祥榮餐廳

營業中

休息中

今天去入去諗住坐底，無伙記帶位隨便坐因為大把位，然後一伙記阿姐叫我要坐張未執好既枱，但餐廳有很多枱係空出的，然後我話：弋邊未執好，佢即串及大聲呼喝：未執好，咪人黎執囉！。此時已經比佢鬧到好尷尬，走人。想食餐飯都貼錢買難受的無尊嚴。之前都食過呢間，食物好一般，只係多就腳。如伙記無心服務社區，早日讓出比其他餐廳做也好！

黃埔地鐵站一出就見到，而且仲有唔少人食，就一於試下。煎羊扒（洋蔥汁配意粉）$132一上枱店員好細心咁叫我地鋪好餐巾先幫我地淋汁，勁好人。羊扒有3大塊，羊味唔會太重，肉質嫩滑，一切就開，鐵板內已經有薯菜，斯另外再會有蕃茄意粉，仲要夠哂入味，超抵食，2個人食都可以。另外配有餐包同餐湯，餐包熱辣辣，好軟熟，餐湯揀左忌廉湯，夠哂濃郁。XO醬西蘭花炒花枝$88份量超多，超大碟，而且好夠火候，西蘭花軟硬適中，花枝片多到食唔哂，而且有咬口得黎又唔會成塊膠咁，配埋xo醬好惹味，食唔到口，送飯一流。📌祥榮餐廳地址：紅磡黃埔天地奇妙坊（第一期）地下G7A,7B及7D號鋪評語食物性價比高店員有禮好客友善新裝修，環境寬闊🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong #黃埔花園 #奇妙坊

📍 祥榮餐廳 Cheung Wing Restaurant🌍紅磡黃埔天地奇妙坊(第1期)地下G7A, 7B 及7D號舖Shop G7A, 7B & 7D, G/F, Amazing World (Site 1), The Whampoa, Hung Hom📝整體評分：9／10同爸爸2個人的食堂，好食又抵食，新裝修左，間格同以前一樣，但光亮左好多~餐湯有3款中湯、白湯同埋羅宋湯，羅宋湯係佢地出名的▸ 薯仔牛柳粒 ◂ ＄８８✿ 用左紐西蘭牛柳，肉感嫩軟同肉味濃厚，烹煮得剛好，不老不柴，不膩不油。✿ 薯仔可以炸得焦啲，會更加粉嫩~▸ 祥榮酸菜魚 ◂ ＄９８✿ 味道溫和，少油少辣，咸宜老少都岩食✿ 魚片大片無骨，最緊要係魚有魚味!

移居外國嘅朋友，返嚟香港探親，榮幸都抽到時間相聚。記得以前有段時間，撞啱我哋都喺紅磡返工，所以一個月總會有幾日約午餐飯聚，其中祥榮餐廳係我哋其中一間飯堂。闊別多年，原來餐廳啱啱新裝修完，差啲唔認得添，好彩味道依舊，讓她重拾久違港式味道。羅宋湯店員極力推介嘅羅宋湯，仲話係祥榮餐廳嘅名物，果然名不虛傳！港式嘅羅宋湯，帶有酸同辣嘅味道，加上蕃茄同各種蔬菜，夠晒足料，味道極有層次。古法蒸黃立倉估唔到咁佬嘅嘢，佢都啱？佢話外國啲魚味好淡，所以返香港一定要食魚。祥榮餐廳嘅魚鮮係每日下午5點新鮮送到，所以黃立倉嘅肉好鮮嫩，加上冬菇、肉絲嘅古法蒸，魚嘅味道更為豐富，而且加上蒸魚豉油之後，非常惹味。蜜椒薯仔牛柳粒甜甜嘅蜜糖味，令牛柳料多咗份焦香味，而且肉質好淋唔韌，每粒都有蜜糖嘅甜味，配菜有三色椒，除左可以令顏色靚之餘，增加香甜嘅味道。

