碌冧法式越南料理 (已結業)

88蚊任食2個鐘~可以揀的東西不少~與男友二人狂食~上菜速度ok~份量除檬粉外~都係偏少的~反而可以食多幾款男友叫的芒果沙冰有一粒粒的黑珍珠~好得意~法國紅海湯比鮮蝦酸湯好飲得多我仲叫多一碗tim~法國紅海湯酸酸~味精偏重~但我很喜歡燒牛肉牙車快份量很少~過過口癮很不錯~燒牛肉亦好味蘋果豬頸肉沙律的豬頸肉比佢單點的好味雞扒凍檬粉雞扒較少~但都ok~好味~小食方面~幾乎食晒~越南春卷很油~不特別牛油雞翼~好香但太油了~越式粉包不錯~但真係滴油...越式魚餅很辣~豬肉咖喱角很一般~不吃也罷沙爹入味~肉ok~蔗蝦很油~蝦味不夠燒豬頸肉~沙律的豬頸肉比佢好味牛肉濱海...份量很少~很一般水晶蝦卷~不錯~醒神肉鬆蝦片~香~但蝦片受到牛肉的影響~有點冧了~法式燒羊扒~肥左d~但肉嫩越南走地雞~不錯~但不突出南乳雞~比走地雞香~黑椒牛柳粒~牛柳很細粒~都ok小炒皇...好腐乳味~唔太好味...蒜茸炒時菜~~香~唔太油~ok~燒秋刀魚~大條~香~唔錯~芝士焗青口...有1,2隻有少少腥~但整體很ok~隻芝士好襯青口香露燴牛脷~似茄汁多d~有一點漏...柚子煙鴨胸~好難食!!!!!!!!!!!!!!!!

很多時乘車會途經的一間法式越南料理, 很久前已想試的餐館,今午終於約同嘉和豪來品嚐。早到了,時間還有空隙,走入旁邊的大型商場閒逛; 不一會接到嘉的來電說已到達,我便掉頭走回餐館去 ,坐下來看見餐單價位亦算親民。不久食物已端上桌來,不怕羞的我馬上又拿起相機拍一翻;害羞的嘉提示我勿用閃光燈就是了。這餐可真是解饞又飽肚吶牛油雞翼~~熱騰騰的，香脆無比,賣相亦好看,唯一美中不足是欠缺牛油味。越式豬頸肉炒飯~~吃罷春卷後豬頸肉炒飯便端上桌來,豬頸肉丁,細嚼起來柔中帶爽兼彈牙,讚!讚!讚!香茅牛肉炒金邊粉~~這個很好吃，大塊而厚的牛肉片,香茅完全入味;愛它肉質鬆化,咀嚼無渣,牛味香濃,嗜牛者不容錯過;金邊粉又滑得很，直滑到我胃裏去。推薦！菠蘿粒蝦糕炒飯~~菠蘿粒和蝦糕,實在是天造地設的絕配,要是蝦糕多一點點就更佳。凍奶茶~~對於愛喝奶茶的我來說，這是一頓餐後的靈魂。這裡的尚可;當然不能與茶餐廳的那些香﹑濃﹑滑比美,若是不好喝，絕對是敗筆。

因為阿媽好越南野(但其實我係麻麻地....)所以去左食@@"心諗，鴻星集團都唔會太難食卦......因為仲有下午茶時間，所以寒媽揀左魚春卷米粉配牛油雞翼。 隻雞翼我食左一隻，個牛油味都唔算好顯@@"呢個柚子胡椒豬頸肉佢既特別調味仲有返D水準，貴就貴左少少，溫度都唔算好高，但都還可以@@"(算係最好一味黎Ga La@@")至於我叫既椰青焗飯x咖喱大蝦就.....(好削@@")蝦同咖喱各走各路，連咖喱都唔對路，又唔甜又唔辣唔知想點，至於個飯呢@@"你放蛋落去提香好似有建設性過的咁多粟米既纖維囉@@"一句：咁既時節，咁既價錢真係唔多得Wor@@"

去開呢頭做野.搵FD聚舊食ＬＵＮＣＨ,最後去左呢度食.入去原來都幾大..佈置都唔錯.都座得幾舒服佢個日都有D SET LUNCH 就叫左個越南雞同炒金邊..佢仲可以加$10 有小食.叫左個雞齊同春卷仲有樣攪野既...有樣野飲叫..估你唔到.初初都以為係好似台式飲品個隻隨便咁..原來怇憬用一D 菠羅汁加青檸梳打...好清新..第一下入口係好醒神..個雞同普通海南雞冇咩分別..金邊唔錯..好香好野味牛油雞亦都好香口..個春卷普通左D平日黎呢度.邊食邊傾計都唔錯

已經係幾個禮拜前既事lu~我記得食左一個套餐,有煎大頭蝦,真係好好味,d肉又多又甜,2個人share一隻都夠哂.~焗雞扒飯,係香茂雞扒,比較濃味d.~炒雜菜,好似係蒜蓉炒,普通啦.~軟殼蟹木爪沙律,呢個最好味,差唔多成碟食哂^^佢d沙律汁酸酸甜甜好開胃,另外軟殼蟹又好味.~甜品係千層糕,班蘭同咖啡兩種味,個人認為咖啡味好食d~呢度個種班蘭味整得怪怪地.哂左.另外加左10蚊要個烤牛肉濱海,濱海係d類似用米粉整成餅狀既東東咁,本身冇咩食既再配埋烤牛肉就好好食.

