石記餐廳 (已結業)

今朝去打波前先食過早餐先，原本諗住去大家樂，後尾就改變左主意!退而求其次去咗 隔離呢間試吓la... 十萬個失望...叫份早餐，先嚟個蛋治，蛋炒得太老太乾身，薄"yip yip"，水準以下；麵包普通過普通...腿通嘅粉係腍pat pat嘅，無口感；火腿只係用水淥熟再放响D通粉上面，煎都唔煎吓，無誠意；反而杯奶茶幾好，幾香滑，無乜澀味...至於服務態度,老闆剩係吹水唔抺 嘴!無文化又扮識野! 連水都無杯!下次都係唔好改變主意la...

今日去左呢間黑店..大家千萬記住記住唔好去呀!!事源係同個朋友去食飯,但唔係話咁肚餓,於是就叫左一碟干炒牛肉意粉,(menu 寫住係$35),再加一杯凍奶茶,和凍檸檬茶(menu 寫住係$16一杯).跟住個女人(幾肥無著制服) 係張單到寫(40,19,19), 然後就話"今日野飲加價"..我同個朋友都呆左@.@..咁我地諗...野飲加價遮..野食都加價?!?!仲未完喎, 我地問另一個侍應"咩意粉唔係$35咩..點會變左$40架?" 佢答"你問返個女人la"心諗:如果無問題呀,邊個都答到la!!!到埋單: 明明計到條數係$78,但佢求其篤個數話$88...我朋友都呆左..問佢"點會咁會咁貴??" 佢話"因為要收加一"....大姐,,幾時有寫到收加一呀..係menu到完全無見過!!!!跟住個friend話.."就算加一都唔使$88 la"跟住個女人話"咁$86 la"..毫無悔意!!!呢個女人真係衰到貼地, 係由頭呃到落尾(由寫單到埋單),絕對係一間黑店,大家記住記住千萬唔好去食呀!!!

本人昨天與友人到這間茶餐廳, 向老闆娘(冇著制服又以為自己好靚的女士)落了order, 一心等待美食的來臨, 怎料20分鐘後,個老闆娘先過來問我: 你order了什麼東西??? 說了一大遍又不明白的說話後, 她才說漏了落單, 她連一句基本的"不好意思或道歉" 都沒有, 只說再落過單吧!! 過了10分鐘後, 她經過我身邊, 語氣極不忿地對我說: 其他檯都是要等, 但她不明白本身態度不好, 漏了落單還要"聲大夾惡", 這種算是"今時今日的服務態度"嗎? 另外, 我亦看見他們內部處理極為混亂, 一位廚師仔還向一位女員工大罵, 令我覺得這間茶餐廳, 實在大打折扣!! 紅豆冰的冰亦很快溶化, <西多士> 亦不見得那般好吃, 請大家下次再光臨這間茶餐廳時, 多多見識一下!

無意中逛到這裡，隨意決定試一試。那兒最有趣的地方是既有中式亦有西式的晚餐，而且餐湯還可以自由配搭。於是我點了一個中式豆腐煲搭一碗西式牛尾湯。食物是一般茶餐廳級數，個牛尾湯不知何故味似羅宋湯，個海鮮豆腐煲真的有很多種海鮮，例如八爪魚仔、蜆肉、魷魚，甚至連日式蟹柳都有，感覺有點無厘頭。環顧四周，光顧的多是兩夫婦，老闆態度粗豪，但和食客打成一片，有點十八樓C座FEEL，如果喜歡街坊式服務的人會覺得親切。個人覺得他們的小炒幾夠鑊氣，食小菜會比食西餐或小食好。

呢間茶記的d 野食真係好唔掂又好貴。兩次都係星期六食午餐。第一次係食雞翼通心粉,通心粉唔多熟,有d 硬, 湯淡而無味! 雞翼仲衰,炸到熟過頭,無晒雞肉味。第二次食豬扒米線,豬扒硬到"趙" 唔到!d米線變晒禾蟲甘斷到一節節?!佢地係唔係將尋夜煮剩果d 米線攞 比我交貨就算??!!米線入面d菜都吾知係浸過梳打水定消毒藥水,總之一陣味,食到後尾都食唔到入口。到最後飲果杯免費茶水,竟然見個杯底有飯粒(我係食米線架…呢d飯粒一定吾關我事……)佢地d茶水吾係"循環再用"呀嘛……仲有個老闆娘(肥肥地的那位) 服務態度又差!當初見門口個裝修乾淨少少先行入去……總之呢間餐廳無下次啦…

我覺得石記不錯價錢不是很貴現在的香港不是有很多十元八塊可以有飯食有湯喝的餐廳那兒的海南雞飯很好味D飯很香

講真，呢間野真係好一般；野食貴(同類之中)；招呼真係差到離晒譜，尤其係唔著制服的個位肥阿姐既說話同態度(囂) 真係搞到你火都滾。要食都真係只比佢個門面扼左，完全唔推薦。