夜晚嚟咗紅磡食dinner，黃埔出地鐵站就係，地理位置十分方便，客人full曬，冇吉位，食到九點幾先至少返啲人，睇嚟都幾受歡迎。想讚吓呢度嘅是日餐湯。竟然提供紅、白同中式湯，出邊真係好少見，頂多得兩款，一款都見過。忌廉湯濃稠度適中，creamy入味、羅宋湯比出邊偏結結地，我就幾鍾意，酸酸甜甜，好味道。合掌瓜豬骨湯飲落滋潤，有埋配料，增添口感。碟頭炒可以自行選擇配菜同主食，炒法分豉椒，菜遠，涼瓜、肉類分牛肉，肉片，雞球，排骨、煮食分白飯，炒河，炒麵。我哋要咗涼瓜雞球同菜遠排骨炒河，麵條炒至入味，軟硬度適中、雞球大塊，嫩滑多汁、排骨肉味突出，兩款各有千秋。最後叫埋上湯蒜子浸時蔬中和吓，感覺更加健康。湯底清甜可口，鹹鹹地，無味精，配飯一流。蔬菜新鮮，份量又多，腍身又入味，正。

今日同同事有經過呢度去做嘢，去到晏晝食晏時間肚餓要周圍搵嘢食，見到長榮餐廳比之前靚咗新裝修咗，所以就入咗去食啦。🍗雙拼鐵板餐想食好少少，所以叫咗個雙拼嘅鐵板餐要咗龍利柳同埋西冷牛扒。份量超級大兩個女仔食應該都OK，原來跟咗薯菜之外，仲會俾你揀飯或者意粉。牛扒肉味OK唔會太靭，龍脷柳成條煎得好香，今次我叫咗汁另上，咁就可以自己控制食幾多醬汁。意粉都幾好食有少少蕃茄味。🍖焗豬扒飯整體都幾好食，下面係炒飯底又有香蕃茄味嘅醬汁同埋切碎咗嘅豬扒，豬扒啲肉幾有咬口同埋份量都大。

祥榮餐廳係黃埔呢度開左好耐，有時都間唔中黎呢度食午餐，貪佢選擇夠多，應有盡有。新裝修左之後，環境比之前更舒適，好多卡位，空間感又夠，本人最推介佢的鐵板牛扒餐，份量大，肉的品質好。午市有跟湯，呢到的羅未湯夠濃郁好足料，唔似其他餐廳咁水稀稀。而且帶點辣，十分開胃，每次必點。今日簡單食，叫了福建炒飯。炒飯的份量基本上一個女仔一定食唔曬。炒飯炒得乾身，有蛋香味。上面配料的蝦扇貝仔，魷魚都夠新鮮。沒有雪藏味。仲有大量的菜粒，紅蘿蔔，鮮冬菇，醬汁夠鮮甜，撈飯一流。呢度午市套餐每都唔同選擇，價錢合理，encore都唔怕悶。

1. 奶油豬 $20奶油豬外面烘到好脆入面好鬆軟，而且表面加咗好多煉奶，非常邪惡，個包帶少少鹹可以中和到煉奶既甜；仲要奶油豬比出面嘅大，非常抵食。🌟 評分: 8.5/102. 吉列魚柳 配西多士 $45吉列魚柳同西多士都係即叫即炸，上枱嘅時候非常之熱；魚柳炸皮好薄，肉質好鮮嫩但係唔會一切就散；西多士炸到外脆內軟，又唔會好油，糖漿可以自己加，西多士入面仲搽咗好多花生醬，令到西多士味道更加有層次。🌟 評分: 8/103. 乾炒牛河 $44乾炒牛河炒得好夠乾身，河粉炒到條條分明，唔會炒到太淋同埋太油，食落好有鑊氣，加埋辣椒醬更加惹味，牛肉好鬆軟，而且都幾多牛肉。🌟 評分: 8/104. 蒜香豬扒腸仔飯 $44豬扒肉質都幾鬆軟，而且感覺冇用過任何嘅鬆肉粉，所以食得到豬扒自然嘅肉質，不過豬扒偏瘦；醬汁方面調味啱啱好，濕度有蒜香味，比出面嘅蒜蓉汁冇咁鹹，同埋結身少少。🌟 評分: 7.5/105. 紅豆冰紅豆冰紅豆分量超多，而且紅豆煲好腍，好似紅豆沙啲紅豆咁，甜度方便啱啱好，奶同紅豆嘅比例啱啱好，同埋呢杯紅豆冰最好嘅係唔會好多冰。🌟 評分: 8/10環境方面，餐廳係新裝修，整體感覺好整潔，仲坐得好舒

