盛八日式燒肉放題店 (已結業)

食9:30既宵夜時段，$228，OPENRICE有COUPON可減$30一位。野食大退步，七月尾時寫左篇"絕對超值"既食評，仲大讚好食，今次真係差左好多，只想講句:"絕對不值"!!睇下份和牛，變成咁樣，心知不妙。　其他野食都好食既，但比以前差左了，漏單仲幾嚴重。服務差，燒唔夠一個鐘就要人埋單，又話last order!!! openrice張coupon又話一人要用一張先可以每人減$30，條款又冇寫明，都知有唔少人中招，每人無端端要俾多$30!!!

很多年前已經吃過盛八，那時還是當學生的年代。盛八那時間在我心目中是十分高級的食府，兩人來吃一次燒肉，動輒千元！！那時候吃盛八的印象還歷歷在目！沒想到現在連盛八都做放題了，確實愈來愈多食肆能吃到燒肉，不像以前那麼珍貴。為了競爭，開設放題也是一個不錯的商機。對於愛吃的我來說，當然是很高興！因為能用比以前平上一半的價錢吃到美味的燒肉澳洲黑毛和牛顏色鮮豔，一上桌就想馬上把它吃掉！！！油脂分佈平均，吃上口滿滿的和牛香味，肉香濃郁。日本鹿兒島和牛單單從賣相可見，油花的紋路實在吸引！油脂比例較前者高很多，吃起上來油香充足，十分軟滑。這件是要加$50元換購的，十分值得加這$50元！我們點了一次又一次，牛肉是首選，其次是豚肉。牛舌－有點兒失望，因為是薄薄的，如果是厚切的會更好吃！當然成本就會高很多了！蜆－這個我也encore了很多次，蜆是新鮮的，很清甜。還有很多款食物，我們樣樣也點了止品嚐，整體來說，放題價錢能吃到盛八，實在是十分抵吃！！

訂左7點半嗰輪食燒烤放堤，7點20分去到，門外已經企滿人，終於等到第一輪食完先比入場，坐好填完第一張落單紙已經7點45分，初初d嘢嚟得都幾快，但係格一陣已經停左好耐都冇出嘢食，等又等，等到8點半d侍應已經話要叫last order, 有冇搞錯呀！好似冇乜食已經話夠鐘，離曬普，神奇地last order完d嘢又係咁出，燒得切都食唔切呀！最終，9點22分成碟燒好嘅食物個侍應唔該都冇聲就清左枱重提醒我地9點25分要走，唉！320蚊食餐咁嘅飯真係背脊骨落。

第一次寫評，係不開心經驗! 第一次去食盛八，去食early bird 1730-1930 用open rice coupon 減$40！去到先知要一人用一張coupon 才有優惠！好彩大堂個security 好心幫我copy coupon 才可二人每個有優惠之後食到一小時就叫埋單同15 分鐘last order !!! 吓！唔係食兩小時？根本時間不足夠，我也唔想一次過叫好多食唔唒！甜品也未叫！實在有點過分！不如話放題90 分鐘，order 限75 分鐘吧！我唔會有下次！有coupon 也唔去！

惡劣經驗有預定1925齊人埋位坐定定睇餐牌正正常常用小小時間簡下食咩飲咩之後落order都要小小時間燒肉黎講 個人唔係咩食家食物質素係中上感覺但由於係要自行燒點一轉 燒一轉 都係食得個小小野都己經過左成個鐘第一轉落單有加清酒 食到口乾都未黎好不客易上酒 點個杯有蟲重點係第二次落單 己經出現漏單情況要二次叫職員黎先慢慢上碟第二轉肉黎有得燒已經係2025燒到一半突然有職員走埋黎話 2045 last order都未飽就叫人賣單真係打左個突結果係唔想浪費既情況下落單結果都係食唔飽到2100 實際經過時間90分鐘想加小量肉 一碟咁大把職員已經堅持唔上菜同餐牌上寫任既2小時任食完全不一樣最後2125比人話夠鐘趕出店令人想去消委會投訴

見到openrice 咁鬼死多正評，不過講到佢有得食好肉之餘，可以任食其他肉，聽落幾appealing 咁，就過來試一試。一開始嘅肉係澳洲和牛，不過聽人講話一分錢一分貨，加錢轉和牛會好食好多，咁我就轉左一份。其實，因為我今次只係有食日本和牛，係比較唔到兩者嘅分別，但依塊日本和牛水準真係好正，毫不誇張地說，去到入口即化嘅地步，一擺入口，即刻成口牛味同油香，非常之咁正，係一個好好嘅開始。跟住落黎就係不斷任食嘅時間。當然都係一分錢一分貨，預左任食嘅肉係唔會去到一開始嘅開場肉嘅水準。有啲我覺得唔太好食就廢事講，但都有幾樣我覺得都算唔錯，例如個黑豚肉卷，芝士味好香，手羽先都好嫩滑，燒完特別正，是安全之選。有樣野我見都好多人介紹嘅，就係個牛油烤冬菇，試落真心正，香而多汁，係要食嘅。最後提一提個雪糕，比較少食到焦糖味嘅雪糕，覺得幾有誠意

