礦工Cafe

營業中

休息中

🌹天氣涼爽，更可以四圍去，Plan好行山前先到馬鞍山《礦工cafe》，我們一早出發，配合cafe 開門時間。步入cafe給人一種礦洞感覺，但面積不大，座位不多，服務員態度一般。🌹點了知名的礦山咖啡☕️及礦石曲奇，等了數分鐘食物上檯。礦山咖啡香味一般，礦石曲奇不鬆脆，較硬。打完卡後在鞍山探知館參觀下，了解礦洞及礦工由來，當天天氣蔭天，若然是藍天白雲，一定景色優美。個人評分食物味道飲品環境衛生服務回頭率抵吃

依家係一間特色主題嘅Cafe 大家可以選擇坐喺出邊定係坐喺入面涼冷氣對呢度既食物都冇乜特別大既期望 黎呢度嘅人都係食風景嘅一打開餐牌 價錢有啲誇張 不過都可以理解嘅 始終係山入面 人力物力都特別貴🤣🤣最後抱住一場黎到嘅心態 叫咗碗豆腐花 價值$20味道不過不失 但份量有啲少 都係平時食到豆腐花嘅味道 不過坐喺呢個地方食 別有一番風味 大家不妨行山行到一半嗰陣 嚟呢度小休一下 附近仲有其他景點可以參觀好多嘢玩亦都好多嘢睇 係一個遊覽嘅好地方

礦工 Cafe 位於鞍山探索館內，位置非常隔涉，由新港城的士站坐綠的上嚟大約 $45。Cafe 好細間，但裝修都幾有 feel，店內都係圍繞礦工、礦場嘅風格。一場嚟到梗係要叫佢地最出名嘅礦石曲奇🍪！雖然食完都唔知係咩味，但非常適合打卡 😂腐乳饅頭千其唔好叫！我之前係呢度明明見到饅頭好靚吸咗個印，諗住可以打下卡，但點知店員話果個只係post相用。呢兩隻白饅頭普通到無得再普通⋯⋯同埋一啲都唔夾腐乳味，寧願比返練奶仲好！咖啡表現幾好總括嚟講食物選擇比較少。其實呢度都幾近馬鞍山家樂徑，如果有餐蛋麵果類行山食物會更好。

⛰行山前嘆杯咖啡再上路☕️我地四個人由馬鞍山搭的士去馬鞍山郊野公園，途經鞍山探索館，睇下鐵礦業、教堂同礦村，嘆杯咖啡，之後行去昂平草原，再行落去西貢😆，行咗三個鐘左右😬·✨冷泡咖啡☕️ $50呢款Cold brew飲落好特別，唔會苦澀，有回甘，飲落有種飲茶嘅感覺🥰·✨Dirty☕️ $48飲落咖啡nutty啲，34度天氣，飲凍飲就是爽😛·✨礦石曲奇🍪 $30曲奇嘅外貌就好似煤炭咁，食落就係牛油曲奇，落咗竹炭粉的🤣

鞍山探索館 有間「礦工Cafe」，Cafe以礦工及礦場主題作佈置，了解昔日礦場歷史面貌。有無諗過礦石都可以食？估唔到「礦石曲奇」真係整到好似一舊礦石，唔講真係唔知食得！仲有「腐乳饅頭」必試，平凡嘅饅頭，只要花少少心思，就可以成為富有礦山特色嘅茶點。再配埋杯「礦山咖啡」呢個下午茶真係唔錯！原來之前曾經推出過一個$58「礦疫套餐」！唔知而家仲有無？有兩塊三層醜酥皮外科口罩、柔韌廁紙（芝士春卷4卷），仲有野飲！去解油膩消毒液（冷泡茶）／滋潤美顏酒精搓手液（荔枝玉露），真係有創意好得意......

放假要郊遊放電，揀佐個短山黎行下🏞路線由恆安邨去昂坪(最後無上到昂坪😂)，上埋應該都係2個鐘度 ，因為最後黎佐礦工cafe🪨就唔想郁了🙈Dirty($48)Dirty都係第一次飲，成日聽都未有機會試，原來要事先雪好隻杯同奶，將熱既Expresso慢慢倒入牛奶入面☕️但呢杯個杯身唔算太凍，Expresso味都重，都ok的 唔知點解覺得有啲似mocha味😂礦山曲奇($30)外型似足一塊石頭炭灰色又好raw!但真係gimmick野only打下卡😂合埋眼食比普通曲奇味道更一般🙈茶葉蛋($8/隻)為滿足口痕想食下咸野先叫😂唔夠入味比烚蛋多少少色咁😂不過咁，行山行到熱辣辣，黎到呢度參觀下馬鞍山昔日既礦場歷史，仲有導賞團介紹下礦洞同展板(10分鐘左右)，先知道馬鞍山原來以前係咁，感覺又長知識了🤙🏻再坐户外食下野望下山，我覺得就算野食一般都值得來的❤️有水機可以fill水，同支持下小店都係好，留意返只開五六日架☺️為食指數: 2.6/5性價比指數: 2.6/5推介指數: 3/5

