神石燒牛扒水產專門店 (淘大商場1期) (已結業)

好少寫食評，但實在氣難下，昨晚買外賣，果位男經理在門口，諗住order,門口張餐牌只寫了外賣套餐 又無寫提供時間，又無寫明88折只限主餐牌，以下係昨晚荒唐對話我：請問外賣係咪88折經理：係主餐牌（已沒有理會我，眼神鄙視）我：咁我要一個M8牛……餐經理：呢個只限星期六，日咋喎（餐牌無寫明，鬼知咩）我：咁要“澳洲M6 ”同安格斯牛經理：要講埋咩部位比我聽喎（頂！佢個menu 得一款M6🤨，佢d部位又咁難讀，玩我咩～考試呀！牛隔肌，牛頸脊……牛xxx）中途聽到有人詢問外賣係生定熟，經理答：我哋唔會比生嘅你囉全程好似我隔住佢發達咁野更好食都其次，服務態度咁差，咁串，好似求乞你咁款，失望，睇openrice先知淘大呢間嘢已成日比人唱員工態度差，尤其果個四眼男經理，對此徹底失望

開左店好耐但我一直冇時間黎試， 難得今日有假期，試一試晚餐，都唔算貴，原本想食魚不過賣哂，轉食神石牛扒85蚊200g，加10蚊加帶子，加10蚊可樂，飯，沙律，湯任食任添。坦白講 塊牛扒好得👍好嫩口， 塊板唔係好熱，似keep warm ，好彩我只係加左粒帶子，無再加其他野，不過左邊枱個男食客，塊板要call waitress 再加溫 😅一切自助形式有少少唔慣，其實食果時都有少少顧慮因為疫症。不過我都算好好彩坐到靚位。入去果時有酒精搓手液俾你用，不過餐廳入面就唔覺有其他清潔用品，食物質素我滿意，但環境同衛生好難話可以有太高要求，因為都係平民價錢。埋單105 大致上覺得都合理，不過想滿足少少建議追加10蚊和牛，10蚊蝦，感覺上～比較2至3人家庭。溫馨提示：疫症期間外出食飯，自備搓手液，濕紙巾。。。

熱辣辣既麵豉湯入面有紫菜同豆卜，味道正常唔會太咸，日本米煮成既飯可惜比較乾身口感偏硬，沙律🥗有兩款，以薯仔🥔青瓜🥒同粟米🌽為主，燒牛扒前食都幾開胃重點係減少罪惡感！🥩美國極級黑安格斯牛膈肌 ($110/200g ; $165/300g)(🍚8.5/10) 推介❗️牛膈肌係幾款之中我地認為性價比最高既，份量200g對男仔可能較少，建議可以叫300g。牛膈肌肥瘦分佈平均，食落口有好香牛味同充滿牛汁，肉質口感岩岩好！石燒既好處係可以自己控制牛既生熟度再加調味料，個人認為燒既時候加上岩鹽同黑胡椒，食之前再沾少少柚子汁(好出色既汁!)更正！🦐限時優惠追加日本虎蝦 ($10/隻)(🍚6.5/10)虎蝦算幾大隻，黎既時候已經燒好，賣相唔錯食落都彈牙但略嫌吾夠新鮮，食之前放上鐵板加熱更好。🥓限時優惠追加和牛片($10)(🍚7/10) 和牛片有6塊，食落重牛味但未去到入口即溶既感覺，對食和牛有要求既朋友可能會比較失望，但以追加$10黎講算好抵食！總括黎講食過幾間石燒牛扒店，呢一間算係質素最好，性價比都高既餐廳！

我很少去寫差的食評，因為深明好又一餐，唔好又一餐的道理，生意難做，不想倒人飯碗，但此店的確令人感到難以接受理解，不吐不快。在門口售票機選餐時，門口的女接待職員態度極差，係惡劣那種，輕視的態度，不耐煩的態度，未進內已經令人氣憤，完全係趕客。食物方面，不可以算難食，但係絕對不是好食，豚肉和牛扒都非常一般，但係人均消費要接近300元，座位舒適和食物水準，連大快活大家樂水平都未及。千萬別光顧，否則必定後悔

同三個朋友一同去食，喺售賣機揀左四份牛同兩個追加小食初初每位朋友嘅石燒牛到齊，就快食完既時候我地提一提侍應兩個小食仲未到佢哋左睇右睇又問要睇單據，但單據一早已被佢哋侍應收咗。最後經理居然係走嚟指責客人話：你哋咁樣我好難做，下次唔好咁遲講。居然係怪客人無提佢了漏單而唔係提醒佢嘅下屬。我同佢講叫佢退錢，取消兩個小食，大家都好，但依然堅持要比我地。最後上果兩個小食係成隻碟飛埋嚟。十分不愉快的經歷，食到一肚氣，破壞心情，怪責客人，沒有下次。如此對待客人，去不去，大家自行定斷。打著黃店旗號去做生意，shame on you!

