神石燒牛扒水產專門店 (如心廣場二期) (已結業)

平時排哂長龍，今次突登過左lunch time先黎食。無咁多人。加埋得8個人左右，好闊落。感覺上好似全自助，但係依然要有職員企門口入枱號，加埋壞機，要人手找錢。職員亦會幫手拎石燒牛比你。 而沙津，飯，餐具，麵豉湯，樣樣野都係任食，同埋自己攞。特別在拎飯既過程：個飯殼共用既，浸左係一個裝有水既碗度，然後要大開個大桶飯，申隻手入去筆d飯出黎，呢樣喺疫情之下，我有d抗拒。見到有人無帶口罩，就咁大開個麵豉湯... 😦但係食物方面，呢個價錢絕對物有所值。幾成熟由自己決定，蒜片加少少洋蔥 配埋牛。普通既美國牛$85 雖然一大條根係度，但好易切，亦唔算韌。 另一個日本和牛$14X? 個牛肉味真係重好多！好好味 😋雖然話出去食預左污糟，但都唔係咁樣掛😅 我估疫情之後，我先會再黎試另一款牛。

星期六晚，唔洗等位餐廳環境頹頹地，白飯同湯自己任裝舊石好快就唔熱，換嚟換去先燒得幾舊肉叫咗個二人餐，$570有澳洲M8黑毛和牛，一般般有1++頂級韓牛，無牛味，少少難食清酒煮蜆，唔想評價，無咩特別仲有個豚肉，本來熟咗嘅，放上舊石整返熱，嘩～一咬落去，硬過舊石，乾到。。。真係好難食成餐食咗3舊肉就食唔落叫咗枝神石手工啤，手工啤真係唔好亂嗌，都幾難飲成餐飯我覺得好慘同樣價錢大把選擇大家真係諗清楚先好坐低

之前經過見尼間好多人在等位！今天下午放假見佢有平日限定11:30-18:00hrs! 又唔多人！咪試吓尼渡嘅牛扒因自己平時食牛扒最少要七成熟！尼渡就最啱我！可以自己控制牛扒嘅熟度$60可以食到牛扒仲可以任添飯+沙律+麵豉湯不過我選嘅美國天然牛扒唔及朋友叫嘅美國安格斯牛膈膜好食！偏硬！而佢標榜系用日本米煮嘅飯，我就覺得麻麻哋！

神石呢個名一聽就知係食石燒牛，呢間店係門口有部機買完票先入座，員工非常友善同主動咁幫手落單兼講解。我叫左個150g嘅澳洲M6黑毛和牛肩胛里肌，肉質軟淋唔會硬，肉汁豐富很有牛味。另外，白飯味增湯同沙律都係自己出去任添，一定可以食到好飽，白飯撈燒汁非常好食。中午來食價錢比晚上食價錢更優惠，整體來講，呢間店嘅食物都好高質。

成日夜晚經過見到排曬隊， 試排15分鐘睇下有冇位， 差不多15分鐘第四張檯就到我哋入喇。試咗價錢比較便宜嘅牛膈肌， 賣相都唔錯， 疫情下唔敢試沙律，淨係裝咗白飯同湯。石板都夠熱，幾分鐘牛肉就有五成熟， 見到有燒肉汁另行加上， 另外有好細mud蒜蓉汁另上， 另上嘅蒜蓉汁味道比放枱上面嘅好， 雖然唔係叫貴嘅牛肉，但係牛膈肌肉質鮮嫩， 就算overcooked咗都唔韌， 加埋蒜蓉汁送飯yummy 唯一就係呢度唔係傾計嘅地方，比較open亦都唔係坐得特別舒服。

荃灣西站附近e家幾個大型商場開緊，愈嚟愈多新既鋪頭同餐廳開左，好值得去行吓街食吓野。同朋友經過見到民間石燒牛好多人排緊就好奇想試試。鋪頭門面唔算大，有少少逼，不過都唔駛排好耐隊先入到。食物花款相比其他同類鋪頭多，肉類有唔同部位同級別既牛🐂，都有五花腩🐖等，仲有海鮮🦞配合唔同人口味。設置都係同其他鋪差唔多，叫完扒之後出面有自助吧供客人自己添飯同麵豉湯。我同朋友2個人叫左三款，想試多少少種類，分別係M6肩胛里肌肉、A5薩摩和牛同五花腩肉。肩胛肉有咬口肉味濃，食落唔會覺得好膩。五花腩唔會過多肥肉肉質鮮嫩，唔食牛既人可以揀民款。A5和牛油脂較豐富，脂肪比例睇落都均衡佈滿係塊肉片到，食落去牛味好出，的確係一分錢一分貨。另外我地見其他食客會加餸加帆立貝等其他小食，望落去都幾吸引，下次會試試😋

