知味館 (已結業)

所有食材都非常之新鮮,價錢合理, 啤酒又夠凍,  所有丸類都係自己打的.. 海鮮選擇多. 牛肉又入口即溶化雖然店舖不算大, 但總算坐得舒服   如有特別海鮮想食. 只要預早一天通知就可配合了.

今日同一班朋友同老婆一齊去食飯呢間我食咗三年重要嘅嘢係要講三次食咗三年食咗三年 食咗三年我立刻要畀9.87分我每次嚟嘅時候都會嗌呢個胡椒豬肚雞飲完湯先再打邊爐， 佢嗰個無敵獅蚶又係一定要食今日淨係食海鮮都食到飽樣樣嘢都好食到爆但係記得一定要留枱因為地方比較細我見老細好多時都係做熟客你睇下嗰隻膏蟹爆膏情境今日海鮮嗌咗膏蟹 蟶子 鮑魚仔最重要係手切肥牛， 我介紹好多朋友過去食飯都話好好食!地方環境一般 但最重要係一班朋友可以飲酒食飯吹水

朋友book左抬，去到冇人好快入得。一坐低叫左個椒鹽金沙骨食住等朋友，味道一般跟住叫左個胡椒豬肚包雞煲，材料好足料，但味道好濃，好味之後叫配菜有鮮淮山，鮮萵筍。但一定要講既係炸魚皮，重要既野要講3次。非常...非常...非常好食仲要係即叫即炸，非常薄唔重味精，冇咩地方有即炸魚皮食。最後要推介一定係呢碟......手切花雕牛肉好入味......朋友話要打電話同店長預留，才有得食呢到既戰門碗，店主好細心預先雪凍。

姊妹生日食飯一行十人去打邊爐 雖然環境比較细 但係食物質素極佳 龍蝦刺身 蝦頭斬件打邊爐 即製美味魚皮第一次食到咁好味 本地肥牛有牛味 好有特色嘅牛肉丸 豬肚雞煲酸菜魚煲值得推介

今次朋友帶我去新蒲崗呢間火鍋宵夜。話佢地食開既。話抵食好食。預早訂定了海鮮。有蟹。蟶子。鮑魚。先來兩款小食。螄蚶。好細碗。好細隻。吾系好夠味。蜆芥鯪魚球。同样味道淨D。招牌鍋底。胡椒白果豬肚雞鍋。顏色奶白。非常吸引。湯好濃郁。做廚的朋友話冇落味精。味道吾夠。手切牛肉。賣相ok。牛味吾夠。蟹。爆膏。正常味鮮。蟶子同鮑魚個样好靚。都大隻。洗得乾淨。但又系冇乜味同鮮味。其他即炸物。響鈴同午餐肉都ㄧ般。炸得吾夠脆。午餐肉太大件。總結。8人食。連啤酒汽水人均$320。好一般。全部野吾夠味。不是靚料。#hotpot

同事叫了招牌鍋底"胡椒豬肚包雞煲", 一來到大家都忍不住飲了成碗湯...個湯好濃既胡椒味, 豬肚夠綿滑...好正的湯底, 叫了 2 種不同的牛肉, "手切牛頸脊"及"安格斯牛肉", 前者肉質爽身牛味濃, 後者都好吃, 但相對來說牛頸脊要好食很多了, 所以共叫了 3碟牛頸脊, "炸響鈴"好脆但稍為厚身, 如薄些應更滋味, "炸魚皮"是新鮮炸起的卜卜脆...好吃, 另外都點了"薑蔥拌鮮魚皮", 魚皮拌著薑蔥吃很夾, 魚皮可能新鮮所以食落好爽口又不腥 試食了"潮式螄蚶", 我覺得不錯, 但如果吃不慣可能會覺得比較腥, 但吃完回家都無肚痛...証明食物處理新鮮及衛生 , 要了"手打四寶丸"都好吃, 另"脆肉鯇"我無食, 但同事個個都讚新鮮好味道, 還有"羊肉"都好靚, "豬潤"都新鮮, 另外店內有提供罐裝可樂及涼茶 (如王老吉及夏枯草), 最尾有點生菜及唐蒿, 洗得好乾淨沒有沙, 最怕出面食菜食到成口沙 呢間價錢合理, 材料新鮮, 有機會會再去過

豬粉腸皇,店員推介點一碟新鮮豬粉腸放於湯內灼之,待30分鐘後才享用,當看到豬粉腸的賣相,新鮮得似向我招手一樣,豬粉腸本身鮮甜甘香, 口感煙韌彈牙, 唔怪得係招牌野手打四寶丸,除左肥牛, 四寶丸係第二樣我覺得必叫既野 ,因為佢整得都好出色 脆肉鯇 好靚既材料，肉脆、爽、甜，好難得遇到之另一好質素的材料最後叫埋炸魚皮，又大塊又脆，好好味