神石燒牛扒水產專門店 (如心廣場二期) (已結業)

唔知大家中唔中意食燒野呢😋燒肉簡直係小編既最愛🤤神石燒係好適合一人燒因為佢係一人一個板同埋可以按自己既食量去簡🙈 小編冇食過lunch set不過成日幫襯佢晚市🥰 真係食肉獸既福音啊😎 希望快啲可以恢復晚市堂食啦😭到餐廳門口會係自己係點菜機前點菜😇先付款後入座💰佢地係半自助形式既☺️除左主食之外，沙律,白飯,味增湯都係放題😋 大家可以任拎😍當然仲有兩種燒汁同埋鹽🧂胡椒粉係坐位附近方便客人調味😚🎀美國頂級牛肉稀少部位三重奏(二人前) 週一至四 $275/300g 週五，週末，假期 $310/300g成個套餐係包 美國極級黑安格斯牛頸脊🥩，美國極級黑安格斯牛膈肌🥩，神石美國極級天然牛扒🥩 加埋300g😎🎀仲有兩個side三選一:1.美國頂級羊仔扒 2支骨120gm or 美國頂級黑豚150gm or 鹿兒島南国元気雞150g2.北海道珍寶帶子2本 or 日本廣島號2本 or 日本清酒煮蜆100gm 小編係簡左羊仔扒同蜆㗎😍❤️雖然份量來講唔算好多但性價比真係好高😋 肉類都好新鮮。最重要呢度肉類熟嘅程度係可以由自己控制☺️自己牛扒自己燒😆 味道自己調較😋😋😋鍾意食燒肉嘅朋友記住唔好錯過啦🥰

一家三口來食午餐，$440連加一，牛簿片雪到結冰給客人，一放上熱石便出水，是烚牛肉，不是燒牛肉，牛肉硬個石頭，熱石食燒了兩轉牛肉便不熱，食個午餐，要換三次熱石，全自助式取飯和湯，碗櫃飯碗有飯，衛生一般，價錢同質素成反比，食過一定不會再幫襯。

因為停堂食，周圍搵野食，剛巧經過如心廣場神石燒專門店，位職員非常有禮亦好主動出來介紹好野食，咁我見到價錢都唔錯亦算低食，所以叫左2個套餐一個套餐有300g肉.有肉眼，有鴨肝，有牛舌，另一個套餐有牛肉，雞，牛舌，2個餐都有沙律及日式珍珠飯，大約等左15分鐘左右就有，可能因天氣冷回到家已經有小小凍，所以換碟加熱，影相出來不是太靚餐廳已經預先幫你剪好一塊塊，牛好正好有肉味，鴨肝都好正，仲有牛舌都好味咁既價錢真係好低食，其他就正正常常，下次會試堂食

午市第一檯客，服務可以，叫咗$198任食90分鐘，肉上到嚟同餐牌上嘅樣完全不乎，仲要係結冰，硬實實嘅狀態，係石燒上不斷出水溶雪，最後食嘅感覺，好似白烚咁！唔會有第二次！

剛在迪士尼哈囉喂離開 想起登記了神石燒鑽石會員 有現金劵可用 便去了如心廣場店到達時接近晚上8.45 不用等位 店長介紹了2人套餐 88折後再減200元現金券 只需付 262元此店面積比淘大店略細 裝修保持一貫風格 帶有少許日本味可能過了晚飯時間 客人不多 只有5-6人 坐得很舒服2人套餐包括有日本A5佐賀黑毛和牛 共有八片 雪花分佈均勻 十分肥美 入口即溶美國安格斯牛膈肌 200g 牛味濃 美洲頂級厚切牛脷 120g 感覺有咬口 但不老美國極黑豚200g 比一般豬扒軟很多 一點也不鞋口北海道珍寶帶子兩件 普普通通日式清酒煮蜆 也不錯還有 自助區的兩款湯 分別是味噌湯及泡菜牛肉湯 味道都很好 尤其是泡菜牛肉湯 少少辣帶有甜酸味道 很開胃實在太豐富了 自助區其餘的兩款沙律及白飯 我們都吃不下最後 因為要消費500元才有兩小時免費泊車 而我們只消費了262元 店長還很貼心地給多了一張收據 令我們能享受免費泊車 很識做呢😘

