祥興咖啡室

營業中

休息中

離開Coffee小店，沿奕蔭街走，有不少食肆。走到街的轉角處，遇上懷舊餐廳 - 祥興咖啡室。祥興咖啡室開業超過40年，加上位處名人聚居的跑馬地，因此吸引不少高官藝人及馬圈人士光顧，店內的牆上掛有不少曾光顧名人的簽名。 假日，沒有常餐。真的，苦煞了小妹﹗掙扎了好一會兒，要了餐肉煎蛋飯$42，奶茶($+5)，以及菠蘿油$14。 奶茶，用這種厚身陶瓷杯。因為杯身有厚度，故具有更好的保溫功能。呷一口，奶茶入口香滑，也滲出奶香，然，茶香稍為淡。 菠蘿油，咬下去，包夠鬆軟具彈力，牛油也十分酥香。只是，菠蘿包未夠熱，稍稍影響了外層表面的脆皮口感和味兒。 餐肉煎蛋飯，兩片餐肉和兩隻煎蛋的飯，索價四十二大元，不便宜也﹗誰叫，這兒是跑馬地呢？

聽聞呢度好出名菠蘿油同埋奶茶， 星期日一朝早來到門口排曬隊， 叫我哋排隊嘅店員服務非常之差！ 想先入去望下個環境都唔得。 叫你喺門口先等！試過之後感覺得係非常一般，出面好多茶餐廳 都好味過呢度！！ 啲侍應態度又差， 一直只見到佢哋同啲熟客傾計 ，叫幾次先採你。

I must say that I had rather high hope for this tea restaurant, as it was covered by a couple of travel books. However, my recent experience was a total let down. The place was extremely noisy and crowded on a weekday morning, the staff were unfriendly and grumpy and the food was expensive but not even tasty. What a ripped off!!!

今日特地搭叮叮來到港島跑馬地這邊，雖然現時港鐵還未開通到跑馬地，但而家入去都算幾方便。係跑馬地站落左車之後行多10分鐘左右就黎到今日既目的地－祥興咖啡室！招牌沿用舊式既紅字寫出黎，簡單得黎幾帶幾分懷舊。而且仲係用緊鐵閘添！店內既裝飾都充滿住舊香港冰室既味道，急不及待坐低睇下有咩野食。店有唔同既有料菠蘿包，當然我好想試下原味啦，但一場黎到當然要試下招牌蛋牛菠蘿包，餐仲附送埋餐飲添！大約等左5分鐘左右，成個餐就已經到齊曬haha菠蘿包既份量好大，入面夾雜左炒得半熟既蛋牛，蛋汁水汪汪，配上菠蘿包金黃既外層，外貌已經十分吸引。當然食落去都唔差，蛋雖然唔係炒至全熟，但係蛋汁並沒有令到菠蘿包過濕，影響口感。菠蘿包既甜，再配上蛋牛肉既鹹，其實都可以好match!而呢到既奶茶茶味偏重，幾岩我口味。下次要再黎試試

位置確實有點遠，地鐵不到，只能坐巴士或電車來，正正因為如此，才可以中午也不用排隊。中午菠蘿有沒有套餐，所以點了一個菠蘿牛肉蛋套餐跟熱奶茶，最後加了個酥皮蛋撻菠蘿牛肉蛋包菠蘿包的表面鬆脆，味道帶少許貼。原本以為牛肉會是鹹牛肉，但原來是用鮮牛肉，炒蛋雖然沒有全熟，但唔算滑不過有蛋味。其實如果蛋前得甘香可能效果更好熱奶茶算是一杯有水準嘅奶茶，如果茶味在再突出少少更好，口感滑溜，茶奶比例也合適酥皮蛋撻比較失色，蛋撻皮很鬆化，但蛋太十金

又話好出名 四圍都貼左名人簽名點知難食到死點知通粉湯底連一粒鹽都冇加過咁!!!!真系唔誇張...系真系同杯清水完全冇分明 ,只有d煮粉面味蛋撻一樣唔好食,完全完全冇蛋香........呢間野真系極離譜,一個早餐40蚊 50蚊結果連最普通既茶餐廳都比唔上 ,黎黎去去都系公仔面通粉面包姐...都可以咁難食...西利西利

環境3分：當日純粹外賣，唔知好唔好坐，驟眼睇係一間普通茶餐廳。衛生5分：每個菠蘿油先用紙袋獨立包起，然後每半打再有一個大膠袋，好衛生。服務3分：有人請客，落單購買都有人搞掂，服務詳情無資料。味道5分：從紙袋抽出菠蘿油先用焗爐烘熱，即可變回脹起嘅原貌。菠蘿油脆皮唔油，個包鬆厚軟綿，甜而不膩，超好味！抵食5分：有人搶住埋單，所以食完都唔知道菠蘿油幾錢一個。

食物平凡，效率底，服務差。如果食物水準有番咁上下，服務差有時都會忍吓。奶茶冇特別(仲送頭髮一條)，鮮茄通粉淡過水，叫親嘢食都叫你等等。明星效應？勸大家吾好咁傻，屋企樓下茶記食好好多!

