神石燒牛扒水產專門店 (新達廣場) (已結業)

週末午市套餐鐵板燒，選擇多，豬牛雞都有，唔喜歡鐵板，也有壽喜燒及a la carte 選擇。點了兩份鐵板燒午餐，份量剛好，牛舌口感唔錯。上菜時肉在鐵板慢慢烤熟，熟成程度自己控制。午餐包蜆肉湯，鍾愛烤蒜既味道，加埋鐵板夠熱，份外惹味！追加了蒜蓉帶子！另外，可以無限自己添加白飯、日式麵豉湯、西式羅宋湯、雜菜沙律同埋粟米。自己揀醬料，燒汁、生薑燒汁、沙律醬、日式麻醬、岩鹽、黑胡椒，確實好多選擇。此外，上菜快，而且價廉物美！

我又再次挑戰神石燒啦，主要原因就係可以$12 食50g 嘅澳洲黑毛和牛😋作為牛肉控嘅朋友，點可以錯過呢一啲小小嘅優惠，不過$12嘅澳洲黑毛和牛食落去雖然有香濃牛味，但又冇我想像中咁入口即溶嘅感覺，食落去係有咬口，但係肉質唔會好韌👍🏻 $12係抵食嘅，不過係期間限定唔係日日都有架，我只係咁岩得咁好彩遇上優惠😋😋除咗食澳洲黑毛和牛之外，我仲叫咗200g美國極黑安格斯牛膈肌，我會將呢一塊牛肉切開五舊去煎，然後煎到五成熟🤤🥩再放喺個碗上面攤一陣再食👍🏻 因為我煎到五成熟，所以食落去唔會太乾身，而肉質方面又唔會太韌😻帶有小小嘅牛味，$129算係咁啦😋😋😋因為我經常食神石燒，所以我就用咗💰$500買咗佢哋嘅會員，佢哋仲送返$600嘅$50現金券俾我，但係我買完先發現，原來每一次食飯只可以用最多兩張$50現金券，不過做咗佢哋嘅會員每一次食飯都有九折，$500又真係幾抵買👍🏻👍🏻⭐️澳洲黑毛和牛 50g 💰$12⭐️美國極黑安格斯牛膈肌 200g 💰$129

係週末時期，如果我無遠出或約人，我就會同屋企人一齊出去食飯🤤 喺近大埔墟火車站嘅一個商場，入面都開咗唔少餐廳，而神石燒牛扒水產專門店就可以滿足到我一啖一啖大大啖咁食牛肉嘅餐廳🥩😍😍呢間專門店係全港首家以岩鹽熱石利用高溫熱石燒烹調優質牛扒，帶出食物的獨特風味。可以按自己食幾成熟嘅要求烹調牛扒😂不過要小心,因為好容易就overcook 🤔🤔可以選擇嘅牛肉種類都比較多，而今次我哋只食咗兩款嘅牛肉，兩款嘅牛肉都好新鮮，都帶有肉嘅味道🥰餐廳入面嘅白飯，粟米，生菜沙律，泡菜牛肉湯，麵豉湯，沙律醬等等都係任裝任食😌 所以唔使驚食唔飽，一定會好飽😁😁⭐️美國極級黑安格斯牛膈肌300g 💰$189牛膈肌又叫做腹脅牛柳，肉質緊實、味道豐富，如果烹調過熟嘅話會使肉更硬，所以好適合用熱石燒，令到石板嘅溫度慢慢將溫度傳入去肉嘅中間😍⭐️美國極級黑安格斯牛頸脊300g 💰$209牛頸脊係屬於牛頸及肩胛之間是牛隻活動最多的部位，脂肪較平均，啱晒我呢啲唔係好鍾意食肥肉但如果牛冇肥肉嘅話就會好乾嘅人，😋😋

未食過 所以過咗嚟試下 見到有部日本類型嘅自助點餐機 不過唔識使用 所以店員都有喺度介紹點樣用（嗰個人應該係女店長） 在店員的幫忙下成功完成落單 感覺有啲麻煩 因為唔識用 如果用QR code唔係仲方便咩 跟住冇幾耐 就幫我拎咗個嘢食過嚟 有肉 有飯 調味嘅醬汁同石板 而如果想食沙律 或者湯嘅話要 自己去自助區域自己拎 本身鍾意飲湯所以覺得個味噌湯都幾好味 😋飲咗兩小碗可選購嘅嘢飲 比較普通選擇不多 都係啲日本嘅罐裝嘢飲 冇凍檸茶、凍奶茶之類嘅選擇 可能大多數日式嘅舖頭都係咁樣 之前食過一間日式拉麵店嘢飲方面 都係冇乜選擇～如果可以建議公司 好似Pepper Lunch一樣能提供一啲會員服務或者延伸嘅產品 例如可選購的雪糕甜品之類的 增加多點食品的選項