最近突然好想瘋狂吃肉🥩，於是特地約了幾個朋友👭🏻👭🏻👭🏻一起選了這間餐廳聚餐🍖這間餐廳是進餐前先付錢的，而且只收現金💵💵這些肉很優質💮，而且煮食體驗挺新奇😋。好食又好玩，十分推介！

知道呢間好多人，所以揀左weekday lunch後先黎試，2點去到都要排一陣呢，好在佢個好抵既set lunch去到18:00, 幾十蚊食個石燒肉，真係邊度揾？佢係自助形式，門口買飛，跟住自己入去揾位坐。 我見有人話要自己去拎份餐，我又唔駛wor, 唔知係咪比較少客既關係，係staff幫我送餐的。 salad, 湯，飯，水係自助，salad有好幾隻sauce可以揀，另外仲有即棄圍裙可以拎，咁啱我嗰日著白色衫，好在jei. 點左2個最貴既和牛肩胛，1個+$10追加鴨肝，好後悔冇加多個，真係好抵食。 肉都幾大件下，仲有d蒜片tim。 幾重牛味，不過好大舊筋，好影響口感。 同埋要食快d, 食到後期塊石板開始唔夠熱就爭d.

👦🏻🧒🏻人均消費:150環境舒適度:👣👣👣食物賣相:😍😍😍食物味道:👅👅👅👅食物價格: 💰💰💰店員服務:👩🏻‍🍳👩🏻‍🍳性價比:🤙🏻🤙🏻🤙🏻再次光顧:👀👀平時大排長龍，見今日唔洗排隊就入左去食👅👅如果推介泥講就得🌟🌟粒星，因為其實唔係特別好食 ，但如果係口痕又唔洗排隊 可以試下 ，加左錢食鴨肝，味道一般。牛肉方面同預期差小小🥺飯同湯係任添既

好耐無食🙊 肉味香濃，滿意😌根唔算太多， 簡簡單單加D岩鹽同黑椒已經好食😋平日套餐150g承惠85蚊，性價比合格😋 原價就唔太抵了🙊 加左錢要秋刀魚（$25），水準中上，都做到外脆內軟😝任裝既白飯都ok,沙律就椰菜絲打底，爽脆既，有四種沙律汁任你用👍 最鐘意柚子醋溝意大利黑醋😋😝酸得黎有層次😎 麵豉湯就淡D，勝在有好多紫菜同豆卜🤪 似返日式餐廳，唔會似茶記既例水😂 麵豉味就唔太突出，好在無死咸/成口味精😌

我本身唔食牛，但又想支持下啲良心食肆，所以間中都幫襯下，但只能選豬肉、魚類，選擇較少，若果可以間中換下唔同款嘅非牛肉set就好。無坐低堂食過，食咗幾次都係外賣自取。服務幾好，店員會主動幫忙用門口嗰部機落單。黑毛豬好有驚喜，肉質鮮嫩多汁，醬汁亦好開胃。秋刀魚都好味嘅，有兩大條，但始終感覺無咁有特色。有次貪新鮮，叫咗比較少見嘅池魚，就唔係太啱我口味，不過屋企人覺得ok。跟餐嘅沙律正常，之前做promo仲送嘢飲。米飯應該係日本米，口感唔錯。份量挺足夠，價格算合理，可以一試。

門口價錢牌吸引，低價吃日本A5和牛，韓國牛，在門口是看不到裏面的，我家人就帶着爸爸一起去吃高級野，在門口售賣機買票，感覺很像日本文化的！轉角一看內裏就是一間快餐店座位的格局，我相信大x樂也比他環境坐得舒服，這裡一張梳化位也沒有，全部是板凳，快餐枱我們四人就是平排一行坐！看到這樣其實就已經不想進食了，立刻想走，畢竟消費了$900 ，就這樣的環境，不能舒服點嗎？每份牛肉也不是送到枱的，要自己去取，說明是石板當然是很重，取回去也熱辣辣，還要木板加上熱石板，很危險的！消費300多元1份和牛，還要自取回座位，餐具飲品碗筷都要自己行出去拿回座位的！完全沒有服務可言，就算你請我去食，真心不會再去！感覺就是超級中伏⋯⋯超級被坑的感覺！韓牛也不新鮮👎🏿，看來就是啡啡黑黑色，一看便知存放了一段很長時間，非常不新鮮，還要收$340！A5和牛$355，也很普通，不是10分出眾的牛肉味，已經是過於宣傳了，在x田的比他好很多！快餐座位不舒服不妥當就是要你吃完立刻走！首次給差評！

