益記小館

營業中

休息中

同男朋友仔去完ifc睇戲，忽然想食海南雞，朋友介紹咗呢間餐廳俾我，有驚喜！♥️餐廳燈光柔和，店員好親切，幫我呢個選擇困難症人士一齊揀😂<串雞-雞>好中意個沙嗲醬！雞肉嫩滑，燒得好香口，好開胃！<海南雞-半隻>主角黎喇！係超滑！而且係無骨♥️下次再黎要叫全隻先！<龍蝦鮑魚喇沙>不得了！好大隻龍蝦🦞味道鮮甜，肉質爽口，湯底夠濃郁，仲有2隻鮑魚添呀，好抵食！<鐵板一口牛>夠哂鑊氣！份量比想像中多！<炒椰菜苗-蒜茸>推介！椰菜苗好甜，我呢個蒜茸fans好滿足！好濃烈蒜茸味同好多蒜茸粒粒，正呢！<決名子山楂菊花茶>天氣凍咗，呢杯茶係好soothing，打卡一流！味道酸酸地，又有花香♥️🤍🌹女仔一定中意！

好友快將生日，約好左出嚟食餐飯慶祝，友人向來鍾情星馬菜，愛其醒胃滋味，上網 Search 到呢間口碑唔錯嘅星馬菜館，一於訂檯試下。餐廳座落於威靈頓街 The Loop 11/F，地點位置相當方便，店內環境亦不俗，以木色系為主調，裝潢格局典雅舒適， 予人一點私房菜的親切感。點左個海南雞飯套餐 ($98)、馬來西亞肉骨茶 ($108)、招牌黑醬油蘿蔔糕 ($88) 同 馬拉盞炒椰菜苗 ($88)，另外再加左兩杯飲品。海南雞飯以木托盤呈上，雞件全部已去骨，擺碟靚仔，份量也多，入口肉質嫩滑富雞味，雞皮爽薄不肥，皮下更有層啫喱膏，蘸三色醬吃，醒胃惹味。雞油飯水準亦不俗，米飯圓潤，粒粒分明，調味亦恰到好處，油潤入味，香口好吃。跟餐還附有青紅蘿蔔粟米湯，湯水清甜滋潤，好有家的味道。肉骨茶有大、細窩之分，大窩可供 5 人享用，而我哋就點左個 2 人份量嘅細窩。湯底以當歸、黨參、杞子、桂圓、丁香及多種名貴藥材熬製，入口完全無味精，藥材味好溫和，帶陣陣胡椒香。肉排大大件，煲得非常入味，入口肉香突出，加上肉質滑嫩軟腍，輕輕一咬已骨肉分離，伴以豆卜及油炸鬼，相當美味。順帶一提，肉骨茶嘅湯底可以隨意 Refil

試想一下呢D長假期日子，當年身處新加坡馬來西亞旅行係幾咁寫意享受，海南雞、喇沙、肉骨茶、黑胡椒炒蟹、沙嗲串燒、巴東牛肉、 清蒸魔鬼魚、馬拉盞炒菜、咖喱牛腩、椰青等食一餐都未必回味得哂。上星期要提早與家人做冬，被小編發現左中環隱世又受中環白領歡迎的餐廳，一間要真心要推介嘅星馬Fusion菜館Old Town!介紹返，小店2014年開業而來已成為中環的老字號樓上店，經雜誌介紹過亦曾被蔡瀾讚賞為最正宗的喇沙出品，食物品質當然有保證，位於蘭桂芳第二個街口轉右行前搵到The Loop，上到11樓全層Old Town， 餐廳乾淨企理，四人的間隔空間坐得舒服，晚市未算太多人，三檯客人正在暢所欲言，格局非常適合傾計晚飯聚餐。Menu 多年仍然沿用報章式設計，復古還原星馬地道菜的菜款選擇，不少特色菜賣相吸引，店員先推介最新85折優惠的4人餐比我地，「秘制香草烤雞四人饗宴」$918 (原價:1080)難得天氣涼左有烤雞食，就一致捨棄左小編最愛的海南雞!😝難得有秋日熱飲系列，岩哂家中兩位寶貝有除左椰青之外的另一選擇。決名子山渣菊花茶 $28、熱柚子蜜$28、新鮮椰青 $42推介:⭐️⭐️⭐️⭐️⭐️椰青多水清甜解渴，

