福來居(牛記)海鮮飯店

營業中

休息中

2009年4月20日晚上開飯這晚相約了好朋友吃飯, 朋友想食海鮮, 又提議來牛記, 我那有所謂, 反正也沒有idea!六時許七時來到, 已差不多滿座了, 生意真的不錯啊! 這裡就如大排檔一般的風味, 店外亦擺放了很多枱椅呢。我們一坐下, 還未order 食物, 侍應就拿了一大碗例湯來, 是佛手瓜雞腳湯, 雞腳細細隻, 不太焾, 味道還可以, 清清淡淡的, 算合我口味!我們四圍看看, 原來這裡不設餐牌, 只見牆上寫著幾味餸菜名, 而價錢也不太清楚的, 在不知價錢的情況下, 我們點了清蒸斑頭、椒鹽癩尿蝦、蒜蓉白菜仔和一支啤酒。清蒸斑頭 - 味道清淡, 斑頭肉質是脆的, 似是脆肉斑, 我不太喜歡脆肉的魚, 斑頭沒有肉, 不夠滑, 一點也不滋味!椒鹽癩尿蝦 - 兩大隻的癩尿蝦切成幾段, 椒鹽和蒜味很香, 感覺鑊氣十足, 肉也算多, 味道尚算不錯。蒜蓉白菜仔 - 似住家菜, ok吧!我們還未吃完, 侍應在沒有詢問我們的情況下, 就將我們的例湯拿走, 真的沒禮貌啊!最後, 上了一客生果, 有西瓜、木瓜和喀蜜瓜三種, 切成小片, 頗新鮮, 清甜可口!這餐由我結帳, 估不到要付$470元, 我覺

敍舊飯局, 地點由朋友選在這兒, 未夠7點已差不多滿座, 座位由室內伸延至街上, 在這冷清的街上添上一份熱鬧. 被安排坐上樓上閣位, 四張大檯座滿人都幾嘈吵. 沒有餐牌就由朋友親自落樓下發板合掌瓜煲雞腳 - 一大窩的奉上, 味道淡淡的不太合胃口蒸斑腩 - 記不起真正名堂, 斑腩肉細緻幼滑, 只簡單的用上蔥花等來蒸, 不會因濃濃醬汁蓋過鮮味, 吃下更能嚐到真正的魚鮮味豉椒炒聖子皇 - 原隻大聖子切件來炒, 鑊氣夠, 豉椒味亦夠香濃, 而聖子肉除了鮮甜還帶爽脆, 用來下酒一流椒鹽鮮魷 - 炸粉下得薄身, 不會吃得口內滿是漿糊, 鮮魷肉質彈牙, 但略嫌鮮味不足, 不過尚幸炸的火喉準繩, 鮮魷脆口但不油膩芝士焗中蝦 - 賣相對路, 但吃下就不太對辨, 芝士味偏淡, 而打獻時亦過於重手豆豉鯪魚炒油墨菜 - 豆豉鯪魚下得不多, 味道不夠香炸大腸 - 是晚最差的一道菜, 大腸不脆, 味道有點像隔夜燒肉皮, 很是難吃蔥花牛肉煎米餅 - 米餅煎得很香脆, 再淋上蛋花牛肉, 用來完結這晚的菜式, 又美味又飽肚加上幾支大啤埋單只每人百多元, 很是經濟的一餐, 但可能是一個廚房幾間舖的關係, 所以每等一味小菜

例湯一大碗, 在底就有, 味精湯, too bad豉油王大虎蝦 ~ 隻蝦大過我手掌, 有膏,好鮮甜, 今晚最貴係呢個呢!蒸南非鮑魚 ~ 南非鮑肉質會好食過大連鮑好多, 同埋大隻d, 當然南非包價錢會貴d la, 蒸得啱啱好, 無過火good~豉椒炒大聖子 ~ 鮮味,爽脆, 豉椒炒得入味!椒鹽鮮魷 ~ 外脆內軟﹐而且炸漿很薄, 食落完全唔覺得油, 炸工 so good!豉油王炒麵 ~ 買相好得, 麵質好食, 不過食咗一半要打包...飽飽了!!

