祝祝川粵美食

營業中

休息中

📍屯門 《祝祝川粵美食》  #嫩滑海南雞外賣  招牌海南雞嘅街坊小店，平時夜晚都圍住好多人買外賣，望到價錢都好平，買返幾盒小食加餸都唔錯😋✨泰味嫩滑海南雞-半隻 $𝟔𝟐 泰味嫩滑海南雞🐔，賣相好吸引，師傅刀工都斬得齊整，雞皮有光澤油潤呈鮮黃色，不過香港實在太多流派既海南雞，都唔敢講佢正唔正宗，總之好味就得啦🤣  其次，雞肉肉質好嫩滑，有肉汁，而且肥瘦適中，雞皮滲著油香。伴菜方面有酸甜醃蘿蔔🥕，幾開胃，附上醬料有兩款，蔥油同泰式酸甜醬，比較中意點泰式酸甜醬食，酸酸甜甜同雞肉好夾👍🏼  ✨麻辣雞腎 $𝟑𝟐 麻辣食落都幾辣，而且好惹味，感覺用料天然，唔係重味精嘅麻辣，食完唔會好口渴💦 雞腎切得夠薄夠細，口感爽脆，而且份量好驚人，夜晚做餸要分兩日先食得哂🤣  ✨滷水雞翼 $𝟐𝟎 雞翼好入味，滷水味香濃，有少少瑞士汁既甜味，而且熱辣辣，加購價𝟐𝟎蚊就有𝟔隻，晚餐加餸真心一流🤩  味道：𝟖/𝟏𝟎  性價比： 𝟖/𝟏𝟎  

呢間街坊小店聽人講話幾抵食，又幾大份～佢哋出名嘅係海南雞，而且仲有2款雞揀，不過今次我就買咗小食～～佢哋小食都幾多選擇！食完之後覺得唔錯喎！有質素！～😁花雕醉豬手 $35/份有花雕酒香，不過唔算入味～～豬手都唔係軟腍個種～呢款係有咬口嘅豬仔手冷盤，$35一份都都幾抵食呀！～😜滷水大腸 $28/份滷水大腸好入味！ 而且分量夠多，仲幾大份，$28咋！好抵！！

外賣泰味嫩滑雞二人套餐＄108包（1）泰味嫩滑雞半隻（2）蠔油生菜（3）小食一款（1）半隻海南雞雞肉份量十足，肉質鮮嫩，唔鞋，啖啖肉，有雞味。配合前菜酸蘿蔔好開胃。（2）蠔油生菜🥬，我同店員講走蠔油。生菜好新鮮爽脆。（3）小食有好幾款選擇，鐘意麻辣的有麻辣雞腳/雞腎/溏心皮蛋。鍾意滷水的就有雞翼/大腸。另外冷盤有花雕醉豬手，還有其他涼拌選擇。老公唔食辣揀滷水雞翼，佢話雞翼好肥美又入味唔會喊，好鐘意，送飯一流。另外白飯一盒，超大盒，兩個人食唔晒😆。以為呢個二人餐唔夠食要加送，結果食到大家都好飽又滿足。

呢間外賣餐廳的食物都幾多元化，亦都岩晒鐘意食雞的我。點了半隻無骨海南雞有去骨的服務真好，去完骨之後，店家切出來的雞都好完整。雞肉的份量很多，肥美嫩滑，又有雞味，食落啖啖肉，加餸一流。滷水雞翼滷水味香濃，雞翼夠入味。加賺價20蚊有6隻，真的好過自己煮。麻辣雞腎呢個必推，雞腎得少店鋪有得賣。雞腎份量不少，食落爽口有嚼勁，店家的調味帶麻香味，但又不會太辣，加上大量的芫荽，作為小食真的很開胃，一口接一口停不了。今餐經濟又好食，屯門人下次加餸又有一個好選擇。

到屯門富健花園探朋友，附近龍門居有好多小食舖，發現一家專門做川菜及惹味嘅雞聞到好香噴噴嘅雞味，順道買外賣回家品嚐。買了幾碗輕量招牌雞飯有海南雞飯、沙薑雞飯、滷水雞翼飯。打開飯盒已經聞到雞香味道加配埋薑蓉同秘製醬汁令雞嘅味道更提鮮美，配白飯一流。雞皮香嫩，肉質好嫩滑，肥美嘅雞且啖啖肉，好惹味；配料有白蘿蔔條，脆卜卜又酸酸甜甜，更開胃。滷水雞翼，聞到濃郁滷水汁，而且好入味。祝祝川粵美食📍屯門龍門路45號富健花園地下80號舖

