真台客

營業中

休息中

元朗《真台客》🤤😋真係好好味！因為朋友想食《真台客》我就買外賣🥡去探開店中的朋友。我們點了：1. 炸雞扒魯肉飯唔好講笑，個炸雞扒好得，大大塊！一打開個飯盒時見唔到塊雞扒以為漏單，但原來因爲太大塊，店員將佢放係個紙袋到☺️嘩！一咬落去，雞扒的味道同埋炸脆了的皮，又係好夾🥰好喜歡啊！完全食唔停。2. 香腸魯肉飯這是朋友點的，因為香腸成條上，所以今次無機會試到，下次試啦😉3. 炸鹽穌雞這個又係好出色，鹽穌味一流👍🏻4. 跟餐送的冬瓜茶甜味剛好，配埋香脆的炸物，好夾🤤大滿足，飽到上心口！誠推！..............🇭🇰$123..............下次再來😍

因為疫情關係，冇辦法出去食飯，唯有去叫外賣啦，今次叫咗腸仔滷肉飯同蚵仔煎，首先蚵仔煎黎講，海鮮味好突出，食得出食材係高質既，其次係腸仔滷肉飯，有趣既係佢啲滷肉係一條條，同埋偏咸，腸仔就冇咩特別，蛋亦都ok既，最後推薦如果想係元朗食台灣野可以一試

《真台客紅燒牛肉麵》$60個牛肉夠林得來又有口感，有水準，至於個湯底同啲麵就普普通通，有少少油膩，但整體來說，都算好味😋😋😋《大雞排便當》$52塊雞扒大過隻手掌，雞肉好滑，新鮮炸起，夠厚夠口感，食完好有滿足感，正呀！😋😋😋《起司蛋餅》$36好夠份量，啲cheese會令你好滿足🥰 如果個皮少油啲就perfect啦！杯茶係免費自助斟嘅，有凍有熱，我就揀咗飲凍，驚喜地好好飲😋😋😋環境質素：8/10食物質素：8.510 抵食指數：8.5/10 回頭指數：8/10

尼間係一個居港台灣人介紹的，佢話餐廳係台灣人主理，好正宗，當然味道亦好好。門面幾靚，畫滿台灣風格圖案，一開門，女侍應好可愛💓😛店內有冬瓜茶供應任飲，不過好甜。由於唔係太肚餓，剩係叫左一個飲加2個小食。香腸肉燥飯好味！我本身好中意食台灣香腸，加埋佢入面有d酸菜，好鬼正，仲有半隻蛋同埋一兩舊豆干。台式臭頭腐亦我最愛小食之一，次次去台灣必食。臭味好香，皮好脆好鬆化，豆腐內部唔會炸到乾晒，配埋辣椒醬一齊食， 100分。最後推薦嘅係煎蛋餅加芝士，芝士溶咗好濃烈嘅香氣，蛋餅煎到岩岩好，唔會燶，一咬落去啲芝士係口裏面爆出嚟，好食。

今日同朋友出到黎元朗覓食，路過見到呢間台式餐廳有咁多人排隊，我地一於去試下佢龍與鳳排左15分鐘終於到我地入座，我地被安排坐門口位，門口旁邊就放左呢兩壺自動飲品機，分別係冬瓜茶（凍），麥香紅茶（熱），個人比較鍾意後者，因為唔會太甜，而且麥味好出蚵仔面線：蠔仔好鮮味，湯底胡椒味好出，如果份量多d就好啦台式鹽酥雞飯：要一讚廚師好有心機shape到舊飯係寶島地形咁樣，雞粒夠哂香口，份量十足，讚👍🏻蚵仔煎：用木薯粉加蛋液煎到靚一靚，好有地道風味，岩哂同我一樣鍾意食蠔既朋友最後我同友人都食到飽一飽，十分滿意呢一餐，住元朗附近既朋友仔記得試下啦

餐廳係黃店，所以特登去食。但餐廳位置唔明顯。芝士粟米蛋餅好好食，俾到驚喜！淋左少少醋汁令蛋餅食落更多層次！但加左一樣餸令價錢可能稍微貴少少。值得一讚嘅係因為係台灣食店，所以有免費提供凍冬瓜茶同熱麥冬茶！

