石澳樂園 (裝修中)

返佐一個月新工office無乜窗放假好想親近下大自然見網友係newsgroup既介紹好吸引上星期即係去石澳行佐個圈其實無野行的, 唔似赤柱咁熱鬧不過車程唔算好耐小街小巷無乜人, 沙灘亦唔係太迫反而覺得好自由好舒服仲見到好多人玩滑翔傘好驚訝原來香港都有得玩抵步先搵地方食下午茶兜個圈發現都係大排檔茶餐廳居多有兩三間四正d就較貴都係揀網友介紹既樂園坐低時見隔離台d咖喱, 湯呀好精彩可惜侍應話得返小食沙律, 炒野無得嗌仲有下午茶餐但得三款: 香茅雞翼/ 炸豬扒/ 泰式湯粉青木瓜沙律無咸蟹仔但都有蝦仔味道對板, 但越食越辣, 下次叫小辣都可以細小食拼盤有炸蝦餅, 魚餅, 蝦春卷, 香葉包雞各兩件味道不錯, 如果炸得唔好咁乾同火農就更好牛丸湯金邊粉拼青檸冰湯底同蘿白清甜, 牛丸普通, 金邊粉有d鞋原來有d台面有辣椒粉, 砂糖等配料奈何發現時為時已晚...埋單$139, 論味道而言ok, 環境/服務唔理得咁多沙灘左邊既石灘上有六七個人好努力地掘呀掘原來係掘d類似小青口咁既野每隊人都拎住兩三大袋走人八卦問過其中一個阿叔佢話拎返去睇下好唔好食喎!~停車場旁d士多好多小食賣有檔串燒d燒魷魚鬚幾好味又有檔有

講佢衰收尾, 並唔係食到最後食物有問題, 係service 有問題...仲要係個老闆自己d service 有問題.. 今日一行10人游完水就去左近近地既樂園食點知撞正一大堆狗主& 狗狗在樂園開p又切cake 又影相阿姐馬上開枱俾我地坐..又要咩俾咩, 馬上送到個到d 阿姐真係幾nice到我地食完, 要走, 叫左埋單可能佢地太忙..等左10 分鐘左右都未見張單但個老闆見有一堆為數唔少既客在等位就走黎我地附近, 眼望望, 又扮收野, 執枱張枱都無咩剩啦, 都係得返兩三隻碟同佢講, 我地已經收左埋單, 佢就即刻走開左點知...10 分鐘左右..單仍然未到老闆又走黎俾說話我地聽, 又望我地..真係完全唔知佢想點....終於俾完錢, 佢見我地無即刻起身走人, 又黎望過..真係....不過, 食物方面我覺得有驚喜因為我係第一次去樂園..以為呢餐都係是是但但的點知佢既木瓜沙律, 波羅炒飯, 生蝦, 同油酥餅都並唔係一d 是是但但既食物沙律清甜可口, 木瓜不會太生..第一次覺得呢個沙律係一個好味既salad, 平時我係最怕木瓜salad 的波羅炒飯好足料, 每樣食材都好新鮮完全係可以食出提子粒既甜,

8-4-2007 1840今日同部份屋企人由小西灣經大浪灣行去石澳，然後在這裡晚餐，之前係中泰食過不差，睇下呢間點樣。等埋其他成員一齊，我地一行6個人共點了8菜。燒豬頸肉上檯方式與一搬泰國菜館或有不同，佢用爐載上，下面舖生菜葉，上面就落左荽茜，爐下就點著火的火酒膏，肉邊燒得幾香脆，而個醬汁加入了粒，又香又辣又酸，一定要點；青咖喱雞有幾多香料，而雞只是雞柳而已，裡面配料還過多雞，可能俾到感覺係正宗，味道不錯兼不太辣，但好油下；泰式拼盤有春卷、蝦餅、魚餅及荷葉雞，每款有3至4件，除春卷稍為硬些少外，其他也不錯，尤其個魚餅，有少少辣味，亦唔會蓋左本身味道。冬蔭公湯裡有一般常用的材料外，亦落了不少荽茜及辣椒粒，味道對自己來講亦可接受，但唔受得辣的媽媽就唔係咁諗。馬介休炒通菜，味道比較鹹及濃，用來送白飯會好一點；我地冇飯點會話飽，所以點了泰式炒飯，見到個樣覺得混合左越式，居然有扎肉及越式臘腸，真係得意，而配料亦有蝦米、乾、蛋花及生菜絲，旁邊有一粒蕃茄仔及兩塊青瓜做伴碟，大家都幾滿意，清清地；泰式炒金邊粉少少酸，外面還有層薄薄的蛋皮包著；最後一味為炸南瓜，較為特別的一道菜，南瓜切左一條條後，加入了

7月7日晚上到此處吃晚飯,日光日白既時候,見到呢間野既門面,真係完全冇興趣入去食,但夜晚氣氛好得多,雖然冇冷氣,流著汗食飯,感覺仿如置身泰國,飯後到沙灘吹著涼風看星星,好舒服啊~蝦膏炒飯- 飯質地麻麻地,味道不及蝦醬炒咁香,麻麻地炒金邊粉- 唔錯牛油釀雞翼- 唔係好大隻,好重豉油味,過鹹,不過係釀蝦膠,有創意,表面脆,加返分奉勸大家一句,兩個人千萬唔好叫兩個飯/粉,份量真係大到你唔信,我地每碟都係食左一半,要打包,第日返到屋企再食,都差d食唔晒呢間餐廳真係由泰仔去煮野架!

