石磨坊 (已結業)

八月中旬•晴 在附近打點飯局的事，打道回府之前，行經這裡，心想吃些甜食也好，就入來坐下。 想吃湯丸，卻是要等上十五分鐘。見餐牌上有一味叫「雪白甜如筒」的，幾有趣，就要來一試。 原來是將蓮蓉塞進了用椰汁做的腸粉皮中，上面又再淋上椰汁，賣相也不俗的。但吃起上來就味道一般，外皮不滑，也沒有椰汁的味道。內裡的蓮蓉實實的，吃起上來不見佳處。 埋單13蚊，不貴，也不值一試。

食完敗畢既紅豆餅很再戰石磨坊有信心小小的心寧不會再受第二次沖擊 倆人不約而同點了最新人氣食品日式焦糖鮮奶燉蛋 $15有分熱/凍食 突然覺得熱食似燉奶, 於是選了凍食 有一粒紅腰豆作裝置, 雖然好似唔多match, 但也十分有趣焦糖面香脆可口,再向下的燉蛋進攻唔試由自可, 一試真係真係愛上它,不但質感幼滑, 而且蛋味香濃, 自問也試過頗多的crème brulee 都係吉士味重; 呢到能做到雞蛋味香濃, 但聲稱既鮮奶味又唔多覺，但正合晒我口味, 只可惜份量太小,唔通真係小食多知味 ？

琴晚放工,都12點幾,經過琉璃街,見到石磨坊未close,見凍凍地入去醫個肚.我order芝麻糊同黑糯米芝麻卷芝麻糊好香,味道ok呀,同我上次食一樣今好味,keep 到質量,抵讚黑糯米芝麻卷,中於食到,上次服務員話賣哂喎,我睇錶9點之嗎?! ok,never mind.今次我食到呀!黑糯米芝麻卷,熱熱地,mango好味,都幾飽肚,不錯..不錯.我八卦心理又到,同服務員講開,原來依加closeing time 到2點, 夜有得食,正同埋下個星期有椰子糊tin, 我又要試先,期待......服務員有禮貌,同上次完全唔同,有改善,有進步.抵讚

接近十一時，原本想去燕x居吃宵夜，但人（居然）實在太多，又不想『撘檯』，所以走了。突然想起天后有『石磨坊』，但由於未去過所以也不知位置，問了途人，途人也不太清楚，最後終於找到了，而且又剛好有張separate的二人檯1) 木瓜燉雪耳（熱）：原本朋友想要冷的甜品，但一入店感到像入了雪房，所以還是要了個熱的甜品，這個沒有什麼特別啦2) 椰香芋泥撈：記得『泥』的食物是出名的，所以要了芋泥，結果真的非常非常瓜望！第一：以為冰有鍊奶的味道，但只得個甜字！第二：芋泥也是沒有味道，而且超杰！只是底部的涼粉有涼粉味！第三：這個東西太凍了，朋友吃完第一啖要隔一會才吃到第二啖…我也覺得我的味覺被paralyzed我很少浪費食物的，但這個真的不可以吃！超唔得呀… 3) 撈河（細）：幸好要了這個撈河，幾好味。芒果味道just right，不過酸過甜（剛去完泰國，當然不及泰國的好味，但以本地芒算是好了）！原本以為河粉是平日吃粉麵的河，但原來完全不是，這個河是像椰子肉，很重椰子味，很滑，還有是厚的，口感不錯！離開時已不知不覺是接近12am... 開始有吉檯天后真的愈夜愈精彩…可能是 friday night 吧…

星期五食完餐半桶水o既晚飯…吾滿足…一行人走去揾糖水食…望有個較圓滿o既晚上…五個人叫左7款糖水…係有D瘋狂!!!哈!如果你好似我咁係個”mango fanatic”…咁哩個名為“黃衣佳人冰花雪”同另一款“椰香芒果撈”就要試試!!...見倒個賣相都已經心動...好似細路仔見到繽紛o既遊樂園咁...好開心!...透心涼, 又夠芒, 又吾會太甜!!!...一致讚賞!!那個精選點心...熱食o既“香芒黑糯米芝麻卷”...哩個配搭吾係咁出色!...麻麻!!我叫o既傳統蕃薯糖水...夠薑, 合我意!!其他o既生磨糊類都係不過不失…朋友o既椰汁芋泥西米露, 賣相同味道亦吾係咁得!!