呢日同阿媽行經紅磡，行行吓覺得肚餓，阿媽話佢去祥榮食，行到去發覺好似有啲唔同，原來係新裝修！裝修完感覺煥然一新！淺啡木質加湖水藍色裝修，非常sharp！啲凳又有軟墊，坐落都好舒服。祥榮酸菜魚祥榮酸菜魚魚肉果皮嫩滑，搭配酸菜的酸味，再加上少少辣椒，酸酸辣辣 ，令整道菜的口感更豐富，每一口都能帶給人們濃郁的味覺享受。總體而言，祥榮酸菜魚是一道令人回味無窮的美食，不容錯過。蜜椒薯仔牛柳粒蜜椒薯仔牛柳粒是一道結合了牛柳肉、薯仔和蜜椒的創意菜品。這道菜的牛柳粒經過適度的烹調，保持了肉質的鮮嫩口感，帶有一定的嚼勁。薯仔則被切成小塊，炸得金黃酥脆，增添了口感的層次感。而蜜椒的甜味和微辣感則為整道菜帶來了獨特的風味。調味料的選擇和使用得當，使得這道菜味道鮮美。羅宋湯：呢碗羅宋湯真材實料，材料多，湯汁濃郁，美味又有營養。例湯：合掌瓜排骨湯飲落好清甜，合掌瓜的嫩滑是一道健康又美味的中湯。

呢間餐廳以前都成日來，最近新裝修坐得更加舒服，所以每當放工太累唔想煮都會黎呢度解決晚餐。最鐘意就係呢到中餐西餐都有好多選擇。今晚叫左焗吞拿魚意粉 $68 同鐵板香煎羊扒 $132。呢到鐵板羊扒好大份，一上枱即刻淋上醬汁就會渣渣聲，超級香！肉唔會鞋，薯菜好香口！竟然有意粉加埋添！抵食啊焗吞拿魚意粉新鮮熱辣辣上枱，好creamy好多芝士超級正！中湯次次都一定會要，因為好好飲，依家要定時保水分，冇d湯水入胃搞唔掂！

週末去黃埔探朋友，佢請我去祥榮餐廳食晚飯，餐廳係黃埔區係老字號，地方夠大又整潔，食物多元化，價錢親民，招呼客人有禮貌。主食奉送餐湯，有中湯、忌廉湯、羅宋湯選擇，今日中湯係冬瓜湯，夠火候又足料，味道清甜。忌廉湯濃稠，口感香滑。豉椒肉片炒河，炒得夠鑊氣，大大碟份量十足，肉片鮮嫩，滑滑的河粉沾滿豉椒醬汁，十分惹味！豆腐斑腩煲，跟白飯。將炸至外表呈現金黃色的斑腩及豆腐，以特調醬汁拌炒後用煲仔上檯，熱辣辣香噴噴，其軟嫩的口感及滋味讓人回味不已！凍鴛鴦味道香濃，保留港式原味道。紅豆冰，紅豆林甜，甜度適中。 港式懷舊西多士，即叫即做，用兩塊厚方包中間夾有花生醬餡，將麵包沾上蛋漿拎去炸。麵包厚身外脆內軟，加上牛油和糖漿交融的味道，美味可口！

之前路過 黃埔地鐵站附近嘅 老字號祥榮茶餐廳剛剛新裝修完， 地方好闊落乾淨， 入面都好熱鬧 好彩有位 ，今晚就黎試下👶🏻放工有碗暖湯飲真係好正👶🏻👉🏻西洋菜湯＆羅宋湯當中嘅湯料很足 而且飲完唔會好口渴 唔落味精系列 👶🏻 羅宋湯都好足料，唔會好油👍🏻主菜👉🏻三蔥爆滑雞煲三蔥爆滑雞煲 一張上枱就香氣撲鼻👍🏻雞肉滑嫩多汁，搭配著蔥香同 惹味嘅蒜頭洋蔥，撈嘅每一口飯都充滿了濃郁的口感和美味。 👉🏻金銀蛋浸時蔬 白菜仔清爽嘅白菜仔搭配著嫩滑金銀蛋，美味又健康👍🏻 白菜仔都好爽口大棵， 做搭配咗啲 豬肉 同埋菇類， 餸飯一流👍🏻飲品最後叫咗兩款七喜飲品😂😂😂👉🏻咸檸檬七喜👉🏻凍檸檬七喜