✨ 神石燒牛扒水產專門店 ✨神石燒喺由#Rubberband 阿偉及2位合伙人主理，理念喺每份餐牌食品都等於一份創作😍鋪門口會有一部自助售賣機下單，勁有日本Feel！啲肉會用上喜馬拉雅山食用的粉紅岩鹽板燒至一成熟，再放在400度高溫的火山岩石板呈上，可以按自己喜好調節生熟程度🤤除咗咁白飯同沙律任裝，食到飽🥰👅美洲頂級厚切牛脷 300g $129 👉🏻8/10足足有8塊勁厚切嘅牛脷之前有食過lunchset 覺得份量差小小今次多咗有突😂😂性價比極高 肉汁鮮甜爽口🐮美國極級黑安格斯牛膈肌 $189 👉🏻9/10份量有手掌咁大塊肉比較厚店員放上台之後要燒耐小小小編接受到比較生 每邊燒多30秒左右唔知喺刀比較定喺我唔識切🤦🏽‍♀️😂勁難切肉好新鮮 食到滿滿肉汁 淨喺食肉都夠飽┄ ♡ 評分區 ♡ ┄💰價錢：8/10🌆 舒適：8/10😚 返兜：8/10 　┄ ♡ @jinseki.steak ♡ ┄ 📍#神石燒牛扒水產專門店 地址：大埔南運路9號新達廣場1樓36-37號舖

食物質素同個價錢都成正比既，兩個人叫左兩個lunch 套餐，份量唔算多唔算貴但成個用餐體驗太chur，你需要拎餐具，水自助吧都有提供飯丶湯丶沙律，所以你一開始都已經好忙。因為石燒佢俾既肉已經放左喺石板上面，唔夠送到埋台30秒唔夠個陣舊肉已經燶燶地，太概已經7成熟，所以要不斷反佢同埋切。把刀重要係唔夠鋒利，切得好辛苦，肉本身冇乜味道需要多多少調味，而且座位好細。總結成個過程都係好忙，如果選擇放題既話除非你唔需要切肉，否則一定蝕大本

有fd就係大埔火車站附近返工，所以就穩間附近嘅餐廳食下，最後揀左呢間. 今日大約7點幾左右都無咩人食，但卡位得幾張，無卡位，所以我地三個人就坐個d單邊位，位置方面係坐得唔舒服嘅，尤其係d鐵板好似上黎嘅時候，可以話無咩位擺，比較擁擠🙃 另外今日揀左200g美國牛➕100g雞➕50g黑豚肉。咁先講個牛先，個牛就煮耐左都唔會硬，唔會咬唔到，真係好食嘅，但個雞同豬就生嘅上黎，自己慢慢燒，但個石板好耐都燒唔熟d雞同豬，仲有未熟就要換火，真係要好有耐心，肚餓就真係唔掂，另外d雞同豬個人覺得真係好普通到無得普通😶 salad，飯，湯都任添，個泡菜牛肉湯都幾好飲。 如果大家想選擇呢間店，值得推薦真係牛，其他見仁見智，我就麻麻🤭仲有唔太想再黎，環境唔太舒適好逼，野食質量牛就ok嘅，而價錢就偏貴，性價比唔高

以前有黎過，覺得啲野食同價錢都唔錯，所以今日帶啊爸啊媽黎食。但係今日真係好失望。首先，上得好慢。45分鐘放題，用左15分鐘先上熱石同第一碟肉。之後每次叫都要 15分鐘，仲要限叫 10片肉。我地 3個人每15分鐘 食3片肉。。。其次，衞生一般叫可樂，成條邊都係漬（唔知係咪可樂漬）叫佢換一罐，佢剩係抹一下就俾返我地，條邊無郁過。。。個人意見唔夠人，樓面得一個人，廚房應該都出唔切，知道係忙，亦都唔係話顧客就大哂。但係作為放題，15分鐘 10片肉 俾 3個人分，我會覺得強差人意。寧願佢同我地講唔做放題，我地叫個餐慢慢食。總結：黑邊可樂無飲，餓住離場

未試過石燒放題, 一見到有就忍吾住book位試試我地一行4個人, 埋位坐低之後侍店員就即刻上左兩大碟拼盤俾我地話系放題一定要上既, 我望到已經有啲飽飽地, 不過個鹿兒島牛系吸引既!同埋就兩個人用一個爐~但我地偏偏買左60分鐘放題, 就考起左我地如何在60分鐘內燒好尼兩盤野尼??中間有啲小插曲, 果到都用左10分鐘到.........最後都食得哂既, 不過就追加吾到喇, 只系好想食個蕃薯條, 點知一上枱就變左薯條

