神虎麺商店

營業中

休息中

D人成日讚到呢個品牌天上有地下無，過往都成日光顧，但近年我覺得真係唔得。個湯勁咸，d麵糊曬，湯又唔熱，價錢又過分進取，得豬腩肉同筍好食。炸雞夠大件，粉脆肉滑但無味，我食那件部分肉更未熟透，炸蝦餅無乜特色，芽菜仲要比$⋯⋯失望

平時經過呢間拉麵店都會見到有人排隊 嗰一晚收工收得夜見到冇人排隊就即刻入去試 到底有幾好食🤔湯底(黑虎, 海老虎)黑虎即係黑蒜油拉麵 🧄黑蒜油再配上豚骨湯 相當濃郁 散發著濃厚的蒜香 海老虎就係蝦湯拉麵 🦐係豚骨湯配上蝦油同埋櫻花蝦 湯底清鮮 鮮味十足 黑虎比較適合喜歡濃郁口味的食客 而海老虎就是海鮮愛好者既最佳選擇 麵跟配料而麵條都好彈牙 🍜吸附湯汁的能力極佳 每一啖都充滿滋味 基本既搭配配料有叉燒，木耳，肉丸 份量比較少 如果叫精選 就會有埋紫菜，味付筍，糖心蛋同豚腩肉 最特別一定係叉燒既嫩滑 因為佢哋係用西班牙豬肉🇪🇸入口即溶令人回味無窮 其他配料如紫洋蔥和蔥花 為呢碗拉麵增添左風味 整體清爽而不膩呢間拉麵店會不定期出季節限定 今次試咗佢哋嘅signature 整體都好滿意 下次就番黎試吓佢哋季節限定！😋神虎麺商店 (灣仔)灣仔大王東街6-16號安東大廈地舖🚶Walk-in

令人又愛又恨嘅拉麵，湯底超濃味，不過本人覺得鹹，食完好口渴，有啲漏，平時食飽午餐三個鐘就會肚餓，食完呢餐五個鐘都唔肚餓🫠，可以夜晚唔使再食嘢幫助減肥今日其實係食咗黑虎精選，豬腩肉都幾肥下，黑蒜味不算強烈，湯極之濃，偏鹹。 所以下次可以是其他味道了。不過午餐時間真係好多人，一定要預多啲時間，因為永遠都係有條人龍喺度排隊，呢間始終人氣旺。但係都希望建議佢可以做好啲，因為今日坐左係吧枱，廚師卻將三包肉連汁料放在我們吧枱前面高一點的地方，其實有點倒胃口。最好不要放在客人面前比較好，希望佢哋可以改善下啦

午餐行過，見都有d 人排隊就試下。🤔神虎拉麵 湯底：飲第一啖，覺得好味喎！夠甜夠濃郁，味道似一蘭，但比起一蘭質地清d 冇咁膠質。但係食到最後，覺得受拉麵影響，多左少少鹼水味，湯頭味道冇咁清澈鮮甜了。拉麵：好普通，係最傳統黃色生麵中粗度嗰種，初頭食冇咩鹼水味，但食食下，覺得浸係個湯耐左，有影響湯底變得冇第一啖飲咁清甜。材料：叉燒幾甜，質地唔算最嫩滑，薄薄爽彈嘅質地。比其他拉麵多左豬肉丸，係自家製嘅質感。質地腍腍地，有啲胡椒味。溏心蛋唔夠入味。東京莆田發 （期間限定）$148怪怪嘅名字，令人好奇個味道，就貪新鮮點左。  湯底：味精雞湯味再加一啲菠菜味，唔知想點嘅味道，同埋太鹹！麵條：如上面所述，最傳統黃色中粗度嗰種。材料：叉燒有肉香味，但質地有少少實。有片炸魚，外脆內滑，都唔錯。仲有兩隻蝦，係雪藏嘅質感，爽口但冇乜味。總結：麵條材料okay，但湯底唔get。唔推薦。

