐肉、腸仔唔係死咸果種、多士又脆又熱仲要多油😋😋沙爹湯通心粉👉🏻通心粉係大啦有粗坑紋、湯底沙爹味，配合有坑紋嘅通心粉係有少少掛汁😋煎雞扒👉🏻雞扒邊煎到香脆、肉切開有肉汁流出來，雞扒冇雪味👍🏻👍🏻整體食物出品係好味，地方枱面乾淨。CP值👉🏻有回頭😋

比錢嚟食個常餐都受氣次次嗌完個個湯底  煮好哂拎出嚟就話無哂沙嗲湯 得返豬骨湯 你都煮埋拎出嚟啦都係焗人要啫已經唔係好食你無哂咪一早點餐話無但次次都有得比人揀好差嘅體驗唔會再食

揸車嚟到加州花園，估唔到呢度有一間咁好食嘅小炒只係叫左2樣嘢食，都令我哋讚歎不絕‼️如果帶左狗狗或者想chill啲，可以坐戶外「奇味雞煲」呢度嘅雞煲唔係多汁到淨係食到啲汁‼️係我鍾意果種炒得好乾身平時一定會食麻辣口味，岩岩先感冒好返，所以今次食唔辣嘅雞煲，原來唔辣都咁好食，雞煲汁完美地包裏住每一件雞，啲雞又好嫩滑入味，好快就已經KO哂❤️「盈記小炒皇」炒得好有鑊氣，一放底已經勁香魷魚、蝦隻唔係用蝦毛果啲，全部都係大大舊脹卜卜，口感好爽嫩，連啲蝦乾都炒得好香口好食蜜桃梳打

今日去到好近元朗加州花園附近，只需要行大概一百米左右！去食一間幾出色既酸菜魚！除左出色之外！個種嫩滑程度真係好堅！餐廳好有空間、玻璃除左透自然光之外、亦都令人感覺舒服放鬆既感覺！餐廳範圍都比較大、除左有室內位置、亦有室外位置、出面室外位置更設計到好有園林花園感覺！店主亦好貼心，室外位置仲加設左好多太陽傘、感覺好貼心、坐位位置都好舒服！呢度除左有好食既酸菜魚之外、仲有好多晚間小菜都好好食！例如有；惹味川雞煲、奇味雞，麻辣雞、胡椒豬肚雞、仲有川味烤魚！我當然都係食酸菜魚啦！點解甘有魔力？因為佢酸菜魚真係真係好滑！仲有幾種味道選擇！我自己記選擇左金湯！不過如果食得辣嘅你我推薦你食麻辣酸菜魚！真係香噴噴㗎！酸菜魚配料我建議加薯粉同豆腐卜、啖啖入味又開胃！仲有碗飯、好抵食！小食我就選擇左佢既黑椒蜜糖雞中翼！真係香脆可口，又唔係炸粉好厚個種！咬落香甜，仲要啖啖肉？黑椒蜜糖都好出眾！口感好正！盈小館新界元朗新田青山公路米埔段168號地點位於加州花園路口前100米(單車徑旁）

自從上次同媽咪食完酸菜魚，媽咪完全愛上！仲成日叫我帶佢，搵下有咩隱世酸菜魚試下網上意外刷到呢間位於元朗嘅小店盈小館位置有啲小隱世，但估唔到閒日下午都幾多人ꕁ酸菜魚飯賣相相當吸引，魚肉份量好多，魚肉嫩滑無骨，但最有驚喜係酸菜魚湯頭，酸辣帶勁，鮮味十足，會愈食愈開胃！一口湯一口飯，是日好享受ꕁ邪惡拉絲焗雞扒飯上面芝士焗到勁誘人，真係做到拉絲架香煎雞扒過配埋炒底，誠意十足！蕃茄醬汁酸酸甜甜加埋金黃芝士，難怪叫邪惡系列ꕁ西多士叫左一份同媽咪開心sharing中間夾左花生醬，配埋牛油蜜糖，食完呢餐要行番屋企先得ꕁ凍檸茶

元朗嘅盈小館，午市/下午茶都係幾十蚊就有交易！晚市仲有埋川菜、火鍋、烤魚、雞煲等！架車就咁泊喺出面就得，極度方便，揸車揸到攰，入嚟抖下就啱晒！金湯酸菜魚（細）$188細size都勁大盤，魚片起得好靚，完全冇骨又夠薄，口感水嫩鮮美！湯底酸中帶麻，好易令人食上癮，辣度可自選！內含大量酸菜、芽菜、蓮藕、萵筍、腐竹、豆卜等，索晒湯好好味！奇味雞煲（半隻）＋$1晚市消費滿$200，加$1即可有雞煲一份！嗌個細酸菜魚加兩罐汽水已經夠做，真係抵到爛！雞件煮至入味，仲要啱啱好熟，肉質仍保持幼嫩！奇味雞煲嘅芫茜、大蔥、洋蔥、薑、蒜、尖椒、唐芹等帶來天然嘅香氣，辣辣哋真係好開胃！罐裝汽水 $8

