神戶食堂 空姐牛肉飯 (已結業)

今日去明愛醫院探病，原來要下午五時才有探病時間，於是無所事事到深水埗鴨寮街貢下啦！行到大約下午二時，已經過了午膳時間，肚子有些肚餓，突然想起有間小店最近非常網紅，店主因最近發生的政治事件，講了些良心説話，慘被對方不同意見的人網上欺凌，還到政府部門投訴該店什麼請黑工、不潔，食物難食等抹黑該店，於是到西九龍中心八樓去捧下塲，試食空姐牛肉與雞翼雙拚飯，去到時原來該店生意滔滔，店主非常有禮貌招呼客人，大約要等候十五分雙拼已到，還有一杯玄米茶免費奉上，一試之下果然有驚喜，牛肉好好味，雞中翼非常嫩滑，飯香而軟滑，下次一定再來光顧！

原本經華記推薦，我仲以為係拍得住牛陣次X坊水準既牛肉飯，點知好失望...！點左佢既牛肉飯，首先佢d飯同平時食開既日本米唔一樣，空姐既飯粒經咀嚼後「蓉蓉爛爛」，但又唔係因為牛肉汁滲透既味道，懷疑係煮米時落得太多水然後再放太耐😓然後佢既靈魂牛汁，肉汁方面太肥膩了，食得出沒有隔油渣剩係齋煲，破壞左牛肉飯之間既協調感而最重要既牛肉，其實食落同吉野家牛肉真係冇分別，又係薄切肥牛然後放飯上，真係唔值得特登去試..同埋唔知係唔係關兜飯事.. 食完夜晚排便有少少過於順暢.....

吉野家越做越差，朋友話可以試吓幫襯小店。Search下search就搵到呢一間，星期三夜晚同同事膽粗粗諗住去試吓啦。間鋪頭個名物係牛肉飯咁我當然係叫牛肉飯啦，個飯嚟到，個汁好鹹，肉得少少，飯煮得爛，我求其喺屋企整都可以好食過佢。朋友叫咗豬肉飯，但係結果食落先知係牛肉飯，慘慘豬。仲要全部都係用即棄餐具，諗住叫得「空姐」嘅話環境應該會高級啲，點知勁兜痞囉。價錢真係唔算好貴，但係真係唔值得專登去食，其實呢區仲有好多其他更好嘅選擇。

本身同男朋友2個人食餐好，但因為晏左放工就諗住平平地事但食，我地一個叫左豬丼，一個叫左牛丼，同埋雞串點知個豬肉好似生生地咁，又無味又肥，可以一塊豬肉入面有一大半係肥膏個牛肉就鞋到好似煲左一日湯d湯渣咁，呢個飯今次就唔係無味，而係勁咸最後我同男朋友食到一半都無食，轉場去左食其他野講真，食連鎖加藤屋都好味十倍唔好食都算，我地2個食完，2個都痾，唔知係咪個生豬肉啦下我都好少可會嬲到專登上黎寫食評，真心無下次

見OpenRice 咁多好評，收工特登過嚟試西九foodcourt 裝修完都嚟過幾次但感覺都係好殘舊所以都麻麻地鐘意嚟食野見食評空姐牛肉飯好似好高質，點知中伏叫左牛肉雞翼飯，有大同細我揀左細，點知真係好細碗，唔係好夠飽個飯普通都不得了，肥牛有d難咬開，d飯唔係好夠熱，唔知關唔關用即棄碗d飯唔可以太熱？雞翼見人地影出嚟賣相好好，但點解嚟到食又細隻又乾如果要食牛肉飯，都係去返連鎖吉X家好食d好失望，食過一次唔會再幫襯了唯一要贊係罐雜果汁幾好飲。

想揾類似吉野家嘅牛肉飯之前試過加藤屋覺得唔錯不過真係想揾啲小店支持一下喺Openrice見到深水埗有類似食店係大集團壟斷嘅情況底下當然要支持啦，bookmark左要幫襯下！今日同媽咪去開附近買純銀配件買完心頭好就上去幫襯店面普普通通，小店黎講可接受服務一般，有好多可以改善嘅空間😅牛肉飯方面個人意見牛肉汁偏咸因為個汁係好重要嘅一環，比較失望啲飯望落去都知道煮得太淋食完先醒起無影相希望店主試過味道先出餐水準會好啲、穩定啲真係太咸了

侍應服務好差態度 .................. 都算喇！！！！！好 ............ 我睇番食物質素比分啦！！！！食物味道極為普通 🤮🤮🤮🤮🤮🤮🤮🤮🤮🤮🤮🤮🤮😊😑😑😑😑😑😑😑同區我相信大把選擇簡直浪費金錢覺得比人呃錢咁 ..............................最最最緊要 ！！！！！！！餐廳唔乾淨 ...... 呢樣係感覺最差 .........

