祥興記上海生煎包 (擺花街)

營業中

休息中

最近12月尾，我經過中環擺花街，見到 <祥興記上海生煎包> 開新分店，原來搬到過兩個舖位！趁1月頭的 2021 元旦 Staycation，我租住西環酒店好幾天，反正在星期日，好姊妹專程走過來西環陪我食早餐；在酒店 Hea 完，我們由西環行到中環，一起走到 <祥興記上海生煎包> 食 lunch！這裡設有堂食，店內有幾張高櫈。店長好熱情及待客至上，有位婆婆跟家人一行幾人走入店子，由於，店內全部都是無椅背的高櫈，店長見有位婆婆，特意找張有椅背的餐椅給她，相當貼心！餐牌生煎雙拼 (招牌+鮮蝦) $38招牌生煎包：皮薄底部煎至金黃色，內裡餡料算多，肉汁豐盈！鮮蝦生煎包：有一隻爽口的鮮蝦，蝦與豬肉的配搭，鮮味無比！蘸上米醋，可解膩及有風味！清湯上海薺菜肉餛飩 $36/6粒加入上海菜常見的薺菜，多菜少肉比例，口味清新，清湯亦夠鹹又熱辣辣！

「祥興記」上海生煎包聽說曾是米之蓮推介，不知道依家仲有冇光環蓋頂。星期六中午來到中環店，這裡地方乾淨，有小量枱椅可供堂食，一於吾好空肚食午餐，以生煎包打打底先。$53 /6 隻平均$9 隻都算合理，生煎包 size 均一，熱辣辣超熨口。一個包雙重口感，表面軟稔；包底香脆，包面灑上黑白芝麻和葱花，建議先小口咬開避免湯汁四濺，湯汁超多十分鮮甜，肉餡不死真，有彈性，脂肪比例不多，不油膩，吃完個咀仔黏黏的，好滋味！小食「蘿蔔」$12蘿蔔煮得吾夠稔，食到索索聲，又不太甜，不推介。

喺中環想食啲小食，就路過呢間生煎包之前都已經食過記憶中係好好食嘅，所以今次就回頭啦😜～～/中環呢間店舖唔算大，只有企位，但都好多上班族幫襯～生煎包有三款口味，原味、黑松露、鮮蝦🍤/招牌生煎包 $35 4隻我就叫左原味，眼見一盤盤生煎包熱辣辣啱啱出爐，⚠️要注意食嘅小心真係要小心唔好一大啖咬落去，因為內裡肉汁真係超多呀～底部煎得脆脆入面肉汁豐富，一咬就爆汁，真係真材實料啊！所以勁推薦呢到生煎包😍！

午餐食飯食麵食到悶悶地，突然想試下其他野。上海菜既生煎包同小籠包係唔錯既選擇。係上環呢邊唔識邊度有上海野食，係OPENRICE見到有各區有唔少分店既祥興記。雖然由公司行過黎的確唔容易，尤其是中午最熱既時間，但今日都無阻我想食生煎包既決心。今日叫左佢既套餐A，分別係兩隻招牌同兩隻鮮蝦口味既生煎包。係包既表面，他分別用白和黑芝麻區分開。每隻包入面都有好多肉汁，餡料亦夠足。除左呢兩款生煎包，呢度都有上海麵和黑松露可以揀。

原本想係中環搵間cafe食野既，但見到幾多人排隊，所以就放棄了。咁岩經過祥興記就入左去，我同朋友叫左份雙色生煎（招牌，鮮蝦，黑松露各二）$67一開始無諗過佢會咁熱，大大口咬落去，d汁爆曬出黎，搞到burn my tongue 🤭😂佢個底係脆卜卜既，肉汁都好夠🤤🤤個人鐘意鮮蝦>招牌>松露。佢個黑松露其實都好香好有松露味，只不過我都係鐘意傳統口味多dd咁唯一美中不足就係佢只得企位🙈如果你想食佢既面食既話，就可能有點唔方便

I’ve always been a huge fan of Shanghai food, especially their pan-fried bun and XiaoLongBao. After returning from Shanghai few months ago, I’ve been searching for the best place for pan-fried buns for a while. Little did I know that there’s a michelin star Cheung Hing Kee located just 20 mins from where I live and I swear to God, they really do have THE BEST pan-fried buns in town. Each and every single one of them came out hot and juicy. I had to be extremely careful to not burn my tongue with

😋 No.329 香港 | 祥兴记 生煎🔹地址: 中環擺花街52-60號地下1A號舖🔹大家公认的好吃的生煎包，午饭高峰期肯定要等位啦。其实也都是站位，大部分都是take away。🔹在香港吃到这么正宗的生煎还是很惊喜的，虽然环境一般，但是物美价廉。🔸有传统生煎也有改良版，皮包馅大，馅料敦实，没有姜丝，但是倒点醋在生煎里味道也不会输🔸咖喱牛腱粉丝汤，分量蛮少的，粉丝也不多，牛腱三块，比较入味，咖喱味比较清淡，配上生煎是不错，单独喝味道差一些🔹人均50，口味9/10，服务7/10，环境7/10

係中環行完大館，覺得肚餓。但又未唸好要食咩，行行下到呢間祥興記，於是我就提議先食兩個生煎包啦頂住先，之後再慢慢揀食咩啦。間鋪都係細細間，不過有地方比你企住食。我地買咗四個，攞到果時都係熱辣辣嘅，唔會唔夠熱。小心翼翼咁咬開一角，慢慢飲入面d湯汁。唔知係未因為我太肚餓，真係覺得d湯汁好好飲，同埋個包煎得好好，底層焦脆，外皮又唔會太厚，內餡肉質鬆軟。真係幾好食。

