神戶食堂 空姐牛肉飯 (已結業)

今天中午來到空姐牛肉飯換購撐警特刊～守護，而且還送了一哥T恤，一個鎖匙扣和警察杯實在化算。這180元實在花的值了。特刊內大量圖片記錄了過去一年警察的辛勞。在這裏實在要非常感謝香港警察過去一年守護香港。大家來購買的時候記住得要做好全民檢測才來購買，因為會送多一樣禮物。由於是中午來到，所以美食廣場客人非常多。這裏基本上是當地居民最喜愛吃飯的飯堂之一。來到這裏一定要點空姐牛肉飯，加上牛肉汁味道實在非常好吃。相比吉野家起碼好吃了一個層次。我點了細碗才32元實在非常化算。

2020年8月2日今日專誠來到西九龍中心的八樓，去買空姐牛肉飯外賣返屋企品嚐。原來西九龍中心九樓就是天龍過山車的藏身之地，不過可惜已經荒廢多年。知道空姐牛肉飯除左牛肉飯出名，其實豚肉飯都非常出色，嚴選一層層的五花腩，而且係用荷蘭腩片，加上秘製豚肉汁，非常好味。而牛肉飯的牛肉厚薄適中，恰到好處，如果牛肉太厚就會靭。兩款都有秘製醬汁，而且仲會分開煮理。所以唔食牛或者唔食豬的人唔需要擔心。當日揀左牛肉飯和䐁肉飯，仲叫左款小食，就是壽喜燒雞翼，雞翼非常入味丶好滑。價錢方面真係平得驚人，一碗細牛肉飯只需＄32，五隻壽喜燒雞翼＄20，細size的飯已經食到好飽，份量十足。店員有禮貌。

在西九龍中心購物，順路在商場8樓「神戶食堂 空姐牛肉飯」用午饍。今次選擇細碗雙拼牛肉&雞翼飯，有3隻超級吸睛的肥美大雞翼，肉質嫩滑又好味，份量不少的薄切牛肉，肉質很鬆軟有肉味，加埋秘製肉汁，淘在軟滑的米飯來吃，真的無懈可擊！$36雙拼牛肉&雞翼飯，雖然是細碗，但無論餸與白飯份量都不少，「神戶食堂 空姐牛肉飯」算是價廉物美街坊的食堂，所以，每次來到西九龍中心購物都順便吃午飯。加$8一罐的菠蘿雜果汁有菠蘿清香，不太甜，可以一試！

今日第一次到，食牛肉加豚肉飯（細），串雞，味道唔錯，飲茶，唔貴😃冇記錯51，感覺豬肉比牛肉好食，空姐唔響度，服務態度幾好，加辣椒油後更好，建議用泰國辣椒粉，絕對比辣椒油匹配

千呼萬喚始出來，香港今日正式實施國安法，當然要去藍店慶祝一番。專程去到深水埗西九龍中心八樓搵愛國老闆ANNIE慶祝。難得那麼開心，必須豪食一餐。點了最大碗的牛肉豚肉雙拼飯，三串雞肉串，大田園沙律。老闆還送了一杯玄米茶，全部加起來才79元。真的是超級划算。主菜牛肉豚肉飯實在不用多說，超級好味。比吉野家的牛肉飯強100倍。配上特製的醬汁實在一流享受。照燒雞肉串也不錯。但相對來說我還是更喜歡田園沙律。他們的胡麻醤倒在蔬菜沙律上非常清新可口。老闆服務當然超級好,還在百忙之中特意過來跟我們拍照。期待国安法實施後，老闆生意繼續興隆。

行完先施到樓上food court搵食，見到呢間唔少人幫襯，即管一試，豚肉、雞翼都嫩滑，雞翼十分非常入味，白飯新鮮熱辣，最後連汁都清晒，加埋兩串串燒及罐裝飲品，飽到反肚，有機會一定再黎幫襯。

今日去左呢間舖頭食lunch, 諗住買完野隨便食個飯就就算。果個男既寫單一副不耐煩既樣對住我.我落完單后佢就「哼」一聲之后就開！乜野態度？我普通落單黎食野仲要受你氣？！我叫個牛肉飯都等左30分鐘，條友係咪見我一個人叫得少玩野？問佢跟下單，我同佢講完佢都只係企在一邊同人吹水，唔去幫我睇我張單....我以后一定唔會再去！我會叫我所有朋友都唔好去呢間野食飯！根本唔係做生意！！！不知所謂！！

之前一直好期待try try 呢間店，見她有好多媒體介紹，行開深水埗咪黎試吓。 結論系極度失望。 咁多好評， 但質素咁差。。。。。真係唔知我唔好彩定系。。。。。。試左她的招牌牛肉飯，牛肉好難咬開，汁同飯普通。呢區有好多好野食，大把選擇，真係唔需要去試。

雖然開左好耐，但一直以來都未食過空姐牛肉飯，難得經過深水埗專登走去試食吓。價錢唔算貴，但深水埗區食野本身就係好平。所以我只可以話依個價錢經濟囉，但quality就......有待改善。依個價位深水埗有好多選擇，要便宜嘅便宜過佢大把選擇，想食牛肉飯嘅都有得選擇呀，咪就係吉野家牛肉飯。所以總結尼講......拼價錢深水埗平過佢多不勝數，食物質素同一個商場中吉野家都係佢好大嘅對手，不論係價錢、食物質素等等。就咁啦 完

