神石燒牛扒水產專門店 (如心廣場二期) (已結業)

餐廳環境：餐廳環境當然好，雖然唔大間，裝修唔係華麗，但勝在企理，俾到人舒適既感覺，通風亦唔錯，食完出番黎啲衫都唔會痴晒煙味✅店員態度：店員好親切，服務好好，用傳統石燒既石板唔夠熱會好快幫手換，明火石燒既如果蠟燭熄佐都好快會幫手換，又會介紹下有咩優惠推廣，認真好服務❇️上菜速度：點完食物廚房就即刻準備，基本上好快就會先放好爐具，再上食物，其他湯/飯/沙律果啲就自助，refill得幾快✳️主角就係呢個夏日限定既檸檬塩糀牛舌及牛五花盛，200g就$109，認真抵食，識食一定係食呢個，牛舌同牛五花已經用檸檬同海鹽醃好，加埋啲蔥花，一燒就食得，肉質好好，有質感又嫩滑，牛味加埋檸檬帶出鮮味，又有鹽去調味，絕對係美味可口🔰

個人評分美味度：😋😋😋😋😋整潔度：😍😍😍😍😍放咗工嚟到《神石燒》享受我嘅一人豐富晚餐，補充呢一日耗盡嘅體力和精神。餐廳細細，環境簡約整潔，令人食得好安心。明火石燒：澳洲M7黑毛和牛一人盛呢份一人盛，包括有牛舌，牛五花和美國牛安格斯。❣️牛舌肉質柔軟鮮甜，Q彈有口感。❣️牛五花肉甘香鬆化，充滿油香味。❣️牛柳安格斯肉味濃郁，啖啖牛肉味。額外追加：1️⃣牛舌串肉厚柔軟又彈牙，燒到牛舌外皮香脆，入邊肉質柔軟，非常有層次感，好好味。2️⃣雞肉串鮮嫩多汁，雞味十足，去抹上辣辣地嘅調味醬汁，味道更加豐富。

以前久唔久都會黎食 印象中質素係唔錯中上 百零二百蚊個餐好夠食有突今次行過見到個餐做優惠劈咗半諗住睇下係咪真係咁著數一人餐 手機落單寫住各60g安格斯牛肉 60g牛五花 60g牛舌 60g然後黎到各樣係兩塊薄薄地肥牛咁其實唔預咁平會係特別好質素但目測加埋成碟只有100g同以往食開180g / 200g餐 差距好遠職員同以前比完全無心機Serve客 如果係咁少野我會嗌番平時啲餐以前枱面有粉鹽 胡椒 同肉汁 今次黎啲粉鹽放到變橙色都無人換 個胡椒樽附近兩個都係用唔到埋單$77 求其食完就起身走 見到其他食客都係比人hea serve 係有少少唔開心可以唔洗再黎呢間 啲人轉哂之後 無哂質素

今日好想食肉，一search就search到附近呢間石板燒肉😆出乎意料價錢幾實惠，同埋質素幾高！🐂極上原條厚切牛舌芯👅牛味好重，但係完全唔腥！肉質幾鮮嫩，好易切，而且多肉汁，可以自己調節要既生熟程度，送飯一流🍚🦪日式磯燒鮑魚🖐🏻另外追加既鮑魚有手掌咁大隻都只係廿幾蚊，好抵食！鮑魚好爽彈易咬，冇海鮮既腥味🤤🥗沙律吧-飯&黑豚牛舌洋蔥湯🍙叫餐係會送埋沙律吧，有飯、飯素、湯同沙律任食，質素都好好，特別係個湯肉味好香濃，飲左勁多碗😋整體黎講體驗真係好唔錯，而且環境幾乾淨，冇上網講咁大陣油煙味，值得再黎👍🏻

第一次來到荃灣食肉，呢間主打食燒肉，分別有雞、牛、豬肉，發現呢間餐廳特別多選擇，比起一般既燒肉更多選擇，同埋花款都多，價錢抵食♥️♥️日式泡菜湯♥️呢個湯好有泡菜味，裡面同時有好多料，做得好入味，實在係好飲♥️雞肉串♥️呢個雞肉串係我另加$12再叫，價錢黎講真係好抵食，咬落去雞肉好嫩口，又好食不錯♥️雞胸軟骨♥️呢一款雞胸軟骨又幾惹味，雞胸肉超好食，又夠肥美，都只係$12傳統石燒：♥️神石美國PRIME牛扒♥️第一次就擇呢一種美國既PRIME牛扒，原來呢一款牛扒既肉係咁有牛味，咬落去又有質感，份量剛好，啲牛肉好靚，係好少食到咁靚既牛 