同朋友灣仔搵食，經過見到有啲人氣，排咗一陣就有bar枱坐。聽過來自大阪喎，梗係要試下，本身都冇特別鍾意拉面，反正個人口味唔同。我地叫咗神虎拉面，赤虎精選，炸雞。神虎拉面 ：面份量都多嘅，面質偏軟，欣賞佢個湯底濃得唻唔算咸，本人唔鍾意咁咸嘅。叉燒好薄片，比軟柴皮同乾，可能因為比較瘦，但我雖然瘦肉，所以接受😉流心蛋真係好流心，本來諗住冇咩調味，點知一食，好咸囉🤮有兩粒手打肉丸，肉質好腍。赤虎精選：偏辣但唔香，多咗五花腩，荀。試咗少少五花腩肉，超咸。炸雞：炸粉唔夠均勻，但唔太乾嘅。

對於油膩濃厚的豚骨拉麵，本人一向不太欣賞😅但見這間神虎麵商店如此受關注組推崇☄️也決定敞開心扉😝看看其出品是否能令我改觀😆———————————————————————這次點的神虎就是最傳統的豚骨湯底款式🐷首先湯底質地濃稠充滿膠質，味道濃郁的同時不會鹹到令人難以接受☺️表面能看到豬的油脂但入口不算太過油膩🙂亦沒有豬骨的奇怪腥臭味🤘🏻算是濃厚得來又令人舒服的味道🥳拉麵方面是偏粗身的款式，質感比想像中煙韌有彈性😋而且捲曲的麵條亦相當掛湯😙與濃味的湯底十分配合👍🏻配料方面有兩塊豚肉叉燒🐽雖然較薄但頗為大塊👌🏻肉質偏瘦沒有太多脂肪，肉質未算鬆化但亦不會太韌😃豬肉丸在日式拉麵中較為少見😮質感略嫌鬆散，未算太有記憶點🫢反而溏心蛋卻令人相當驚艷🤩全因其蛋黃的流心效果非常誇張🤣充滿蛋香味，絕對為這碗拉麵帶來畫龍點睛之效😎———————————————————————雖然這次用餐最令我念念不忘的是那隻溏心蛋😂但老實說這裡的豚骨湯底亦算是相當出色😛各方面都平衡得宜，備受好評亦不無道理🫡

這間拉麵店聽友人說會不定期推出季節限定的拉麵及小食。由於第一次到訪友人建議都係保守點，最後點了一碗店舖黑虎精選和海老虎拉麵還有限定小食大阪雞串試試先😬。 ⚫🐯黑虎精選配料共有九樣：（伊比利亞豚腩肉、豚肉丸、紫菜、叉燒、清心蛋、 紫洋葱、味付荀、木耳，青蔥）食拉麵第一件事當然是飲啖湯先啦，味道果然濃郁好香黑蒜油味，初食幾啖味道剛剛好，但食到中尾段越食越覺得咸😅但整體唔影響拉麵的分數。 這碗麵份量認真唔惹少足料之餘每樣食材都夠哂重量級，絕對適合每樣配料都想試的朋友仔。這碗麵不得不讚伊比利亞豚腩肉，其外型超級厚切，每層的分佈仲相當平均，口感鬆化仲有入口即溶的感覺😋。 其次是清心蛋溏心效果做得相當好，咬開時蛋漿慢慢流出，仲有淡淡的醬油味配上湯底一齊食味道相當夾。 另外值得一提的係豚肉丸這是本人比較少在拉麵店食到的食材，其口感好特別有少少爽脆的感覺，咬開時豬肉味唔算好重肉汁不多味道不錯。 麵質較幼身口感煙煙韌韌，吸入湯汁後味道更上一層樓，麵底份量適中剛剛好。 🦐海老虎🐯配料共有六樣：（櫻花蝦、豚肉丸、叉燒、 紫洋葱、木耳，青蔥）本人覺得這碗海老虎拉麵湯底不算太過濃郁，蝦味唔夠突出相對比較清，所

本人食過最鹹嘅拉麵湯底，今次叫咗赤虎拉麵，係好食但好好好好lan鹹，鹹到一個點，要飲勁飲水！要挑戰味蕾可以一試！腎虛就唔好去啦🙂‍↕️無可能可以咁重口味！點解個廚師好似機械人咁樣按比例落湯，完全唔使試味，下午去，未見人龍！不似網上評價第一名！可一不可再！另外叫咗一個蟹白湯拉麵，鹹到更加犀利！兩個湯底都係非常之咁鹹！個結論就係佢哋嘅湯底真係鹹到苦！一碗麵百幾蚊，唔叫好貴，但都唔平！唔明白點解可以做到咁鹹！一個字，鹹鹹鹹鹹鹹鹹鹹！