打風過後，適逢公眾假期，原本和老婆大人去荃新天地飲茶，點知人山人海，要等30張枱，梗係走啦！轉過去隔離如心商場，見這店冇乜人，賣點係石燒牛扒之外，沙律白飯和湯水都係放題任食，價錢合理，咪試下囉！各自點了一個餐，包括牛扒、漢堡、雞肉、豬扒和牛脷，乜名就自己搵啦！上碟時，肉類都生，石燒熱度高，自己煎扒控制成熟度，啱啱好，整體肉質鮮嫰，好玩又好味。餐廳另一賣點係湯飯沙律均是自助任食。老婆大人吃了兩碗椰菜絲沙律（新鮮爽脆）、兩碗泡菜湯（辣辣地加夠熱）、一碗麵屎湯（吾夠熱味一般）和一碗日本米飯。如果係晚餐，我會追加秋刀魚和西冷之類，唯一建議係如果供應埋熱辣辣的麥茶就完美100分啦！座位擠逼度一般啦！我們坐面壁位，有隔板，空間算OK。招呼都吾錯，叫餐講解都有禮貌，我們添完又添湯和沙律，冇比人眼超超。有機會會翻食的。

呢間神石燒已經食過好多次啦😋食過返尋味👍🏻👍🏻通常我都係食Lunch 11:30-18:00，呢個時間係最抵食😍之前食開神石美國極級天然牛扒$69 （150g），抵食又好食😋今次轉食新野，美國極級黑安格斯牛膈肌 $89 （150g），牛肉是生的，放喺熱石板上自己燒肉，想食5成熟，7成熟都得😋牛膈肌不會有太多牛筋，肉質嫩滑。一舊牛膈肌加一片蒜片一齊食，真係好正👍🏻👍🏻餐廳設有自助吧，設有白飯、湯和沙律。留意番啦***白飯隔離有紫菜碎可加，一定要落，一次過食左2碗飯😂😂湯設有兩款有泡菜湯和麵豉湯，未必每次都有兩款湯嫁，有時得一款。

首先講環境，餐廳座位極小，所以亦好僻狹。餐桌位置小，放完石板之後根本無位置放其他食物，連用刀叉鋸扒的空間都沒有。最重要的是餐廳通風極差，完全不是正常燒肉店的抽風設備，因此油煙極大，坐了五分鐘已澀眼，未開吃已經喉嚨不太舒服。單單坐在餐廳已是受罪的感覺。第二，自取食物安排方面亦極差，只有很擠迫的位置，大概只容納兩個人的身位，根本無法應付整間餐廳的食客取食物。碗和餐具放在湯煲的下方，如果有人取緊食物，其他人就無法取得任何餐具。而取食物的位置，亦是石板出餐位置，因此極度危險，有很多家人亦帶同小朋友光臨，多次拿著熱湯比人碰撞，險像環生。食物方面，叫了二人餐，有豬牛雞各一，但味道完全普通，牛肉吃不出是澳洲和牛質素，份量亦偏少，食之無味。而自助區食物亦refill太慢，七點已經白飯冇，飯素冇，湯冇。是吃過最差的石燒牛肉店。最後服務方面亦普通，剛吃完最後一塊，侍應已馬上問係咪準備走，馬上清走曬桌上所有餐具，趕你走咁。

中秋節夜晚嚟到荃灣，試咗呢間石燒牛專門店～🚇距離荃灣西站好近，喺如心廣場二期入面好方便好易搵!今次試咗美國金裝黑毛和牛二人前套餐另外加點左厚切牛舌點餐係去點餐機自己禁，有種返左家鄉既感覺🇯🇵😂😂😂白飯、沙律、湯都係放題式自助任拎湯有兩款，麵豉湯同埋泡菜湯我同朋友發現泡菜湯撈飯好好食🤣燒既時候已經聞到好香，而且牛味濃郁因為燒完d和牛塊石板已經凍左，店員都好主動幫我地換石板🙈唔知係咪我哋食得太慢，前前後後都換左好多次😂但店員態度都好好，值得一讚～厚切牛舌真係好厚，又爽口😋牛膈肌同雞扒都係自己燒，而清酒煮蜆同虎蝦就係鋪頭整熟再上。雞扒燒到d皮脆扑扑幾好食～下次都想再試埋其他set😚

第3次食，同事服務好好，雖然係半自助形式不過態度友，飯湯沙律不停加，會再黎喲。沙律有4種source選擇，白飯之外仲有味素添加湯都有2款選擇唔小心倒瀉野，同事有幫手同埋重新幫手攞野。

好好好好食，咁嘅價錢算唔錯值得一試服務哥哥的態度唔錯 ，上菜速度快全部飯湯沙律都是任點不過就係小心鐵板牛扒嘅油會彈到身上的衣服鐵板燒到一半唔夠熱可以換我食牛嘅部位係牛隔肌