今次進駐嘅黃店係由Rubberband阿偉做老闆嘅黃店，神石燒！.呢間餐廳🍴要喺食前叫定野食，要準備定錢喔～～阿魚同朋友叫咗午市限定，一雞一牛！！.然後就可以坐低等餐！！麵豉湯、白飯都可以仼裝！！當部機響就可以拎野食了！！💛神石美國🇺🇸天然牛扒（$60）幾厚，juicy，阿魚中意食生啲，所以好快就食得🥳幾嫩滑！💛美國🇺🇸天然雞扒（$50）雞皮脆，雞肉滑😆😆🤩正！.日本🇯🇵飲品就貴啲，25蚊枝！🐟💭：午市限定CP值幾高！不過男仔可能要食碗飯先夠飽😂女仔就啱啱好！🎗神石焼きビーフステーキ水產專門店🎗地址: 九龍灣牛頭角道77號淘大商場1期地下G114-5號舖電話: 64686381營業時間：星期一至四、日：11:30-22:30星期五至六、公眾假期前夕：11:30-23:00.其他分店：.（1）🎗神石焼きビーフステーキ水產専門店🎗地址: 荃灣大河道98號如心廣場商場二期2樓206號舖電話: 57266543（2）🎗神石焼きビーフステーキ專門店🎗地址: 油麻地碧街35號地舖電話: 66528897

近排返工真有點忙，所以最近出既餐廳真係比較一般！前兩日我終於約左我個好朋友女神出街，一齊去食日式神石燒🥰，真非常好味，係久別好西既味道，所以都好快出post同大家介紹下！呢間神石焼ビーフスデーキ係Rubber 成員阿偉同朋友開，係油麻地、荃灣同九龍灣都有分店，最出名就係$85就有美國牛扒食。不過當然啦，間中都要對自己好DD，所以我地揀食日本燒肉！入店前同日本店舖一樣，都係要先排隊買食卷先，大家就記得帶定足夠現金去買食卷😉，之後店員會帶你就座！店內座位都係bar枱為主，較為擠迫，所以只適合幾位食客一齊用餐。就座後，可以隨意拎沙律🥗、白飯、味噌湯，而肉類就去出餐口拎！A5薩摩和牛眼睇落非常吸引，油花分佈都幾平均，輕輕燒一陣，甘香美味，肉質嫩滑又無筋，口感一流。另外，每塊牛肉都好juicy又帶點油香，配埋白飯食真非常夾🥰！雖然冇A4咁好味，但食落都已經好滿足！我地仲另外問左隻帶子，都幾大隻，食落都有點鮮味👍🏻，有機會都可以試吓！另外，呢度仲有好多特色野，鵝肝、伊勢海老，有budget就可以試埋！神石燒真幾正，可以配住自己既節奏燒，A5和牛口感油分都一流👍🏻👍🏻。不過神石燒始終唔夠火爐咁大火，

我哋嘅天才正苦禁食肆做晚市堂食，嗰啲較難做外賣嘅食肆真係唔知點捱過呢一關😢，例如專賣石燒牛扒嘅呢一間。好彩佢哋窮則變，變則通，即刻出咗外賣食材優惠，$100 有兩塊靚牛扒，仲有 $68 隻法國黃油雞，同埋 $200 七包即食餸菜包，抵食到冇朋友。疫情減緩之後，真心推薦大家去幫襯一下，尤其係佢哋嘅午餐，$50 起就有交易，好抵食，供應時間仲要由十二點去到六點😮。上次幫襯，叫咗塊 150g 嘅神石美國天然牛扒，睇住塊扒喺嚿熱石上面由生慢慢變熟，一路發出吱吱聲響，感覺好興奮🤗。建議牛扒就咁切嚟食，千祈唔好送飯，咁先至最能食出牛嘅鮮味。剩係幹掉塊扒都飽咗大半，跟住就可以食埋沙律，味噌湯同白飯。之前幫襯過元朗嘅神火山石牛扒專門店有無限飯素供應，撈飯一流，呢間冇，唯有用味噌湯嚟撈飯，雖然寡咗少少，但係日本珍珠米飽滿彈牙，都唔錯㗎。

美國黑安格斯牛膈肌 200g $110揀左成個menu入面價錢算平既一款，點知都幾有驚喜😍店員話安格斯牛膈肌係相對地淋身，果然無呃我!! 除左肉質好軟熟，牛肉味都好濃😋最重要係成塊扒都無筋，啖啖肉，好滿足呀😍自助區有沙律、飯、麵豉湯仼食，估唔到麵豉湯好高質，利申飲左3碗😂