污嘴狗對拉麵要求都高～試左好多間都係覺得未至於要大大力推薦比大家～但今次終於發掘到好味嘅拉麵，不枉我哋就算交通唔方便都照去試！𝑭𝑶𝑶𝑫𝑺1〉神虎沾麵 $127麵條煮得啱啱好，滑滑嘅口感，加上特製嘅沾醬，味道好突出～醬汁香濃，食落去超級開胃！食完最後飲湯都唔錯～2〉熟成醬油雞白湯 $148（推薦🌟）湯底濃郁，雞肉煮得剛好，肉質嫩滑，吸咗醬油嘅香味，味道非常夠味！白湯清爽又唔油膩，飲落去特別舒服～3〉炸雞塊 $58（大推薦🌟）真係好滑嫩啊件雞！即叫即炸！上枱仲熱㷫㷫，肉質同肉汁一樣咁正！唯獨個外皮可以再改善一下，但整體都好出色！-環境．8/10服務．9/10人均．$130～160污嘴狗覓食指數．9.5/10#污嘴狗 #hkfoodie #hkfood #food #hkig #instafood #foodie #hkfoodblogger #hkpics #hkrestaurant #hkrestaurants #streetfood #美食 #好吃 #吃 #出去玩 #美味 #美食分享 #美食愛好者 #美食攝影 #美食旅行 #美食料理 #美食相機 #美食玩家 #美食小吃 #大角咀 #拉麵

神虎以前有去過大角咀果間咁大角咀同灣仔店d限定成日都會唔同之前去大角咀就係食限定蠔沾麵有一次灣仔店出左限定牛沾麵又係評價唔錯趁住支航里數到期要去支潤大廈換就順便試下灣仔神虎呢間神虎就係大王東街bakehouse格離平日星期三去到點零鐘去到唔洗排隊直入坐左個二人檯位置呢張餐牌其實我就無食過因為今日目標係呢個牛沾果段時間大角咀店係做緊牛拉麵所以緊係黎灣仔店食啦今次個麵太貴我就唔點炸雞或者炸蠔了而個麵都要等十五分鐘左右唔知係限定定點啦牛沾麵上檯果時侍應仲有介紹點樣食牛沾都跟半隻蛋幾好食牛有四塊都有厚度唔算嫩但有牛味侍應話個麵係日本麵同平時果隻唔同比較扁身同透明係更加之掛湯既而個湯同格離黑龍個牛湯唔同係白色既同平時雞白湯一樣打到起泡非常之濃同有牛味係入面不過就無料既食落感覺有d似以前泓一既雞沾再加埋碗麵本身已經有忌廉汁食落真係好似海鮮寬條麵因為個麵真係幾掛汁都唔洗點飲個沾汁食到最後已經淨番好少同埋聽侍應一開始講解個食法係最尾可以加白飯撈埋黎食而唔是加湯飲呢個忌廉湯飯口感幾唔錯食完之後就係超飽個麵收188係幾貴雖然唔洗加一但個價位係香港都算係頂級不過亦都唔係經常可以係香港食到既口味份量亦都比起之

本身都好鍾意食拉麵，今日經過灣仔呢一邊朋友就介紹咗呢一間日本拉麵，入到去都幾多人，我哋係大概19:00去！我哋就每人叫一個拉麵，再加一個小食！海老虎，我就叫做呢一碗，佢係櫻花蝦做主題，主要係櫻花蝦嘅味道再加上洋蔥木耳同埋本身嘅肉丸，成個湯俾我感覺上唔多，不過有少少驚喜嘅係飲落去味道幾rich, 同拉麵都幾卦身，味道係match！ 餃子亦都非常出色，咬落去亦都非常juicy! 兩個人食一份小食就差唔多，啱啱好夠飽！價錢都唔係太貴，鍾意嘅朋友可以試吓！

