祥榮餐廳

營業中

休息中

唔知點解但久唔久都會想去茶記食飯，貪佢選擇多，又夠頹，簡單嚟講即係comfort food🥹 呢間茶餐廳位於紅磡，最近翻新咗，環境光猛，卡位舒服，感覺乾淨又企理，經過可以試試佢～ 晚市二人套餐非常抵食，先有粟米雞茸羮，大大碗，好足料，上枱時熱辣辣，飲落香甜又滑，味道適中，唔淡又唔會過鹹！清蒸鯇魚同樣大大條，比出面茶記更大，魚肉滑溜，啖啖肉，骨頭唔多，大人小朋友都適合！中式小菜款式眾多，要咗個蒜茸牛仔骨，炒至入味，牛仔骨嫩滑多汁，唔嚡口，配飯幾match，好想加飯😂 飲品方面要咗西洋菜密同利賓納，甜度啱啱好，飲落幾解膩，整體用餐體驗唔錯👍🏻

今日學完車，係黃埔附近搵野食，試試呢間岩岩新裝修，入面又坐左幾多人既祥榮茶餐廳啦！茶餐廳提供經典的港式快餐，包括常餐、扒餐、快餐及鑊仔小菜等，簡直係「快、靚、正」👍🏻我點左個經典扒餐$128，揀左黑椒汁西冷牛扒配大蝦、意粉，跟餐仲有餐湯、餐飲及餐包送。餐湯揀左西湯，又幾足料。餐包就上枱係熱同軟綿綿，又幾驚喜。餐茶就揀凍奶茶，要加$3。鐵板餐送上黎，侍應會幫手倒黑椒汁，仲貼心遞上紙巾免得啲汁彈到衣服！牛扒夠大塊夠軟淋都不錯，大蝦連殼用炸漿炸起，食就有點麻煩。人均$131📍 紅磡黃埔天地奇妙坊(第1期)地下G7A, 7B 及7D號舖

近公司嘅茶餐廳之前一直都無留意開因為之前佢啲餐牌遮住晒個窗乜都睇唔到反正附近都好多嘢食就費事冒險入去又好似好隱蔽😹😹😹而家裝修完大大個玻璃坐窗邊位😍可以望到啲人行嚟行去好開心🤣而且都好乾淨企理有空間感唔錯唔錯🫧🧽約咗個同事開工之前去食個靚早先至返工啲早餐都幾多選擇扒餐/麥皮餐/三文治餐/粉麵餐/仲有菠蘿包餐幾有特色😸我就穩穩陣陣叫咗個魚柳歐陸早餐🐟不過其實叫魚柳餐都唔係好穩陣因為有陣時啲茶餐廳嘅魚柳處理得唔好最怕佢又酸又硬又有雪味😖仲要好似係好正常咁樣日日都一樣嘅味我真係唔係好明點解啲人可以忍受到食酸嘅魚柳？但呢間魚柳wow 喜出望外💕超滑無雪味炸得啱啱好亦都唔係細塊見微知著👍🏾佢其他食物相信都係有水準而多士都軟熟新鮮食得出唔係隔夜貨有陣時有啲茶餐廳係是但俾個包你塞住你把口就算所以成日見到啲人會食剩塊多士喺隻碟度但係佢呢度多士都處理得好好🥪烘底酥脆感受到廚房煮早餐嘅誠意🥰絕對唔會令人有想遺留多士喺隻碟嘅想法🤣我個同事食咗鹹牛肉蛋菠蘿包我見個樣都幾正爆餡而且個包幾軟熟佢都話好出色以後食早餐又多個選擇lu yeah🥳

祥榮餐廳係一間區內好耐歴史嘅餐廳，我最近去食咗佢哋嘅招牌菜祥榮焗飯，新裝修同以前真係有好大嘅變化。首先，嚟講祥榮焗飯真係啱曬貪心嘅我。一半係肉醬，另一半係蕃茄芝士焗豬扒，上面仲有一個煎蛋。肉醬同焗豬扒都好入味，焗飯有炒底，令整個焗飯更加豐富味道。煎蛋又香，加埋焗飯入口，真係好滋味。除咗焗飯，隨餐附送例湯，真係好貼心。喺食飯之前飲一碗熱湯，真係可以為整餐飯增添一份暖意。祥榮餐廳經過翻新，而家好開陽光猛，整個環境更加明亮同舒適。佢哋加咗屏風，增加咗一啲私隱度，令食客可以更加放鬆同享受食物。

星期日同D世叔伯去食早餐，祥榮喺區內幾廿年，以前質素都係一般，見佢新裝修，又有大枱，即管入去食下。叫左幾個早餐，都係麥皮，米粉之類既普通野，但佢地出野好慢。當日打風，心想可能order多, 都有耐心等候左接近20分鐘。但之後仍然未有野食，追一追單，侍應態度已經唔好，之後又話冇麥皮…我地問咁可以點做，佢話減返1蚊，個麥皮係值1蚊架啫。剛巧老闆路過，諗住反映下意見，點知老闆首先發脾氣，叫我地「以後少D黎」!個早餐真係冇可能食落去! 生意難做，個個都知，但客人都冇必要受你氣架? 佢仲晦氣話自己「喺度廿幾年，就執笠架啦，下次唔好黎!」一間咁冇心既餐廳，大家自行決定去唔去食啦!