牛扒有好多種有人鍾意食環境服務去扒房 有人鍾意特別烹調方式 慢煮熟成煙熏有人鍾意地道懷舊港式價錢平我就比較鍾意簡簡單單 講到尾舊牛質素最緊要黎呢道第一次記住㩒錢!! 排左20分鐘到揀野食先發現只收現金有d尷尬 好彩門口個工作人員可以借住先但始終要還 所以㩒定錢先試左佢最推介嘅A5薩摩和牛以價錢嚟講$2xx算非常值 雪花平均石燒完勁香口 D牛油配(無上限)白飯 = 天堂另外仲叫左件牛扒 比較普通+有小小筋加2件鴨肝 煎得唔錯 2個女仔份量剛好男仔就可能要食埋佢個自助沙律同湯先夠唯一可改善係坐位唔太舒適 仲有d迫但以1個人$200有牛有鴨肝有野飲仲有湯有飯1有沙律任食 CP值都幾高明白點解疫情期間都要排隊

上次經過門口比陣燒肉味吸引左，今次就專誠嚟食。由於限聚令嘅關係，餐廳有一半座位都唔坐得，變相等候時間都耐左。臨入坐之前，店員會協助你用自助點餐機黎嗌嘢食。(似日本食店咁) 點好之後就安排入坐。除咗你用自助機點嘅食物之外，side dishes 同餐具都係自助嘅。出面櫃檯有沙律，麵豉湯同珍珠米白飯比你自己決定食多食少。如果你怕食到件衫污糟嘅話，仲有即棄嘅圍裙俾你用。我哋叫左 m6肩胛里肌 (220g)同 美國黑安格斯牛隔肌(300g)再追加左一客匈牙利鴨肝。石板燒好夠熱，桌上放咗岩鹽同燒汁俾你調味，不過切件嘅速度要同時間競賽避免牛扒過熟。m6肩胛里肌(200g)分量好夠，我自己鐘意食5成熟，雖然牛味唔算好濃，肉質有汁富有油脂口感，入口都唔硬。而美國黑安格斯牛隔肌(300g)分量夠哂男士食丫，肉質偏向軟身，牛味比夠重反而油脂反而比較少。m6肩胛里肌 (220g)美國黑安格斯牛隔肌(300g)最驚喜嘅係個追加鴨肝，好大件好夠厚。仲好夠熱，d油分流哂落底下嘅多士。入口小小脆面，味道好香濃。$35呢個價錢係值得一試。

外賣自取點了神石牛扒+M6肩胛里肌滿心期待，拿回家看真係呆左！燒到柴皮咁乾！食完更加唔好講好味！珍珠飯凍嘅！服務員態度冷淡，3個女侍應見到我入到去仍只顧傾計！叫咗2次hello至好唔高興咁回應！咁嘅價錢咁嘅質素及服務態度真係好失望！

🔶日本A5薩摩黑毛和牛肉眼 $355/200g(💡7/10)先講牛肉其實ok，油脂豐盈，按自己喜好的生熟程度放上熱石烹煮，再淋上燒肉汁，味道不俗😉重有沙律，日本珍珠米，麵豉湯，以自助形式自取 ————————————————但！食店有幾個位真係要改進下！首先價錢同岀面燒肉店無咩分別🤷🏻‍♀️但人地起碼坐得舒服雖然店內食材質素本身無咩問題，但肉切到好碎又參差不齊🤨服務唔使講，就一定冇㗎啦，環境迫又窄，石板彈油重要凍得快，食到又辛苦又趕😅————————————————總結只係貪塊石幾得意😂唔洗排隊可一試既，要排就真係唔值得🙂可一不可再by C#sissyfoodie