一岀黃埔站就見到呢間茶餐廳,聽講係新裝修架,店舖地方好大好寬敞,都容納到幾多人!餐牌既選擇真係好多,當日都諗左好多食乜好😂價錢唔算好貴,晚市小菜平均一百蚊樓下就有,份量都好大碟!我地叫左兩個餐,揀左木瓜雪耳豬骨湯同羅宋湯,兩個湯都唔錯!《祥榮酸菜魚 $98》一上枱真係嚇親,冇諗過咁大份😂魚肉既份量真係好多,肉質幾滑,一啲骨都冇,仲有好多芽菜蘿蔔豆卜酸菜墊底🙈《咕嚕雞球 $85》咕嚕雞球幾好食,同平時啲咕嚕肉一樣味🤓份量都幾大碟,抵食!《特飲+$12 》紅豆冰都幾大杯,而且好多紅豆又唔會太甜👍🏻祥榮餐廳紅磡黃埔天地奇妙坊(第1期)地下G7A, 7B 及7D號舖[⭐️5分為滿分]味道⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️推薦⭐️⭐️⭐️⭐️

祥榮最近經過裝潢，乾淨整潔，坐落都舒服左。美國肉眼扒鐵板餐：首先試嘗咗佢哋嘅招牌美國肉眼扒鐵板餐。一上桌，肉眼扒香煎得恰到好處，保持肉質鮮嫩。伴隨住嘅黑椒汁，賦予肉眼更豐富嘅滋味。呢個鐵板餐跟餐包、餐湯(揀左忌廉湯)，仲可以加錢配一客意粉及熱檸茶，真係一頓豐富而美味嘅套餐。豆腐班腩煲：另一款令人驚喜嘅菜式係豆腐班腩煲。豆腐嫩滑，班腩燉得入味，配上白飯，是一種滿足的享受。另外，跟餐會有餐湯，我就揀左羅宋湯，味道濃郁而豐富，令人回味無窮。祥榮餐廳除咗提供豐富多樣嘅菜式之外，裝潢新穎，環境舒適宜人。菜單上有多款不同價位嘅餐點，價錢相當合理，適合唔同口味同預算嘅食客。

今日去黃埔探望叔父，晚上一齊去祥榮餐廳，餐廳係港式茶餐廳老字號，我小時候叔父經常帶我嚟食，今日再重臨，環境已經不再，叔父話餐廳重新裝修過，食物多元化，除咗好味，重係大碟又抵食！港式扒餐奉送餐湯、餐包和熱飲。轉凍飲只需加3元，特飲加12元，其他主食亦會奉送餐湯和熱飲。餐湯有忌廉湯、羅宋湯、老火湯選擇，我哋比較喜歡忌廉湯，口感順滑，味道香甜濃郁。美式雜扒，雜扒本身有豬扒、牛扒、雞翼、腸仔、煙肉，因為叔父唔食牛，餐廳將牛轉做雞扒，食材用鐵板熱辣辣盛載上枱，倒入濃郁的黑椒汁，立即發出吱吱聲，並且香味四溢。豬扒和雞扒煎得香口，肉質都好鮮嫩，沾滿黑椒汁十分惹味！肉絲炒麵，滿滿配料的一碟肉絲炒麵好有鑊氣，麵底做到脆卜卜，於炒麵上淋上肉絲及醬汁，不僅口感層次多，味道也很夾，真的是百吃不厭。特飲紅豆冰：紅豆大粒得嚟又起沙，質地軟腍，配上香滑花奶，香甜可口，用上高杯盛載甚有懷舊感！凍檸茶：茶味香濃，檸檬清香冇澀味。甜度適中。西多士，來到茶餐廳一定少不了邪惡的西多士。即叫即做，切開炸至金黃的西多士，入面有一層花生醬，淋上糖漿，加上牛油後的香甜氣味；放入口中，甜香可口，口感香脆鬆軟。