碌冧法式越南料理 (已結業)

跟女友想來想去都找不到主意要去那兒吃晚飯，既然如此就來個"到時再揀"的遊戲好了。地點選定了為雅蘭中心，跟女友會合之後，左篩右選後就選了這間由鴻星集團旗下主理的越南餐廳，本來可以有九折的，但是卻忘了帶coupon出來......唉~因為很久沒吃越南菜了，有很多東西想吃但食力又有限，最後選了一個"筍殼魚套餐"。這個套餐要三百大洋，心想不至於太差了吧.......食物還沒來，便發現檯上有兩支有趣的"東西"，分別是自家製魚露和頂級藩切魚露。唔.....既然食物沒來又閒著沒事做，便拿起匙羹先試自家製魚露。帶一點酸甜的它，用來點那些油炸食物必定有很好的消油膩效果，不過相反魚香味變得薄弱許多了。而另一個藩切魚露，咸香味異常地強橫霸道，只是一點點已經令到整個口腔充滿著那份純純的魚味，果然是上品的魚露，讚﹗不一會，食物開始登場"了~焗蒜蓉包 - 新鮮出爐那有不好吃的理由，除非是放了很久或焗過火了吧~南瓜茸湯 - 又是南瓜為主要材料的湯，還好的是頗甜美，口感也順滑，較一般以忌廉煮出來的版本特別一點點。橘子烤鴨胸 - 橘子醬雖濃但味清新，烤過的鴨胸煙燻味完全爆發出來，一濃香一味清，加上鴨胸肉頗嫩滑，頗醒胃的

去到旺角雅蘭，見這間鋪靚靚地，咪試吓幫親。我地叫咗春卷，生牛肉河同喇沙，我覺得個春卷好多料，仲有超新鮮的菜 (唔知叫乜菜)俾我地自己包住，比起小巴黎同嘗越好味好多。個生牛肉河上枱先落湯，好特別，睇住d 牛肉變熟，不過要讚個位哥哥仔，好有禮貌叫我地搞均黎食，同埋介紹枱上面的魚露(枱上有2 支)，見佢拎住個煲都應該几重，但都好有耐性咁同我地講解有乜唔同， 突然令我諗起詹瑞文個廣告「細心又貼心」。個喇沙都好味，因為我鍾意椰汁，但個friend 唔鍾意太重椰汁味。

話說早陣子上o黎睇過哩間野既食評都幾好咁，不過，食完之後，係好失望。兩男一女既組合，叫左一個二人套餐再加一個黑椒牛柳粒炒紅飯同埋越式春卷。套餐有：餐湯兩個 (sorry, 唔記得咩名)、越式生牛肉河粉、越式四小碟 (有牛油雞翼、越式春卷、牛肉蝦片及水晶蝦卷各2件)、軟腳蟹柚子沙律、蒜蓉大蝦皇，仲有甜品。先黎既係兩個湯，其實佢係一個蕃茄菠蘿紮肉湯。好唔好飲，見仁見智。不過，唔鍾意食熱菠蘿同奇特味道既你，就千奇唔好試。第二道上既就係黑椒牛柳粒炒紅飯。本來意為真係炒健康米既紅飯，點知係蕃茄炒飯，仲要係上半部份係紅色下半部份係蛋炒飯 ( 因為佢係搵個好似啫喱杯咁既野 cup 個飯出黎。至於個牛柳粒，都炒得幾嫩口，食得出有黑椒味，好微辣，唔食得辣既人都應該ok食到。不過佢個汁都係搵蕃茄做，即係可以講，哩個係蕃茄牛柳粒炒飯。第三道菜係越式四小碟同埋越式春卷(有伴菜隨同)。先試左春卷。好熱，好味，好新鮮。個皮幾脆，用黎包哩個春卷既生菜幾新鮮，包埋個春卷一齊黎食令到個春卷食起上黎唔油膩，唔錯唔錯。至於四小碟，一向好有衣食既朋友S 叫我唔好食個水晶蝦卷，而我自己就同朋友S講牛肉蝦片就只係食左個蝦片上面D

放工後等埋友人食LUNCH~已經餓到有d唔餓o既情況下,食左個tea set春卷撈檬 + 北 x x 拉 (唔係不漏洞like)友人叫左菠蘿蝦糕粉飯 + 薑汁沙冰春卷撈檬的春卷雖然係一條切開2條,但好大碌不過個人覺得咸左D,裡面有好多肉,好頂肚 特飲叫左北 x x 拉 ,係西瓜汁 + 橙汁 + 菠蘿汁, 感覺好FRESH又唔太甜菠蘿蝦糕粉飯,好味唔太咸,又唔會好油薑汁沙冰都好好味,唔太辣O係呢個天氣飲呢D野飲真係特別舒服!

