神戶北之板 (已結業)

晏晝係九龍灣food court食，見到佢個餐有幾多野食，個賣相又幾吸引就去試下。每個飯加6蚊會包埋沙律，餐飲同餐湯都幾抵食。芝士焗海鮮飯套餐：個飯係鋪滿芝士既，食落啖啖都有芝士。海鮮有蝦、蜆等等，不過海鮮略嫌少左啲，因為唔係每一啖都有海鮮食。茄醬雞扒奄列飯套餐：雞扒奄列飯就麻麻地好食，個茄醬好似茄汁加水咁好稀。而且塊雞扒一啲都唔嫩滑，好似食柴咁，希望佢可以改善下。食物既份量足夠，不過食物質素有待改善。

九龍灣德福廣場二期裡面，有間日資大型百貨公司「Piago」。「Piago」四樓那層收銀處旁邊有幾間小型食店，包括有「匠工房X吉」以及「Mxxk Top」。至於五樓的「Piago」，我到現在又有，仿如「發現新大陸」的新奇發現。「Piago」五樓竟然有個美食廣場，雖然「Piago」的美食廣場未至於是很大型，但美食廣場亦不乏知名食店在內。例如有名的鐵板餐餐廳「Pepper Luxxh」，日本拉麵餐廳「X番拉麵」，還有今次會在這次食評提及的日本洋食餐廳「神戶北之阪」。很奇怪，本來店名應該是「土反」兩字合體版本，而不是「阪」。但是「土反」現實是個日文漢字，至少在香港大部份以繁體中文字為主要文字的網頁網站，都無法正常顯示「土反」這個文字，最後權宜之計下，只能以錯別字「阪」去替代和顯示於網絡之中。說回今次主題，九龍灣德福二期五樓百貨公司「Piago」內的廣場食店「神戶北之阪」，他們賣的菜式，是日本都不乏市民選擇進食的「洋食」。可能由於日本人向來重視傳統和食料理，於是他們把西式餐廳料理稱之為「洋食」。其實所謂「洋食」，跟我們在西餐廳經常食到的西餐，沒有太大分別。我們通常會稱呼這種西餐為「西餐」，或許日

呢間餐廳係太古同九龍灣foodcourt都有，每次諗唔到食咩就會食佢😂唔知點解，食落覺得質素冇以前甘高白汁煙肉溫泉蛋意粉套餐 ($46+$6轉餐) 加錢轉餐會多左湯，沙律同飲品湯好咸🙈沙律菜新鮮，配芝麻醬，十分開胃飲品要左凍檸茶，幾解渴好記得之前食呢個意粉時，d煙肉係有輕微炒過，但依家已經變左白烚😭意粉冇咩彈性，偏硬身。好彩粒溫泉蛋仲流心，撈意粉一流😋

今晚返part time，返之前買野食頂肚做晚餐。九龍灣買外賣都係得果幾間，唔想食唐記，又唔想食market place兩餸飯。結果，就去左piago既food court。呢度既food court好食，得pepper lunch，銀咖哩，北之板同拉麵。最終揀左北之板，買左個燒汁牛肉蛋包飯。賣相好似得得地！可惜！燒汁冇燒汁味，牛肉整到硬曬，蛋包飯又唔係炒飯底，個蛋又冇蛋香，又一啲都唔滑，真係唔多掂！呢間野啲蛋包飯麻麻地

今次又去piago food court食個quick lunch! 上次食左銀咖哩，今次試吓第二間先，見佢個Menu幾靚， 就試吓呢間北之阪啦👍🏻其實我真係好鍾意食芝士，所以就叫咗芝士焗吉列豬扒飯，四十幾蚊，加5蚊轉套餐，套餐有沙律，湯，同飲品一杯， ＄5就多三樣嘢，梗係要架啦！沙律普普通通，生菜加胡麻醬。個湯好夠熱，不過就太稀，唔係太好飲。個飯先係重點，即叫即焗，好新鮮好夠熱，芝士味濃，而且有拉絲效果☺ 吉列豬扒都炸得夠脆，不過略嫌乾左少少。轉埋套餐都只係五十蚊，抵呀👍🏻👍🏻