一直好想試下石燒牛肉，剛好經開荃灣見到，就上網經OpenRice 預訂檯及套餐今次經OpenRice 預訂了（澳洲M8黑毛和牛2人前），原價$299，經openrice 訂座同時訂餐滿$200即減$30，二人餐只需$269今次我地係三個人去食，而過90cm高的小童亦需要加一份餐的，如果要帶小朋友去食就需要留意了另一個餐我加了一份A4和牛呢，好好食呀講返食物質素，係唔錯的，至少呢個價錢對得住食物質素下次可以再試其他餐

之前旺角店吃過不錯, 所以荃灣店再試先說下單外賣的惡劣問題約18:00在排隊外賣, 隊伍有左方和右方(其實也不知是左還是右), 我是在左方排隊時發現有問題(店員指教是堂食排左外賣排右), 所以轉到右方排的, 等至前方沒人到我時, 跟店方溝通了跟我說等會, 結果站至18:25也沒人理會, 所以離開了-W-約19:00再排, 又是在右方排至到我了, 還是請教店方, 外賣下單的情況, 還是跟本人說等, 很好的, 我又等到了19:30, 等到也沒人理會, 一堆人也進店了, 自己又再離開好的, 東西也買了一定數量, 時間是19:50左右, 再排隊, 這次到我時, 我問了店方是不是外賣可以下單, 店方說可以, 但轉身後也忘記了我的存在似的, 至20:10時, 我看到在我後方的人也進店不分, 外賣也沒人了, 所以連著怒氣的語氣問店方, 我可以下單了嗎? 終於店方有人回應了, 最後20:13時下單成功, 20:30取得食物, 這麼長的可以的外賣下單等待真的還是第一次, 雖然店方說店員訓練不足資歷較新, 但包括我在內明顯也超過數人也遇上這情況, 只是除了我全也走掉了就是。 2:餐牌問題下單時, 店方說加

荃灣開咗唔少石燒牛肉餐廳，但係好多都係份量唔係好足夠，但係呢間真係食到我飽，兩人晚餐點了一份「日本5A佐賀和牛二人前」套餐，份量非常多，有日本5A佐賀和牛100g、美國極黑豚，美國安格斯牛隔肌、美國頂級羊扒、北海道珍寶帶子、日式清酒煮蜆。外面自助沙律吧和白飯任食，整盤套餐上桌時非常震撼，滿滿的肉類，首先當然要吃黑毛和牛，均勻分布的油脂雪花真的好吸引，鐵板燒五至10秒即可，入口即溶的感覺真好，非常香油脂味。然後享受牛隔肌，肉質比較有咬口，灑上黑胡椒和岩鹽真的一絕，然後燒一燒珍寶帶子，軟滑口感中和油膩感覺。接下來是頂級羊扒，微微的羊蘇味，肉質鮮嫩，肥瘦適中。最後吃到黑豚已經非常飽，肉質彈牙有咬口，完全唔會覺得老。期間仲可以去享用麵豉湯，換了三次石燒版才能吃完。啱晒食肉獸！

🍽🍴🍽🍴🍽🐮🐮🐮🐮🐮🍴🍽🍴🍽🍴🍽-Lunch time時段去咗試佢哋個lunch set，佢同其他石燒牛扒店一樣，都係任食沙律、白飯同埋有麵豉湯任飲，味道都正常。座位上面有齊黑椒同埋海鹽比你，想點煮全部由你話事。每塊牛上面亦都加左蒜蓉同埋洋蔥比你吊味。-🥢匈牙利鴨肝拼神石美國牛扒150g $85 🆖-呢塊美國牛扒個size有啲薄，比起早餐牛扒厚少少😂通常食牛我都中意食五成熟，不過因為塊牛比較薄嘅關係所以好快就煎過咗火。我寧願佢切得細舊啲但係厚身啲，咁樣食落會比較有口感。整體牛味亦唔算特出，覺得一般。匈牙利鴨肝味道尚算正常，不過不失。-🥢澳洲M8黑毛和牛肩胛里肌150g $95 🆗-呢塊牛就大塊啲同埋厚身啲，食落牛味相對比較重同埋較有口感，生熟程度都比較容易控制。建議放棄個鴨肝食呢一個set好啲🤓-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 6/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 6.5/10-🍽🍴🍽🍴🍽🐮🐮🐮🐮🐮🍴🍽🍴🍽🍴🍽