我同女友去食,無冷氣都真係幾熱點左兩個餸1> 黃咖哩牛腩煲- 好食,好濃咖哩味,唔spicy2> 海鮮炒茄子- 唔錯,但好少海鮮,唔值得食白飯$8/bowl服務態度好,有禮貌

第二次入石澳，都係食泰菜，上一次去過中泰，不過這一次感覺好好多。呢度啲人好nice，服務幾好，點菜時嘅建議唔錯。今次我哋食加喱炒「蝦」，蝦肉好味，啲汁用來點薄餅就最正。燒豬頸肉又好食，點豬頸肉啲汁其他泰菜店未食過，聽講係呢度個廚自己整調製，正!下次再來，我會食青加喱、拼盆、泰式炒河，因為見到隔離枱食得好好味咁，又好滿意咁!

今日同女朋友食完!!本來都係睇openrice先知有依間野個豬頸meat 和炒noodle ~ 好好味又唔貴! 同埋食完又可以周圍行下石澳~~真係好~

夏天去食等於攞苦來辛，因為在沒有冷氣的環境下食辣野，熱到想死。看到餐牌都幾多選擇，推介的都真係幾好食。兩個人選擇了四款食物及一個椰青：馬拉盞通菜、炸釀雞翼、海鮮芋頭炒飯、冬陰公湯個湯幾好，較辣、夠蝦味、但又感覺很清，我喜歡這種清清地但又有其特色。個雞翼是這裡的招牌菜之一，雞翼內釀滿很多蝦膠，成隻脹卜卜，味道鹹鹹地有醬油味，感覺很豐富。不過食一隻都已經很飽，一碟有三隻，最好有三個人食。個菜就唔得，可能通菜已過了最佳的季節，所以很老，個味就不夠甘香，但就有些大隻蝦干調味。個飯就一般沒有什麼特別，最多就話佢有些芋頭粒，不過都只係一個有芋頭的普通炒飯。秋或冬天來食可能會好些。這店的老闆和伙計都幾親切的感覺，他們很像漁港的村民，有種村味。我最欣賞他們會很留意食客，看到食客飲完杯水，便會自動來斟水。

呵呵﹐生日後兩個禮拜還在吃生日飯真有點兒那個﹐不過又真係好感動﹗我的朋友不介意我一改再改期都一定要和我慶祝﹐實在好感謝她們﹗一行4 人在大浪灣玩完就去o左石澳樂園﹐一心是去食朋友介紹的咖哩蟹(朋友知道我幾次去泰國都無緣吃咖哩蟹﹐希望在香港補番﹗)。雖然去到已經8 點幾﹐但停車場一樣好滿﹐不過好彩等一陣就有位。樂園個邊一樣咁好彩﹐雖然經過時見到坐到出門口﹐但泊好車去到又立即有位﹐不用等﹐正﹗因大家已經好肚餓喇﹗)這裡冇冷氣的﹐我可以頂得順﹐但有一兩個朋友就覺得比較難頂喇﹗一面食一面滴汗又真係戥佢地辛苦(好多謝晒你地呀﹗)﹐下次都係等秋天來回比較好d﹗4 個女仔都怕肥﹐所以冇要多澱粉質的食物﹐只是要了:* 泰式拼盤(小) - 每樣兩件﹐我們全部切半來share﹐志在多試不同的食物﹗春卷炸得香脆﹔蝦餅和魚餅普通啦﹔香葉包雞幾好﹐唔會太乾﹐ok 喎﹗* 雜錦串燒- 豬牛雞每樣2 串﹔牛肉最好食﹐係厚切的牛肉﹐有咬口不過唔會韌﹐正喎﹗* 青木瓜沙律- 這個好清好好味﹐不過就勁辣﹗我個朋友食左一啖就即刻要飲杯珍多冰去中和番﹗* 冬蔭功- 我朋友覺得好perfect﹐我就覺得如果再辣一點和酸

7月18日係朋友既正日生日，早兩個星期忽然閃起想去有陽光與海灘既地方曬下....因好日都冇親親大自然了。所以大家都特地請了假，準備去抱抱陽光....目的地係香港島東- 石奧。今日想同大家分享既地方叫「石奧樂園」。我地二人叫了1) 泰式抄金邊粉$292) 泰式雜錦拼盤$68金邊粉好大蝶，味道不錯。而小食大大件，我覺得春卷個皮硬左少少、我最鍾意食既蝦餅麻麻地同個魚餅就唔太ok。雖然小小店舖，但有好多食物選擇，又加上有泰國feel，直得加分。但下次唔食拼盤了。

去過兩次，第一次食，那裡的咖哩炒蟹好正，其他食物亦不錯。第二次去，發現原來咖哩蝦亦好新鮮，但最正的係冬蔭功，連平日不太喜歡的我也不禁添飲，其他食物，如炒菜、豬頸肉、釀雞翼等也很值得一試，因為，價錢不貴，味道好嘛！

去過多次,每次都吃得津津有味,尤其是咖哩蝦配薄餅,簡直絕配!而其他餸菜,如豬頸肉及拼盤,均有特定的醬汁,十分野味!!!

價錢好合理，食物味道亦好好，特別係漿汁，好特別，好好味！服務亦很好，好nice。去到可澳就不妨一試吧！

其實已經去過幾次.服務態度一流, 好有水準.最好味係咖哩蝦, 炒飯, 炒菜同冬蔭功湯.仲有大量免費車位, 十分便捷.一定唔可以錯過.

昨晚到過「石澳樂園泰國菜」吃飯，豬頸肉，明爐烏頭味道一流，特別是其醬汁，絕對是有誠意及水準之作。不可錯過的是咖哩炒蟹，多膏肉甜，加上咖哩汁一流，配上有牛油香味的薄餅一起吃，正!價錢合理!!<br /><br />大家趁著天氣涼爽，快去一試，仲要飲青檸梳打呀!!