今日朋友同我去咗元朗食飯 去咗食台灣菜黎到餐廳門口已經好多人等緊位 唔少黃店支持者齊齊撐起黃色經濟圈 💛 台灣食品當然唔少得鹽酥雞 炸排骨 魯肉飯等等就連夜市小食都一應俱全 我哋叫咗一個鹽酥雞便當 同雞肉便當鹽酥雞炸得好香脆 食落唔會好乾身 仲有淡淡肉汁而且份量都唔少 鹽酥雞絕對唔係得幾粒雞肉便當 雞肉切粒食落好方便 撈埋返嚟食口感豐富 而且加入醬料相當美味 飯粒又唔會好乾硬另外值得一提嘅係飯滷水蛋都相當入味另外我哋仲叫咗個粟米蛋餅 蛋味好香濃 即係粟米好容易喺夾既過程中跌咗落嚟 要自己慢慢夾返嚟食另外餐廳仲有免費嘅飲品 可以自己出去拎 我哋就拎咗兩杯冬瓜茶 味道偏甜 但係夏日炎炎飲番杯真係好消暑

我自己本身都幾鐘意食台式野，一來好食二來性價比高元朗嘅台式餐廳都諗住逐間試下，今次就嚟到呢間真台客，仲係黃店嚟tim，緊係要幫襯下門口位有凍冬瓜茶同熱麥香紅茶可以任斟都唔錯，不過果日冬瓜茶冇晒，熱麥香紅茶本身有甜度，暖暖地飲都ok我地自己都叫咗兩杯野飲，黑糖珍珠奶茶$28 中規中矩比較淡身，古坑珍珠咖啡$18 味道就較出不過兩杯嘅珍珠都偏硬身咗d真台客牛肉麵 $60朋友叫咗呢碗牛肉麵話好食，個湯甜甜地牛香又夠濃，有台式味道牛肉份量都多，仲有幾條菜健康D而炸排骨便當 $48就相對我個人覺我份量有D少🙈炸排骨係OK嘅不過成碗飯冇咩汁，蛋都係熟蛋近期食過幾間台式野自然會有D比較...😂有間價錢差唔多但肉燥同飯都係任食，配菜都超足份量炸芋丸冇影到相，芋香味都唔錯酥炸花枝丸就比較酥香同彈牙👍幾得意嘅係我地留意到個碟係台灣版圖嚟🤣不過價錢$30同$36 個人覺得都係有少許貴嘅...因為元朗地段冇可能貴過出面旺區仲份量少咁多架嘛😳不過睇在味道OK希望可以做得再好D啦......見成間鋪都貼好多文宣野...黃店加油

.✨五一黃金週系列✨今日嚟試依間門口已經貼曬文宣嘅黃店💛一入到去，餐廳四面牆都貼曬文宣，連餐牌都無咩地方貼🤣 仲喺到抽咗十張yell card😎好靚呀🥰香腸魯肉飯便當 🍛 $46依個飯真係超大碗，我覺得份量多到男仔都未必食得曬。🤣 足料到每啖飯都可以撈埋好多餸一齊食，抵食呀👍🏻不過啲飯就略嫌有啲濕同埋唔係好咁汁啦，如果多啲汁個飯一定會更加惹味🤤鹽酥雞便當🐔 $48餐廳用咗隻台灣地形嘅碟嚟裝個飯，好特別呀🤪 個鹽酥雞好香脆惹味，又唔油👍🏻不過啲飯都係有啲濕呢👉🏻👈🏻台味甜不辣 $36依個真係有驚喜，香脆煙韌🤤好似去咗台灣夜市咁😏蚵仔煎 $42啲蠔仔又大粒份量都多👍🏻值得推介總括嚟講，佢嘅小食係做得比正餐更好，煲飯嘅火喉可能要再控制下會更加好😇💛 12/6 表態支持參與黃親國斥計劃定期捐款至傳媒或支援反送中運動組織

今日又想食台灣野，第一時間就諗起真台客第二次幫襯！水準依然介紹下我今次食左咩先：大雞排便當：雞排好大塊，炸得唔錯，唔會油淋淋，但略嫌肉唔夠厚鹽酥雞便當：同雞排味道差唔多，睇你想食邊一種口感！建議雞排或鹽酥雞二選其一台式蛋餅（肉鬆）：作為雞蛋愛好者，蛋味很濃，配合肉鬆很有口感！推薦！地瓜甘梅薯條：可能外賣關係，薯條已經唔脆口，但味道很好！最愛就是地瓜，最後都比我食清光，下次有機會堂食必定再試！特別一提，外賣包裝好貼心，炸物同飯會分開包裝，唔會搞到油淋淋！繼續努力！香港加油！支持💛💛💛