第一次黎牛記食飯,由於冇餐牌,都唔知叫咩食好......揀左個豆苗就交比朋友們發板,自己最鐘意係個聖子,個雞都好滑,個蝦夠香口,清清地再整個雞煲.....十分滿足既生日飯局~~~由於唔係自己比錢,所以完全唔知每人是次消費係幾多.......

本來是一場"為飲酒而開飯"的三數人麻甩酒局,到最後竟變出九個人出來.是次地點由小弟來選,為太子的福來居牛記.整條基隆街頭段,全賴牛記之旺氣帶旺.本來夜靜的太子邊陲位置,多卻一份人氣.晚上七點多少少去到,已經被"逼"上正店樓上的閣樓.年前也來過一次,吃過很有水準的聖子皇,鹵水大腸,記憶猶新.當夜更用古越龍山來充飯酒.而今次就到友人帶兩支紅酒出來,待大家一邊吃飯,一邊品嘗.此店沒有餐牌,大約也知道吃些什麼,我沒有特別要求,只係想再吃聖子皇,蒸條魚?不必了.點菜後不久,店員便奉上例湯一大碗.為合掌瓜煲豬錚湯,清甜好喝,住家風味十足,喝罷一大窩後,店員怕我們不夠,再奉上一窩,記住,例湯是不另收費的.點霸皇雞的時候,店員一再強調是鮮雞,當雞上桌時,大家急不及待去引証是否屬實.食落雞皮同雞肉皆嫩,但雞味似乎亦不足,眾人有點疑惑,正為此味菜喋喋不休:{係鮮雞咩?肉質又幾似,但真係無咩味.}另一位友人說:{而家的冰鮮雞,肉質可以做到好嫩的.}是夜蔬菜為豆苗,用雞油炒令到豆苗更香,但我偏好用瑤柱扒,多過用雞油炒,純屬個人口味.聖子皇是次用豉椒炒,原條大聖子切絲來炒

前陣子, 同一位好朋友食飯, 大家都想食海鮮, 友人提議到這裡食。六時到, 還不是很多人, 環境方面有點似有牌檔, 但不算太逼, 坐得還叫舒服。坐下未叫餸就有一大碗瓜菜湯送到, 朋友話這是例湯, 枱枱都會送上的, 味道都唔錯, 湯裡有幾隻雞腳仔, 焾度o岩o岩好, 確實ok~因為沒有餐牌,完全唔知價, 無辦法啦, 我們只點了三個餸, 三個餸包括: 豉椒炒蜆、薑蔥炒蟹和椒鹽瀨尿蝦再加一支啤酒。豉椒炒蜆 -- 味道ok, 豉椒很入味, 但有一些蜆是開不到的, 而有些只得蜆殼。薑蔥炒蟹 -- 好味, 我連蔥都食埋, 蟹肉很新鮮好有鮮味。蒜蓉瀨尿蝦 -- 亦都唔錯, 瀨尿蝦都幾大隻。其實基本上這裡的食物質素高,有鑊氣, 樣樣都算好食, 但唔明點解沒有餐牌, 我們估計唔到價錢, 不能預算。最後埋單, 嘩! 四百幾蚊, 真係貴了一點啊!

好有水準既一間飯店, 亦係我最欣賞既飯堂之一!豉椒汁一流, 好夠豆豉味與辣椒味, 而且比例剛剛好, impressed!上湯海蝦配米粉底亦係一絕, 食親都好滿足!

尋晚6個人叫8味菜。白酌東風螺 椒鹽瀨尿蝦 ~ 夠火候椒鹽白飯魚 ~ 金黃食，好正芝士龍蝦伊麵 ~ 好好味蒜蓉開邊蝦臘味炒芥蘭鹵水鴨翼還有一味唔記得。 夠鑊氣，好味。但係無價錢同餐單。真係無乜預算可言。係環境首唔係人人ok。而價格同西貢差不多，勝在交流方便。