上個月同朋友慶祝佢搵到新工，朋友話想食燒肉，但大家又想平平地儲下錢，最後上網Search見到盛八既兩小時放題9點半入座只係$228再加一，價錢吸引，Comments仲幾好， 而且我中環收工收8點，去到行陣街就有得食，成件事完全夾哂，所以我地都無諗太多就決定一於就食呢間！個晚我地準時九點半去到，侍應安排我地坐卡位，幾闊落舒服，傾計都自然傾得開心暢快D！Dinner Buffet每位都有一份澳洲黑毛和牛，見Menu上面話可以加＄50升級至日本鹿兒島和牛，我地大家都係好牛之人，見到張相都流哂口水，緊係點都要轉一份試下啦！澳洲黑毛和牛澳洲黑毛和牛切成薄片，色澤鮮紅好吸引，油脂分佈亦算平均， 我唔中意食太熟既牛，同埋薄片牛肉好快熟，為左唔好浪費左塊靚牛，所以我都只係輕輕燒左幾下就食啦。和牛既牛味好重好濃，不過就唔係太有油脂香，肉質較實，但都幾好味。日本鹿兒島和牛加錢換既日本和牛當然品質更加優秀，賣相有100分，油脂分佈比澳洲和牛細密得多， 食落好有油脂香，質感非常嫩滑，差唔多可以話係入口即溶！ 只係需要加$50就可以食到咁高質既日本和牛，真心超抵！ 另外我地本住「係咪都要俾咁多錢，緊係咩都要試下

前排熱氣，乜都唔食得，好多約都擱置左，依排終於好返，拿拿林還返啲飯債。兩條友黎食燒肉，一方面是因為好耐冇見，另一方面是因為實在是忍口太耐了。最先一客上嘅係澳洲黑毛和牛，跟住有一堆野可以無限任食，有蘑菇，牛舌等等。真心講句，除左一開始嘅和牛真係堅好食，牛味重加入口即融之外，其他嘅任食肉都唔係咩高質肉，好彩嘅係啲調味做得唔錯，拉返唔少分，例如個人就比較鍾意個芝士櫻花豬肉。除左肉之外，個燒蘑菇堅好食，一定要食.以下係少少comment:個手羽先幾好味，但出黎食燒肉就盡量唔好叫啦，食返牛抵啲佢啲燒肉比小食好食，喊左個韓式手造餃子唔是太特別，早知叫多盤牛舌一開始個和牛同埋蘑菇最好食，其他就正常水準求飽肚最後個雪糕焦糖味幾好，但有啲偏甜

香港的潮流，來得快也去得快，這小小一個都市，每日來回的潮流熱點，哪怕熱遍全城，也頂不過是一兩個星期便告退，娛樂如是，遊戲如是，吃的風潮，也是這樣。但風潮雖過，真正好的東西還是有回頭客留下，這在貪新厭舊的都市人中，也算是大不易了。所以說，這間燒肉店能引得我再三地光顧，還是有兩把刷子的。很老實地講，香港能吃到好的燒肉，高質素的燒肉，未必會選擇這間，這間使我流連的地方，也不是這裡的燒肉舉世無雙，而是其配搭做得不錯，在能吃到較高質素的牛肉的同時，仍可以吃任食的自助肉料來填飽肚子，而價錢不算太貴，是其優點。這天我如常地過來吃燒肉，其實來過這麼多遍，幾乎都如數家珍了。一開始的套餐，會有一客澳洲黑毛和牛，這種牛燒來吃脂香很重，口感軟滑細融，尚算不俗。如果加一個價錢可升級到日本和牛，那種牛味，脂香，入口即融，又是另一種享受。坐在烤板旁邊，感受著一絲絲冒起的熱力，看著鮮嫩的牛肉慢慢由紅變色，炙香散溢，真是一大享受。接下來又叫了幾項任食的食材，例如一口牛舌，和芝士櫻花黑豚肉卷。牛舌的水準沒有下準，依然是很惹味，燒香後質感很有嚼勁，咀嚼時滲出陣陣牛味和椒香，是我來這裡都會點的。還有芝士櫻花黑豚肉卷，這個就是