霸王雞配蕎麥冷麵拼芝麻醬放滿薑同蔥花喺霸王雞，聞到香噴噴雞香味道。蕎麥冷麵就幾爽滑，加配埋芝麻醬令味道更豐富。泰味嫩滑海南雞飯店員推介，泰式風味嘅海南雞肉質好嫩滑肥美，而且啖啖肉，配薑油同泰式蒜汁，令雞味更加提鮮，真喺好惹味，有酸甜脆蘿蔔條，酸酸甜甜又爽脆更加開胃。粟米魚柳飯抵食推介，魚塊味道香濃，已調味，粟米醬汁配送白飯一流。祝祝川粵美食📍屯門龍門路45號富健花園地下80號舖#祝祝川粵美食 #屯門美食 #龍門居 #富健花園 #海南雞 #屯門外賣

屯門呢一區好大都算好多嘢食 距離西鐵站不遠嘅富健花園地舖就有一間我好鍾意嘅外賣店 take away 佢嘅小食好多種 $50蚊兩款非常抵食 雞呢就有 海南雞 霸王雞 沙薑雞... 可以配蕎麥麵或者 油雞飯 鍾意主要係價錢親民 上菜精準而且快 嘢食方面 好有質素 份量亦多 套餐仲會送一碗冇味精靚湯 食完感覺非常滿足 今日試咗個霸王雞蕎麥麵配日式燒汁 亦可揀芝麻汁 霸王雞飯量多好嫩滑. 下面滿鋪滿酸酸嘅醃蘿蔔 真係好正薑蓉 非常新鮮 易配上雞嘅豉油好正. 蕎麥麵我揀咗燒汁 夏天食真係好開胃 再配上個冇味精 靚湯 好足料 朋友試咗個咖哩豬扒飯配腸仔 豬扒份量夠多 咖哩亦都非常足料有薯仔同洋蔥 夠曬辣 送飯一流 小食叫咗個鹵水汁大腸有驚喜 鹵水味 配上大腸一啲 苦澀味都冇 同埋煮得好林唔會有渣 加三蚊就有汽水啦 加上地理位置方便 入屋苑主要通道 街坊小店一定要支持下

夏天有陣時會去屯門游水順便 去屯門周圍行下 都幾舒服, 多街坊小店 坐輕鐵可以穿梭唔同嘅地方 今日就試下食外賣啦 舖頭近輕鐵站 地點方便 價錢仲好親民 街坊小店 專係食雞嘅 唔想食飯呀所以我嗌咗個沙薑雞蕎麥麵 夏天食真係好開胃加埋佢個日式 燒汁 真係可以食多幾啖呀 沙薑醬夠濃郁 好令人回味呀 外賣仲會送一個冇味精靚湯 紅青蘿蔔湯 4蚊就有個汽水呀今次試下OOHA白桃汽水 支持下教主 小食方面50蚊可以有兩個小食就係花雕醉豬手一盒有六件非常抵食 花雕味正宗 加上係凍款都好開胃抵食 同埋鹵水雞翼 滷水醃得好入味係我嘅至愛 一盒有八隻到 鹵水 好多就 掩蓋成隻雞翼真係好味跟18蚊仲有個椒辣皮蛋青瓜 真係好開胃好好味呀 有質素份量仲好親民添 附近嘅街坊可以多啲支持

祝祝川粵美食屯門龍門居，來到這個平民美食的小區解決我和豬先生二人的午餐。由於當日行程好趕，我地只能衝衝買外賣找個公園開餐，卻有意外收穫。推👍🏼✨海南雞飯雞肉嫩滑，雞汁凍成晶瑩既喱啫層。另外，油飯堅好食！必點油飯，啖啖都係同係黃薑同雞油香，但有點重味。建議如果買2個飯盒，一油一白飯balance返咁就啱啱好。✨柱候牛腩飯牛腩不比雞遜色，好足料有好多嚿，有柱候清香又不會死鹹，生菜底又夠清爽。✨麻辣溏心皮蛋私心推👍🏼唔太辣，辣油惹味，子薑酸酸地，好送飯。雖然小店其貌不揚，但發現我們發現海南雞飯甚是美味，而且好抵食，成枱滿滿都係$120，有飯、有老黃瓜蘿蔔湯、有汽水，飯盒份量又大，3個人share都分分鐘夠。地址：祝祝川粵美食 (屯門)屯門龍門路45號富健花園地下80號舖