前一排經過先知道『飯廳』轉左做呢間碌冧，今日咁岩黎開呢邊，就試一試啦~ 裝潢基本上冇變過，只係每張椅都加左一個套，同埋門口多左一個古董式既電話，同越南菜一D都拉唔上關係…坐底先見到原來呢度都一樣係鴻星集團既~分別有午市套餐同下午茶套餐揀，每樣都有六七款，不過分別唔大~ 媽咪要左個下午茶既越式生牛肉湯河，我要左午餐既燒豬頸肉湯河配越式炸春卷~越式生牛肉湯河 - 個湯好重八角味，我就唔係太鍾意~ 河粉都唔靚，係好厚身既粉，所以煮出黎都唔透，有d仲係黐埋一餅既…牛肉亦都全熟，仲幾韌添…唔好食~燒豬頸肉湯河配越式炸春卷 - 春卷新鮮炸起夠熱夠脆，不過餡料都幾少，點左魚露都幾好味~ 河粉都一樣唔好味，但係呢碗湯好好多，因為唔重香料味~ 豬頸肉做得差，片得太薄又唔夠爽，感覺似食緊瘦肉多D~雖然食物唔好食，不過真係幾好坐，因為閒日下午好少人，所以食飽慢慢坐都唔會有人趕~ 埋單 $66午市唔加一，其實好抵食…不過好味既越南菜有好多選擇，我諗我唔會再返黎喇…

雖然我住得同中國染廠大廈好近好近，不過，之前的飯廳總係冇緣去食過，可能成間野的格局令我冇果種「一定要去試」的火，同埋爭緊d機緣巧合。(唓，講到尾同佢時辰八字唔夾咪得囉長氣！)好，轉入正題；是日相約一位在附近上班的舊同事來這裏吃午餐，是她推介的。的確，講環境，這裏很不錯，坐得好舒服，如果約人傾計，甚至係約d business partner o係度面談傾生意都唔失禮。價錢呢？市區一個可以適合傾business的地方，起碼都六七十蚊，呢度呢？最平的set 只係$32, 貴d的，好似四十幾五十掛...(我今日腸胃唔思服，己經一心諗住要個最平最少野食的set，所以冇理到貴d有咩食同幾錢。)。$32的lunch ，有河粉，有個小食，同杯野飲，女人絕對夠食，男仔可能會爭少少，但真係爭少少咁囉， 補充多返杯雪糕應該ok架啦。個味道呢？嗯。我叫左個生牛肉湯河加粉卷的set。其實呢間野的澱粉質食物係ok的，個粉卷的皮，同河粉都好爽滑，好味；個河粉入面的牛肉都幾好味。不過個湯就一般啦，唔多係牛肉味...似係"人工"加多左d牛味入去 (即係, 有d類似雞粉的物體，但係牛味的，我諗佢係落多左呢d)，一來冇左果

一行七人, 食lunch, 見有set $3x-$5x, 吾貴, 試下la.叫左7個set, 加6客小食, 以為夠食, 誰不知來到係超細碟.細碟吾緊要, 好味至重要, 可惜.....炸牛油雞翼最好, 可惜有2 隻吾熟. 咖哩焗飯ok, 可惜少.白切雞好少, 味道吾特別. 湯金邊粉較散, 湯無味.最差係炒金邊粉, 叫左2碟等於1碟份量, 仲要無味.同行有4個女士, 食完都吾飽...仲有一啲都吾覺係越南風味lo service 都 ok, 算好. 可惜吾會有下次.

過左11點....冇得食早餐~~正當好鬼失望之際~見到轉左舖頭名的碌冧出現眼前~dining room變左碌冧~但咪又係鴻星做老細~見到佢餐牌~早餐去到12點~仲要免加一~一個餐都係20蚊左右~仲唔入去???入去到...閒日的關係...好靜...得2枱客~唔知點解我個豬頸肉潛艇都係要15分鐘先嚟到包很脆~豬頸肉都好冧~但個包始終同d肉的比例有少少距離....包太大了一點~干了一點~不過18蚊~有埋嘢飲~很舒服的環境呢~

以前的「飯廳」變成了這間越南菜館。格局跟前者差不多。扎肉湯檬、咖喱牛腩湯檬 - 湯底不錯，鮮味夠，扎肉切條，味道和質感不俗；牛腩則一般，咖喱不夠濃。春卷 - 炸功可以，但餡料略為鬆散，肉味也不夠鮮，不太好吃。輭殼蟹沙律 - 這個不錯，有新鮮芒果、奇異果、西柚肉等配料，很開胃的。服務環境也不俗，下次可以試試其招牌大頭蝦及香蘭椰汁糕。

與家人來到這裡，吃了很多野1)火焰海龍皇湯 – 冇乜火焰，個湯用個椰皇裝坐，好重椰子味，都幾夠料，只有大姐唔鍾意哩個湯，話好甜。2)香芒帶子卷 – 好清淡，芒果好甜好味。3)蝦餅 – 唔係泰國那種，係有蝦，芋頭絲同粟米炸成一大餅野，雖然與相像中一塊塊的蝦餅好唔同，但好特別，又唔係太油，連d 蝦殼都好脆。4)炒金邊粉 – 唔油膩，有蜆 / 蝦，若果加d青檸汁上去會更開胃。個低能家姐落了好多好咸個支魚露，好咗只落了她那碗，我試過真係好咸呀。5)咖哩牛腩 – 好辣，我只吃了一淡，其他佢地吃晒，仲叫咗個包點晒d 汁。6)最後想吃pudding，不過賣晒了，改點了芒果黑糯米，熱辣辣，又有椰漿，好好味。這間越南野總算帶給我們愉景人新鮮咁，下次都會再去既。