從未見過一間食放題漏單問題咁嚴重當晚book左明明4/8既19:30 上到去竟然話record 跟住佢再check 比我見到你book左4/9 真係笑左出黎但之後見佢即刻安排入座就無咩野啦不過漏單問題好嚴重 等多過食 連野飲都要吹 唯一熟食係黎齊 不停追單都無用 呆坐係到望住個爐燒最後20:45就話last order心念你上過d咩 咁既放題第一次見之後21:25仲要趕客走 我明你有下一輪 但你有無檢討下出餐既速度最後食到一肚氣又唔飽就走左

盛八烤肉 x 放題 ＄268加一 (5:30-9:30pm) 加左$50升級豪一豪 要左份日本受賞鹿兒島和牛超靚油花 肉質非常鮮嫩!!和牛唔怕燒耐小小架 因為要等油脂受熱夠先會有入口即溶既感覺架真係好好味啊~~~ 岩鹽青檸手羽先係另一必食 雞翼開邊更方便 唔怕燒唔熟 青檸令味道更清新真係超正我最愛既兩樣野翠玉瓜同蘑菇 配以香草牛油一齊燒 吸哂d牛油香味 好正！ 另外仲有好多唔同既牛／豬／雞部位+海鮮 任君選擇新鮮！好味！水準非常高 蜆亦都係隻隻都開口架 一d都冇欺場～ 整體物有所值 性價比高！ 地址:尖沙咀亞士厘道23-25號雅士利中心3樓

盛八燒肉放題 $268加一 (17:30-21:30)好食指數: 8/10抵食指數: 7/10日本受賞鹿兒島和牛 另加$50加$50 就可以享受到日本受賞鹿兒島和牛😉雪花比例好平均 一睇就知係靚野係爐上燒一燒 將牛脂肪香味迫岀😍食落成口都係牛油香味 值得加錢一試👍🏻餐廳以不同部位肉配搭不同調味做賣點一反傳統觀念 調左味嘅肉 味道別有風味岩鹽青檸羽手先 同豚腩肉 味道好清新 減輕肥膩感五色胡椒一口牛舌 非要爽口惹味鹽燒牛胸腹 簡簡單單 帶岀牛嘅油香燒汁牛肋骨肉 香烤味道 肥瘦均勻柚子胡椒豚拖羅 柚子味道清新 平衡豚拖羅肥膩白硯 好新鮮又大隻 食落好甜一間餐廳好唔好 從細節就睇到😏翠玉瓜同磨菇 呢啲蔬菜類都無忽視😎用錫紙兜裝住 再加上一舊仔牛油只需放係度燒 熟嘅時候攪勻佢即刻散發好香牛油味 懶燒嘅人就最啱👻不得不介紹就係豆腐味雪糕好重豆味 岀面食唔到

食物好味， 多款式揀，肉類較多，一口牛好味， 飲品有多款， 只是甜品款式太少， 服務ok, 但要在放題時間完結前45min作最後order未免太早， 總括都覺得食得舒適開心。

同朋友買左團購，一行幾人第一次去試呢間日式燒肉，點知十分失望，唔會再去，亦唔會推介身邊朋友家人去，亦唔建議大家去。團購已經限定左用餐時間，Book 左 9:30pm 既位去到都唔係即刻有位，呢 d 我可以理解，之但係等左差不多 30 分鐘先被安排到坐抵，再等超過 10 分鐘先 set 好哂爐同餐具，交左 order 紙後又要等左好耐好耐先有野上比我地燒，燒唔夠一陣又話 last order 了，基本上等多過食﹗當晚眼見呢個 section 好多吉檯已經唔係 full，但叫侍應叫到喉嚨痛都無人應，揮手D侍應又擰咩面或轉身走，問野又黑面粗聲粗氣，完全沒有 service 可言，一眾侍應十分落力趕客。食物方面，難食﹗d肉無肉味又硬又多筋，唔係自己燒得過火都已經好多咬唔開，order 紙上好多食物基本係無多過有，全部野都好不知所謂﹗如果間餐廳無心經營或唔想做團購，直接唔好做就得了，無謂攪到 d 食客如此痛苦﹗

有段時間冇黎盛八，朋友話而家三舊水有找任飲任食兩小時，唔洗諗即時訂位第日收工去食，7点去到門口巳經迫滿人，但到左7:30好準時可以入座。起初諗吾知轉左放题質素會否差左，因為我們早一日訂枱每人有大虾送另外仲有澳洲黑毛和牛送。到上菜時發覺絕無嬉場，虾好彈牙！和牛超嫩！其餘對我來講樣樣都好食，唯一美中不足係服務員成日甩單搞到一樣野要追兩三次。總括來講值得N歌。