龍居龍一向出名多好嘢食係食街走過少少發現專賣雞外賣餐盒的小店主打泰式海南雞飯亦有霸王雞、口水雞等同場另有小食配搭見海南雞飯是主打推介所以要咗一盒配油飯、一盒無骨海南雞飯和一盒麻辣雞腳🍚泰味嫩滑海南飯 雞件厚肉，肉質正如同其名嫩！油飯好香亦幾乾身！上面附有有薑蓉，拌飯食好香。雞肉下面有蘿蔔酸，開胃解膩！🍚無骨海南雞飯配搭其實同前者一樣，變化的是啖啖肉的雞，好岩懶人食🤭🥢麻辣雞腳只望表面顏色見到雞腳經醬油煮過，加入辣椒、芝麻、芫茜調味，因醬油帶微甜味所以入口唔會過鹹，辣椒籽出晒嚟但唔算好辣，作為拌菜幾惹味。所有雞飯送一碗自家湯，多料無味精味👍🏼

在龍門居下車，迴旋處旁邊就見到這家祝祝川粵美食，晚飯時間，很多人在等外賣自取，今晚就試試它的超值二人餐，有招牌菜泰味嫩滑雞呢！二人餐$108，主菜有泰味嫩滑雞半隻，配蠔油生菜、白飯一盒，再自選一款小食，我選了麻辣雞腎試試。泰味嫩滑雞，賣相的確很吸引，見到雞皮有光澤油潤，咬下肉質真的很嫩滑，有肉汁，雞皮滲著油香，肉質夠結實。附上酸甜蘿蔔做開胃前菜，份量也不少，非常爽口，酸酸甜甜，醃得超好這裏味！下次可以另外買一份做小食。喜歡附上的醬料，點上泰式酸甜醬吃，很開胃呢！半隻雞其實不算少，雞的大細屬中等，配白飯十分夠飽，兩人吃還吃不完呢！蠔油生菜一份，生菜十分新鮮，又嫩又甜又冇渣，蠔油稍嫌太多，可以另上更加好。小食是涼拌的麻辣雞腎，很久沒吃麻辣了，這裏的麻辣屬中辣程度，不算很辣以迎合大眾口味，但很夠香，麻油和辣椒油完全不吝嗇。雞腎砌得夠薄夠細，可以醃一會更加入味，份量也不少，辣著吃飯，開胃得吃完一大碗。覺得這裏食物性價比高，絕對是街坊福利，泰味嫩滑雞質素的確很好。下次來，還可以再試王牌海南雞呢！

今日路經呢間食店，見佢海南雞飯有下午茶就買嚟試下，點知海南雞一啲都唔滑，好韌，雞又無味，仲有雖然話係油飯，但真係唔覺有咩味道，分量又少，去燒臘店買盒切雞飯應該仲好食過佢，下次都唔會再幫襯。

祝祝川粵美食 屯門龍門路45號富健花園地下80號舖—————————————————————做得街坊生意 價錢好緊要通脹 百物騰貴30幾蚊有個飯 送埋湯份量正正常常 飯同汁分開上唔洗焗住食浸到爛晒既飯都幾受街坊歡迎 👏🏻馬路旁邊 係人流經過嘅地方另外有泰味雞全隻$108 半隻$62 見到有人叫全隻 都幾大份抵食二人餐$108四人套餐$238泰式雞扒飯$32粟米魚柳飯$32口水雞蕎麥麵配芝麻醬$46OOHA白桃汽水$4一支

皇牌海南雞 (半隻) $55今次要咗半隻海南雞 由於無骨貴啲所以就要左有骨嗰隻 半隻來講份量佢都算係少但雞都嫩滑 同埋皮較多脂肪 雞皮口感就油膩d $55半隻雞 但份量真係唔多 唔多抵食你見佢配菜都1/3咁 醋醃蘿蔔酸度適中會有海南雞醬油汁、薑蔥油

🥢祝祝川粤美食🥡最近疫情反反覆覆就好似善款數字咁節節上升🔝又係時候買下外賣中秋加餸🍾🥄當晚嘅四款小食我都好喜歡小食孖寶有花雕醉豬手仲有雞腎（-$12）滷水雞翼 同埋鹵水大腸𠻹嗰種香香辣辣嘅味道真係一流🎖送酒送飯一樣得喎下次等我食埋佢哋嘅雞先見好多客人都有買走 應該唔錯📍祝祝川粵美食屯門龍門路45號富健花園地下80號鋪#屯門美食 #tuenmun #hkfoodie #香港美食 #香港好去處 #香港打卡