福來居(牛記)海鮮飯店

營業中

休息中

咸蛋蒸肉餅，上枱一滴油一滴肉汁都冇都算，連一滴豉油都冇，好古怪。唔夠人手，啲餸來晒，啲白飯要三催四請先到。埋單，個短髮有紋身三十多歲女士，好似嬲咗成村人咁，真係埋單啦啦臨走人，不宜久留。廁所環境好惡劣，男廁2個尿兜，一開門就撞到企痾果個，一陣臭味，小朋友唔敢用個廁所poopoo，你知咩料。埋單break down係用手寫單，用啲舊式香港數字，埋單冇人睇得明，係差唔多數就算，收多都唔知。PS 3大1細用餐，每人$150，應該可以有更好選擇。絕非適合親子餐。唯一係個馬尾50歲冇戴眼鏡女侍應nice加返少少分。總之一句講晒，一試難忘，再試投降。

今次去咗間呢家飯店攞箍嘅！🍴💥先講吓啲蟶子，蒜蓉撈埋一啖，簡直係爽滑得黎鮮彈，味道夠晒鮮甜。再食塊霸王雞，啖啖肉噢！輕咬一啖，啲肉質紮實啲，但照食，係好有咬口。臨上菜，見到隔離枱啲椒鹽巨型賴尿蝦，睇落去已經流晒口水，期待值爆燈！😋份量十足，同埋每一隻都煎到金黃鬆脆，撲鼻香氣令人忍唔住多食幾隻。至於果盤扇貝，用蒜蓉蒸佢，咬落幼滑得黎保留晒海鮮本身嘅清甜。薑蔥炒蟹就無得輸，新鮮爽口，蟹肉彈牙。椒鹽鮮魷真係得！對於咁嘅口味同質感，個人真係好中意，已經諗住下次重遊！揾食有時唔使太矜貴，呢家飯店就係打正旗號嘅平民美食好去處。食物水準保持得好，要形容香港嘅街坊氣息，呢度絕對係正宗代表。重點係，你食得開心，味蕾都滿足曬！👍

2/5 我真的覺得沒有東西好吃，只不過還沒到難吃，也不會回頭，也不會推薦，所以只好兩星了。粥水水淡淡的，鵝肉柴，豬紅和滷水不入味，螄蚶有點不太新鮮。(Google translate)I really don't think there is anything delicious, but it's not unpalatable yet, I won't look back, and I won't recommend it, so I had two stars. The porridge is slightly watery, the goose meat wood, pork red and brine are not tasty, and the cockles are a bit not fresh#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #Qu

今日收工同豬豬落太子搵食 , 係太子兜左一圈我地都想食D鑊氣小炒小菜 , 經過見到福來居晚市幾乎坐滿 , 心諗應該唔差就決定食哩間鋪頭有2邊的 , 打正對面 , 裝修格局屬舊式大排檔或大飯店 , 大部份食客都係飲啤酒 吹水 , 可能會有小小嘈 , 但我接受一坐低 , 小二話有例湯送我地2個人叫左 京都腩排 , 椒鹽鮮魷 , 蒜蓉白菜仔炒魚鬆 , 2枝氣水 , 4個白飯京都骨 : 份量唔算中等 , 一字骨 ,唔算啖啖肉 , 偏肥， 味道中上酸酸甜甜，豬豬話洋蔥好味椒鹽鮮魷 : 哩個算唔錯 , 粉薄 , 夠脆  蒜蓉白菜仔炒魚鬆 : 都大碟 , 都略縑小了點大排檔應有的"鑊氣"2人埋單 350左右隊左3碗飯，飽到嘔

今晚相約朋友食飯，朋友想食小菜，搵個中間點，就揀左福來居，大家都未食過，就試下先，4個人一坐低，冇其他食評既例湯，自己搵左張餐牌去睇去叫餸...霸王雞：叫左新鮮雞，$180半隻，肉好嫩滑，有雞味，唔霉肉，值得一試白灼蝦：本身冇抱好大期望，反而有驚喜，蝦係海蝦，好鮮好味，新鮮蒜蓉蒸勝瓜：勝瓜宜家當造，蒸出黎多汁，蒜蓉香口，餸飯一流椒鹽豆腐：賣相麻麻，切得唔完整，但炸得鬆軟，外脆內軟全餐最貴既餸反而最失望最差既薑蔥炆頭腩：份量少，蔥多過魚腩，魚腩店員話係老虎斑，講真冇咩肉，食唔出魚味，只係薑蔥多，要$300，一d 都唔值，叫多碟霸王雞好過