早幾日喺呢區行開, 又到左差唔多要晚飯嘅時候, 兩口子左諗又諗都唔知食咩好, 點知一行出朗豪坊, 就見到對面好大隻字寫住碌冧法式越南料理, 個名令師傅覺得幾好笑, 皆因呢個名讀出黎真係好似越南話, 係咁樣就比佢吸引住, 所以決定會一會佢!去到唔算好多人, 但要等兩至三張枱, 師傅見唔使等太耐, 於是決就喺呢度食晚餐, 過左十分鐘到就可以入去坐! 坐底睇下有咩食啦, 商量左一陣最後柯打左生牛肉湯檬, 炸春卷, 蔗蝦同埋香茅豬扒紅飯, 再用中銀卡找數, 就送多碟牛油炸雞中翼!等左一陣, 估唔到最快到會係唔使錢嗰道菜, 牛油炸雞中翼一碟三隻, 個賣相炸到好似炸生蠔咁, 外面係炸到幾硬, 係要好大力咬先得, 口感麻麻, 而雞中翼本身唔見得有咩特別, 好普通啫, 唔使錢係差d架喇, 唯有希望黎緊嘅會好d啦!跟住生牛肉湯檬就到, 一放低師傅仲以為佢地落錯單, 因為生牛肉湯檬竟然係冇湯, 正想出聲嘅時候, 個伙計就話轉頭幫我地加湯, 過一陣就見到佢攞住個茶壺出黎, 喺客人面前加湯, 慢慢將碗"生牛肉乾檬"變成"生牛肉湯檬"; 由於d湯係好熱好滾, 師傅等佢一行開就即刻夾起d牛肉, 如果唔夾起肯變晒

生日飯來到這裡, 服務好OK !!不過食物就一般, 叫了個扎肉金邊粉以為是湯的, 來了是炒的. 沒有問題可以照食, 不過就好干, 成餅野咁好難分開.我最欣賞是個椰子海鮮湯, 好香椰子味又夠熱, 好好味 !!個美心蛋糕就好好食是 芝士蛋糕來.

星期日下午，天氣很熱，跟babe看完戲，tea一tea先。要了兩個tea set春卷凍檬連餐茶 - 春卷有少少散雞扒湯檬連餐茶 - 雞扒幾香，檬粉很多魚露分兩種，一種給撈檬，一種給湯檬，不過我們都喜歡前者，因為夠酸夠醒胃。環境不錯，人少少，好舒服。服務也很好，不停添水~

和朋友找午餐地方....想吃越南野....見到這裡裝修OK....便試一試....- 南乳碎炸雞- 碌冧炒金邊粉 (配飲品: 紅品冰)- 燒雞扒濱海 (配飲品: 菠蘿雪花)南乳碎炸雞...麻麻地....又咸了點....碌冧炒金邊粉....無乜味.....亦都無乜餸炒....燒雞扒濱海....呢個因為未食過...覺得幾得意....只係d 裝修幾吸引....同埋上碟整得幾靚的....整體....真係麻麻....唔會再試.....三碟....要$220 (lunch)....貴了點.....

又0係旺角搵lunch 食, 今日想食越式凍0野, 0黎試試雅蘭上面的呢間法越fusion 餐廳. 呢度叫自己做"Nuoc mam", 當然要試0下佢d 魚露啦, 結果叫了個set lunch ($42), 有春卷濱海一碟, 餐湯+ 蒜蓉包及凍咖啡一杯.餐湯係奶白色的fish chowder (?), 幾稀又好勁椰汁味, 有唔少西芹及洋蔥, 當然仲有粒粒魚柳... 第一啖飲落味道怪怪的, 而且好有港式西餐d「白湯」0既影子, 唔0岩口味; 蒜蓉包賣相幾靚, 不過蒜蓉味唔夠, 烘得一般脆又油油的, 麻麻0地.春卷濱海原來份量幾多, 仲arrange 得好靚! 濱海(ie 織成一餅餅的幼身越式米粉) 腍腍的, 溫溫吞吞, 配料有好多炸蒜粒及蔥, 加埋生菜就咁食當然無乜味, 魚露先0黎主角... 落了店員提議0個隻紅色label「自家精製魚露」, 味道酸酸甜甜又帶點鹹及魚(腥?)味, 都幾好食; 春卷好熱, 幾油, 食落一般脆, 層皮太厚, 餡料無乜味之餘感覺亦粉多過乜, 認真麻麻, 不過配上唔錯的魚露, 味道都過得去.餐飲揀了凍咖啡, 分開上的syrup 及cream (!) 杰杰的,

