砵砵車仔麵 (已結業)

簡簡單單食碗車仔麵都好開心！我嗌左:冬菇鳳爪香菇肉醬 米粉 辣汁沙嗲汁 少湯話就話唔餓但最後成碗清晒🙈男朋友嗌左:豆卜蘿蔔牛腩 幼麵 沙嗲汁小食點左阿里山茄子用秘製醬汁 炸過但唔覺油膩 特別香夠開胃總結:街坊車仔麵黎講 性價比都ok36蚊三個餸 正常價 整體食物味道都幾好蘿蔔夠甜無渣 豆卜入味冬菇同鳳爪抆得淋好似酒樓嗰啲咁我自己鐘意食呢啲鐘意清清哋既男朋友就覺得嗰湯底清甜加左沙嗲汁啱啱好我鐘意濃味嗌辣汁沙嗲汁少湯好好食啊😍會繼續支持💪🏼最後真係成碗清晒架😝

沙嗲湯底豬大腸、鹵水雞翼 、香茅豬扒 、貢丸 、咖喱魚蛋、河粉。價錢係抵， 可惜淡味到陰功😣 可以用無味黎形容唔知係咪無人幫襯 ，雞翼好似擺左好耐响個鹵水煲到咁，浸到肉都霉。咖喱魚蛋係無咖哩味，河粉唔知擺雪櫃耐，定煮果個煮唔耐，幾條粉痴埋一塊咁，差唔多成碗粉都係咁樣，最終成碗粉係一半都食唔到，係難食到唔想再繼續食落去。如新店開張，星期日黎講堂食客人都係得 4張枱，咁樣水準老闆應該檢討一下烹調技巧，而唔係搵人寫個誇張失實食評，仲慘過係屋企自己煮黎食。

難得去元朗，當然要周圍揾下美食，但當日唔係太肚餓，所以諗住食碗麵就算，呢頭就俾我見到間好似係新開張嘅車仔麵，裝潢簡單，勝在夠企理整潔，就呢間啦！雖然我只係食一般車仔麵餸，但個湯底鮮甜到不得了，而且好濃，好有細個時食嗰啲車仔麵感覺，豬腸係用我最喜歡的細腸，好腍，而且非常入味，洗得又夠乾淨，非常滿意。豬皮都好入味軟腍，食落覺得好有膠質，唔錯，但個豬紅就唔係一夾就散嗰隻，同行朋友話一夾就散嗰啲豬紅先至唔靚，周星星喺食神都咁講，但我就真係鍾意夾得散嗰隻豬紅囉，口味嘅嘢，佢識條鐵咩值得一提係個辣醬，100%自家製，辣到飛起，老闆娘早已經提過我，但愈辣愈過癮，食到殊殊聲，所以叫咗杯金桔蜜，奇怪嘞，唔多甜嘅，原來桌面早已有支糖水，鍾意幾甜就自己加到夠為止，原來我平時飲嘢都飲得幾甜，呢個方法幾有驚剔作用總括而言，呢間車仔麵值得再去，因為感覺得到呢度嘅出品好細心同有誠意，味道又真係幾ok嘅

兩碗麵 湯底沙嗲汁/腩汁淡到好似滾水淥麵，沙嗲汁同腩汁好似落得半匙都唔知有冇撈埋碗滾水到咁。兩碗麵唔熱都算，貢丸個心仲凍，鳳瓜炆到淋到爛咁滯，雞翼一咬又係淋到一咬即散果隻，浸到就黎爛果隻。飲品 凍菊花/柚子蜜 又係淡到半匙味都唔知有冇放落個杯到，好似水加冰。比錢時仲叫介紹多D朋友黎，自己食過一次都唔會再黎，仲點會介紹朋友黎呀。新開張舖黎講，落味都咁孤寒，唔好講足唔足料，根本淡味到好似滾水浸麵咁，毫無廚藝可言！