今天同朋友慶祝生日,朋友說天后石磨坊糖水舖開業大半年口啤非常好, 所以一班朋友黎食去到門口都有好多人等緊位,好彩我地都係等左大約15分鐘就入得食這間糖水舖環境裝修得很美觀.而且非常清潔,坐得舒舒服服.令人食得放心.店員服務非常有禮貌.食得出師傅用心去做,:難怪開業大半年口啤咁好啦.芝麻湯圓 $13：有６粒黑芝麻湯圓,湯圓,餡好多,o薑湯底，薑湯好夠薑味.我覺得好好味.椰汁芒果刨冰 $26：壽星女睇見咁大座冰山.好鬼開心 椰汁芒果刨冰; 奶多椰汁多`芒果汁甜度剛好。芒果好大塊。值得一試新楊枝甘露 $22 : 做得出色,芒果汁做得好滑.而且沒加冰塊.不會有稀的感覺,內裏超多芒果還有柚子,蜜瓜,這個甜品很冷凍清甜可口.黑糯米芝麻卷 $24 :黑糯米幾好味芒果酸酸甜甜,幾特別杏汁燉原個木瓜中木瓜 $38 :木瓜即燉要等15分鐘杏汁好香滑, 燉熟的木瓜比起生食的木瓜更為清甜,如不怕等候,本人特別推介,全場最扺食,最好食埋單收費$123

同女友拍下拖仔由CB行返去SKW.經過呢間野.見口痕就入去食碗糖水啦.都有好多野簡.好多野都好吸引呀.女友就要左個紅豆沙.我就要左個凍芝麻加杏仁糊.等果陣好期待.因為我真係好鍾意杏仁同芝麻糊.之前食過另1間好好味.黎到喇.我食左好多啖都食唔到有味道.唔知係唔係凍就食唔到D味?定係我味覺有問題?而女友就覺得D料多過頭.豆太多喇!!我地好快食完就走.食完我覺得自己都唔知食左D咩-_-可能佢其他既甜品糖水會好味既..

這已經是第二次光顧這間小店。頭一次是外賣，是次於店內吃。環境 - Ok, 整潔，沒特別也沒不好。服務 - 好。店內女孩也有禮貌。見到有客忘了帶個袋走，其中一個竟跑出去追個客，不錯不錯。食物 - 綜合二次 - (1) 朱古力蛋白奶 - 很好味﹗朱古力層分別於底及面，十分香濃。是黑朱古力味，不甜不膩。朱古力味蛋白奶也很香滑。(2) 芝麻合桃糊 - 香口軟滑。(3) 腰果糊芝麻湯圓 - 第一次食腰果糊，原來很可口。甜香而不過濃，且帶腰果香，不錯不錯。而湯圓則圓圓大大，粉餡適中，有咬口，芝麻餡也很好。真的是個很好的選擇。比較小甜谷，可能是一間沒有很多新鱗設計的糖水店，不過卻見用心。是夜宵良地。

兩個人去食甜品，身為朱古力精嘅我，赫然發覺有「朱古力燉奶」呢回事，係一般傳統甜品舖冇嘅嘢。朋友要咗上面有人貼過嘅椰香芋頭涼粉冰。我個燉奶，一啲都唔係過甜，而似一杯調味剛剛好嘅朱古力奶。但係又撈得渾，唔會局部濃啲，一忽淡啲咁。本來我嘅期望幾低下，係姑且試下，但係結果算係有驚喜。朋友個椰香芋頭涼粉冰勁大份，一個人食唔哂。用嘅芋頭係粉開嘅，唔係真芋頭，所以佢有啲失望，不過應該唔係大問題。椰汁好似唔多夠。

到過"石磨坊"的不同分店不下十次,每次我都點同一樣食品---芋泥刨冰。是次來到開張不久的天后分店,當然要試一試同一款食品,這樣才可作比較。新裝修,環境整潔,服務員比別分店的殷勤,芋泥刨冰更是我吃過最好的一次,明顯覺得師傅是比較有心機做的。希望能保持下去吧!

