石屋咖啡冰室

營業中

休息中

石屋咖啡冰室位於「石屋家園」內，環境清幽，由於不近地鐵站，所以有隱世的感覺。石屋家園不時會有藝術活動進行，因而帶旺人流。行完展覽，飲杯咖啡，食點小吃，很是寫意。要留意，冰室星期一休息的！冰室的石屋外型，是打卡點之一。店內牆上的裝飾，很懷舊的感覺，反映昔日香港情況。下午茶餐2:30開始供應也可選擇甜品配餐飲雞肉磨菇批芝士蛋糕雙色雪糕窩夫當然還有飲品，這裡出名的是咖啡，一定要試試！每惠顧$60，即回贈現金劵$10一張，可累積使用。要多多支持！💪💪💪

English review at the bottom.冇太多研究佢嘅背景，先講環境：入去時有少少感覺去了台灣，當然台灣的花園餐廳精美.如果有人打理花草樹木更好，感覺休閒，餐廳佢cashier位置OK.因為佢哋要保留懷舊風格.我諗佢冇乜改變格局，不過啲鐵櫈就唔係太好.因為發出噪音.牆上冷氣機漏水成幅牆爛晒但係冇人manage. 整體環境乾淨。食物方面.market price. 值唔值得食見仁見智.full day breakfast 有jumbo size 選擇，價錢OK. Menu冇乜驚喜，但牆上有Special menu ,都吸引嘅.冇嗌咖啡但係咖啡Menu都好似幾多.應該好飲掛唔知喇呢個就睇其他Review啦.請問我嗌左一個牛油果沙律三文魚poached egg + 蘋果奇異果汁.不過不失.食伴叫了Benedict . 蛋煮得好.三文魚唔會過鹹.冇乜評價除咗環境多啲嘢講之外，值一得去.佢哋有兩張coupon送返.呢間餐廳有機會會再去.Environment: Clean and chill. Entry look small and surprised they have

好耐冇去九龍城，search OpenRice 呢間好似幾特別喎。Go!入口有個新界郊區小店的感覺，再行入啲係室外座位。之後就係石屋（店舖）。經過窄窄的門口，入面就係買野食的地方。旁邊仲有一條窄樓梯上二樓，原來係室內座位呀～我地揀左cold brew 咖啡，味道唔錯價錢唔貴下午茶仲有肉醬意粉，pizza, 三文治等。總結：呢度有郊外的食肆感覺，咖啡不錯，性價比高。唔多人喎。值得一試

A spacious outdoor café to hang out with fam & friends. You can also sit inside to escape from the boiling hot sun. Food is averageWe had ordered:Hot cakesHot dogCappuccinoLatte石屋冰室Stone Houses CafeHouse 34, Stone Houses Family Garden, 133 Junction Road, Kowloon CityTel: 2325 0131

九龍城Cafe有好多間，但係本人都比較鍾情食屋咖啡店。原因係佢嘅食物同埋咖啡都非常好。價錢合理性價比非常高。我哋兩個人都叫左latte.咖啡同奶嘅比例做得非常好以咁嘅價錢已經好過出邊咖啡店好多。非常有水準。salmon egg Benedict. 中規中矩。 咁既價錢有咁既水準已經好難得。 性價比之選。另外仲叫左個egg omelets. 份量岩岩好。 簡簡單單一個中午。 價錢合理又可以享受到想要既野。 值得推薦。。

星期四下晝一個人係呢頭，行過覺得好特別就入左黎諗住食個下午茶啦如果有風既話，坐出面枱應該幾舒服，不過星期四呢日下晝有啲熱，都係坐返indoor 嘆下冷氣裡面裝修都幾特別，放左好多懷舊野叫左個肉醬意粉加杯熱愛爾蘭忌廉牛奶，一共係$83等左10分鐘左右，肉醬意粉上，睇樣應該係岩岩焗起既，仲見到起泡泡，而且我唔小心掂到個碟，真係好鬼熱味道係正正常常，無咩太大感覺再試下杯愛爾蘭忌廉牛奶，第一啖飲落去 woo~真係好大陣忌廉味，甜甜地咁，好飲

如果唔係朋友介紹，我都唔知九龍城有一個咁得意嘅博物館，博物館裏面有間咁有特色嘅餐廳。不過因為疫情關係，博物館冇開，有點可惜，幸好餐廳都有自己嘅懷舊特色，有幾個打卡位。叫咗一個全日早餐，價錢都唔平，飲品要咗一杯朱古力咖啡。炒蛋味道比較驚喜，裏面竟然嫩滑，牛角包可以揀多士，口感鬆軟，尺寸夠大，抵讚。茄汁豆、腸仔、沙律就比較普通。朱古力咖啡唔會太淡， OK。朋友叫咗一個煙三文魚牛油果多士，佢話味道正常。餐廳裏面座位比較少，主要靠外面嘅室外座位，但用膠枱膠櫈感覺覺差，檔次低，建議餐廳換上比較高級少少嘅桌椅，成件事會理想好多。總括黎講，食一次無妨，特登再嚟就應該唔會。