今日一個人黎食午餐，食一人火山燒肉盛既北海道千歲豚肉盛合，依家做緊半價優惠，只係$59，超抵‼️豚肉有3款，北海道千歲豚肉，西班牙豚五花，西班牙極豚肉，款款新鮮。北海道既豚肉係最滑既，入口即化，豚五花比較肥，脂肪較多，但豬味更濃，極豚肉比較有質感，豬味香濃，全部燒完都好香💢呢度湯同白飯都任食，湯有兩款，黑豚牛舌洋蔥湯同埋日式泡菜湯，黑豚牛舌洋蔥湯就味道複雜，有豬有牛，加埋洋蔥提味，日式泡菜湯就酸酸辣辣，飲落幾開胃，另外白飯又可以加紫菜，用啲肉黎配住食就最夾♨️

🚩 神石燒牛扒水產專門店每次一入如心廣場都聞到好香肉香味，原來喺2樓有間自助燒肉，而且仲有任食嘅套餐‼️〰️〰️〰️〰️〰️〰️〰️〰️〰️〰️〰️〰️〰️🌈四類肉任吃 $139/75mins✨澳洲穀飼100日牛扒✨美國黑豚舌心✨西班牙極豚肉✨美國天然無激素雞扒一落order店員就會先上牛扒，牛扒肉嫩，但又唔係落咗泡打粉嘅感覺～不過略嫌牛肉味唔係好重，重啲會陣間和味🤤豬舌心真係第一次食，口感冇牛舌咁爽彈，食到中間有少少豬豬嘅味～豚肉片好睇火候，石板太熱好易會燒到變豬肉乾🤭除咗肉肉之外，出面仲有沙律吧，千島醬胡麻醬任落🥹🥹而且仲有日本珍珠米飯加紫菜碎，落埋燒肉汁就可以自製牛角飯🌈日本鹿兒島A5和牛眼扒 $389/200g另外仲見到佢哋嘅A5都幾出色，同男朋友每人叫咗100g試吓🥹A5真係零舍唔同入口即溶，厚度亦都啱啱好，唔會好似食咗陣風咁😌

今日去到如心廣場嘅神石燒，朋友話可以有任食套餐🙀店舖雖然唔係好大，但位置都唔少㗎，仲有明火石燒，鎖住嘅肉嘅水份，每一啖都充滿油脂👍店舖入邊有半自助式，可以拎湯，紫菜飯，沙律及醬汁😍有三款任食套餐任你選擇，只要$200就可以食到M7 黑毛和牛😍真好抵紫菜泡菜湯飯，夾埋牛肉一齊食，真係好好味，而且泡菜湯好濃烈，微微嘅辣味，好開胃👍另外仲叫咗日本鹿兒島A5和牛肉眼，據說店舖而家做緊1蚊1g，好抵食😍😍粉粉嫰嫩嘅牛肉，望到都垂涎三尺😍唔使另外加油，牛肉嘅油脂同肉質飽滿，入口即溶嘅感覺，令人食到停唔到口，如果覺得太油膩可以同紫菜飯一齊食😍澳洲穀飼100日牛扒，厚厚嘅牛扒唔會好韌，牛肉嘅味道好濃每一舊牛嘅肉質都鎖死晒喺肉入邊，唔需要加太多鹽同調味料，保持咗牛肉嘅肉味，超級滿足😍牛舌心同埋雞肉都係任點，這店舖的肉質都非常嫰滑，$200 75分鐘真係夠回本😍10分我會比7分，店員態度一般啦，但可以用石頭燒牛肉，仲要任食，香港真係比較少，如果有都唔平，呢個價錢可以接受，而且肉質都唔太差

昨晚試完任食放題，真係大開眼界，食物質素差，厚牛舌很（蘇）, 牛肉質感非常一般，牛肉本身有咸味，應該不新鮮吧，肉又多筋，點餐送黎既肉，竟然係一大舊，完全唔切片先上枱，成餐飯很唔方便食客，雖然限時75分鐘，但咁既質素唔使限時，都無意欲再追加，店舖衛生環境亦一般，不會再光顧，完。是否打手文章，食過便知