前排經過西九， 諗住上food court搵野食 ，見佢喺網上俾人搞諗住幫襯下支持下嘛...............................諗住叫左個雙拼幫襯下，點知牛肉柴柴地，雞翼就燶燶地，平就差唔多啦..............................西九大把平野食，大碗都算大碗嘅，但又真係唔好食呀嘛......搞到連相都唔想影..............................

之前睇報導話呢間好好食咁樣喎，所以專登黎試下係咪真係咁好食啦，間鋪頭係西九龍中心八樓Food court的中間位置，一個唔留神好易走漏眼店名叫空姐牛肉飯，都話明係牛肉飯出名啦，咁當然要試下，唔知係咪真係咁好食呢？？？唔食由自可，一食把鬼火，啲牛肉飯啲牛肉好難咬開，似係煮完又煮，煮到過晒火候，啲飯又硬，食牛肉飯最緊要係個飯夠熱，但佢啲飯只係微暖，真心講，難食過吉野家好多好多，唔會再幫襯，真係難食點解啲報導會話好食呢？係咪俾錢賣廣告架

仔仔超愛牛肉飯，佢話此店牛肉飯醬汁超好好味，係佢食過甘多最愛。居然中午食完，晚上話又要再去食牛肉飯🤣🤣🤣🤣🤣🤣芝士烤雞串同雞翼，我本人超like👍👍👍👍👍👍

上food court搵野食 好多人間間鋪頭都 見佢唔洗等 同埋雞翼牛肉飯應該都好穩陣呀 味道就真係好一般架啦 吉野家仲好味啲 但無諗過食牛肉飯都會肚痾 痾左幾次 可能因為無人買 雞翼又整定放係到🤢

聽朋友說這家很好食，本來滿心期待想食好野，點左一個空姐牛肉飯，點知肥牛韌到不得了，而d汁唔知係咪煮左好耐，所以有d咸，另外雞翼根本完全唔入味，再者串燒既肉都整得太老，之後食左一半度，就唔想再食喇！:………………………………………………………………………………

因小店俾人擺上枱，得悉有此好味牛肉飯，刻意幫趁。午飯實在太多人，雖然排了半小時，終於等到外賣雙拼牛肉與豚肉飯，汁另上。仲要行15分鐘返office, 肉飯仍然暖和加上美味的汁，不枉等咗半小時，終於一嚐空姐飯，啲汁不太鹹，而係好味，好味，好好味。好耐未試過飯後的滿足感，今次有。

收工獨自搵食之前見佢賣哂廣告就諗住試下啦點知又耐又難食又唔算平最慘係啲肉勁生最後食到一半嬲嬲地飲杯珍珠奶茶算No next time!!!!!!!!!!!!!!!!!!!

呢間小店一直在我的wish list 上面 終於有機會試喇 雖然小店係位於food court 裡面 但平日放工去時人流都算多 而佢哋個招牌大大隻字寫住 「空姐牛肉飯」唔洗驚搵唔到😝⠀⠀⠀⠀⠀⠀⠀⠀⠀去到一定要試佢哋最有名嘅「空姐牛肉」啦 想好似我咁想試多啲食物嘅話就叫雙拼 「空姐牛肉+壽喜燒雞翼」大碗份量只需HKD42 「空姐牛肉」係店主Annie用佢嘅獨門秘方烹㗎 每碗飯都會送上一小碟牛肉汁 （牛肉汁可以無限添加) 一定要用呢個汁點牛肉食送飯食 真係好味好多㗎 「壽喜燒雞翼」雙拼都有四隻 非常足料 而且每隻雞翼都漲卜卜醃得又夠入味 兩樣食物用嚟送飯一流呀！⠀⠀⠀⠀⠀⠀⠀⠀⠀日本胡麻鮮菜沙律 (小 - HKD15) -食咁多肉當然要食番啲菜啦～ 同朋友食嘅話可以兩個人share 一份大沙律丫⠀⠀⠀⠀⠀⠀⠀⠀⠀店舖有學生/下午茶優惠 比起其他時段更加抵食呢！