趁着假期最後一日，相約好友去食個brunch。朋友建議去九龍城一間石屋餐廳。我同朋友都係第一次嚟，我11點幾嚟到，餐廳戶外已經坐滿左人，唯有入餐廳內部搵位坐低先。朋友稍後到，見到出邊有位，便出去戶外用餐。我哋分別叫咗兩個午餐，水煮蛋配煙三文魚火腿併英式鬆餅雜菜沙律，飲品叫咗鮮奶咖啡。用刀一切，蛋液慢慢流落三文魚，做到流心效果。沙律菜一般並唔係十分爽脆，如果配黑醋橄欖油就會好好多。咖啡拉花很好看，咖啡也香口入口不錯。好友則叫咗手撕豬肉漢堡配薯條配伯爵茶。朋友話豬肉都算嫩滑，唔算乾身，配上BBQ汁醬個人覺得有少少墨西哥風味。雖然戶外用餐只不過係一塊空地加太陽傘同埋戶外座椅，但可以喺鬧市如九龍城入邊有呢個咁嘅空曠地方，可以説係城市中嘅綠洲，放假嚟呢度用膳感到很寫意輕鬆。

今個星期天早上沒有很多時間但也想找一間有些特色嘅餐廳食一個休閒嘅早餐，估唔到很容易便找得到這一間旺區中可以停一停嘅休閒點...三級歷史文物...唔需要去到好遠好遠但仍然可以感受到休閒，另一個空間的感覺很好.......約9:25 am 到，不用等位，剛踏入餐廳外圍已經需要探熱很安全,另外可以有室內室外選擇室外更加有單獨獨立位置,真的意想不到.....沒有好華麗感覺但好舒服自然簡單...食物不過不失，咖啡也比想像中好飲.跟餐本身已包美式或者黑咖啡☕️，沒有選擇拿鐵但看見別人的奶泡也打得很好下次再來會試一試.我朋友兩個食完買單$115，用約$60 喺呢個氣氛下食用早餐約1小時真的很抵（沒有時間限制只是我今次有啲趕時間）

今日去咗一間三級歷史建築🕍活化嘅懷舊冰室🧊冰室前身係侯王廟新村僅存嘅建築 建於二戰期間💣 冰室活化後由社企經營呢排天氣超好☀️過嚟喺戶外坐吓🪑食吓嘢🥗 感受下充滿歷史味道嘅建築🕍 個feeling 超爽呀🤩我叫咗💁🏻‍♀️臘肉腸Pizza🍕薄荷茶🍵二少叫咗💁🏻‍♂️All day breakfast 🍳 Iced mocha🧊☕️嘢食味道就冇乜特別不過你食$100嘢 佢送返$100coupon💵 俾你下次用 又或者可以即日用埋佢😬所以喺度坐吓🪑 食吓野🍔都係一個唔錯嘅選擇✅#外觀係中式🏮#食物係西式🍔#咁樣好有特色😂

餐廳充滿懷舊情懷，這正是歷史所留下的痕跡，這building 係3級歷史建築物。 文青打卡好去處，建議文青前往打卡。 因為石屋既外牆及內部裝修都充滿復古味。但建議早啲到，易d 搵到室外位置。價錢方面，叫左兩杯飲品，兩個主菜 144元，但問題係佢送番6張現金卷俾我地，共值（120元），但當然時間係3天內要使用，但真心好抵。 食物方面，我會覺得還可以，Benedict eggs 有做到流心的效果，十分正常及合班的味道。

一個人，悶悶哋，想喝杯Cappuccino, 就想起我有2張石屋家園的coupon ，而且石屋家園環境清幽，又是室外！其實真是一個優閒嘆一嘆咖啡的地方🥰原本只打算喝杯咖啡，但感覺好像欠什麼，於是乎就點多一個窩夫🧇⋯⋯雙色雪糕球窩夫，但我改2球也是朱古力😋窩夫份量足（其實一個人吃有點飽🙈）外脆內軟，配上香濃朱古力醬👍🏻朱古力雪糕球也不錯，濃濃的朱古力味！Cappuccino 一如以往，香濃夠滑👍🏻

出咗九龍城廣場搵嘢食，行5分鐘見到呢間，叫個下午茶試下。eggs benedict、煙三文魚同沙律，$72，加$5有雞翼，職員nice，裝修有懷舊feel，唔錯。all day breakfast 加$10要埋薯餅，再加$5要多兩隻雞翼，以$68價錢，塊三文魚算大塊。不過最好味其實係 apple crumble，尤其是條邊焗得又香又鬆化，一啖入魂！apple crumble賣$62其實唔係平，但因為之前兩個餐送咗成疊$20 coupon，呢個餐一次過用晒，所以性價比好ok。

今日係情人節，男朋友難得決定陪我周圍食於是我地坐車去九龍城石屋家園舊聞呢度環境優美舒適 全日早餐大份夾抵食 一試果真如此男朋友另外叫咗一份手撕漢堡 風味十足 香料味好重之餘肉質亦都好鮮嫩所有要煎的食物都好香口 適合我呢啲重口味之人埋單都係170蚊左右有主菜有飲品仲有甜品 唔算貴唯一可惜係 餐廳好多人比較擠迫 冇咗以前的休閒氣氛 加上限最令期間只能兩人一枱 頗難搵位

今日在九龍城整完頭髮，想嘆一杯咖啡才回家。腦海浮現在九龍城廣場後便的石屋家園內有間cafe , 不論coffee ，或all day breakfast 也很懷念😙😙⋯⋯因為那裏除了咖，食物有質素外，環境也不錯👍🏻重點價格亦平民化！All day breakfast $68 加$10追加薯餅一件，$15追加芝士煙肉焗大啡菇！都只係$93🤪⋯⋯份量足，有一牛角，炒蛋，雞肉腸，煙三文魚，沙律，焗豆，煙肉😙😙⋯⋯另加$10可以轉一杯Latte ，咖啡香濃郁。黑椒雞扒飯，雞扒大大件，黑椒汁惹味和竟然配埋沙律菜！Mocha朱古力味濃且甜度適中！