這晚夜已深，想歇歇腳，三人入了這店吃甜品。甜品種類很多，生磨糊，涼粉，刨冰，糕點等，甚麼配搭也有，我們點了鮮百合栗子糊，合桃糊和芒果撈河。鮮百合栗子糊，入口時感到很滑，吃不到半點微粒，栗子的味道不是太濃，也可能鮮百合本身味道不強烈，吃不到其味道，甜度則適合現今潮流，不是很甜，而我會較喜歡有些微粒，感覺不是像吃嬰兒菜，合桃糊顯現到有淡淡的合桃香味，感覺很真實，有些食肆為了減輕成本，會混入花生醬，以增加合桃糊的香味，而這店沒有「出貓」，芒果撈河是一些鮮芒果粒伴了一些樣子像河粉的東西，實質是用海藻物製成，再切成河粉條狀，味道有點像椰汁糕，是一個清新可口的甜品。間中試試無妨。

石磨坊，石磨坊，過得去嘅洛神爽 石磨坊，石磨坊，合桃露開粉真係無野好講 石磨坊，石磨坊，芒果芝麻卷，睇人食到幸福表情盡喪爭氣D啦！石磨坊～

自從天后開左間石磨坊之後，一直心思思想去試，但係苦無機會，因為一來男朋友唔食甜野，二來屋企唔俾用甜品當飯食（飯後食甜品會肥更加唔俾），今日得自己一個人開飯，終於可以去石磨坊開餐喇天后石磨坊其實唔難搵，係天后蘋果商場對住的麥當勞，行多條馬路見到長崎咖啡轉入去第三間就係，同華姐好近，而且係晚黑的繁忙時間由福元湯圓個邊開始就有大大的指示，而且近指示就越密，唔駛驚搵唔到！岄三點左右去到，可能剛開門，得我一個人，可以隨便坐，而且好舒服。後來我落左order之後就陸續有人黎，睇黎晚市生意應該唔錯。服務唔錯，夠快手夠nice~其實佢的甜品都貼晒係牆度，但係每張枱都有menu，佢個menu好cutie，D公仔勁得意，而且仲有對白，又係彩圖，好賞心悅目今次叫左我一直想試的芋泥涼粉（其實我想嗌芋頭刨冰，但係得自己一個，又見佢成座山咁高，都係折衷叫都係有冰有涼粉的芋泥涼粉算喇），無諗過要等咁耐先有，不過等係有價值的！因為碗涼粉賣相好靚，同張圖一樣咁靚！而且真係幾大碗下（再一次為自己無叫刨冰而感到好彩），其實我第一次食刨冰類，今次先淺嚐一下涼粉上的刨冰試下自己鍾唔鍾意，無諗過加左花奶之後的碎冰又幾好味喎！而且

表哥由上海返咗嚟, 當然要去食個糖水啦~天后一向都係糖水舖嘅聚居地,石磨坊嘅位置比較偏僻,好在有易拉架喺路口...入到去, 因為係新舖, 所以內部都好ok~坐低叫嘢食~ 個焗蓮蓉西米布丁偏甜, 不過味道可以接受~之後就係芒果河粉, 一個字形容: 清!!!食得好舒服, 本人大力推介~!!!個杏仁合桃糊又滑又香, 媽媽食得好開心~唯一唔好嘅係個黑糯米芝麻卷...真係好甜同"濟"...我地一行人未食晚飯就去食糖水,即刻飽曬...特別要講講個芒果河粉,因為佢地有2個size, 大同細都係差$10左右,不過大就多好多~

綠豆沙：剝皮綠豆煮溶．有點點百合和西米．輕甜．飽肚芋泥西米露：芋泥質地和調味都很好合桃杏仁糊： 不太杰．輕甜．杏仁不會有藥水味