灣仔有好多拉麵店見呢間有蝦湯底就走咗入去試海老虎 $108蝦味增湯好濃郁，面頭有一堆櫻花蝦🦐，聞落已經好香另外有兩粒自家製豬肉丸，一塊叉燒，少量木耳同埋紫洋蔥🧅叉燒軟熟入味，算係食過數一數二好食嘅叉燒！（個人偏好冧瘦叉燒）麵質反而普通，少咗啲韌勁神虎精選 $140精選有好多料：味付筍、叉燒、豚腩肉、豬肉丸、溏心蛋、紫菜濃郁豬骨湯底，塊豚腩肉大塊到嚇親😱整體嚟講有啲膩，比較啱重口味派🤔唔洗排隊嘅話，可以一試！

今日約左老婆仔響灣仔食lunch, 本身都係諗住食拉麵, 咁就上網搵下灣仔有邊幾間比較出名架啦.結果呢, 評分同埋口味我就揀左神虎. 咁一去到門口都有驚喜, 因為我同我太太都鍾意食蠔. 一見到就諗都唔諗點左呢個拉麵.好彩佢呢間舖頭有果隻保溫水壺, 我地決定唔叫野飲.雖然等個拉麵都需要一定既時間, 但到佢送到上枱果時係聞到幾濃郁既蠔味. 麵質黎講係好彈牙既, 湯底都好重蠔味, 仲有一pat綠綠地色既係"超級"重蠔味, 蠔既size都可以接受, .唯一黎講比較無咁好味既就係果兩舊雞肉, 因為佢本身又吸唔到個湯既味道, 同埋唔係話嫩口果種.仲有一片青檸仔同埋D洋蔥絲, 都幾點綴下既~整體黎講我係覺得呢個拉麵唔錯既, 亦都推荐叫黎試下,  雖然都成$148/碗. 不過以質素同灣仔區加埋黎計算係可以接受.不過可以既話, 加多隻蛋同埋紫菜我會加分...

經朋友介紹，試試呢間响灣仔區嘅神虎麵商店 🐯一如以往，既然係第一次食，直接揀最招牌，最多料嘅神虎精選。《神虎精選 🐯🍜》老老實實，可能因為朋友講到好好食，我對佢嘅期望係頗高的，結果係有少少失望。以下係分析：1. 香味 (2.5/5) - 首先想講，香味係足，不過唔係我喜歡嘅味道，佢似咩呢，中式豉油 + 花生油 + 豬肉燒賣嘅味。唔係話佢唔香，但風味太中式，我唔覺得係日式拉麵應該有咁嘅香味。2. 麵條 (3/5) - 中幼直麵，小麥香一般，配呢款湯我又覺得係適合嘅，我以下講湯時講多 d。3. 湯頭 (2/5) - 湯係濃郁嘅，但致命傷有兩點，一係真心太鹹，二係味道太似即食麵，豬骨味有但薄弱。不過咁，個麵本身唔多掛湯，拉高啜一啖麵嘅濃淡道算係剛好。我食拉麵9成9會飲晒湯，但呢款湯，我係飲剩嘅。4. 配料 (3/5) - 因為揀左精選，料多就梗架啦。先講腩肉，腍，香，幾好食，不過叫得腩肉就一定隔肥隔瘦，我個人來講都係覺得太肥左D。瘦肉部份，係好食嘅，雖然瘦，但都唔算un，可以算係有咬口，肉香係夠。肉丸部份，我覺得不過不失，有陣似香茅嘅味道，總之係有d東南亞風味。好野最後先講，就係溏心隻蛋，嘩

久久未嚐的超正拉麵，趁著假日一於番嚐！長長的燒伊比利亞豬腩肉，油脂神級甘香，一絲絲相間著的瘦肉柔嫩不已，達致極級的梅納效應！每條拉麵都排滿汁，極點之作！說到餃子，較其他拉麵店的大隻，皮是超厚的，不合朕意。反而唐揚炸雞雖則食到滿口油香，竟然令人食慾難止，慾罷不能，好味到爆！回說唐揚炸雞，雖然只叫兩舊，但居然每件都超級大舊，炸皮雖厚但就是應有的態度，雞肉的汁是咇出來的，怎會不愛？今日的我成功地打倒昨日的我！