真味坊 (已結業)

前幾次外賣 不過不失咁 但今次 真的發火了 好耐冇食 咁岩係附近 諗住買返啲薯角、魚干食吓啦 點知就衰左 10:30都唔夠俾左張單佢 咁就等啦 咁等咪行開左睇其他野 咁11:00行返去睇吓得未啦 點知....啲薯角仲係等緊未炸既 其他野就燒好喇 但係呢....我問佢 我兩個薯角既個張單仲未得呀？ 佢地就答我 要等嫁 啲單點俾我地就點樣既 急唔到 啲單要排既 我就話 等左好耐喇喎 佢地就話 咁前面都有好多單 點知 隔離有個遲過我黎既問佢地係咪整緊喇 佢地就話係呀整緊喇 原來 遲來先上岸 我知燒係要等 我唔係唔等 我等左半左鐘有多 問你 都仲未整既 仲要去到我問既時候先話我聽 等多陣喇 炸薯角好快嫁 兩分鐘得嫁喇 兩分鐘得既野 要我等多過半個鐘 真係可一 不可再 成篇係個人觀感

呢間串燒店已經成為我心目中第一位ge宵夜佳選❤️，係用心經營ge小店，野食完全唔馬夫，用心燒，最欣賞佢ge獨特沙爹醬。串燒價格算親民，其實佢隔離都有一間串燒店打對枱，不過我無試過，因為食過呢度一次翻唔到轉頭。不如我介紹下我黎到必食ge菜單啦，燒韭菜軟硬適中保持水份，配搭均勻又惹味ge調味粉同芝麻，豬頸肉夠爽、珍寶蟹捧超大條夠蟹味、豬仔脾多肉夠香，最後係最驚喜部分燒雞脾，只需要22蚊，好大舊多肉，仲切埋比我方便一啖啖肉食😍，皮好香脆，配合少量蜜糖同沙爹醬簡直完美，好開胃，佢個醬偏重花生醬味同甜，食完想再食，而且佢唔會話落太多遮走哂原本ge味。其餘亦推介雞肉、雞腎、燒茄子、菠蘿等等，小店經營，行動支持❤️。提提大家，如果唔想等太耐可以到前5至10分鐘打過去落單，講翻坐低食就得。

呢排心血來潮想食串燒🍡🍢就黎咗呢間以前幫襯過嘅。應該有兩年幾無黎過lu門面係咁的，都係坐係馬路邊食，食呢d都唔會expect坐得好舒服落完單大約等15至20分鐘就有得食啦！即叫即燒的！🔥🔥叫咗好多野食！ 墨魚丸、煙肉香腸，雞肉牛肉豬頸肉😍仲有芝士司華力腸😋d芝士多到流出黎😆沙爹金菇肥牛同粟米！ 個粟米有少少太乾雞腎。我唔食嘅😂雞翼同紅腸都好味！😊但紅腸略嫌有小小燒得太焦🌚🌚d豆都焦得有d over兩個人食咗勁多野🙊🙊d辣粉都幾辣架，如果唔食得辣揀小小好啦😂同埋會愈食愈辣😆如果大家去食嘅話記得睇下d野食到齊未，因為我去嗰時漏咗兩串，要拎返張單對🤭🤭又要再等佢燒就要多d時間啦。

宵夜總想搵d香口野食，串燒就係其中一個選擇吧！呢間串燒店都幫襯左好多年，依然保持水準，款式更愈加愈多，見近黎仲加左生蠔！蒜蓉茄子必點，蒜蓉夠多，茄子唔會燒到乾！司華力腸牛肉串、豬頸肉、雞軟骨、雞腎 可選麻辣、沙嗲、蜜糖汁！晚市較多人，建議早30-45mins打去點左先再去攞！

每次離遠經過元洲邨既時候，都總會比佢既串燒香味所吸引 而今次都唔例外，所以行過去停低落黎外賣串燒走呢一間真味坊我相信係長沙灣區比較出色既宵夜串燒店，甚至唔會輸比天后區一帶既串燒店 佢地所落串燒既味粉好香好入味... 係由兩夫婦經營之小店 ，眼見每次經過小店咁多人，但男老闆依然好全神貫注去為客人燒好每１串既　串燒　老闆只求出品，若心急既人未必等到，今次嗌左雞比、司華力腸、雞腎、雞軟骨每串都好香味粉、好入味　另外雞比皮好脆好香　真係一食上引，令人難忘