影片
開飯介紹
堅持以原隻章魚造成的招牌章魚小丸子，有黑松露、蟹膏、櫻花蝦、芥末蜜糖等10幾款口味，好有特色。設6粒或8粒選擇。
繼續閱讀
營業時間
今日營業
12:30 - 21:30
星期一至日
12:30 - 21:30
以上資料只供參考, 請與餐廳確認詳情
相關文章
🐙黑松露拼明太子章魚燒 8粒 $47即叫即整，等左15分鐘左右就有得食⌛️咁多款入面，我哋揀左黑松露拼明太子！黎到個章魚燒既賣相好吸引，滿滿既黑松露同明太子醬，聞落好香而且味道好濃郁，章魚燒外皮燒到金黃香脆，每一粒章魚燒入面都有大大粒嘅章魚塊，好足料👍🏻配埋濃郁既黑松露同明太子醬，味道非常出色，每一啖都好滿足😍呢度既章魚燒真係好值得一試
繼續閱讀
呢間嘅章魚燒，喺葵涌廣場真係數一數二，次次嚟親都一定會排晒長龍，但係佢哋嘅服務態度真係比較差，我見啲職員都做到忟忟地，雖然食物係高質嘅，亦都幾抵食，自己最鍾意食嘅就係原味大阪燒，不過服務態度有待改善！
繼續閱讀
呢間已經食過好多次，感覺比起3樓嘅章魚燒更好味。章魚燒即時食會外脆內軟。真·明太子章魚燒 （8粒） $39有好多明太子沙律醬，食到最後都夠點。木魚絲唔係太多不過都夠。章魚燒有啲未點到醬既邊位都係脆的，入面章魚粒好大舊。食到最後有啲鹹，可能我點得太多醬。呢間我覺得係葵廣入面最好食嘅章魚燒，不過比起佢最初係成粒章魚係入面就爭啲。另外都推薦食黑松露味同埋蟹膏味。葵廣最好就係多嘢揀，又有啲凳可以坐。食完一間又一間。
繼續閱讀
葵廣呢間真·章魚無雙嘅章魚燒已經試過幾次啦。今日晏晝經過葵廣，又再買嚟食。今日買咗兩隻味同朋友一齊分享，我揀返平時食開最鍾意嘅蟹膏味章魚燒，朋友就揀咗經典嘅大阪燒章魚燒。😋蟹膏味嘅章魚燒有滿滿嘅蟹膏，一啲都唔吝嗇。每一啖都食到好多蟹膏，而且即叫即做即食，粒粒都熱辣辣，外面個皮仲係有少少脆，裏面粒章魚好大粒好彈牙。👍🏼朋友揀嘅原味大阪燒章魚燒醬汁都一樣係好豐富，而且都係有好多木魚。章魚燒夾埋啲木魚一齊食口感特別豐富。
繼續閱讀
蒜香牛油粟米章魚燒8粒（$39）一去到買已經要排隊，因為即叫即整，所以都要等一陣時間先有得食～今次叫8粒章魚燒，一入口係非常非常之熱辣辣！建議唔好一口放入口，要慢慢食。外皮非常軟熟，入面嘅餡係好足料嘅章魚🐙！味道方面，蒜香味調得啱啱好，唔會太濃亦唔會太淡，好香嘅蒜味！牛油粟米好多，而且都好食🤤紫菜同木魚又係勁多，好正呀。
繼續閱讀