Pepper lunch食到悶悶地，今次試下呢間日式西餐！單點白汁煙肉溫泉蛋意粉$46,加$5 有埋沙律，忌廉湯，飲品，沒有不轉餐的理由吧！溫泉蛋夠晒流心，不過冇咩蛋味，而且意粉整體味道都比較偏淡，不過可以任落黑椒同芝士粉補返數！相中意粉就係經過本人自行加料~沙律菜新鮮爽脆，配芝蔴醬，合格！粟米忌廉湯都係偏淡，不過$51黎講有個套餐算幾抵，而且份量多一定夠飽，係德福都幾難搵到呢個價錢有沙律主菜餐湯連飲品，所以我會返黎encore的！

德福除左多餐廳之外，大家可能未必知道，其實係Piago 入面係有個foodcourt嫁，入面既餐廳價錢比較平，作為係九龍灣既打工仔，絕對係筆者既恩物。而家我今次食既就係神戶北之板。一個餐連湯、野飲同沙拉，好抵食沙拉加左麻醬，十分香濃，酸酸地咁，幾開胃。粟米忌廉湯好淡味好稀，加左好多水。主食方面，筆者叫左個芝士豬排焗飯，個飯焗得比較乾. 飯粒很硬，唔係幾夠汁。芝士味道很濃，食落都ok，塊豬排好香脆，好大塊，食到筆者好飽。

久違的北之板，重温意粉。$48 + $5（轉餐）多$5有湯、野飲同沙拉。意粉軟硬適中，汁量可掛到每條意粉，入口啖啖醬汁。蕃茄味醬汁，有真茄粒👍🏼。蝦🍤有4-5隻，當然是養蝦，是預期中的肉質，較淋身，爽度少許。硯就8-10粒，少許腥但我接受到。粟米忌廉湯味道較淡，少許粟米味不濃較稀身。沙拉有麻醬在面，香濃但醬多d會重正。🙂foodcourt的質素算食得過啦🍝。

茄醬雞扒奄列飯 $44雖然大份，但係蛋又薄又老，入面包住「有味飯」（比白飯好少少😑）。雞扒老，唔嫩滑，食完咁多舊牙有啲軟。好睇茄醬酸甜夠開胃先至送到飯。比隔離銀咖哩既蛋包飯失色好多，仲要貴啲添。

打工仔8點幾ot完，又係時候接埋女朋友去搵野食。因為時候唔早而且又餓又攰，諗住搵啲唔錯嘅快餐食完可以返屋企抖下。於是行左黎Piago 嘅foodcourt, 就試下呢間“神戶北之板”我地2個人都算細食，叫左1個蕃茄雞扒蛋包飯套餐。等左5分鐘左右已經可以拎餐，50蚊以內，可以有粟米忌廉湯、前菜沙律、蛋包飯連可樂，真係價廉物美, 而且份量唔少添!蕃茄汁原來唔係想像嘅充滿水分酸酸甜甜嘅用黎撈飯嘅湯汁，而係比較乾身但有香燶蕃茄味嘅醬汁，用黎點綴蛋包飯。而蛋包飯嘅米則係珍珠米炒至粒粒企身，再用蛋完全包裹好。不過蛋煎得有點老，有點失色。性價比而言，就價錢、份量、質素已經算是冇得挑剔。下次會再光顧試其他款式

Food court 食物通常我都唔會報太大期望， 但呢個餐真係唔錯，性價比好高！好過我早排食 Pxxxx Lunch ， 五十幾蚊連嘢飲都無.. 好頹。溫泉蛋白汁煙肉意粉 $5x有沙律、粟米湯、有嘢飲，個意粉仲份量十足！一定夠飽！沙律係日式麻醬沙律，酸酸地，好開胃～粟米湯少少粟米甜味，都幾滑。嘢飲可以揀汽水/檸茶/檸水意粉唔會過熟，仲彈呀， 白汁味道剛剛好，要煙肉香味。 唔係 hea 的 food court 食物！溫泉蛋蛋白好滑，但蛋黃有啲過熟，但整體上成個餐係唔錯～ 抵食！