一場嚟到礦工 Cafe，當然最想試佢哋嘅名物腐乳饅頭，可惜當日冇供應😳，於是叫咗份礦石曲奇，再配杯礦山咖啡。礦石曲奇灰灰黑黑，面頭仲灑咗少少白色嘅糖霜，像真度一流😮，味道方面，曲奇既鬆化亦唔太甜，雖然牛油味唔多，但有麵粉嘅香氣搭夠，好食😋。至於杯咖啡，雖然只係普通嘅 black coffee，但質素都相當之唔錯，咖啡味濃而不澀，入口醇和。飲飲下，咖啡師仲埋嚟詢問意見，超認真👍。嘆完咖啡，再過隔離展館了解馬鞍山礦場嘅歷史，同埋昔日礦工嘅故事，你自然會明白到保育嘅重要性。喺發展嘅威脅下，馬鞍山村何去何從，如今是否仍有變數，大家嘅關注，尤為重要。

有人話行山係為咗強身健體，但又有人係為打個卡，其實除此以外，為咗搵食都係一種動力😎。呢一間位於📍馬鞍山郊野公園再入嘅一條村落裡面，有一個「鞍山探索館」，係當年礦工👨🏻‍🔧採礦嘅一個歷史時刻紀錄下來，而逢星期五六日先開放嘅「礦工Cafe」真係不能錯過😅.一步一步上到嚟當然要坐下來好好咁嘆返一杯原創嘅手磨「礦山咖啡☕️」，味道果然係香濃，平時唔太飲慣齋啡嘅朋友都應該會接受到，唔苦唔澀。另外一款幾有意思嘅就係「礦石曲奇🍪」，貌似礦石嘅一個形狀同顏色，真係第二度唔會食得到，如有機會會再想再嚟第二次，再慢慢參觀一下探索館內嘅展覽😎

一向都喜歡咖啡醇厚的苦味，不懂欣賞別人形容的像果汁的黑咖啡，始終不愛那微酸味道，今天因為cold brew售罊，嘗試了名為蕭邦的單品咖啡，很有驚喜，這手沖咖啡一點酸味也沒有，因為層次很豐富，有蜜糖味，有些花香味，亦有種水果的甜味，飲完一杯會令人立即再斟來細味。雖然我喝不出描述的百香果，桂花和玫瑰味，但順喉到有解渴感覺的咖啡，真的很難忘。礦石主題的環境，配上鬆化的礦石曲奇和香脆杏仁片，很有特色，絕對值得走40分鐘上山斜路上來。

We visited the Miner’s cafe at 4:30 pm on a Sunday, after our hike in Ngong Ping 昂平 and Pyramid hill 大金鐘. Having a mine rock 礦石曲奇餅 is absolutely a fun way to learn the history of mining industry in Hong Kong. My recommendations are the mine rock cookies, hand-dripped Coffee (the restaurant also organizes hand-dripped coffee workshops!) and the fermented Tofu Bun 腐乳饅頭 (what miners in Hong Kong ate!). A bowl of ToFu pudding (豆腐花) is perfect after a long hike in summer! Don’t miss the An Shan Disco

礦工cafe位於鞍山探索館中，去之前可以到“鞍山探索館”facebook睇睇開唔開先。cafe配合探索館，的確令行山嘅旅程生色不少，另外又可以問下員工礦洞遺址確實地點，我就去左離探索館最近的240m礦洞。礦工曲奇，必試item附近的中240m礦洞入口遺址

有次去朋友塊田幫手，係馬鞍山郊野公園附近。耕完田見到有塊banner話再行入啲有間cafe。因為當時已過cafe opening hour，所以無去試。今日花先生突然醒起間cafe，我地就去探險！間cafe都唔易搵！係新港城有架shuttle bus（班次唔密架，要留意時間），搭到總站落車，見到依個牌就再沿路行。見到依條樓梯就向上行，行3-4分鐘到就見到鞍山探索館係你既左邊。Cafe右邊有個展覽館，有義工們介紹以前馬鞍山係一個礦場，有好多資料架！以前是學校來的，有宿舍比學生入住。Cafe入面有啲畫關於以前礦工既工作。地方唔算太大，外面都有幾張枱。因為太晏既關係，豆腐花賣完了。我地點左兩杯熱朱古力，係戶外坐，望住遼闊既天空，綠悠悠既山坡，好relaxing！有空來坐坐，認識以前既馬鞍山！感覺到佢地既咖啡好專業，下次要早啲來試！義工們都好熱情，亦好knowledgeable，同佢地傾下計，飲杯野，好寫意！

行山馬鞍山無意發現既咖啡店。店內的環境及食品以礦場為主題，非常有特色。推介礦石曲奇，不但外型特別而且口感鬆脆。另外推介自製手磨咖啡，職員會提供磅及磨咖啡工具，大家可以自已手磨及炮製咖啡，非常特別。

星期日行下山是時下流行文化從馬𩣑山邨郊遊徑起行去昂平，中途發現有礦工博物館，有點期待便向目標前進。原途山區小村落，從梯子而上，終於找到一座禮拜堂很多人在拍照，當然即時影番張留念。之後見到有幾張桌子在室外，每枱客人都享受生活的樣子，飲下、食下小食。以這種環境以為茶記feel，望下有驚喜喎，所有茶具、咖啡都比較高雅，即刻想試試看。入內參觀一下，好有礦區感覺，不是裝飾高貴而是簡單、黑、灰色為主。睇下menu, 有不同咖啡、花茶⋯⋯揀左萬特靈咖啡和花茶，香味四溢，而且用具也好靚，完全不是茶記式，之後叫了燒賣、腐乳汁饅頭（味道好夾）和豆腐花（不過沒有豆味）之後聞到濃烈的cookies 味道，每枱客人都叫，就試試看（30分鐘）果然不錯，樣子似足礦石，有朱古力粒的，好味到喊連「李逸朗」都只定叫這個（坐在室外）果然一大發現