真知味 (已結業)

又要趕番公司做野，於是就先去買野食打底。要了豬腸、魷魚同片頭河粉。每樣餸的份量也不少，米粉亦足以飽肚。米粉爽滑。豬腸有肥有瘦，味道不錯，幾入味。魷魚都係一貫嘅味道，本身無味，靠個湯。片頭出奇都好食，好爽好彈牙。湯底顏色深，不過味道也不會太咸。

同朋友行到悶悶地,又係時候充充電咯~是日下午茶:- 咖哩魚蛋 只有辣同唔辣,整左個辣.辣到阿媽都唔認得呀!!!魚蛋唔知彈彈波,幾好味既~不過食完之後味覺都冇埋.

臨去沙田做gym果時...約左友人係旺角等..點知佢話肚餓...諗都唔諗就指住呢間野...要自己出去點送...同埋拎返埋位...我地見到呢間野無咩人先去食..點知一坐低...就成村人入晒黎食仲越坐越多人...入面間鋪有好多"烏英"係咁飛黎飛去碗粉唔好食的...湯還湯...粉還粉...好似唔多夾咁...魚餃既賣相唔好睇..菜同埋其他都ok友人食完之後..仲話好似冇食過野一樣...叫多左10魚蛋燒賣...仲要多醬點知辣到係咁出晒汗之後食完都係急急腳鬆人...

每次o黎花園街食特辣魚蛋,我都唔會忘記真知味嘅 燒賣..真知味嘅 燒賣.的確系好味..新鮮熱辣 一串五個..淋d醬油汁同D燒烤汁. 哇..十分好吃行街次次都少不了真知味嘅 燒賣.行街首選啊..

向來此店的人潮多到爆棚，但萬萬想不到，食評卻如此少少少…$5。6粒。魚蛋：若與'通達'、'津味'比較，此店的魚蛋最大粒，而其質感較實淨，都幾彈牙爽口，個人覺得普通啦，全場至掂就是這個杰醬！辣醬杰身，但辣度只算是小辣。<所以嗜辣之人別抱太大期望，要吃辣的請過對面'津味'。$5。5粒燒賣：普通，不如滾得過淋，其實味道也是那句，全靠個醬汁突出滋味！$5。4粒魚皮餃+1粒燒賣：並非隨處可見的小食，由於雪藏關係，每粒魚皮餃都痴住晒，魚皮餃細細粒，外皮煙煙unun，增添不少口感，味道也不錯~<搭上1粒燒賣的配搭有點奇怪>柚皮、豬皮、魷魚、豬腸：都是媽媽的最愛，佢話夠入味，而且豬腸處理得乾淨又唔肥wo，所以每次必叫！ 魚餃：細細粒，煙un好味，是家姐至愛冬菇：煮得都夠淋，我愛吃豆漿：都係用黎解渴，有不少沉澱物…魚肉翅：d魚肉好粉，尚可河粉：媽咪話呢度最滑wo；家姐就覺唔係好滑，普通水平，話因為佢車仔麵唔係主打粉，仲認為呢度都算係車仔面正的一間，因為個醬汁對一個車仔麵太重要la wo<我想講：媽咪，好多地方都滑過呢度多多聲！！>P.S：環境擠迫，多人等位，食完

工作須要關係, 旺角我都行左九成地方, 有時口痕, 都會咬番串小食過吓口癮尋晚就去到真知味篤左串魚旦食, 辣汁係勁辣, 味道本來係ok, 但係唔知點解今次食的魚旦好怪, 個皮好un, 感覺上好似食緊紙皮, 一d都唔好食個汁係好味, 但魚旦好唔掂, 所以下次唔會再食魚旦

好耐冇來這裡食車仔麵,因為越來越貴,揀米線竟然要$8,不過這裡的車仔麵味道係唔錯,只是坐得很辛苦完全人貼人,有時拿着碗麵都好驚會撞倒人,佢地又唔會幫你拎,所以真係要小心,而且環境真是麻麻,所以都好少黎.......今次叫了豬紅,豬腸,牛腩,豬皮,米粉(加辣汁),豬紅(味道不錯), 豬腸(味道都ok,但唔夠元朗永年好味), 牛腩(夠味夠淋,但勁少及勁細件), 豬皮(幾爽) 辣汁不算太辣,但幾好味

applegreen前先跟同是喜吃魚蛋燒賣的甜甜在花園街吃魚蛋,2選1選了這間人龍店。無論燒賣或魚蛋也先浸一浸那鍋看似很辣的醬汁,心想會不會很辣呢?? 有了心理準備下一吃,原來那醬汁只是微辣,反而有點甜甜味道,以醬汁來說還算ok,只是吃後嘴巴像塗了黃色lip glossy而已。燒賣蒸得透心,軟軟糯糯的感覺還可接受,是否用鯊魚燒賣也不清楚,因為那濃味醬汁已蓋過其味道了,個人還是喜歡燒賣蘸豉油來吃,用這種辣汁總是不太配合似的,還是懷念以前花園街那美味魚肉燒賣!魚蛋不是自己喜歡那些實的的魚蛋,這款大魚蛋質感較鬆,吃來較柔軟,雖不是自己喜愛款式,總算沒腥味,收貨。很久沒有站在街頭吃魚蛋了,謝謝甜甜陪我瘋,更謝謝她請客哩

四月廿四日(四)今日同老婆出左黎旺角，o念住去花園街買攬枕，因為尋日俾人掉左$#@$!@~，去到時已經有d肚餓，於是去左弼街同花園街轉角位最就腳間車仔麵檔度買d小食頂住肚先。見到小食種類都幾多下，有魚蛋、魷魚、牛柏葉、蝦卷、魚皮鮫、燒賣等等，叫左以下幾樣:魚蛋($5/6粒)魚蛋質地係用黎炆野果隻魚蛋，個人覺得配合辣汁唔夠扁身D果種好，辣汁方面調配得幾香，小小辣，好味~魚皮鮫($5/4粒加一粒燒賣)比較小見既小食，魚皮鮫較平常細粒，味道也不錯~腸仔($3/串, $5/2串)就係腸仔~ ~"其實尼D小食好無賣好睇個辣汁，尼度隻汁都幾好味，而且叫咩都可以點辣汁~ 價錢亦合理，加上就腳，肚餓時買串的確唔錯~