真．奶 (已結業)

之前經過見到佢裝修緊，有少少期待佢開張！附近又多左一間黃店啦👍正！佢標榜健康既野飲，元朗真係好少有呢類型既飲品.所以想試一試佢.可能因為係新開張關係，佢都會問一d有成日幫襯既客俾d意見，務求整得更好味，呢個係我欣賞既😊聆聽既重要性。我叫左個火龍果乳酪，order 個時佢好好，仲主動問我使唔使少甜，少冰咁！雖然細杯$35 唔算好平，但杯野飲落會覺得值得，飲到乳酪既味道，但同時又飲到淡淡既火龍果味。香港人，keep住團火！