如果鍾意食好嘢元朗係一個不能不去嘅一個好地方基本上你諗到諗咩都可以喺元朗搵到今日就幫襯左一間食台灣野嘅舖頭叫做真台客5:30去到嘅時候佢哋仲未開門所以就再行多左一陣around 6:30就在去到呢間舖頭主要買啲台式嘅飯同麵，夜市小食同埋台式飲品Menu清晰簡潔唔會太過累贅令到人哋花多眼亂佢哋亦都想用咗個膠嘅方式令到食客可以重新喺Menu上面落單比較環保價錢方面亦都非常之佛心平均五十零蚊就會有個飯，小食為數係$30左右另外值得一讚係佢有個凍冬瓜茶同一個熱嘅麥茶係免費比食客自己飲用重點係品質唔錯，凍冬瓜茶非常之透心涼今日二人同行叫咗牛肉麵，大雞扒飯便當同一個甜不辣牛肉麵湯底非常濃郁，以牛肉嘅部份係類似崩沙腩咁嘅質地嘅牛腩，非常之入味好好食，麵質似刀削麵大雞扒飯亦都非常之有心機，唔知係我自己先入為主定係點，我就覺得裝住大牌雞扒飯嘅碟就係台灣嘅地圖而大雞排炸得非常之香脆同幾乾身唔會覺得好油淋淋除咗雞扒同飯之外仲會有少少嘅配菜喺旁邊成個飯又飽又好味最後推介嘅就係甜不辣佢將甜不辣查完之後配上佢哋嘅醬汁甜不辣口感非常之煙韌一定要試食緊嘅期間都見到好多人叫外賣如果因為疫症唔敢出街嘅朋友記得可以嗌外賣啊

係元朗攞完野俾個朋友，佢推介左附近呢間黃店。一來到門口已經有好多人等緊外賣，2個人都等左10分鐘先有坐，可見生意算唔錯💪先講環境，入面裝修新淨，出面就有車位，算係十分方便。野食方面，嗌左個台灣腸魯肉飯，雞扒飯同一客蛋餅。個魯肉飯好夠味夠汁，d肉稍嫌韌左少少，但唔會太肥幾好。台灣腸都係，唔會好似夜士個隻咁肥，過下口癮，係唔錯既。雞扒飯個人覺得比較啱我口味，塊雞扒超大塊，個脆皮應該炸得啱啱好，唔會太厚亦都好夠脆，肉質好嫩，呢個價位冇得輸👍👍個蛋餅就不過不失，我揀左加肉鬆但唔覺特別出色，不次可試下其他。仲有兩樣野值得讚，第一係野食好大份，實夠飽。第二仔佢門口有冬瓜茶供食客免費飲用，味道亦都唔差，唔會太甜結論，下次來開呢頭會再食👍

鹽酥雞便當 因為今次係外賣, 店員好細心將啲雞用紙袋分開裝👍🏻👍🏻👍🏻鹽酥雞粒🐣🐣份量大概有10粒,每粒都好大舊,淨係食雞都飽😌😌😌😌肉質好嫩滑,炸粉唔會好厚又脆口,不過椒鹽味多左少少有啲咸🤪便當另外有菜🥬滷蛋🥚同豆腐片,隨餐送冬瓜茶🥤🥤整體黎講都唔錯,又抵食😋😋🔺如果想加魯肉就要加$5🔺🥂🥂🥂🥂🥂🥂🥂🥂🥂🥂芝士蛋餅 蛋餅餡料正常🤣🤣🤣啲芝士🧀🧀半融既狀態,都算不過不失啦😝😝

好掛住台灣呀我 我真係勁中意食蛋餅 去台灣日日都要做早餐 香港無咩地方有得食蛋餅由於太掛住台灣 所以去元朗真台客食台灣野 ，呢度最出名就係蛋餅同鹽酥雞叫左個鹽酥雞魯肉飯，蛋餅同牛肉面鹽酥雞份量勁多，每粒都好大舊，炸粉唔會太厚，雞肉嫩滑，加埋椒鹽淨係食雞都飽。所有便當都可以揀飯/麵，魯肉飯好正，如魯肉夠肥，入口即溶最好食緊係蛋餅 我入面揀左吞拿魚同粟米，好滿足台灣出名的仲有牛肉面必點的,牛肉够大塊,每塊都帶着牛筋 肉質超好,面就是台灣面那種口感,湯因為沒辣就會覺得 偏淡,當然還是去台灣才能吃到更正宗好吃的,不過已經 不錯了埋單都係$150，抵

讚1. 滷水千層豆腐不錯，入味不過鹹，控制得剛好2. 可以任飲冬瓜茶，很好👍彈1. 比起元朗店，荃灣分店的水準明顯較差，豬扒便當的豬扒不合格，過於肥膩，飯粒硬得出奇，份量亦縮了水，要好好努力呢