黎間野完全唔掂囉, 我同男朋友兩個去食,7點入座,問d呀姐有無餐牌,答我一句無,之後就自己一路口句個d ‘食送', 咁叫左一碟聖子,一碟生炒骨,一碟西蘭花炒斑腩.等左半個鐘先黎一碟聖子,一見到碟聖子,點解碟野咁少既.?一數之下得果10隻 太多豆豉,有D 咸囉,食完又等左半個鐘先黎一碟西蘭花炒斑腩,見到碟西蘭花得3舊.不過有好多斑腩,即該叫左兩個飯醫飽個肚,兩個人食曬d 野 ,再等半個鐘,想走果陣先黎碟生炒骨 點解無色水既??未食過一碟未上色既生炒骨囉..無味~ 拿拿聲打包埋單,個呀姐一行埋黎講449蚊, 佢話碟班腩係每兩計??仲話係18蚊一兩??我地條魚成3舊水..= =” 嘩..咪同佢點解叫’食送’既時候唔講係每兩計,每兩計既話係咪應該磅完條魚拎入黎俾我地睇呢?佢地完全無拎過囉..基本上果3百蚊好似佢地叫價咁,同佢嘈左一陣, 佢仲一句’得’埋黎話 : “ 你地都食左啦 “ ..嘩 , 真係佩服 ..結果梗係要俾錢啦.不過以後唔會再黎間野食囉..大家叫’食送’ 時要小心D 呀..

上星期五去完旺角想搵野食, 就得響Open Rice睇過呢間牛記好多人讚, 專登同老婆搭一個地鐵站黎食, 點知食完覺得好唔抵, 決定冇下次。 一坐底想睇餐牌, 佢話冇, 唔緊要啦, 各處鄉村各處例, 就叫佢介紹有咩好食, 阿姐就介紹左鼓油王乾煎蝦, 生炒骨, 同埋上湯浸豆苗鼓油王乾煎蝦 : 得六隻, 一入口, 太咸 生炒骨 : 好細碟, 太酸 同埋上湯浸豆苗 : 呢個正常, 起碼食豆苗有豆苗味...埋單先嚇一跳 , 三個餸加兩碗粥收二百八十幾蚊, check單碟蝦收$120, 平均20一隻, 真係非常海鮮價; 碟生炒骨先過份, 細細碟收$90 , 重海鮮價過碟蝦, 豆苗正常d, 收五十幾結論係非常唔抵食, 又細碟, 大酒樓都冇咁貴, 唔明點解咁多人讚好...

話說小弟今日生日，尋晚工友為我搞左個生日聚會給我驚喜，地點係太子既福來居飯店。好似又叫做牛記，我都係第一次來的呀﹗八點來到，大家已經到齊，真的多謝大家咁俾面呢﹗原來工友早於個幾星期前已經約定哂大家到賀，呵呵﹗先來個白灼東風螺，好新鮮乾淨清甜呢﹗再來半隻沙薑雞，肉質好嫩滑呀﹗我生日仲有雞肶添﹗今晚的生日禮物，Johnny Walker 100周年edition一支﹗大家分享﹗豉油王大蝦，0的蝦勁大隻又多膏，仲要炒得好入味添﹗粉絲蒜蓉蒸扇貝，0的肉超大粒呢﹗你地睇下﹗大隻到無朋友，入口感覺滿滿又夠彈牙﹗好好味呢﹗謝謝工友，飲番杯先﹗無蟶子改食炒蜆，0的蜆偏細隻，不過勝在無沙同埋夠鮮甜，我食左一隻之後已經無哂﹗最愛的椒鹽鮮魷生日又點會無﹗炸粉很薄脆，魷魚亦彈牙爽口﹗好味﹗蒜蓉蒸勝瓜﹗賣相幾好呢﹗椒鹽肉排，好鬼大碟，炸得岩岩好﹗惹味﹗呢味真係第一次食，吃做琵琶蝦，好大隻的，用芝士來炒食落肉質超似龍蝦，豐厚既肉身彈牙有嚼勁，好正﹗大家都讚好﹗當然仲有椒鹽瀨尿蝦啦﹗0的肉好甜好多膏呀﹗最後飲酒傾計叫多個椒鹽豆腐佐下酒﹗工友知我不吃蛋糕，所以特登0係Cookie Therapy訂左個生日大曲奇，大家

