祥仔 (K11購物藝術館)

營業中

休息中

今天點了正宗粟米星班飯。粟米爽口，白汁香濃，口感細滑，味道是很好的。但可惜醬汁的溫度唔夠熱，完全影響了味道。至於星班，都幾滑，但是有少少腥味。而最嚴重的問題，是那白飯！同醬汁一樣，不是熱的，只是暖暖的。原本如果醬汁唔夠熱，但係啲飯熱，都可以提升溫度，但現在兩者都只是暖和的，就沒法達到以上效果。另外，飯有生米的問題，亦唔夠米香，所以影響咗口感及食味。真心有點失望，希望下次再幫襯的時候，能夠見到問題得以改善，不要拆Ricky師傅的招牌！

一間餐廳的好，莫過於好食到令人回味。今晚我遇上了祥仔，我叫咗祥仔招牌之黑豚肉粒飯配上鮮粟米汁。這碟飯内之黑豚肉粒軟硬適當，入口彈牙，我一路食，一路從心裡叫好，飯又配上新鮮粟米及特別淆製的汁，我的口内已互動非常了。最後的結果是...沒留下一粒飯在碟上，但留下美好的進食享受。

因為星期六日都會去尖東跳舞所以經常會去K11搵嘢食經過祥仔茶餐廳好多次次次都無位要等今日始終食到喇話說咁多個上電視嘅大廚我對祥仔師傅比較佩服覺得佢唔花巧又真材實料雖然經常放四大舊牛油但係都知道佢嘅烹飪造詣非常高今日叫咗招牌嘅羅宋湯無乜驚喜沙律🥗新鮮茶餐廳啲招牌炸雞脾都做到汁多肉嫩我覺得係下午茶嘅首選然後滑蛋牛肉飛碟多士只能說賣相比食相優勝這份三文治OK喇 合格的我是衝着RICKY師傅大名來的所以就算排隊都要試下

多次希望光顧，一直不成行，今日獨個兒前行，肚皮食得大滿足！K11 的祥記，在假日特別人多。今日食了個午餐，鮮粟米。真。星斑飯$138 包餐飲茶走，加一（果然高級，印象中，唯一茶記有加一，又或我唔應該定佢為茶記！🤨）粒粒鮮粟米，個芡汁都好有粟米味，好似日本罐庒粟米湯咁！大大片星斑肉，米飯圓粒粒、軟綿綿！大滿足，好飽，食哂成碟！真係太過份了！好彩無加$20 要個湯或要多一個甜品！如果胃口少啲的女士，又或想試多幾款，便要share 啦！😋😋😋😋杯茶走並不是茶餐廳那種濃茶奶滑的一類，清淡不失茶香，可接受。😌ps: 個經理？🧐遠看好似Ricky San! 笑了！😄如果店員主動些，多點笑容，會令個氛圍更理想！唔係無禮貌，只係可以好啲！

厚切餐肉·炒蛋·兩日兩夜羅宋湯通粉$48、凍鴛鴦加$2、連加一，結帳$55👇🏼多士香脆，本身已搽牛油🧈，拿起可吃，多士有其厚度，不錯，喜歡😘👇🏼滑溜炒蛋，顏色鮮黃漂亮，喜歡😘一.沒有我不喜歡的重牛油味二.沒有油淋淋的賣相👇🏼餐肉是我的飛佛，何況是厚切，可惜這餐肉的味道實在太鹹😣👇🏼兩日兩夜羅宋湯通粉，非常足料，份量又多，味道濃郁，湯裏有蕃茄蓉、蕃茄塊、紅蘿蔔和各種蔬菜粒⋯，淡淡好味，羹羮滿足😘。這湯是沒有辣的，適合兒童和不吃辣的朋友👇🏼祥仔凍鴛鴦，香濃的咖啡味突出，所以奶茶味稍為遜色，但這咖啡味非一般茶餐廳的味道，應該是用不錯的咖啡豆沖調，挺好👌🏼明白要做到咖啡和奶茶味兩者平衡都是不易的😏🔱某一兩位職員的服務態度要改善，既沒有笑容又不殷勤，是否因人手不夠🤔，或是在培訓方面再著手

星期日假期出左尖沙咀行街，行到攰攰地諗住近近地響K11搵食，去左祥仔食野，5點左右佢話轉左晚餐，無問題啦！侍應話要一陣先落到單，連水都無一杯飲下，雖然無乜人，但啲侍應都好似唔想做野咁，態度又麻麻，我兩個人叫左個豬軟骨肉骨茶寬條麵+脆脆豬扒飯，豬軟骨啲肉一啲都唔軟仲硬過我啲牙，啲寬麵碎晒係咩玩法？最離譜係個豬扒入面仲係紅色，咬都咬唔到，同侍應講，佢竟然話係慢煮所以係咁，我就話想要熟啲，跟住佢就攞左入廚房叮熟佢，轉個頭又同我講，話個豬扒係有啲生，會整過一塊比我🤨再黎果塊好左小小🤏都唔係好想再食。今次真心伏，啲野又唔係平，點解可以咁既質素？😠

上次同男朋友去咗K11藝術館，咁啱見到呢間好似講到好好食咁，咪入去試吓，冇抱太大期望去試，我諗呢啲應該就算唔好食都係普通貨質，但係真係估唔到咁難食。.咁我地就叫佢最出名嘅豬扒飯，但係我想講佢啲飯超級多汁多到係直頭變咗爛飯，真係唔會覺得好食囉🤷🏻‍♀️另外個豬扒入邊唔嫩，同埋陣味有種說不出的怪😅完全食唔出佢邊度特別，特別難食？😂😂😂.食過一次真係覺得好難食，唔建議試😂😂永遠都唔會再幫襯