之前book咗24-6-2023(Sat)嚟神石燒食晚飯,我見佢哋喺OR寫book咗位都要睇到時座位夠唔夠而安排,我同老公就比book咗嘅時間早15分鐘到嚟,我去到同經理講喺OR book咗幾點,佢即刻指我出去等.咁等咗一陣,佢安排兩組客人入去坐,我見到重有位,但佢完全漠視我哋,我就上前,佢至好似記得要安排咁.入座時,佢講一大堆嘢,但我哋聽完全唔清楚,而我哋兩人一共拎住四個袋,又冇多餘嘅凳擺嘢,有個女侍應行過就話俾我哋知有鈎掛嘢.安頓好晒後睇menu,就決定要$138.00嘅黑安格斯牛隔肌盛合同傳統~M7和牛盛合.兩個餐都有是日日式湯,同享有日本珍珠飯同沙律放題.再加$28.00要日式燒鰻魚同唔知加幾多錢嘅豚舌各一串.落完單,嘢食陸續到嚟.先上其中一個盛合,有張紙蓋住,唔知邊個嚟,揭開睇,有三種肉,分別係牛,豬同雞,呢個係黑安格斯牛隔肌盛合,係美國Prime黑安格斯牛隔肌,西班牙極豚肉同美國無激素走地雞肉.由於呢個只靠石頭仍有嘅熱力燒,所以我哋係較遲至食,差唔多最後至食佢哋.跟餐嘅蜆湯,啲蜆嫩滑冇渣,唔太鹹,OK嘅.味道:3.3分放題自己舀嘅日式泡菜湯,我試一啖,覺得佢係加咗泡菜嘅羅宋

這間連鎖石燒牛扒專門店於港九新界均有分店，提供多款牛肉部份及分量，適合任何胃口的人士，牛扒會預先烹調至一成熟，客人再自行使用石板烹調牛扒生熟程度。 餐廳採用半自助形式，客人可享用自助吧，有兩款餐湯、沙律、白飯任裝，更有一次性即棄圍裙，相當衛生。 檸檬塩糀薄切牛舌&牛五盛 300G 一片片薄切牛舌取自牛舌前段，口感較富嚼勁，配上檸檬和海鹽更清新；肥瘦相間的牛五花，柔嫩滑順，不會過於油膩；另跟配蔥及蒜，可自制牛舌蔥卷或蒜卷，相當特別。 日本鹿兒島A5和牛肉眼 200G A5級別的和牛有著霜降般的雪花紋理，肥美肉嫩，肉汁飽滿，滿嘴牛脂香，牛肉風味非常濃郁。 黑豚牛舌洋蔥湯 清甜的洋蔥湯有一粒粒蘿蔔，更以大量黑豚和牛舌熬成，肉香十足。 沙律 爽脆的日式椰菜絲沙律，可加入清甜多汁的車厘茄、粟米和青瓜等配料，再加入多款沙律醬汁。 現時惠顧任何肉類，可以優惠價錢$1/GRAM加配A5和牛，最少要加50G，最多則200G，只能追加一次。    

歡迎勇者試伏，神一般嘅難食建議大家磨利棚牙先好挑戰是日晚飯時間經過，俾佢做緊嘅牛舌promotion吸引試伏。叫咗2份餐，分別係#原條厚牛舌芯與圖片不符，只係輕輕介開表面，芯的部分較難熟#雜錦牛拼盤有幾款估計唔同部位牛肉，除咗漢堡牛，其他都需要有一定既牙力先食到無論係牛舌定牛肉都好難咬開，唯一擺得落口係舊漢堡牛肉，個嘴咀嚼到懷疑人生！無下次！不過職員姐姐好值得讚一讚，晚餐時間得一個人做晒樓面所有工作都無手忙腳亂

再次幫襯 不像如期預先 訂左壽喜燒相就靚 黎到一堆野本身好期待 浪費左我個餐quota好後悔🥲的肉 未解晒凍 衰過的凍肉鋪的肉應該就汁， 琴日2點 鋪頭都冇乜人 唉 預付都系伏冇心做 就汁左佢 止蝕啦—————————————-——————————————————————————-—————————————-—————————————-——————————————————————————-———————————————————————————————————————

叫左澳洲和牛配牛舌，同埋usda prime牛舌好食但係比較細舊，另外兩款肉肉味係好食，但都好多筋，有啲直頭咬唔到環境坐得唔舒服，油煙味好大，無乜抽氣重點係衛生好差，放餐具啲櫃好污糟，啲餐具又無洗乾淨好多污漬，水壺個蓋好多油漬同塵，個餐盤又油真係未食已經唔開胃，無下次

用了OpenRice 訂座服務，同一個4歲小朋友，剛剛到100cm,店員說一定要叫兩個主食餐。但當時下午餐時間座位只坐一半人。最後無耐地叫了兩個火鍋餐，份量很多，仔仔食量很少，根本兩人無可能食得曬，又無兒童餐可以揀。所以一家人如果帶小朋友就唔會幫襯。