平時點都冇機會經過食到咁啱今日返工經過同事食門口有地方泊車裝潢有下功夫 天花板係天藍色 牆身地板就灰白色戶外環境加咗一啲攀援植物空中再掛一串串燈泡整體俾我嘅感覺係一間好chill嘅cafe嘢食方面，我叫咗個咖喱焗雞扒飯同一個多士個焗飯超靚 本身想影相結果食一半先醒起個雞扒中規中矩 唔會話咬唔落亦都冇冰鮮味個芝士焗得靚得滯 金黃色之中帶少少焦食落唔太咸唔膩 餸飯啱啱好反而個咖哩係遜色好多芝士係咸嘅 理應用甜咖哩帶層次感而且個咖哩本身已經相比普通嘅咸但係佢兩個加埋變相咸上加咸我全程避開啲咖哩食飯

是日踩單車由元朗到上水，驚喜發現一間家式廳，餐廳位於元朗加州花園附近，原以為只有佬飯類食物，但相當有驚喜午市都有酸菜魚水煮魚等美食，晚市更有雞煲👍🏼餐廳有室內用餐區及室外用餐區，方便喜歡大自然的朋友作選擇。分別叫了水煮魚及酸菜魚，非常大碗配料及魚片都份量十足，湯底夠濃。除主食外幾款小食也相當有驚喜，特別是椒泡魚皮及紅糖糍粑，乳鴿也非常皮脆肉嫩。另外見，鄰座叫的飯餐也大大份的。椒泡魚皮 $68 酸菜魚米線水煮魚米線滋味乳鴿 $68紅糖滋粑 $68

胡椒豬肚雞煲！要胡椒味無胡椒味，雞無雞味！咸菜酸多過咸，嗰湯底淡而無味！我喜愛飲胡椒豬肚湯，當然有食過胡椒豬肚雞，自問食過胡椒、咸菜、豬肚、雞嘅食材食物，不下50間店嘅出品，對此都有啲心得，心想胡椒豬肚有埋雞係度𠻹，應該冇咁容易失拖，點知呢間舖嘅胡椒豬肚雞煲，真係會咁失敗！諗住善意比少少意見，剩係講咗嗰湯無乜胡椒味，已經硬食一棍，其他都唔想多講，慳番啖氣暖肚！香港而家點解啲飲食業攪到咁，咁多人情願北上飲飲食食，部份原因就嘅多得呢啲店舖嘅經營態度同食物質素。

元朗盈小館.味道：1/10🌟抵食：1/10🌟環境：1/10🌟.真係好難得食倒間咁鬼死難食嘅嘢！！！叫咗夏威夷雞排焗意粉，上到黎唔知自己食緊啲咩汁，有陣食講唔出嘅味，感覺食緊啲嘔吐物撈意粉🤮唔知係咪因為用咗啲好差嘅芝士，又落得鬼死咁重手……另外小食薯餅，一樣本身好難難食嘅嘢，俾佢炸倒好似飲緊油🙄真係除咗難食唔知可以講咩好😬做成咁都好意思開餐廳……睇到呢篇食評嘅大家，真係算你好彩，即刻掉轉車頭搵過第二間食🙂完全搞唔掂❌完～.#香港 #食評 #foodie #食好西 #元朗 #元朗伏嘢 #盈小館 元朗

對揸車人士好方便既餐廳👍🏻門口就有得泊車！完全唔洗愁尼間餐廳係朋友推薦既，都冇介紹錯全部野都好大份，而且質素穩定，都幾好食，好彩我地冇嗌太多，唔係一定飽死😅金湯酸菜魚，老闆話係佢地招牌黎，真心唔錯！好多魚，配料都好足而且魚夠滑，食得出新鮮👍🏻👍🏻建議粉條底可以換做更有口感既寬粉，仲正！口水雞估佢唔到，個靈魂醬汁出色，比我預想中好食，麻度同辣度岩岩好，而且雞都滑，差唔多自己一個食哂成份😍蠔餅唔小氣，真係落左好多粒蠔👍🏻但真係勁大個，最後食唔哂另外仲叫左蜜棗薯仔牛柳粒，比起牛柳粒更中意佢個薯仔👍🏻真係好入味！大愛