好掛住星加坡的胡椒蟹，老細請食晏，同事好想食蟹，所以又再返嚟食。今次三個女仔食兩隻蟹，啱啱好！再加埋一碟菜同椒鹽鮑魚，飽晒！蟹是用菲律賓蟹，肉質啖啖肉，好新鮮！其實蟹一d都唔貴， $3xx一碟。黑胡椒汁好滑，沾在蟹上，十分好味，記得午餐未必有蟹，所以要預先一日訂定。今次仲試吓佢嘅椒鹽鮑魚，鮑魚好嫩，配上椒鹽，十分香口及野味！椰菜苗反而沒有多特別，馬拉盞汁不是很出位，只食到蒜蓉味。這間餐廳沒有甜品供應，如果有一些星加坡或馬來西亞甜品，就好圓滿了。

和一幫朋友來吃午飯，5個人3張桌拼在一起。午飯不錯，很快上。我特別餓，不到10分鐘被我狼吞虎嚥下了。服務員很快來收我的碗和餐具，然後要求我把桌子還給牠們，好讓下一桌人來吃。我說我朋友還在吃，等不了嗎？服務員說我可以還了桌子就坐在凳子等朋友。在牠們的堅決下，我還了桌子，只好硬著頭皮坐在新的客人旁邊。新的客人也不好意思，一起默默等着我的朋友們慢慢再吃半小時，才送我一路好走。這種hawker Center特色的服務果然很正宗，值得一試，一次就夠了。

大熱天時35度，冇得去星加坡食蟹，所以就去這間餐廳試試他們的招牌菜黑糊椒炒蟹。我們叫了小辣，這個辣道不會搶了蟹的鮮味。黑胡椒汁好滑，不會食到一粒粒的胡椒，菲律賓蟹好新鮮，大大隻，蟹肉十分爽，同本地蟹差得遠。汁味道好香濃，用來送白飯一流。蟹是要一天前預訂，不可以即日叫的，如果即日叫可以試吓鳳尾龍蝦。除了蟹之外，我們還叫了兩個午餐來share。一個是肉骨茶套餐。肉骨茶比較淡味，不是很突出。我們還叫了蝦炒貴叼午餐。好多食客都叫這個午餐，好多配料，味道都不錯。午餐套餐亦包括飲品，大大杯，好飲。下次再嚟食蟹！

突然想食肉骨茶，見呢間有得食，於是懷著興奮心情去品嘗。餐廳位於 the loop 11樓，如果繁忙時段排隊等𨋢都會花多d 時間。我地二人前往，見到有個好抵食既海南雞飯套餐，海雞飯配肉骨茶或配喇沙，送飲品，盛惠$128, 都幾抵食，但唔好以為有兩味會好飽飽，其實肉骨茶或喇沙只係迷你份量，唔係正常份量，不過叫做有兩種口味咁解。而加送既飲品，我地選擇意米水，甜度適中，一向唔鐘意太甜既我，覺得剛剛好。總結雞夠嫩滑，飯太硬，喇沙 OK, 肉骨茶太稀冇乜料

食晏到處都要排隊，唯有去d樓上餐廳食，去到冇咩人，好快有位，叫左個印尼炒飯套餐，$98再加一，都幾貴，如果12:40 前離座就有9折。印尼炒飯幾好食，有一塊好大塊脆餅，個味幾正宗，飯就冇咩味，好彩有一碟仔辣醬送飯，仲有兩條沙嗲串燒，沙嗲味都唔錯，唔係太鹹，另外有一隻炸雞翼，不過唔係好夾。呢個套餐包飲品，我叫左一杯熱薏米水，正常味道，唔甜，仲有一碗沙，係青紅蘿蔔湯，都幾好飲。

突然間想食喇沙，晏就就走左上去try try佢啦 晏晝時段餐牌選擇唔係好多，不過基本喇沙、肉骨茶同埋海南雞飯都有齊晒等左唔係太耐就上左菜～湯底幾濃～好香椰奶味飲左一啖，幾唔錯 不過啲粉有啲過淋，冇咬口。同埋配料好少，呢個價錢我覺得貴左啲 唔太抵食跟餐送左杯凍嘅薏米水，不過杯入邊一粒薏米都冇......得啲奶白色嘅水同冰好彩佢唔係好甜比較清淡啲總評：性價比唔太高，如果價錢平啲都可以再試嘅，宜家略嫌有啲太貴啦

係中環揾揾下食就誤打誤撞黎左呢間The Loop樓上既星馬餐廳🧐當日係公聚假期都有Lunch set，感覺已經經抵食👏🏻分別叫左一個海南雞飯🐔餐同埋一個巴東牛肉🐄🥘飯餐跟餐飲(都係$98/set) 海南雞飯🐔仲跟雞湯🙆🏻‍♀️最值得讚既係海南雞既份量好多，足足有3層👍🏻味道都唔錯😌至於巴東牛肉就好濃味!!!撈飯一流😍