下班和同事選了這家店，之前路過時候看到很多人，果然很好吃，沙拉排骨醬汁香甜，椰青水很清新水多，雞煲太少了味道還可以，黃金炸魷魚還可以，煎釀三寶好吃，茄子釀肉好新鮮，服務也還可以，環境不算舒適,但是相對別的飯店也算寬敞

同爸爸兩個人食飯，想食中菜，在brainstrom 去那裡的時候，他提議到他平常常跟朋友去的餐廳-牛記福來居。因為想食完飯之後去太子花墟行下，所以呢間係Perfect choice。環境一般般，應該都係做家庭客或者係一大班朋友聚會為主。外面有個大魚缸，有很多不同海鮮選擇。😉一去到就首先送例湯，幾好唔太鹹！個人比較鍾意食肉，所以就立即看看有什麼肉類嘅選擇。😋 叫咗黑椒牛柳以及切雞例牌。牛柳不錯，黑椒味香切雞，幾新鮮，跟埋其他雞嘅內臟，有雞腎及雞肝，我的摯愛😍😍另外亦點了琵琶豆腐，油浸筍殼魚琵琶豆腐， 賣相麻麻，但係味道都OK油浸筍殼魚，魚不錯，但是豉油略嫌太淡，唔係幾夠味之後爸爸唔夠飽所以就再點了一份砵酒焗蠔，本人覺得不太好食，炸粉太多，味道麻麻，賣相亦唔靚仔，不推介❌❌

對上一次在外邊經過，見到在鬧市的太子區，竟然有這麼一間潮州打冷，沒有什麼人介紹過，這天想起，就毅然來一試。看來非常之新簇簇的廚房，但是門面卻是有亭台樓閣的小餐廳，像餐廳，又像舊式酒樓。內裏的餐桌沒有特別，但是座椅竟然張張都不同🤔，看起上來好像某些餐廳倒閉時，店家出去四處搜刮那夜冷的傢私一樣。其實OpenRice網站上邊對這間餐廳的資料不知對錯，因為，在這些相片之中，都可以見到有不同的門面，亦都跟我現在寫食評這間，並不一樣。我相信，可能由於附近有兩三間名字差不多，都是福來居，有些括著「牛記」兩隻字，但是我現在這一間是位於太子地鐵站對面。門口有一張大圓桌，有些男子在高談闊論，裏邊都大概有兩三張細枱，還可以擺多一張大圓枱，在門口右邊就是小小的廚房，雖然廚房少少，但是是卻能煮出多種特色潮州美食，例如潮州粥、或是其他菜等等。潮州打冷，通常最吸引我的，都是螄蛤，潮州螄蛤，一坐下便下了單，是一大碟，但其實下邊浸着的紅色汁液🤔，不知道就是自行本身的血水，定還是什麼醃料。但是這碟螄蛤，份量不少，用鉗子將螄蛤兩邊剝開，中間的肉又酸又甜，有些食客可能會覺得腥，但是我一向吃海鮮都不怕腥味，感覺上味道挺好，自得

出街食幾十年飯，冇興趣寫食評。人懶。太平山街街邊炒飯到幾千蚊一個人嘅lunch都會俾錢食。乜都試吓。牛記好叻，令我第一次隔幾日後都上嚟寫一次。同個女性死黨兩個人晚飯。一隻斤零龍蝦，粟米班塊，油鹽水刀貝，一支啤酒。只係$1936 好抵食！粟米班塊$280，即時提升到東星班嘅層次同口感。座落基隆街嘅牛記，既可感受油尖旺飲食格局，亦可享受到four seasons龍景軒嘅价錢，双重享受！錢多嘅各位一定要試😎

太子福來居(牛記)亂收費，各位落單時記緊問價，免得暗中被劏，餐牌是不能信的。重比無理理由開大幾倍收費！！事緣昨天點左多個菜，D菜中規中矩，無驚喜。點知埋單先係高潮位，食左二千幾，碟碟價錢合理就無理，好彩無走漏眼，睇到碟收人$498，果菜名叫芝士蝦煎米粉。即刻問三次有冇計錯，居然都答我係休魚期，所以蝦來貨貴左。好心你福來居(牛記)唔好當食客無知先得架。碟野前排先食過，會唔知乜價，重有今次也有點滑蛋牛肉煎米粉，先88蚊。你牛記何德何能換幾隻蝦仔，係休魚期就多收$410，公道D，碟野比盡你收300，都被你劏200。D蝦又唔係虎蝦/白蝦，大煱口百幾蚊任食D蝦都正過你。你牛記心知肚明煮低級食材比食客，重要多收咁多！！各位食客以後真係諗清楚去唔去啦，我同朋友就唔去幫襯