今天午飯時間，目擊石記極其可恥惡劣的服務態度。此茶餐廳的老闆娘不慎將兩杯茶倒於檯上，並弄濕一對較年長夫婦。該侍應不但沒有道歉，並一直怒視該太太。以為老闆娘會道歉! 誰知她竟向該太太說假使她不嗌飲品，她要付＄１０，縱使她已有嗌食物。然後老闆娘再好無禮貌強行取回該對夫婦中間的一張圓凳子，令夫婦的東西掉在地上。惟該對夫婦祇好啞忍。事實上，此店的食物質素普通而稍嫌貴。坊間此街有許多食物的質素都較之為優。何以仍有保留這種傲慢、不可一世、令人髮指的服務？

平日經開見大大個招牌寫住'馳名海南雞', 星期日同老豆決定一於試下, 點知.....我點左$58 碟海南雞,其實都幾貴, 雞, 係白切雞, 無味同好'鞋', 罷明唔新鮮;汁, 居然用燒臘鋪的薑"匆";飯, 超油;同老闆娘投訴又貴又唔好食, 她竟然話: "新鮮雞, 係貴d 嫁啦"老豆點左$42 "匆"爆魚"楠", 一件"楠" 都無, 全部都係魚尾.無下次!!

朋友叫set dinnner，牛油多士超正，塊多士咬落去果種脆脆地又鬆軟o既口感真o係正。忌廉湯算吧啦﹐稀到死。主菜令朋友失望，o係雞球同蝦球同d青椒洋蔥串成skewer，望落好養眼。食落﹐d 蝦球未煮熟! 朋友個mood 就俾d 生蝦ruin 左，成個dish 唔想再食。後來有侍應經過問起，話即刻炒o幾隻蝦補數，朋友叫佢唔駛，都o係炒左三隻大蝦球出o黎，有蝦子舖面，仲要食落非常梅，朋友就用兩隻蝦撈埋淨返o既飯! 我食日本蟹肉雙蛋湯烏冬，蟹肉係假蟹柳，成個dish 淡到飛起，o係隻太陽蛋似樣d。服務出奇地差，價錢又貴.

年尾收爐，難得與家人到維園行年宵。以為下午會少人D，點知一樣咁多人，差D逼唔番出。又到下午茶時間，附近食，見門口好企理，好似幾高級咁，就入去試，點知裡面同花市一樣咁逼。叫3個下午茶餐，包括雞扒米線($20)、炒豬扒意($26)及焗白汁火腿意粉($26)。味道全部都唔錯但份量真係少得可憐。至於飲品就差D，好立克淡過水，我杯駌鴦就OK。收得咁價錢，應該提高D水準，唔好淨係得門面。

5點幾有少少餓, 行過見塊黑板寫住"下午茶餐$15起", 就入左去.....點知一睇餐牌, 搵極都無一個餐係$15, 最平都係$20, 大部份係$26或以上, 最後叫左個"西多士+日式串燒墨魚丸", 所謂串燒墨魚丸, 只係兩粒麵粉製既墨魚丸, 加些少燒汁, 一塊三角形西多士, 即係得平時茶餐廳西多既一半, 入面仲要無搽花生醬!! 仲有, 搽西多士既糖漿明顯溝左水, 一d 都唔甜!! 另外, 我o岩o岩先放最後一啖西多入口, 未開始咬, 連食具都未o黎得切放低, 阿姐就即刻衝過o黎收隻碟! 成間舖得兩個客, 駛唔駛咁趕呀?! 早知行多兩步去新釗記算數!!

食午餐, 叉燒炒意粉$28, ok 啦.一般茶餐廳咁lor, 裝修好少少, 坐得舒服d.碟意粉都幾大碟ga, 味道就可以啦... 算係咁, 交到貨lor.

呢一日男朋友帶o左我去呢一間佢相熟o既餐廳度食飯，一入到去，好旺wo ，坐滿哂人o既…我同男友叫o左兩個"送" ，分別係蛋白豆苗同埋土魷蒸肉餅，我幾鍾意呢兩度"送" ，一向都怕"腥" 味而唔係太食海鮮o既我，都覺得個蒸肉餅幾好食，另外蛋白豆苗用o黎送飯都唔錯…而我覺得呢間o野最好o既就係，真係好少味精！平時出親街食o野都係食味精落肚，唔係太健康，但係呢間就唔會！食晚餐呢度都會係一個唔錯o既選擇…美中不足o既就係今次人太多，坐得唔係太舒服…

初看餐牌。哦，常餐，一如其他茶餐廳，有奄列有牛油方包有面，兼凍飲加一蚊，只係個面多d餸揀，以蕃茄湯底作招徠，同埋奄列唔係火腿係磨菇。但食起上黎，就真係嚇左我一跳。磨菇奄列係忌廉磨菇做饀，個蛋arm arm好將佢包晒，平凡中見心思。個面呢。老實，d餸就普通左d, 墨魚丸仲好似唔多新鮮。之不過，個湯夠晒啦，羅宋湯公仔面呀，好好味。(我覺得唔使加錢轉出前一丁，因為個公仔面我覺得都唔弱) 如果可以改善埋d餸咁我覺得perfect啦！