好耐冇同女友食越南,本來想去越興園,但女友話覺得個度d魚露太甜唔好食,於是走去呢處試試order一碗生牛肉金邊粉,軟殼蟹撈凍檬,牛油雞翼,芒果春卷同埋粉包.個牛肉粉湯底一般啦,味道較咸,少了點香葉味,不過好就好在個湯底係上時才淋落碗粉度,起碼唔會令到d牛肉太熟,這方面都幾有心思女友個凍檬粉佢\話都ok,d軟殼蟹都算熱辣辣,點落d魚露食有幾好味;女友話呢度d魚露比較好味,酸得醒胃,不過d檬粉就碎碎地,一夾就好易斷.牛油雞翼都唔錯,幾香牛油味;個春卷就有d怪,始終同d芒果唔係咁夾;粉包就嫌粉皮太厚,裡面餡料就太少及唔夠香口.不過價錢與質數不成比例,不化算;同埋d服務確係唔多好,話晒都叫做法蘭西料理...哈哈

Saturday 與男友行旺角, 8點時想食飯, 見有越南嘢食有不用等位,於是一試,很喜歡其歐陸田園裝修。小食四拼--不錯, 有4式小食(其中1款係牛油鷄翼)。生牛肉湯檬--湯很好味,但生牛肉於湯soak 了一會便碎開了。咖喱豬排湯檬--咖喱好香, 有點辣但好開胃。食完已經好飽, 但我還是叫了1杯越南滴滴咖啡，很有特色,很滑,不過比較甜,較適合初喝coffee 的人。

同個fd去個頭食dinner, 見唔洗等就入左去.點左個小食拼盤,1個沙律,1碗湯麵....同個應該叫"椰青焗豬扒飯"!個沙律都幾ok~個小食拼盤~好得意~個器皿好似棵樹甘~幾好味~BUT....個椰青焗豬扒飯....食到想死...我同個fd都係唔食剩飯餸之人...但係食左幾啖...真係頂唔住....都唔想講出口...最後都講左.."好似d嘔吐物"...服務方面...本人係水怪...有個加水誠意度(=服務態度)加水誠意度極低....舉左幾次,打晒眼色...都無咩人埋...

同友人嚟呢到Lunch, 個場冇乜人都要我倆坐二人枱, 張枱好細, 食物碟又大, 近本唔夠放, 設計有問題~每人有一碗湯, 少少地試過就算!小食拼盤- 四款小食, 每樣二件, 原來都有春卷, 早知就唔Order春卷撈檬, 撈第二樣啦! 味道OK!菠蘿蝦羔炒飯- 唔係用原個菠蘿上, 係用碟上, 唔知係中午關係, 還是係我叫錯左啦! 味道OK!越式春卷撈檬- 嚟呢到食, 都係想試下佢d魚露, 叫個撈檬嚟撈魚露! 味道OK!二杯特色飲品, 唔係我杯茶!呢間食店d食物係OK, 乾淨, 去下無妨!服務員好難叫佢地, 自顧工作不望人, 應左又唔行過嚟!

約了朋友食晏,剛新年後周圍都很多人,唯獨這裡有位,這裡的招呼,服務態度很好,叫了個二人午餐,三百幾蚊.芒果蝦沙律--芒果很甜,蝦很鮮,沙律也很清,是近期食過最好的沙律.橙醬鴨胸--鴨胸不靱,醬汁也很好味.生牛肉河粉--由於我朋友不吃生牛肉,改了熟牛肉,但竟然一點也不靱,不過最喜歡還是湯在上檯時才淋落粉度,這個粉很好味.羊排--做得不錯.這個餐唯一要彈的就是沒有餐茶,要另外自己叫,我自己就叫了杯越南滴滴咖啡,是用煉奶的,不需落糖,但個人覺得比較漏,咖啡味不重.最後兩個人食了四百蚊,今次真的做到一分錢一分貨.

初到此店發覺環境很舒服及服務員的態度亦很友善,時常掛上笑容!食左下面:軟殼蟹濱海: 軟殼蟹及濱海排列整齊並以生菜墊底放在長條碟子上,很吸引;軟殼蟹很脆, 濱海每條很幼, 配搭合宜咖喱雞:熱騰騰的感覺很好,令人垂涎;香氣撲鼻,咖哩味濃,雞的內質很嫩滑伴碟的烤餅很外脆內軟, 沾咖喱汁很好吃香蘭拉耶糕: 排列整齊顯心思,不過不夠香蘭香味, 只有甜味, 且外層有點變硬了整體不俗,想試特別o既越南菜就去啦!