石牆道韓國餐廳

營業中

休息中

2023.1.17 星期二 7:20pm放工時間都算熱鬧，很多枱都安排到樓上室外位。周圍幾張枱都是燒烤，但戶外就沒有太大油煙味。店主/店員是韓國人，廣東話不是說得太清楚，要想想才聽得明。而且太hard sell，坐下不久就催落單。如果客人在考慮中，只點了一兩個菜，她又會說"夠啦？要唔要XXX呀？”，會令人不好意思。••••••••••••••••••••小菜很多，還有特定擺盤。味道可以，很開胃。| 炆牛肋骨 | $200🐂🥕正常分量，牛肋骨的肉味濃，炆得軟腍，白蘿蔔、紅蘿蔔和冬菇都很腍很入味，醬汁量一般，少少甜，濃淡剛剛好。| 海鮮蔥餅 | $150🦑🍕表面不是脆的，口感比較粉，但都算夠餡，吃得出不少不魷魚和蔥，味道淡一點，不過點魚露就更好吃。| 烤銀鱈魚 | $220🐟價錢比較貴，分量算正常。魚皮煎得很脆，銀鱈魚都煎至金黃色，魚肉很滑，油脂味很香。最尾有細碗甜米露，是凍的帶薑味的米釀糖水，不過真的凍到有冰塊🧊服務費 10%••••••••••••••••••••整體味道和質素還好，不過略貴。如果多人的去的話比較好，因為會燒烤或多點一些菜，店員招呼會好一點吧。催落單和硬銷的服務態度，有

星期六去左呢間餐廳食個快lunch ，影相唔多，請見諒😝俾自己食個快lunch,就點左個泡菜餅食住先因為係尖沙咀附近做野，行過黎都唔難搵既，加上自己又鐘意食泡菜野個人點左個泡菜餅，點+出菜都好快，預10分鐘內，快lunch 食唔到太多😆不過味道係唔錯既，我個人都鐘意酸酸辣辣個種味，自己加啲韓式小菜，加上啲上菜速度，侍應禮貌都可以，整體都好好招待，我會再番黎再食格😍😍😍

會再光顧，黎到韓國餐廳，呢間唔錯食左幾樣菜，評論下先生豪新鮮，加埋啲醬料撈埋，特別食到鮮味，或者加埋檸檬食都好，味道鮮+正薄薄地既牛肉，撈埋配菜，又真係幾好喎，我自己就鐘意撈埋啲飯食喇唔使多講喇，醬油蟹絕對係我既至愛喇，一定要一點再點，一食再食呀😍😍😍😍羊方面呢，啖啖肉，鐘意食肉既朋友可以點呀前幾日去完，之後隔多段時間會再去😗

一入到去呢間餐廳其實都幾靚，又有棵桃花，夾哂新年既氣氛環境企理，我都俾like la 去到我鐘意既部分就係蟹膏拌飯，蟹膏鮮味拌飯一流，勁想再食。就咁只食醬油蟹都正喇，我食左勁多隻😝😝😝😝醬油蟹，超正，會番食

好多年無同D親戚食飯，今年终於可以熱鬧D尋日先黎個韓式小聚餐，我地去左石牆道韓國餐廳，佢地地方好大，仲有盆大桃花，充滿農曆新年氣氛一行十多人，前菜都十幾點，夠晒熱鬧咁大點醬油蟹，夠鮮味濃，咁先食到蟹嘅鮮甜味，配埋紫桑飯堪稱一绝我最鍾意呢碟梨絲拌鮮牛肉，鲜得黎夾雜住梨絲嘅清新燒肉就不可缺少，份量多，夠口感，燒完香氣撲鼻

離譜！一坐低就不停sell燒烤，最離譜係由我地坐低到開餐，全程未夠30分鐘，即刻放張單係枱面，個經理仲要企係度要我埋單話出面好多人等，咩事呀，我無俾錢㗎白食㗎？我食物都未食完就俾人趕走！我唔係坐3個鐘無叫嘢！我由坐低到食緊嘢俾人趕走係得30分鐘咋！