行行下街黎到piago順便係呢間北之坂食左個lunch,點左個海鮮意粉套餐，淨意粉48，跟餐53，雖然有啲貴，但份量多，配沙津，粟米湯，重有杯凍檸茶，意粉硬度適中，蕃茄味幾濃，配埋魷魚同洋蔥令整個菜式更滋味。蝦雖然鮮味唔夠，但幾大隻，食落幾滿足。蜆肉多返d會更好。沙律配上醬汁，酸酸甜甜，係開胃之選，不過個人覺得粟米湯太稀太淡，但整體唔錯。

之前說過光顧了piago的food court內的銀咖喱, 其實同時也試了隔離賣西日fusion菜的北之坂. 因為兩老都不嚐辣, 所以另外點了日式什菇煙肉白汁意粉套餐和三文魚菠菜白汁意粉給他們.日式什菇煙肉白汁意粉 ($42, +$5轉套餐)套餐包括沙律, 餐湯和餐茶, 只加五元便有三樣食物, 真的很抵! 當然, 只收五元, 也不會預期有甚麼高質素食物. 沙律只是普通的青瓜生菜番茄仔沙律, 加點日式芝麻沙律汁, 沙律新鮮程度一般, 當吃點蔬菜而已.  餐湯是粟米湯, 當然也是開粉的那種, 稀稀的又甜甜地, 和薩莉亞所賣的差不多, 是可以入口的那種. 餐茶點了熱檸水, 有四片檸檬, 沒有苦澀味, 已經合格有餘.日式什菇煙肉白汁意粉, 看起來很大碟, 還放了一撮紫菜絲作裝飾.  意粉夠熱, 口感居然是煙煙韌韌,  al dente的! 意粉 而且也有很多餸, 什菇和煙肉的份量可不少! 實在很意外的好!三文魚菠菜白汁意粉 $47, 與上面的日式什菇煙肉白汁意粉一樣大碟, 而且同樣的多餸! 三文魚碎和菠菜真的頗多, 不過如果三文魚是一片片而不是碎的就更好. 意粉也是al dente的, 吃起來

而家物價越來越貴，中午食一餐午餐A都要四十幾五十蚊，搵黎一碟頭飯。所以，有時我寧願比多少少錢，食好少少，當對自己好D，亦有動力去賺多D食飯錢﹗但最近發現抵食午餐，只需$48就可以有湯、沙律、飲品同大大碟蛋包飯，就係德福PIAGO的北之板。整體味道屬中等，但真的很抵食，又不用整日吃ABC餐~這個價錢，這個質素，就是超值之選，吃完這頓飯，感覺也很健康呢~

蛋包飯並不易做得好要吃好的蛋包飯並不容易，蛋槳要均勻，外要薄薄的但不要破，內裡的飯混上茄醬，然後要一粒粒的，而且要暖暖的。醬汁當然要暖和，吃下去要融於口，三種材料一起吃，誰也搶不到誰的風頭，但夾在一起吃，好吃非常。這裡的蛋包飯做得到的是，外層起碼算簿，蛋內的飯沒有漏走出來，但內裡的飯較硬，醬汁開始冷了。蕃茄醬其實酸甜配合不均，偏酸吃來仍算可以，惜在溫度暖度上不夠，導致吃下去不夠暖，多少影響食慾。雞塊太乾了，一早已做好之過吧。配菜沙律分量恰可，熱咖啡亦是水準之作，甘香而濃郁。但粟米湯顯然是日式罐頭的，太甜，如果以48元吃下此餐，只是因為價錢而覺得尚可吧。遺憾的是，在香港並未找到煮得好吃的蛋包飯呢。