好耐無去深水埗，去到西九順便去下學生年代的food court.現在平日沒有學生要上課，但依然是好多年青人，上班一族的衆腳點。Food court優點選擇多，不用遷就朋友，自己食乜自己選擇，唔使大家就黎就去。見到店名幾特別就try try小牛肉飯$32,我就夠食。牛肉都算多，還有我喜歡的洋蔥。自動加了牛汁味道跟連鎖店不一樣,各有風味。串燒$15 3串，都試試，幾多汁收銀見我無叫野飲，就free了茶給我，真細心。$45食到飽飽，價錢公道。見到雞翼都幾吸引，好大隻架，下次我會試下。個場就舊舊地，但清潔工人都好有效率，一離開坐位就有工作人員執走餐盤，多謝清潔工人外，大家也要注意衛生。Food court中，西九真是多年歷史，黎呢到主要試下小店,食下平雪糕，回憶下那些年

今日去咗深水埗西九龙中心八楼嘅美食广场食lunch, 好彩嚟得早完全唔使排队。点咗招牌大碗空姐牛肉豚肉双拼饭加芝士鸡肉串三串同埋玄米茶先至57蚊。性价比实在非常高。双拼饭份量非常足，牛肉和豚肉基本上铺满晒成个碗，再加埋特有嘅酱汁味道简直一绝，一定好食过吉野家。一个大男人基本上都食唔晒成个餐。另外芝士鸡肉串亦不错。而且服务非常细心，收银会问你食唔食洋葱，食佢哋先至会加洋葱畀你。所以这家店实在诚意推荐。

在西九龍中心購物，順路在商場8樓food court「神戶食堂 空姐牛肉飯」嘗牛肉飯，今次選擇大碗雙拼牛肉&雞翼飯，並加追芝士炭燒雞串。4隻超級吸睛的肥美大雞翼，肉質嫩滑又好味，份量不少的薄切牛肉肉質很鬆軟，加埋秘製肉汁，淘在軟滑的米飯來吃，真的無懈可擊！芝士炭燒雞串，雞肉味道正常，佐有濃郁燒汁，燒汁不會得只得鹹，蠻美味的，芝士汁乳酪味比較重，我不愛芝士但都可以接受呵！免費餐飲是我的至愛~~玄米茶，冷熱任楝！人均消費$26，平、靚、平！下次再幫趁！

我發現原來「西九龍中心」八樓美食廣場裡面的日本牛肉飯食店「神戶食堂空姐牛肉飯」，「牛肉飯」實際的份量，其實跟一般連鎖牛肉飯專門店賣的「牛丼」沒有太大分別，性價比沒有明顯的優勢。而且「神戶食堂空姐牛肉飯」裡面的雞肉飯食品，只是使用了一般雞中翼，實際份量反而不及我在其他日本連鎖丼飯食店，購買到的「雞肉飯」，廚房師傅即場斬件雞扒那麼多肉食。「神戶食堂空姐牛肉飯」雖然也有推出雙拼飯，但是我覺得購買了「牛肉」加「雞翼」雙併飯食品，雙併飯實際的份量比我預期中少得很多，雞翼份量有四隻左右，佔據了雙拼飯一旁的位置。至於「神戶食堂空姐牛肉飯」雙拼飯裡面的「空姐牛肉」，其實即是類似和風汁煮洋蔥肥牛肉的牛肉菜式，佔據雙拼飯的另外一邊位置。「空姐牛肉」的口感雖然算是不韌，但是跟一咬即斷，一咬即爛的軟腍牛肉，仍然有一段的距離。而且牛肉裡面的甜醬汁不多。或許因為如此，所以「神戶食堂空姐牛肉飯」附上了一碟類似甜醬油的醬料給我。但是「神戶食堂空姐牛肉飯」提供給我的所謂甜味醬油，我反而覺得有點像炒完牛肉之後，剩下來連着食油，感覺有點油膩的牛肉汁，甜醬汁整體的感覺也鋪砌一層濃厚的油膩感覺。至於「神戶食堂空姐牛肉飯」價目表

正所謂食雞要有雞味，食牛自然要有牛味。話說我尋日去西九買完野，想搵d野食下。咁啱見到有間以神戶為名既小店，身為牛肉愛好者既緊係要試下啦！點知唔試還好，一啖落去，牛肉黎？食落去冇牛味，反而有d似豬肉，好柴好難咬，係口入面嚼成5秒都嚼唔斷。飯呢就普通飯，食唔出有咩特別。另外，個盤好污濁，唔係見到個種，係掂落去feel到有d痴手，似係上手食完冇洗乾淨。雖然canteen可能d盤係一齊處理，但可唔可以check清楚乾淨先比人食呢？好少食完野要特登去洗手講句公道說話，賣相就唔差既，價錢比吉野家未減價前平。但係味道就認真接受唔到，以西九飯堂黎講大把野食好過佢，冇下次

真係好難食...食個飯仲要受氣，永久blk list飯又乾肉又冇味點解仲會有人幫襯，原來冇人排係有原因ga...當比錢買個教訓，成個飯放棄免得自己一肚氣，真係好鬼嬲！