星期日諗住去間祥仔試下，一坐底見個餐牌，真係即刻想走，款式又少，剩係得粟米汁配豬肉，或者焗雞飯，成碟飯剩係得罐頭粟米汁有味，肉就冇味又難食，杯檸茶無檸茶味，垃圾

今日去咗K11行街，咁就試吓好出名嘅祥仔茶餐廳啦，點知換來一肚氣。排隊攞飛就已經受氣，圓轆轆女店員右手邊嗰度攞飛。😮‍💨等排隊入咗先經典，明明已經有四張枱係急冇人坐，清潔好擺好晒嘢，就係唔俾你入座，仲要面黑，黑過佢自己件衫，跟住我就同佢講啦其實你有咁多枱可唔可以安排咗我哋排緊隊嘅入去，數埋都係得個五個人喺度，佢話佢個訊號冇任何一個號碼，所以唔放我哋入去。最搞笑最後係話你唔好投訴，唔關我事，商場嘅攞飛系統有問題😮‍💨無下次

之前已經食過祥仔ge豬扒飯,真心覺得高汁,今次直頭堂食再次回味!套餐包湯包野飲但個湯都唔求其架!一樣足料好味脆脆豬扒飯係口到招牌炸漿同肉唔會分離,外脆內嫩令人回味係有原因的切開依然粉嫩,有彈性配上蕃茄飯,中和炸物的油膩感!但個人覺得偏酸黑松露鐵板燒雞仲出色松露味突出,超香雞仲要燒到雞皮帶脆身口感雞肉又有彈性,講起都想再食紙包冬陰功乳鴿係好有趣ge fusion組合!有辣勁,但唔多肉肉質嫩口柔軟,超入味!值得再次回味!

諗住比多次機會，始終想試下個栗米斑片飯，唉…都係同樣…失望斑片飯上有2大1小斑片，一個字已超級足夠形容……鞋，比蒸斑片更難食，斑片無油是真的，鹽分佈不平均，個汁已經足夠致肥，充滿奶味，不是我杯茶欖意粉$88，是素無肉，份量只夠一小碗，味道偏咸，不知為何好似蝦醬味再試萍果批，又中伏了，除了無玉桂味的萍果批，居然淋咗黑醋橫跨批面，not my favour

星期日下午茶前見不用排長龍就入內試一試，想叫班片粟米飯，售罄，話說每日只售15份，邊會食到…叫了脆豬扒飯，豬扒吉列皮硬，好彩豬扒肉厚身肉淋不硬，失望…飯以茄汁含豉油上煙肉温泉蛋長通粉，味比較咸，份量超少，雖然隻碟好大，但份量只有大約小飯碗，女仔都未必夠，男士無可能填飽半個胃，價錢收$128仲要加一，真係好搵易賺！羅送湯以為好特別，試後大部份坐位如連鎖快餐店般密集，價錢卻番倍甚至多倍，再加一服務費。

我們因為Ricky嘅大名見，尋晚去幫親呢間餐廳，叫咗牛油果沙津、脆脆豬扒飯（升級，連兩日兩夜羅宋湯）、新出的肉骨茶豬軟骨寬條面，同埋雪糕芭菲。牛油果沙津用料新鮮，有幾款水果，連紅菜頭等等，幾好味。脆脆豬扒夠脆，不過個飯就極之普通，同一般茶記的汁醬飯無分別！至於個肉骨茶，胡椒味極重，除咗辣，我食唔出有咩味。個豬軟骨一啲都唔軟，硬到可以練牙力！ 嗰個芭菲，大家唔叫也罷！四條百力兹插在雪糕上面，好似拜神咁！雪糕球嘅味，有椰子、綠茶同朱古力三款。不過味道仲衰過“牛記雪糕”！入面有幾粒生果，不過送頭髮一條！好嘔心。總之，無下次。

餐廳老闆係本地名廚Ricky 張錦祥經常係飲食節目都會見到佢但佢嘅菜式就第一次試啦餐廳門口設有自助取飛等位 夠方便試左個紐西蘭牛肉炒蛋福袋三文治配田園素菜沙律本身幾期待個藜麥沙律 雖然只係配菜但上枱只有沙律菜 小失望* 餐牌圖片真的是只供參考 !!但個牛肉炒蛋係推介嘅炒蛋好滑 牛肉大粒 有口感 唔係普通茶記嘅細片牛肉另叫左杯熱朱古力 味道非常濃 比較適合鍾意濃厚朱古力味的朋友環境： 坐得服務 光線充足服務： 尼到最大缺點係人手嚴重不足 店員會扮睇你唔到 舉手舉到手軟建議有QR code 自助落單可以大大減輕員工工作量

呢期Ricky San好紅，慕名去祥仔試佢嘅豬扒同其他食物，星期三（中秋節假期）下午2點幾去到，Poster寫下午茶2點半開始，但reception 位小姐話2點九先開始，都唔差好多，我地就企係度等同排隊，排到夠鐘，reception位小姐先同我地班客人講，要去部攞位機度攞飛，排左成村人，個個都搶住去攞飛，攪到好混亂，講左咁耐，講返啲食物喇。個豬扒真心好食，鬆脆軟’熟‘，個飯就硬左啲同唔夠熱，牛肉炒蛋三文治，個蛋好滑，夠juice 記得要即刻食，如果唔係，塊麵包就'琳'晒😅炸雞脾沙律，雞脾乾左少少，沙律新鮮花生醬西多士，花生醬完全塗滿整塊麵包，每個格都有花生醬，非常滿足😋整體嚟講，食物質素唔錯，可能人手問題，服務質素，需要改善。