難得今日係星期日，決定揸車仔同老婆去到荃灣區食午餐，唔知食邊度，所以搵嚟搵去，決定去如心廣場嗰邊到食野。行完如心廣場第一期同第二期，老婆都係決定去食燒牛扒。聽同事講話呢間神石燒係幾好味㗎！佢話我知又重牛肉味，好肉汁，好好食。好啦！今次就試吓啦行到去餐廳！門口有一個女侍應嚟服務我哋，原來係要入餐廳前，俾咗錢先。嗰度就好似日本咁樣樣，係將啲錢入落部機器入面，就會出咗張單，先至可以入去食。入咗去之後，環境都算唔錯，仲有自助吧添。嗰度有薯仔沙律同埋蔬菜沙律俾你選擇。又有兩大兜嘅麵豉湯，同埋日本既座米。等咗5分鐘都唔夠，手上揸住部機就嘟嘟嘟咁響，去前邊嘅自助吧度攞牛扒，聽到滋滋滋既聲音，有種莫名其妙嘅興奮。大大塊嘅牛扒，係熱石上邊燒，已經聞到香噴噴嘅牛肉味，我同老婆就正正式式据牛扒啦，又可以自己控制牛肉五成熟七成熟九成熟，真係好好食㗎。

聽過呢一間神石燒，一直都想來試，夜晚六點幾嚟到，見到唔使排隊，咁就即刻入去試吓啦！入去之前要先喺販賣機用現金買餐券，職員會喺旁邊協助，買完之後會量體溫、指示入座位置。叫左一個美國金裝和牛150g 同埋元氣雞！始終呢度係一間自助嘅餐廳，需要自己去拎水、沙律、飯、餐具。來來回回都好多次下，餐廳亦沒有托盤提供。塊石都keep幾熱下，肉質都唔錯，但肉片大小厚薄不一，亦有兩舊係充滿脂肪，食唔到..雞正常，冇咩特別！餐廳會有圍裙提供，都幾貼心。如果想試吓石燒嘅話都可以嚟一試。

荃灣如心廣場二期開咗一段時間，有好多唔同種類嘅餐廳進駐，趁今日平日，同屋企人去試吓呢間鐵板燒，由於平日嘅關係，再加上我避開繁忙時間，店內人唔多，坐得鬆動。呢間餐廳採用嘅係先買票後搵位嘅模式，類似日式拉麵店，平日有優惠套餐都係50至$60左右，我哋叫咗一個神石美國天然牛扒，燒日本赤魚，同埋鹿兒島南國元氣雞。佢牛扒係幾好味嘅，雖然係$60 ，但性價比好高，份量唔細，幾香牛味，用鐵板燒到四五成熟，啱啱好。赤魚比我想像中軟身，無乜口感，中意食滑口魚肉既人應該會ok，但我普通啦，但味道唔差既。元氣雞係另外一個出色嘅，因為雞肉好滑，係鐵板上面燒到好香脆。呢間餐廳另外一個特色就係白飯味噌湯同沙律任裝，飯係日本米，我自己就鍾意味噌湯裏面加少少白飯做泡飯，飯桶一定要黎試吓

real talk 可一不可再次次經過見佢打哂人龍,D肉又幾香..今次收早就入去TRYTRY.第1點.大佬人地做拉面/小食放部機$100樓下就話姐..你賣肉 2個人食個SET都4XX~5XX 要收CASH 麻煩..要洛返去樓下EPS第2點.間野超細 300呎左右,張table都好細,好有壓迫,面d人又吸住你食,聽到哂你地講咩,傾咩計..無feel.....出去拎飯/沙拉/都會撞到人...仲有連個set都要自己拎..ZZzzzzz第3點.食材..吾好有期望.叫左個A5同美國牛.....美國牛>A5和牛 美國牛仲好食過A5牛...A5牛有塊同粒脂方肉差吾多..整體:可一不可再

星期日去食，見度度都要排隊，呢間唔洗排，就入呢間食。要先係出面部機自行點餐，叫左一份黑毛豬扒同一份美國黑安格斯牛扒，再加左隻蝦。另外店內有飯、湯同沙律任食任飲，但比係食過另一間鐵板牛比較，佢既湯同沙律一d都唔吸引。到餐時，拉開張紙，佢既鐵板比起出面既鐵板熱幾倍，黑毛豬扒一切，其實入面已經係熟哂，再加上鐵板好熱，令到黑毛豬扒質素變更差，有*鞋*既感覺，另外牛扒方便都係咁🤦🏽‍♀️，但d野食如果佢地唔係整到完全熟晒既話，食物本身質素應該唔差，鐵板仲不斷彈汁出黎，直到食完都仲有彈，咁大家可以諗下塊鐵板熱既程度有幾熱咁岩我個日去著短褲，係咁彈到大腿，要搵圍裙遮住大腿，另外，蝦，加左30蚊一隻，係大隻既，同有蝦膏。呢間真係黎完今次唔會再光臨