用最下等嘅食材，加一大 pat 獻，賣上等價錢。 已經沒了以前港式茶餐廳的風采，現在已經變成垃圾食店。收銀那個阿姐嘅樣簡直好似你欠了她幾百萬一樣。 塊餐肉薄過紙，西多加糖漿要收錢。 服務差過果欄。2014 年後開始走下坡， 到今日還沒有好過。

1）咖喱牛腩飯跟凍鴛鴦加$5。2）洋葱豬扒飯跟熱杏霜加$3。3）沙爹牛肉菠蘿包餐跟麥精$33+$5，單印上加$9!!!付款时問負责人计多了$4怎样？她竟說是电脑计，你照單付款即可!!!! 我當然全數缴足當無痛分手，日後到跑馬地安心去彭慶记、蓮苑、妺記、昌明…揾錢要有原則和風骨，有争議撥反正即可，竟推說给电脑計算，真是一派胡言！價錢包含食物質素、環境清潔，是否貴多十元八塊不是重点而是否取之有道！

一個寧靜既下午, 突然很想食下午茶, 所以便來到祥慶了.一坐下, 我便點了西多士及熱奶茶.一上台, 香噴噴既kaya 西多士買相及香氣而滿分.刀一切, 入面既kaya像流心奶黃一樣. 味道十分好, 不用2分鐘就把成份西多士吃掉了.奶茶沒有苦澀的味道, 十分香滑. 只是不太夠熱吧.小插曲: 我沒有注意到佢地係收6:30pm的.當天來到而是6:10pm, 店員態度十分好, 完全沒有說仲有20分鍾就收工亦沒有擺出個種唔想接客既態度.當我留意到既時侯, 佢地都說不用急, 叫我慢慢食慢慢坐.當然我也識做, 食完便快快趣趣走啦.要讚既係今時今日仲有甘好既店員真係好難得.

今日去一間話好多明星去食的茶餐廳.入到我叫左個三文治烘.講起火都來了.烘到麵包黑到墨一樣.有個男職員我叫佢幫我換個水吧男職員同佢禁叫烘係禁啦.點解叫佢地換都禁難出來食野我有比錢D出品禁大問題都唔換=.=仲有我叫左杯飲品加小小MILK姐水吧仲水個女職員個面黑個炭唔加可以出聲我比錢出來食野唔係你地職員比面色我睇呀仲有好多問題.........下次去都唔去了*...*

啱好系附近上課，就問個friend呢附近有啲乜好食，佢就推薦咗呢間老字號俾我啦，聽講好多明星都會嚟食。店入面就係傳統嘅港式茶餐廳形式，有卡座亦有圓檯，多人嘅時候需要拼檯，都算乾淨啦··..至於服務呢，真係有啲差囖，雖然我唔趕時間，不過啲服務員咁hea，真係得啖笑啦~菠蘿包嘅味道ok，不過賣相就真係麻麻地啦，上面嘅酥皮都幾脆，同平時茶餐廳食嘅菠蘿包都差唔多，無乜特別囖。。。蛋糕食落去無睇落去咁鬆軟，其實口感都系麻麻~~豬手飯嘅豬手煮得爛爛地，入口算唔系好油膩，不過我將嘅飯換成麺... 野食無想象中咁好。。。

精選下午茶餐-咖央奶油西多士士仔說：「糖漿沒有㗎！要另外加錢架」麺包薄到呢...咖央淡味到呢...西多士仲要冇糖漿😤😤😤整個下午茶餐味道是油浸淡無咖央味、麺包不新鮮的西多士餐，杯茶走更澀到苦的，非常失望。香港地特式食物比佢地越做越爛！越來越貴！越來越略水😤😤😤😤超過失望

路過跑馬地，享受下貴價茶餐廳的風味經典菠蘿包，外表焗得香脆，菠蘿皮好香甜，內裏面包好鬆軟, 牛油味濃奶茶好香茶味，成杯飲落好香滑，我比較喜歡茶味濃，都不錯了個餐蛋面就冇大驚喜。丁面彈牙不太㵉， 太陽蛋外蛋白滑，蛋黃剛剛熟，煎得啱火喉，湯底都幾濃，味精居多，餐肉一般厚，冇油益味價錢偏貴，不過個人覺得食ok啦