神座日本料理 (已結業)

之前食過 見野食唔差就諗住食多次 咁大概夜晚8點半我地一行6個人去到鋪頭門口，當時目測入面7成full 仲有幾張枱係無人坐既，一去到已經同服務員示意要一張六人枱，佢叫我地係門口等等。當時我地見到有一張4人枱係無人，但隔離張二人枱就有人坐緊。諗住調一調位，或者等隔離張2人枱食完就可以比我地坐低。點知過左10分鐘左右 有4個人walk in，個waitress就分左佢地去個張4人枱，咁我地就覺得有d怪。但最嬲既係，佢過左5分鐘到先出黎同我地講要等半個鐘，個樣仲要勁西態度又勁唔好。明明係我地黎先，點解會俾個4個人入先？就算真係要等 點解唔一早就同我地講要等半個鐘？就算啲野幾好食都無用，d態度咁差一句唔好意思都無，白白等左幾個字！學劉華話齋今時今日咁既服務態度點得？嬲！

Plenty of table at the front, the sour face girl waiter wanted to put us right behind near the toilet. We asked if we can sit at the front table, her face turned even more sour??

因為去看展覽，第一次坐港鐵到西營盤站。對我 這一帶一切都好新鮮。展覧看晚了，約9:30pm在西營盤站附近找食！發現呢條街 有個部分好似soho 區，好多西人在街上飲啤酒，有西式餐廳同酒巴。 行番到街頭 看到呢間日式料理 last order 到11pm, 同有位就決定入去食。因為太夜 不想吃太多，每人只點了個烏冬，我吃照燒雞烏冬，朋友吃日式叉燒烏冬，份量剛剛好，味美我的照燒雞是同湯烏冬分開上，肉好滑，醬汁適中！ 朋友也大讚她的叉燒很好吃！之後才看食評，原來仲有很多好吃菜式，有機會一定要早點 空肚來吃

今天想介紹一下我的西環居酒屋-神座日本料理。位於堅尼地城地鐵站對面，我和家人光顧了這間餐廳十幾年, 雖然餐牌沒有大變, 每次食物也能保持水準，所以已儲了不少舊客人, 可能這是其中能在西環繼續生存的原因之一。每次都會點的頭盤刺身醒醒胃, 很欣賞某些刺身有特別的醬汁提供, 無論沾芥末或醬汁, 客人都有別一番的味覺感受。差不多每次都點的加州卷，我們每次都很滿意，因為真正地打開了食慾。今晚我們還點了鰻魚卷, 味道不錯呢！這是我最喜歡的三文魚炒飯，飯炒起來一粒粒分明, 而且非常香口，三個人剛好每人分到一碗。什錦天婦羅我們也是經常點的, 有三隻炸蝦、 炸南瓜、 炸蕃薯、 炸冬菇及炸矮瓜。每樣炸得十分有水準, 絕對可以一試!大餃子也不錯的, 如果有清酒相伴, 會是天作之合！最後介紹的是金菇牛肉卷, 我們都是第一次點這個牛肉卷, 味道非常野味, 牛肉很香口, 是居酒屋必吃的一道小食！我對這間居酒屋有著很深厚的感情，希望我和家人在這裡有更多美好的回憶，下次要帶另一半來感受一番

係附近經過見到，所有lunch set大約$98-$120不等，一於試下啦！我地叫左個燒銀鱈魚套餐同鰻魚套餐，Lunch set非常多野食😋有茶配蒸，有前菜，有刺身，刺身仲非常新鮮。銀鱈魚燒到好好滑，味道唔錯🤤🤤鰻魚就不過不失，不過呢個價錢真係幾抵食😋