一入黎由喐針卡confirm 係咪book左位，咁開始都感覺良好，之後叫我同個fd 上去 開曬咪咁講兩位上緊黎。上到去我同個fd 好似行catwalk咁 走到尾都冇人出嚟帶位 到有人啦 又叫我地行翻落去坐。麻煩安排好先啦，感覺十分差。到坐低，又過嚟confirm 有冇booking。真係燥燥地係咁係到sell燒肉set個啲同埋醬油蟹，好煩…我同個fd 本身諗住食個海鮮鍋再加多個面。落左個海鮮鍋即刻比佢話「我地依到唔可以剩係叫一個鍋兩份食架喎」心諗我地都未講完..同埋一個海鮮鍋都五百蚊 又唔係食好平嘅野想點..同埋我同個fd 本身都諗住再燒埋肉 但驚食唔曬先話唔燒 即刻黑我地面野食好老實講兩個字—普通。 小菜又比少碟蓮藕。全個過程根本我地食鍋嘅 都唔洗你過黎serve 唔知係咪顯示自己「我係有服務過你架」係都要過嚟搞我哋個鍋都滾晒 我地都食左陣 個「阿豬媽」係都要過嚟撩兩撩個鍋 大佬我哋食緊架啦 仲要聲都唔聲過嚟撩兩撩 真係多謝你 但係你撩兩撩係完全幫唔到個鍋好味啲 仲影響到我地食嘢嘅觀感個時都覺得係咪趕緊客 之後就係擺到明同你講要趕客 話平時我地係冇限時 但係今日係例外 係咁揼兩杯甜米

平安夜一個月前訂枱，之前食過一次幾好食，諗住再book, 平安夜下午先打來迫人改時間，其實已經安排好哂行程，依家先改人時間，請問訂枱來做咩？仲要職員表達不清，其實都唔知佢講咩，不停迫人立即改時間，5分鐘一連打兩次來，即係同朋友商量嘅時間都無？做生意唔係咁架嗎？

韓國菜 係我其中一樣鍾意食既野之前有朋友帶過我去呢間一次之後發現呢度啲小菜同韓國一樣多，而且都幾特別，唔係出面間間都係既而佢既食物都可以講幾正宗唔會話就香港人口味而影響本身應有既味仲有一樣野 就係佢有個好熱情既老闆娘 個人好nice 又搞笑 而再去既呢次 因為得兩個人淨係叫左豬手同螺肉拌麵豬手份量都唔細肉質啱啱好 有啲咬口 又唔太硬 有骨膠原既感覺不過會有少少漏，所以陪kimchi 生菜 同一啖飯食就非常好可惜係生菜無得Refill 食到後尾 唔夠送🥲至於個海螺拌麵 不嬲係我fav 分量好大 而海螺好新鮮 好彈牙 配菜都好多Mix埋一齊好配合不過留意番 佢真係韓國口味 真係有啲辣架唯一可以改善就係 佢可以飛一飛水雖然入面啲野會出水但係正常速度底下佢都開始有啲水水的 影響佢個味間唔中掛住韓國既話都會黎食下既不過佢又少咗折扣 同埋又貴左 希望唔好再加啦🥺

早兩日石牆道韓國餐廳舉行了一場小型試食會，我獲邀參加心情好興奮，畢竟係第一次呀嗎先試下D燒肉，五花肉唔錯，肥瘦比例50/50，燒完用鉸剪剪開一塊塊，夠香口牛肉亦唔錯，份量足，七成熟，牛味十足，同埋厚切牛肋骨份量好似少左D，但味道都ok醬油蟹就要讚下，非常入味，膏又多，醃得幾好部隊鍋料多，湯底就濃左D，淡番D會好食D今次試食都幾好，给了老板娘一些意見，還有很多進步空間，加油