好耐無黎牛記開飯了，上星期日想食海鮮，於是一家人6:30便到牛記開餐。時間尚早，仲有位，otherwise 要坐街。叫了好多海鮮，勁正！豉椒炒花甲：花甲大到你唔信，唔知仲以為食緊北寄貝。大隻厚身，豉椒味入晒去，例牌都有十數隻。炒得火喉剛好，唔會韌仲好鮮味。無沙。蒸奄仔蟹：蒸了三隻，我唔食膏，於是狂/mok/蟹鉗。都幾多肉，肉質好靚，唔會梅。肉亦很鮮甜。豉椒炒大蟶子：炒三隻，每人一隻。每隻蟶子長過成人手掌。勁多肉，肉爽口，鮮甜。無沙。豉椒炒得入味。薑蔥斑球：老虎斑肉超彈牙，啖啖肉。雖然炸過，但完全唔覺肥膩。鐘意食魚ge朋友必試。蝦醬通菜炒牛肉：牛肉o拿過，但不算過份；還有咬口。通菜超入味，有點咸。仲有個瀨粉，瀨粉加埋豉椒汁真係一流呀！埋單$700，價錢合理啦，海鮮咁新鮮！

千揀萬揀﹐法國野意大利野全部都唔岩呢排既胃口﹐最後揀左黎呢度食海鮮﹗先黎既係一個送既例湯(無論係一個人黎定係成班人黎距都會送俾你﹐幾好 ^ ^)﹐係青籮白雞腳豬骨。呢個幾有驚喜﹐飲落去好甜﹐但又飲唔出有咩味精﹐感覺十分足料。發現湯渣入面有腩肉﹐好淋﹐點少少豉油﹐好食﹗豉椒蟶子(3.5分)﹕因為怕兩個人食唔晒個蟶子皇﹐所以嗌左細果隻﹐蟶子肉好甜﹐不過唔知係咪掛住影相﹐食時已經凍凍地喇... 熱食應該好味D椒鹽鮮魷(4分)﹕我對呢味菜會有偏心﹐因為係我既最愛 ^ ^ 但距真係好好味﹗男友都話好食﹗外脆內軟﹐而且炸漿很薄﹐正﹗蠔餅(4分)﹕男友最鐘意呢味。炸得幾香口﹐唔油膩﹐D 蠔仔幾鮮甜﹐好食。食完後仲有飯後生果盤﹐有哈密瓜西瓜木瓜﹐但食到木瓜有 D 輕微苦苦地。埋單175﹐幾抵食。環境雖然麻麻﹐但食物質素有水準﹗呢度份量係比較多﹐適合多D人一齊黎食。有機會會再黎試下其他野 ^ ^祝我生日快樂!

舊同事聚會 本來想去旺角吃不過看到那家食店近期食評插水哪還會想去 當天就找找找看到牛記笑臉一大堆 而且也說不貴雖然未來過 反正吃海鮮人多才好辦事就拉嚕他們來一來到先去看看蟶子 問嚕普通的一斤也才$12x當然推介給朋友吃但因為有個朋友剛轉工作 說不想吃太貴所以就點嚕豉椒蟶子 椒鹽鮮魷 八寶豆腐煲 豉油王伊麵 炸蠔餅豉椒蟶子 超級好吃 豉汁好出色 蟶子鮮甜又有點辣味 送飯真的一流蠔餅就嫌胡椒粉下手重了點椒鹽鮮魷 粉皮好薄 不過量比我想像中少八寶豆腐煲就十分低食5個人 每人也才7x多 還真是十分便宜啊

一直以黎~牛記都係一間成日都幫襯嘅食肆無可否認~呢間嘢唔係食環境嘅!但係d嘢食~真係好正!!必食:椒鹽白飯魚(我d fd成日話係中式薯條!!真係好脆)蠔餅(大大塊~夠香口)豉椒炒蜆/蟶子(惹味~送瀨粉一流)豉油皇伊麵(呢個真係正~出面果d冇咁夠鑊氣嫁~)如果可以唔好成日加價~我諗會更加好囉~