不知不覺，神座已陪伴我整整十年，變成我的半個住家食堂。曾經穿著校服和同學仔結伴來食lunch，也曾在除夕夜一人獨自造訪，每當我身心疲憊、不知想食甚麼的時候，就會自然而然地回到這裡，記憶中熟悉的玄米茶香氣、十年如一日的定食味道總能安撫我的心。今天不幸有些感冒，無咩胃口試新餐廳，又不想長途奔波，就和中同一起到這裡隨便吃吃。定食我已食過N次，基本上款款都幾好味，今次就只叫一客燒鰻魚定食，另外散叫壽司手卷串燒分食。好耐無食海膽，叫了加拿大海膽壽司（$75）過下口癮。海膽份量足，新鮮滑溜，溶入口中散發出微微的海水花生香氣，食完稍帶回甘。壽司飯就略酸，紫菜唔夠爽脆。不過以$75兩件黎講咁既海膽質素都唔算呃秤。軟殼蟹牛油果手卷（$42）和三文魚籽手卷（$45），軟殼蟹雖是室溫，但都極之香脆，加上牛油果和沙律醬更是絕妙搭配，如果蟹再大隻d就好了。冰冰涼涼的三文魚籽飽滿透亮，汁水鮮香而不會死鹹，可惜嚼極唔爛既紫菜仍然是一大敗筆。食完生冷野之後自然會想食熱騰騰的食物落肚，於是我的最愛——日本黑豬腩串燒（$52）閃亮登場✨只見那燒豬腩肉肥瘦相間，厚薄得宜，瘦肉無渣無騷味，肥肉卜卜脆地爆汁，一啖一片一掃而空很

自從有左地鐵效應之後，西環既食肆愈開愈多。但原來係西環士美菲個邊有間日本餐廳(神座)已經開左好耐，一直都唔發覺。入到去覺得環境舒服，背景仲有日本式既音樂。睇左佢地假日午市套餐，就叫左刺身加汁燒牛肉 (HKD 90)同埋刺身加吉列豬扒 (HKD 88)。先黎既係刺身(三文魚x 2，帶子x2，蟹柳x2)。刺身賣相靚，食落新鮮同埋好味。跟住黎既就係熱辣辣既蒸蛋，口感非常嫩滑，而且用料充足，有冬菇蟹柳等。至於汁燒牛肉有水準，好味得黎，d牛肉唔會韌。 有洋蔥同蔬菜，正呀！ 個吉列豬扒亦炸得好香脆，但冇油膩感，都有蔬菜伴隨。而個餐另外仲會伴有麵豉湯同中華沙律。個湯夠清唔咸，個中華沙律就不過不失啦。正體黎講，水準唔錯，而且仲免收加一，值得一試呀。

它並非老鋪，亦不是以大集團形式經營，但食物質素卻有返咁上下，總會令你覺得食材有種新鮮的感覺。仲有不得不一提既係：佢地既茶杯是特別有心思的，有不同海鮮類用日文刻畫在杯面上，食起野黎心境都舒畼D。連個名都型過人。必推介：鹽燒雞翼-外皮脆脆的，燶度剛剛好，最愛他的原汁原味，只是加上少許鹽調味，不用額外修飾。雜錦烏冬-煙煙韌韌既口感就是烏冬的特色吧。而其他配菜：玉米、青豆、蟹柳、燒過既帶子以及🦐都沒有太大驚喜，只能說不過不失。食日本野點貴都好都要食🍣🐟刺身吧🙈，同時亦會最能反應到哩間餐既食材新鮮度同埋師傅既切工同樣重要。人地話「salmon」三文魚既切紋最能睇到係米「下欄野」，雖然都知一定唔會係最上乘，但起碼都要見得人，過得去先收貨吧！如圖所示：睇落去近腩位，仲連帶白色「依」，賣相就唔差既，食落口果然不負所望，不會有根，好難先咬斷的感覺。而🦐🍣就十分爽口，滑滑的，配上Wasabi，簡直絕配；而鰻魚壽司就真係值得一贊，因為大家都知真身其實係「鱔」，唔熱食好容易會有腥味，但今次就無失望，因為上台係「熱辣辣」架，即食完全無腥味。至於個碟：章紅呢～ 平時就小叫黎食，黎黎去去都係個幾味。但食落去先發現鱆

