真．奶 (已結業)

前排見佢地又推出左新野 再去食佢地新出既既桃膠杯好好味 好清新 價錢幾抵 呢個價錢出面真係未必會食到！仲要細細杯都食到好飽肚，本身係見到佢個招牌 以為佢地賣珍奶 點知原來係健康飲品 好難得 大杯其實好抵飲 就咁食乳酪都差唔多價錢啦😆 仲有個女店主 好吹得😂係我睇緊有咩飲既時候 比佢地改既名吸引住都會不斷介紹我有咩受歡迎 最後得知佢地用既乳酪都有花心思 唔係普通野 同埋一飲就知冇溝水 🤣超有良心既黃店 所以一定要追加食評，繼續支持 會叫更多朋友支持你地 ！

剛剛喺附近食店落咗外賣自取， 諗住喺附近行幾分鐘。點知行咗20步左右，發現新開咗間飲品店。店員都好落力sell。買咗兩杯奶都係少甜，返到屋企先飲。冇生果味、冇甜味嘅？有改善空間

第一次黎係飲梗爽，因為太熱後期見到完來咁多健康飲品完來超好飲！香蕉同火龍果乳酪😍😍😍岩曬便秘既人😍😍😍飲完個香蕉乳酪仲要夠曬飽肚 😂要繼續試其他 好正🤩🤩

作為一個正在減肥嘅人，要我戒珍奶真係好痛苦😭珍奶唔敢飲，唯有飲「真奶」！我講緊嘅係最近喺元朗開嘅黃店，主打健康乳酪奶嘅小店「真·奶」！😂呢間店開係空姐牛肉飯嘅舊址，仲要係超藍店B仔隔離！分明藍中一點黃，我實在諗唔到理由唔支持！ 喺「真‧奶」門口列明佢哋家飲料有咩特點。 另外，老闆娘話想手足飲食健康啲，所以呢度嘅飲品都唔似出面咁落奶精，或加大量色素，反而會用全脂奶、日本無糖乳酪、蜜糖、赤蘚醇代糖等健康有益嘅食材，即便我呢類怕肥嘅人，飲完都完全零罪惡感！😂 話明大力懲罰，我連續3日幫襯佢哋😂分別試咗自選生果乳酪燕麥杯、好人一生蘋安及桂圓紅棗茶（加桃膠）。自選生果乳酪燕麥杯我揀咗士多啤梨，同乳酪溝埋一齊，酸酸甜甜，幾好味。而且佢哋加咗唔少燕麥，食上口比想像中飽肚。 入面有好多蘋果蓉，好足料！ 老實講，心灰意冷時見到，個心都幾Warm。另外，佢哋都設有多款水果乳酪特飲，啲名都好搞笑，好似我揀嘅「好人一生蘋安」，即是蘋果乳酪奶，入面有大量蘋果肉，配乳酪飲，比想像中清甜，一啲都唔膩！ 另外，「Keep住團火」火龍果乳酪奶、「大隻巴打」芒果乳酪奶、「梨是你本身的傳奇」梨肉乳酪奶.....等

之前經過見到佢裝修緊，有少少期待佢開張！附近又多左一間黃店啦👍正！佢標榜健康既野飲，元朗真係好少有呢類型既飲品.所以想試一試佢.可能因為係新開張關係，佢都會問一d有成日幫襯既客俾d意見，務求整得更好味，呢個係我欣賞既😊聆聽既重要性。我叫左個火龍果乳酪，order 個時佢好好，仲主動問我使唔使少甜，少冰咁！雖然細杯$35 唔算好平，但杯野飲落會覺得值得，飲到乳酪既味道，但同時又飲到淡淡既火龍果味。香港人，keep住團火！