今日揸車去博愛醫院做嘢，苦惱緊食咩，因為元朗市中心勁難泊車，又唔想去商場食千遍一律嘅野~同事就介紹左呢間隱世食堂俾我~入到去老闆話有晚市優惠，堂食$200加$1就有雞煲食，好抵！不過我沉晚先食完，所以無要到~入到黎緊係食鑊氣小菜啦~🔹沙薑雞(半隻)🔹 好大碟，以為俾錯左一隻~沙薑真係一粒粒醃薑，唔係普通沙薑醬點雞，啲沙薑粒送飯都好一流，雞好滑，但又唔會出哂血水嗰種，都幾有驚喜~🔹蜜餞薯仔牛柳粒🔹好衰地覺得薯仔粒先係主角，啲蜜餞薯仔粒好好食！甜甜地少少脆口，加埋牛柳粒嘅油香，係咁夾黎食！好彩份量唔少，大滿足！🔹豆豉鯪魚油麥菜🔹豆豉鯪魚，油麥菜不嬲都係絕配~本身以為味道周圍都係一樣，但係呢度吵得冇咁油膩，淡淡嘅豉油汁，突出左油麥菜嘅香味~🔹特式紅豆冰、特式雜果冰🔹紅豆冰係椰汁底，好香！雜果冰雖然係芬達底，但勁多雜果，同勁大杯，爽！睇餐牌發現佢其實乜都有得食，今晚見到隔黎又打邊爐，又食小菜，好開心咁~下次要同一大班同事過黎圍餐先得!

胡椒鹹菜豬肚雞湯飯最近呢d 潮濕天氣，最啱就係識個胡椒豬肚湯暖身又除濕, 胡椒湯底唔算太辣，豬肚肉質琳琳地，好易入口，雞件嘅份量都唔少，勁抵食呀！奶茶紅茶底香濃，屬高質既茶餐廳奶茶霸王雞飯分量差唔多有半隻雞咁多，上面鋪滿芽菜辣椒西芹等，雞肉肉質滑溜，霸王醬汁惹味，用嚟送白飯最正！「跟餐] 香酥炸雞 配 他他醬（4件）炸得酥脆美味，裏面仲保持肉汁，點埋他他醬酸酸地，唔錯唔錯！【跟餐]黑椒蜜糖雞中翼（3件）外皮炸到脆脆地，甜甜辣辣勁好味！紅糖滋粑成條炸得外脆内Q軟，勁好咬口，沾埋少少紅糖一齊，令人食唔停口！

今日可以話係黎到元朗一間驚喜不已既餐廳，難得係樣樣菜式都相當有水準！酸菜魚經過烹煮，依然保持魚肉肉質鮮嫩細軟，帶有陣陣鮮味。湯底酸味辣味平衡，更進一步帶出魚肉的鮮味。而且，更重要係配料都足夠，有筍、木耳、豆卜等等，吸收埋湯底配白飯，一絕！特別一提，食到最尾都仲撈到有魚肉，可想而知幾咁足料！烤乳鴿烤乳鴿上枱已經香味四溢，金黃嘅外表十分奪目！食落去外表香脆，肉質軟熟而甘香，香而不膩。最重要係食落去有乳鴿嘅香味，而不是油膩既油味！香煎蠔餅今次見到蠔餅真係嚇一嚇，完全唔係平時見到又油又大份既蠔餅！上枱睇到隻碟底，唔會有一層積左蠔餅流出黎既油，已經知道佢唔簡單！食落去真係「脆」味無窮，而唔會成口油，用料十足而蠔仔鮮味不斷，實在係驚喜！香檳葡萄特飲荔枝特飲兩杯特飲都好清新，而且飲品係無加糖，飲落唔會太甜，仲好解膩！餐廳不論食物、環境、服務，都係數一數二咁好。即使生活充滿不爽，但食到一餐好既，成個人都放鬆曬！佢仲有雞煲、羊腩煲等等，真係要黎多d試下！

去附近探朋友，一齊去呢間餐廳食午餐，餐廳樓底算高且闊落，但座位和檯面略微有點骯髒，笠痴痴的，還有食剩的飯粒殘留在檯面上，似乎店員疏於清潔講開店員，熟客會主動送上水，生客就唔太理會，只掛住自己傾計食物方面見有招牌米線，即叫魚腐麻辣中辣米線試試，湯底味道不夠味，偏淡味，不辣不麻，只有少少咸，而且配料選擇少，米線份量雖然多，但質感太淋，整體令人失望芝士焗雞扒飯相對正常，食落都有味道，還可以的💥整體有點失望，主要是笠痴痴不太乾淨的感覺，希望店員會勤於清潔啦