雖然港鐵已通車，但甚少會到堅尼地城一帶。今天因工作關係來到這裡，一出站口便見到這家日本料理館，記得多年前也曾經食過，感覺不錯，所以決定再幫襯。這家店的裝飾沒有甚麼特別，但坐得舒適。而它的優勝之處除了鄰近堅尼地城站外，就是附近以住宅為主，所以不像工商業區或遊客區那樣，需要長期等位。食物選擇方面以壽司、烏冬、拉麵、飯等套餐為主，都是大路食物，今天我點了壽司+海鮮烏冬，套餐包前菜及蒸蛋。由於食客不算多，所以點餐後也不需等太耐就有食物送上，先是壽司和蒸蛋，烏冬隨後不久也送上。壽司共有四件，三文魚、北寄貝、墨魚和太卷，食材算新鮮，味道不錯。至於烏冬是用稻香烏冬，所以質感煙韌，湯底很清味道不錯，材料也很足，蝦、蟹柳、帆立貝和日式魚旦等，不過都是急凍食物，沒有鮮味，而且日本魚旦的數量也太多了吧，有三大片，如果可以改其他海鮮會更好。至於蒸蛋則保持應有的軟滑質感，可惜太早送上，所以放涼了，如果能在客人差不多吃完烏冬才送上一定會更美味。不過這家食店整體令人滿意，大家經過或想與朋友輕鬆邊食邊聊天的話，不防一試。

今日去食午飯，諗住食返少少好西獎勵下自己。叫左個五色刺身定食，五色係指：三文魚、吞拿魚、八爪魚、帶子、蝦。咪道一般，份量更加唔使講，每樣2-3塊。飯係普通米，唔係珍珠米。連我最基本日本餐廳既預期都達唔到，失望。Hea前菜，hea味噌湯就唔使講，但hea前菜同味噌湯都尚可以接受。問題係呢度收左我$92，我用左$92喺一間日本餐廳食左接近爭鮮質素既野。如果佢係d 40-50蚊價位既餐廳，佢比呢d質素既野係我，我就可以話佢係將貨就價，平有平食。但收得我接近$100係咪應該比返少少好d既質素同刺身我呢？d蝦大隻d我都開心d。最大問題係，我今日坐吧枱，個師傅喺我面前整紙皮箱，我食之前就不斷咁聞到一陣酸臭味。呢間野正式blacklist，大家可以唔使去。

Firstly, the service was relatively poor, the menu was thrown rather than put on the table for us.Secondly, we ordered two grilled dishes with rice and they served Thai rice, not Japanese.Lastly, the portions were quite small for their prices.

We had 2 set dinners.- Pork Cutlet Rice Set ($85)- Codfish Rice Set ($118)The sets came with rice, miso and a small dish of seaweed. Portion of the main dish was very small. Taste wise, was very average and the rice wasn't Japanese rice and was very hard.Service was also poor, the waitress (Probably the owner) threw down the menu and walked away.Poor service, expensive for what we got and average taste. Definitely wont come again.

如果你認為快餐店一定抵食，咁就錯哂啦！定食-烧鳗鱼。($95) 某连锁店，试食价都要$89，这鳗鱼勝在肥美定食-汁燒牛肉，$88，雖然不算厚切，但比起某連鎖店的薄片，咬口好得多。飯是一般般，有點美中不足

坐地鐵去堅尼地城搞D嘢 甫出地面見有間日本料理 𥄫𥄫裡面 見都幾多人 就行入去坐低 叫咗果menu上的假日午市定食之刺身加汁燒牛肉 成個定食有麵豉湯 三文魚 蟹柳同帶子刺身 汁燒牛肉同白飯一碗 重有碗茶碗蒸添 一個男生食 正常係綽綽有餘嘅麵豉湯okay 一般坊間口味 所以冇乜好特別介紹 三文魚魚生 魚腩部位加厚切 新鮮而且味道唔錯 其餘兩款中規中矩 如果隻帶子冇打橫開邊 相信口感會正好多汁燒牛肉 甜咗D但我偏甜 所以okay 雖然薄切 但牛肉本身都帶有汁 好食 整體食物都叫做唔錯 但係個短髪金毛姐姐由我入舖頭至埋單收埋個找贖 全程黑面黑到好似⋯⋯係唔係我邊樹得罪咗佢

日式小店，週日下午用餐時段人客不算多。安座後挑選美食，午市定食約有＋餘款，約六＋餘元至八＋餘元，不收加一。一份刺身銀鱈魚定食，刺身有三文魚、帶子及蟹柳各兩件，用料都算新鮮。銀鱈魚有一小件，煎得滑口，魚香一般。伴碟炒雜菜口味不俗。另附有蒸蛋、中華沙律及麵豉湯等。蒸蛋熱騰騰，滑度OK，內含不少餸料，味道不會過於單調。店員添茶收碟等都算自覺頻密，感覺不錯。