今日突然間好掛住上海嘅小揚生煎包,喺中環無意中發現咗一間鋪頭有得食！又寫到皮薄，餡鮮，汁多，見到啲字都已經流晒口水！入到去叫咗四隻生煎包！等候時間唔算耐，咬咗第一啖啲汁已經流晒出嚟！熱辣辣個底又係脆卜卜！係真係唔錯嘅！做得都幾出色！不過你係真係上海食嗰啲即叫即整即煎，就會有啲偏差，比較遜色！除此之外，仲叫咗個排骨麵，不過就麻麻地啦！唔算係特別好食！仲叫咗杯豆漿飲，不過豆漿當然就冇乜特別啦！最後，如果生煎包可以整細嗰啲就好啦！方便入口，唔會流晒啲汁出嚟

講真，真係幾失望，跟朋友逛街肚餓要了個set lunch，包2個生煎包,一碗麵,1枝飲品，我選了炸醬麵和豆漿，價錢好像是$65。因為係開放式廚房，我看到店員拿了1包預先包裝好，透明袋密封包裝的炸醬，剪開後倒了進外賣碗裡，可見祥興記的的炸醬麵不是即製，感覺像吃即食麵。至於那包炸醬，是外購還是自家中央工場製造就不得而知了。至於這包即食炸醬，當然是冷冰冰的，一點香氣也沒有，麵就可能因為放太久了，已經成了一團麵餅不能拌勻，我自己加了點水才能拌到。生煎包呢，脆是很脆，湯汁很多，味道也不錯，但是很重油煙味，捧住外賣碗在街上吃，彷彿感受到廚房的油煙。豆漿不算很甜，豆味濃，竟然是set lunch裡最好吃的。

今日係公司叫咗祥興既外賣作為我的下午飯 祥興既係一間永遠唔會令人失望嘅生煎包專賣店 今朝亦都冇令我失望 食生煎包我最怕乾爭爭 冇肉汁 而祥興既嘅生煎包好似去佢個盒咁講 內有熱湯 一咬落去基本上都係肉汁 而且就算叫外賣亦都好夠熱我亦都叫咗咖喱牛展粉絲 咖喱味湯底好好味 牛展亦都好入味 重點係豆腐卜 佢吸收晒濃厚嘅咖喱湯汁 食起上嚟每一啖都係咖喱湯汁嘅味道最後想提一下 生煎包除咗有原味 亦都會有黑松露味道 但個人覺得冇原味咁好味 所以之前叫過一次就冇再叫過啦

食完lunch經過祥興記又未飽就嗌咗盒生煎包外賣翻公司食 話說祥興記就係同事介紹食過一次咁大把，印象中係好食既！唔知今次外賣翻到去又會係咩味先！買到翻公司差不多15分鐘車程，望上去賣相仲好正溫度仲係暖既 即刻食舊試下先！第一淡咬落去已經爆咗好多汁出黎，外脆內軟皮唔厚，肉質都算嫩既 味道就咸咗小小 個人接受到 之後第二淡肉汁係繼續有既 呢個係幾意外 通常爆一次肉汁就無乜同乾哂總結，外賣翻到公司食都咁好食 如果即刻食既應該不得了！

想要光顾很久了，今天终于有机会买了咖喱牛展粉丝汤。 牛肉嫩滑入位，粉丝汤暖身。中午吃，简直绝佳选择。不过分量有些小，所以，又有空间可以给到饭后甜品🍮 为了下午的工作补充能量！

很久之前在一個FoodCourt裡認識祥興的生煎包，而最近才發現中環有分店，所以就決定午餐的時候再去嚐嚐！　中環這家分店就只有企位，吃著吃著也漸漸的擠滿了人呢⋯本來就很愛吃餃子包類的我，對祥興的生煎包實在毫無抵抗力！「皮薄、汁多、餡鮮、底脆」寫在宣傳照上的標籤，個人認為真的樣樣都真確 哈哈！首先要在招牌生煎包的頂部咬下一小口，把膨湃的肉汁給喝下（應該說是湯嗎），再慢慢品嚐香脆又厚薄適中的皮，  和鮮嫩超多汁的肉！另外還點了一份麻醬菜肉餛飩！菜肉餛飩的皮很薄，而菜肉的餡料也不少。上面的麻醬很香，充滿花生醬的感覺，再加入蔥粒點綴，整體還不錯吃的。我想過了不消一會又會為了招牌生煎包再要回頭光顧了。

劣食指數: ★★☆☆☆早在去年於上海嘗到當地傳統的生煎包後，便一直想在香港找回同樣的味道，奈何這間生煎包是預早煎好，底部煎得不夠脆，甚至有點硬，跟上海那些即叫即煎的有很大差距。幸好生煎包內充滿滾熱的湯汁，於這方面並不比上海的生煎包遜色，只是要小心被湯汁灼傷。一直覺得黑松露好比一把雙面刃，份量使用恰當能夠提升菜式味道的層次。可惜這次廚師沒有讓黑松露演好自己配角的角色，過量的黑松露搶去主角的地位，完全遮蓋了肉餡的味道。生煎包這種平民食品，卻硬要配上黑松露的濃妝艷抹，將原本平易近人的鄰家女孩帶走，塑造成不倫不類的MK妹。