晚上於店內用餐，食完之後，到收銀處用現金找數，那個在收銀處收錢，疑似老闆嘅人，掛住鬧店內員工，唔記得找錢，同佢講未找錢，佢堅稱自己已經找左，再三同佢表示佢真係冇找錢，佢話：咁睇返閉路電視囉！我當然同意！睇完之後，證明佢自己真係冇找錢！同佢講：都話你冇找啦，唔通我呃你幾蚊咩！佢居然話：我都係睇吓姐！佢完全沒有道歉，亦沒有意思道歉！食物已經唔好食，環境唔算清潔，地下油‘立立’，好似溜冰場咁！加上疑似老闆態度惡劣，永久黑名單！

那天晚上八点多来此店点单，因为是外带的单就在收银的地方报了一个猪扒饭的序号（这个饭是我在店外海报上看到的），怕在店里挑选浪费时间会打扰店家。收银人员摇了摇头（可能表示自己不懂），ok那我就翻菜单报名给他，用的是普通话。他听到之后问了我一句（说的是粤语+我带着耳机）我就没听明，我就问了一句你好你说什么？他直接大喊一句“我问你喝什么”（普通话）。我说冻柠茶谢谢。然后他超大声用一支笔点那个点单机器，一边斜着眼看我，过来留学一个多月了第一次被白眼，还是在我这么有礼貌，店家根本不忙的时候，下次不会再去，香港很多店态度都不错，很多人也都很好，不想把钱让此类店赚，ps味道也一般般。

之前一直不相信身边人的告诫说香港人很歧视内地人，因为来港半个多月，遇到的几乎所有本地人都很和蔼热情，即使语言有时不通也会很耐心的和我解释，我一下就爱上了这个城市，也非常感谢当地人对我们的包容，直到今晚走进了这家餐厅，一位楞楞地家伙自始至终没有正眼看我们，即使我们只用了20s点菜，他也表现出了一种发病式的不耐烦和轻视，甚至在上菜时毫不避讳的把餐盘扔在桌子上，发出噼里啪啦的声音，好在后面他们换了一个人和我们交流，才作罢。事后我反复查阅检视几个人的行为是否违背当地规则风俗，只得出一个结论，对一个群体的偏见会因为习惯与教育环境而长期刻板，真的很伤心，我不会因为个别当地人的所作所为去否定大部分人的热情，但我也希望一些当地人不要将内地人一概而论，希望餐厅可以改观

9點左右到冇咩人啲職員又唔忙 舉手落單 一個見到 走開第二見到調頭走要叫落單看肯埋黎落單叫野食 淨係跟A或B會錯意啫 唔使語氣咁差既爭你錢咩 比錢錢受氣 下次不了啲野食又還好 早餐店仲有好多選擇

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：9／10翻新左，光猛左，乾淨左，舒服左，仲更加好食，平靚正！！！⤫ 大馬站煲 ⤫ ＄８８即係豆腐火腩煲，燒肉半肥瘦，外皮仲有少少脆身，好大方落重蝦醬，味道更濃厚卻唔會過鹹，大口吃肉，簡單純綷～～炸豆腐外皮煙韌內裡軟滑，吸收哂芡汁~⤫ 祥榮酸菜魚 ⤫ ＄９８無咁油無咁辣，食唔到辣嘅人都會食到。魚片勁嫩滑又多，魚皮帶少少爽脆，湯汁奶白唔會嗆口，飲落好順滑，有啲似譚仔三哥湯底，卻多左份花椒香，湯飯超好食~⤫ 咖哩牛腩煲 ⤫ ＄88呢家咖喱係我最愛之一，咖喱汁勁香勁濃郁，撈飯真係無得輪，會忍唔住想食多碗飯。

以前讀書年代成日會黎食飯，貪佢多選擇又平靚正。之前聽中學同學講裝修完，隔左十幾年再黎，味道依然啦！以前細個唔會噏豪華食鐵板餐，今日趁佢裝修完，心血來潮試下食扒餐先！都算抵食，叫雞扒餐有三塊中型size嘅雞扒，茶記黎講算係叫多，起碼我唔食個意粉都會飽。我個中同friend就叫個大蝦牛柳餐，塊牛柳都大塊，同扒王/金鳳之類嘅港式西餐差不多！至於裝修完環境，的確係乾淨左、光猛左、企理左。喺黃埔咁多年嘅老字號，算幾好！