食咗90分鐘嘅放題都食唔飽，就好似係用三個火機黎燒肉，笑死我，服務費要三百幾，一個人二百幾，兩個人就食咗七百，仲不如去食韓燒，d嘢食仲要同出面冇咩分別，下次唔會再黎lo😅

上完一個學期嘅堂，為咗獎勵自己所以用咗一日嚟諗食乜好最後因為openrice顯示呢間嘢有放題優惠+自己未食過石燒肉，所以就咁決定（最後發現walk-in個價其實差唔多…）等夠鐘，入座，即刻去拎白飯、泡菜牛肉湯同汁。雖然得60分鐘，不過正如《孤獨的美食家》所言：「食自助餐一定唔可以急，急就會亂咗陣腳。」所以無拎沙律，打算全力攻肉由於無用心聽講解嘅緣故，只係依稀知道會有個頭盤，於是起等候期間，我用QR code係咁落order（操作上有啲浪費時間，令人好心急），然後生肉嚟嘅時候，我發現個頭盤成個二人份咁接住落嚟，之前order嘅嘢都到咗等咗十五分鐘，舊神石先到，真係好似等摩西上山同神攞兩舊石落嚟一樣咁耐，於是問侍應可唔可以加多十五分鐘，佢話幫我問我下（最後係得嘅），然後我就一路望錶一路食，享受鍾意高雅慢食嘅人享受唔倒嘅快感~作為一個可以食得曬銀咖喱富士山飯嘅人，清曬上面啲嘢完全唔係問題，問題係舊石有無本事快得過我把口，好抱歉，係無。如果係打邊爐，我諗三四個字都搞得掂，可惜舊石一則surface太細，二則傳熱太慢，完全違反放題食客嘅人體工學不過無論如何，不斷睇住啲肉由血紅煎成粉紅，乃至微金黃

第一次嚟幫襯，見到啲食評嘅時候都有啲驚～但係去到嘅時候其實服務態度唔錯！個職員疑似經理，解釋得好詳盡，有問必答！啲嘢食都幾好食（湯除外），牛雞豬都非常不錯！雖然任食個價格唔係太便宜，時間亦都不是很夠吃！最有趣就係三格汁醬兜啲格仔細得有啲離譜哈哈…………….哈麵豉湯同泡菜牛肉湯都唔好味，飲咗一啖冇飲過。重點一提，食物環境真係唔好，成地都係垃圾又油，都唔似每日會拖地清潔🧹就算食物幾好食都好…個環境都唔想令我再返嚟食

有時見到佢外面有人排隊，又聞到燒肉味幾香，就諗住試試。打開餐牌都有唔算少嘅肉類選擇，由於選擇困難，結果就揀咗美國極級安格斯三重奏，好似樣樣都有可以一次過試多啲。美國極級安格斯三重奏話明三重奏，包括3款唔同部位：牛膈肌，牛頸脊，漢堡扒。由於每款都係切咗一小部分，有少少要睇彩數係切咗邊個位，總括嚟講，我份牛膈肌同牛頸脊都有筋，好影響口感；而漢堡扒就太乾，可能放咗係石燒上面，燒得太耐。今次可能選擇錯誤，試完的確有些少失望。

同個FRD突然想食牛，所以去左新達睇下，於是去左神石燒食。我叫左M6肩胛里肌，佢就叫左神石牛排。我地都係第一次食，所以好似大鄉里咁入到去先知可以自取白飯(珍珠米)、沙律同麵豉湯，知道左之後覺得好開心！！本身仲擔心會唔會唔夠飽。沙律加黑醋、芝麻醬，白飯就加燒肉汁，對我呢個飯控黎講佢嘅燒肉汁無得輸！牛方面我個人喜好覺得肩胛里肌好好味，肉質幼嫰，好重牛味，比起牛排更香。牛排其實都好好味，只係個人偏好牛肩胛里肌多ＤＤ！！

其實已經食過佢其他區分店幾次，係滿意的，見行開大埔哩個商場，就都覺得食返同一間隱陣 d，排隊入去比完錢等食，攞飯湯同沙律都一樣，但係見等左好耐個機都響埋熄埋都未有得食，咪問職員囉，佢地先知出錯左比第二枱，已經放左人地枱上好耐，話人地無食過，就咁攞返比我時都熟鬼曬，仲有乜時勢呀，衛生問題人地打開睇過影埋相，又放左一陣咁都可以比返我食。同佢講完佢話換過比我，又等一大輪再出，結果仲熟到💩鞋曬嘅，根本係同一盤黎啦，無再同職員講，擺明玩野，唔會再食大埔分店，好彩無做會員。