今日黎到中環食晚飯，老婆帶咗我黎呢間。好內都冇食過肉骨茶啦，當然仲有我最鍾意嘅海南雞飯。一間餐廳好唔好食，試下佢個海南雞飯就知道。個飯都算正常啦，油飯唔算油，但個味唔係好出，雞蒸得幾滑，個汁都唔錯，仲有碗湯跟埋，算係咁啦$98，係中環算唔錯啦。肉骨茶有四條骨，湯味都唔算濃，肉都唔特別，可以Skip,又話2-4人份，我一個人都唔夠食喎。最後加單叫左薄餅，呢個唔油，咖哩又夠味，$38抵食叫得過。$268 埋單中環都算係咁啦，有機會再黎食埋其他野啦。

早前R一位新加坡朋友同來自海南的同事帶我去食海南雞飯，結果兩人不約而同地帶左我去呢間。結論係，應該係正宗嘅。如果你係帶新加坡人遊香港的話，可以試這間。雖然我食唔到好特別（我正是點了海南雞飯）、午餐來說又唔係抵食（據說個棟大廈都係貴），間餐廳都係咁多人，完。

中午同朋友去中環old town食肉骨茶,我地在中午12:15pm就去到,好彩好快有位,呢間old town 食左好幾次,如晏左,每次中午都要排一輪隊.今日叫左喜愛的肉骨菜它那肉骨茶湯唔太濃,味度剛剛好,應沒有太多味精,飲完唔口渴,油炸鬼亦恰到好處,放在肉骨茶內吸湯一流,D肉骨一煲大约三件,有少少柴皮,整個lunch set 包野飲,有意迷水,香茅薑蜜.要左熱香茅薑蜜,片薑大大片,超有味,好飲12：40pm前埋單離坐仲有九折添

今晚約了M在中環食dinner, M揀左The Loop其中一間食星馬菜的The Old Town，入到餐廳發覺和同一座大厦泰家的感覺有些相似，一問之下，原來大家來自同一飲食集團，咁就更加有信心la!餐廳以木為主調，座位寬蔽舒適，乾淨企理，令人感覺好舒服！椰青$38/pc~首先來個清甜解渴的椰青，即時暑氣盡消！馬來西亞肉骨茶$108(small for 2)~肉骨茶以多種名貴藥材煲製, 用上當歸, 黨參,杞子,桂圓，丁香，大蒜和 黑棗等十八種藥材烹調八小時，肉排和豆卜都非常入味 ，伴以油條蘸湯來吃，非常滋味！肉骨茶的湯還可無限添加，值得一讚！巴東牛肉$108~以慢煮烹調牛肉,肉質軟滑鬆軟，而且香味撲鼻，醬汁還可以用來配油酥餅，好正！油酥餅配咖哩汁$38~油酥餅煎得金黃酥脆，蘸巴東牛肉汁和咖哩汁海南雞半隻$188~以三黄雞烹煮，雞味濃郁而嫩滑，配星加坡黑醬油，蒜蓉和以柑桔特製的辣椒醬十分滋味！黑胡椒鮑魚雞煲$238~以青紅椒，洋蔥，和黑胡椒爆炒鮑魚和雞，胡椒味非常香濃，兩者十分入味，鮑魚腍軟，雞嫩滑彈牙，果然是厨師推介菜色！

朋友仔今次特登嚟中環搵我食lunch，搵左幾間餐廳俾我揀，我一見到呢間係食海南雞飯，即刻決定要食呢間。朋友仔話呢間好出名，平時會排晒長龍，所以我哋今次一放lunch就極速跑去拎位。海南雞飯lunch set由＄98起。因為我自知自己食量比較細，所以我只係揀咗普通海南雞飯lunch set，而朋友仔就揀咗海南雞飯加喇沙湯麵lunch set。佢呢度海南雞同好多鋪頭一樣，跟三個汁，我自己prefer佢個豉油汁，忍唔住狂點。佢個油飯都好值得一讚，唔會太淋，亦都唔會太油，味道啱啱好。佢啲雞唔係我食過咁多海南雞中最滑嘅一間，但係都算中上。另外偷偷地試左朋友嘅喇沙湯，佢個喇沙湯椰汁味好重，好香，只係微微辣，我呢啲咁食唔到辣嘅人都絕對可以接受到。Lunch set 跟冬瓜雞湯同飲品，我哋揀咗薏米水。可能因為真係太出名，太多人排隊，我都未食完，個侍應已經急住要收起我啲野。要叫住佢先放返低碗湯俾我。食完之後急急腳快啲還返張枱比佢哋。如果你唔介意好趕咁食個lunch，呢度都可以一試。