星期日早啲起床，嘆個早餐時間就更好洗～ 去咗黃埔區老牌茶記「祥榮餐廳」，最近重新裝修，裝修後環境好多了，光猛咗，卡位座舒適咗，感覺上衛生都好多了。點了最愛嘅「金牌沙嗲牛肉公仔麵」🍜，配炒蛋腸仔多士，再加個茶走，就係我最愛嘅早餐組合😆 沙嗲醬夠晒濃郁，牛肉份量都唔少。炒蛋都夠香滑，最啱配搭多士一齊食。「茶走」其實就是奶茶+煉奶，茶底夠濃郁，而且是滾熱辣，大讚👍🏻📍 祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖

以前讀大學嘅時候，間中都會嚟呢間茶餐廳，貪佢位置方便夠哂就腳，好耐冇嚟過，發現裝修有少少唔同咗，比起之前更加光猛乾淨，同屋企人有少少肚餓就去咗食晚飯小菜套餐：椒鹽豬扒 $78雖然有啲熱氣，但係真係幾好食，只係食茶餐廳，我嘅要求唔算好高，味道唔會太鹹，豬扒夠淋唔會黐牙，而且賣相都唔錯，最正梗係加埋杯凍檸茶，小菜套餐的例湯質素也不錯，當日選的是羅宋湯，勁多料，個人認為小菜套餐最值得推薦乾炒牛河即叫即炒有鑊氣，份量比起一般茶餐廳大碟，色水幾靚炒得幾均勻器，最怕有啲茶餐廳河粉黐埋一舊，始終餐廳經營左咁多年，質素穩定楊州炒飯因為有小朋友一齊食飯，炒飯粒粒分明幾香口，仲有唔少粒粒叉燒，炒飯唔會太乾身，味道OK—————————————————祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #香港 #

以前有食過幾次，但見佢剛剛裝修好，就同老公放工嚟食晚飯！新裝修令餐廳更加整潔明亮、座位舒適，夥計服務態度熱情殷勤，不錯嘅第一印象！店員推介我哋點鐵板T骨牛扒餐，隨餐會跟例湯，我哋點咗中湯係消暑冬瓜湯，湯煲得好夠火候，材料豐富，有冬瓜、瘦肉等，消暑健脾！隨餐仲有餐包配anchor牛油，送上果陣仲係熱辣辣呢！鐵板T骨扒好大份，即使係鐵板上都唔會過熟，生熟控制得啱啱好，肉質嫩滑，唔會太韌，亦唔係落咗鬆肉粉嘅牛扒嘅質地。食港式鐵板餐例牌係配黑椒汁，祥榮嘅黑椒汁非常足料，有粗粒黑椒同蒜蓉，剩下嘅汁可以送飯，平時唔食飯嘅我都食咗一大碗！$152一個鐵板牛扒嚟講真係物超所值。三葱爆滑雞煲經洋蔥、蒜頭爆香，非常惹味，而且肉質鮮嫩，啲肉一咬就離骨，唔會太鹹，份量適中。配合港式茶餐廳風，我哋仲點咗紅豆冰。紅豆冰嘅紅豆粒粒渾圓完整，未算超軟腍但勝在有咬口，附粗飲管方便吸啜。但冰塊就略嫌太大粒，如果係碎冰會更好，不過勝在紅酒份量多，唔會俾奶嘅甜味蓋過紅豆味！適當我哋捧住個肚出返嚟，最後二人埋單都係$255，好抵食。

$200細細個已經成日放學就去食祥榮茶餐廳下午茶，大個咗搬離開呢區，自自然然少食咗，今日番去黃埔區揾舊同學，順便一齊試下，揾下童年回憶😊😊😊呢間茶餐廳似新裝修完，好多座位，仲有唔少卡位，可以坐得舒舒服服，餐廳內部環境都光光猛猛，乾乾淨淨，感覺好衛生🥹🤭我地兩個人叫咗一個肥牛雜菜煲和粟米雞茸𡙡，仲加咗一杯特飲，特飲有好多選擇呀，加$12 就有一杯，我地揀咗菠蘿賓治🤭🤭肥牛雜菜煲- 正！ 好多肥牛！ 雜菜又多品種，有唔少我最愛既小白菜🥬和芥蘭😊😊 粉絲又多！ 新鮮熱辣送上枱面！ 正！粟米雞茸𡙡- 估唔到$68就有一個大大個既羹，我地兩個人每人食咗三四碗，不過好好味呀，粟米味濃，又多雞肉，不停食過唔停口。菠蘿賓治餐廳仲有唔少小菜同扒餐，感覺都好吸引。呢間餐廳真係唔錯，仲平靚正！值得推介！祥榮餐廳 (紅磡)紅磡黃埔天地奇妙坊(第1期)地下G7A, 7B 及7D號舖