依間餐飯食完又食 ，價值唔算平。 但無論裝修 服務 同野食 都係好好先係店鋪裝修 係懷舊韓國餐廳如果係揀燒野食。無論社長定阿豬媽都會過黎教你燒/幫你燒完全唔需要你操心。依間無論散叫定係定食 set lunch 都好味。唔會因為set 而變細份同差。 同每次去既質數都無變。埋單仲送糖水。依杯糖水 係令人條氣好清涼好爽

尖沙咀午餐性價比之選！ 餐廳定位為中價韓燒，不過今次就沒有燒，反而選擇了她的熟食！ 可能是平日的緣故，餐廳的人不多。一坐好點好餐，侍應姐姐便「啪、啪、啪」放好一碟碟小菜，細數下原來足足有10碟(⁎⁍̴̛ᴗ⁍̴̛⁎)分別有：蕨菜、蓮藕、木耳、脆玉瓜青瓜、甜薯仔、泡菜、芽菜⋯⋯整體而言，小菜各式口味都有，咸、甜、酸、辣等都有，我喜歡青瓜，很爽脆開胃！小菜款式會隨供應而改變，之前來的時候有魚乾仔(≧∇≦)🍽️菜乾牛肋湯飯 石鍋熱辣辣地上，菜乾味和紫蘇葉味相當濃，有三小塊牛肋肉，已燉到冧透！ 🍽️韓式冷麵酸酸甜甜，麵身有咬口🤤最後每人一碗甜的凍米露(*ˉ︶ˉ*)，算是一道小小的飯後甜品，個人認為大約$100鬆啲能夠吃到這水準，性價比很不錯，服務、環境都是不錯的👍🏻

每次食韓國嘢都會諗起尖沙咀嘅韓國街，今次搵到一間都係同樣位於尖沙咀喺美麗華附近嘅韓國餐廳。餐廳樓高兩層，第二層裝修好精緻，有種恍如置身韓國嘅感覺😍餐廳職員都係韓國人，能夠用廣東話交流，餐廳老闆更會親自出馬幫客人燒嘢食👍🏻一上嚟已經有10個小菜，每款都好好食第一道菜叫咗個人蔘雞湯上菜時職員會幫隻雞分開4份，方便食用。人蔘味好濃，湯底係比較清甜，食雞時你可以用佢附上嘅鹽黎調味。散叫燒肉調味蜂巢五花腩 +烤胸叉肉(牛）+生菜盤附上豬油糕for你開鑊用五花腩肉厚度正常，燒完用鹽再調味，加生菜 蒜頭 辣椒包住嚟食好正牛肉質地嫩滑，兩邊燒一燒就食得，燒完仲keep到好juicy

呢幾日天氣開始轉涼，我地去左尖沙咀金巴利道石牆道韓國餐廳,因為老闆娘邀請我地試下新菜佢地近住諾士佛臺,交通非常方便，由於係假日,所以客人比較多,我地差唔多等左十五分鐘先有位,但一傾下傾下好快又到我地。佢地地方比較大,仲有個戶外燒烤場,啱晒我地一大班人,但因為full晒,所以要等下次先,個日我地order左石頭鍋飯,鍋巴相當卜卜脆,將蛋黃攪勻在飯內特别入味;另外,仲有炸蝦,有D似日式天婦羅,外脆內軟,但主角梗係韓燒,我地叫左牛肋骨,牛五花,同埋好多海鮮,牛肋骨份量好多,燒起上黎D肉汁一滴一滴,真係未食先興奮, 天氣凍食韓燒超正

我上星去左食韓國野，係openrice search 到呢間，叫石牆道我呢次最想分享佢地嘅醬油蟹，我地叫左5隻，每隻size差唔多，食落好鮮味，膏又多，最重要係新鮮，唔腥，真係食完返唔到轉頭，唔怪得之咁多人食，抵讚