福來居 (牛記) part 1 @ 太子生日飯局…成棚人(14個人)最好就食中餐坐圓檯。可以叫多D野食share...又可以傾下計今次揀左太子福來居…〰到左時一望😅😅坐最近門口張檯…又無冷氣了😫😫〰今次人多點左好多食物😋😂1. 椒鹽豆腐 (幾好味)2. 滷水鴨翼3. 薑蔥聖子(好耐無試過以兩計)4. 白灼大花螺 (太大粒)5. 薑蔥班頭腩 ($300份量少左D)6. 椒鹽鮮魷 (一般)7. 霸王雞 (鮮雞,個個話食到好食?)8. 沙拉骨 (都唔錯)9. 炸大腸 (麻麻地…好似仲有少少味)10. 白灼蝦 (都幾新鮮)11. 煎釀三寶 (呢個覺得幾好味)12. 椒鹽白飯魚 (炸得唔夠透)13. 黑椒牛柳 (乸得勁得滯)14. 豉油王炒麵15. 滑蛋牛肉煎米粉16. 蒜蓉蒸勝瓜17. 合時生果(免費)整體野食唔錯…D服務仲幾好添…👍

尋晚和菲姐去太子牛記開餐。記得對上一次光顧，係著住大褸嘅，原來都隔咗幾個月今次 order 咗炆老虎班頭腩 🐟，夠鑊氣，放咗好多薑葱起鑊 蒜蓉粉絲蒸扇貝，好大隻 好厚身，要咬好多啖先食晒 食一隻已經好飽 好滿足 豉油王蝦碌🦐，夠乾身，但蝦碌依然好 juicy，味道啱啱好，豉油好鮮味 仲有炒通菜 🥗、好甜嘅冬瓜鷄 🐤 腳蜜棗湯、白飯 🍚和生果 🍉。承惠八佰大元 超級好好味 夠晒鑊氣🔥係流浮山以外嘅另一選擇 👏 以後想食海鮮，唔駛山長水遠入流浮山喇

叫了奄仔蟹 幾錢兩不用說價錢是偏貴的，但鐘意食冇計 😕 一上枱我見D蟹咁细隻。我同店員 (應該是老闆 )講咁细隻？我古大约不到3両老闆跟我說 奄仔蟹是细的冇大😠 咁我就跟住問 呢度啲蟹幾重一隻， 他就跟我說七八兩一隻😨 佢仲同我講連埋水草重量 差不多啦😈(這店不老實) 小菜味道都可以！ (不過應該唔會再有下次幫襯 )咁樣做生意手法 ！希望老闆可以生意興隆😈😈

其實食一餐飯真係好簡單事情，幾乎日日都會去，至於好唔好食就見人見智，好似前幾咁日又去咗太子食飯，好友話成日食西餐都會厭不如轉轉口味食下中餐，食D正宗特色小菜，就去咗D較為老志號大飯店幫襯又睇吓食落有冇驚喜就由好友點咗幾味餸菜一邊食一邊飲，飲梗係啤酒咁先有氣氛轉頭小菜逐一出來，先有沙拉腩排，腩排已沾滿香甜醬汁，每件肉入口都好入味而且仲啖啖肉，加上沙拉食落幾開胃到另一款係黃金鮮魷，話明黃金當然用咗鹹蛋黃一齊炒，外面食到香濃蛋黃味而鮮魷肉質鮮嫩，真係一個不錯配搭食得惹味食到最後一味餸係豉油皇炒麵，咪睇好似普通其實都要去有咁上下廚藝先至可以炒得咁乾身，而麵條一條條散開吸收晒豉油嘅味道，配埋芽菜已經係完美組合又咁快食完一餐中式小菜。

呢間鋪頭幾十年歷史架喇最緊要喺地鐵站附近，交通夠方便！最方便一大班人聚腳！薑蔥炆斑尾，夠鑊氣！魚肉新鮮夠彈牙，又夠惹味椒鹽白飯魚，炸粉夠薄又唔多油，條條分別好似食薯條咁瀨尿蝦肉厚，而且有膏！香口嘢送酒一流豉椒炒蜆，少少辣送飯一流，蜆肉厚身冇沙霸王雞雖然應該只係用冰鮮雞整，但食落雞肉都算滑，而且冇雪味，感覺不俗好多地方都可以食海鮮，但要新鮮同好味，又要地點方便嘅話，呢間真係一個唔錯嘅選擇！當然一分錢一分貨，所以都係間唔中大班朋友聚會嘅選擇