影片
港鐵中環站 D2 出口, 港鐵香港站 C 出口
繼續閱讀
電話號碼
21239263
開飯介紹
這點心茶館主打傳統手藝製作精美點心，茶器餐具均由香港老品牌「粵東磁廠」所製；裝潢以「港式優雅」為概念，選用白色為主調，並注入西洋元素，優雅中帶點懷舊韻味。
繼續閱讀
營業時間
今日營業
08:30 - 20:30
星期一至五
08:30 - 20:30
星期六至日
08:30 - 17:15
公眾假期
08:30 - 17:15
以上資料只供參考, 請與餐廳確認詳情
有關獎賞計劃
相關文章
平日夜晚喺中環娛樂行英皇買一送一睇完戲見隔離有間點心茶館「福和雍」話最近推出咗晚市套餐價，三個套餐選項豐富，份量一人起，人均$200左右就要試吓啦. 呢間疫情期間開業嘅茶館提供多種優質茶葉仲有手工點心. 裝修優雅帶點老香港情懷，樓底高冇壓迫感，套餐前菜、煮物、主食同甜點一樣，小碟同主菜就有啲分別可以按喜好挑選. 店員上菜心心眼，估唔到賣相咁精緻，大眾化價錢都咁有心思絕對冇將貨就價. 服務仲好好有好清晰咁介紹每道菜式💯開胃前菜以辣酸菜開始，再呷一口茶，喚醒味蕾. 茶具都好精美，藍白花紋感覺高尚，原來係本地百年老店「粵東磁廠」出品的餐具. 套餐可以選日常大路茶款，對茶葉有要求嘅朋友仔仲可以喺茶單挑選更有特色品種.⭐️福膳小碟有麻辣牛肚、紅油豬耳、菜脯煎蛋餅. 前兩者好爽口惹味，後者蛋味十足又有菜脯好有口感. 主菜選咖喱牛脷，入味夠腍. 主食揀咗雪菜肉絲米，真係未食過咁靚賣相. ⭐️和美小碟有釀虎皮尖椒、醬爆茄子、麻辣豬耳. 主菜揀咗紅燒獅子頭啖啖肉又多汁. 主食榨菜肉絲米一樣高質. 煮物嘅濃湯煮紅白蘿蔔入口清甜咬落好腍身. 甜品冇得彈，桂花糕解膩清新散發淡淡花香，芝麻糕真材實料厚實帶有好香濃黑芝麻味. 好滿足嘅一餐. 埋單店員仲好好送咗張早茶coupon俾我哋可以平日早上去有八八折. 真係要試吓佢哋啲點心. 服務好好店員都好有禮貌，約長輩、朋友食飯或者慶祝都好得體.
繼續閱讀
地點：位處中環核心地段，交通方便，地理位置係一大優點。環境：採用半開放式設計，裝修同擺設都比較普通，同一般茶樓分別唔大。以其定位同價錢嚟講，環境有啲令人失望。食物：- 選擇唔算多- 有啲懷舊特色嘅點心，好似臘腸卷咁- 味道中規中矩，算得過價錢：以環境同食物質素嚟講，價錢偏貴，性價比唔高。總結：如果純粹搵個方便嘅地方食個早茶，都可以考慮。但以其定位同價錢，無論係環境定食物都有改善空間。建議店方可以提升下整體用餐體驗。優點：- 地點方便- 有懷舊特色點心缺點：- 環境一般- 價錢偏貴- 選擇較少
繼續閱讀
今日11am訂今日1pm的兩人枱(咁遲book都有位，證明佢哋根本好多枱）因為朋友同我今日好遲先食早餐，所以只係嗌咗三個點心，坐咗五十分鐘，埋單都消費咗$360埋單時，經理非常黑面話有每人最低消費$200今時今日咁嘅服務態度😤😤😤😤😤唔怪之得咁多人北上消費😡😡😡😡😡如果有最低消費應該訂枱時就清楚說明!!!!!!埋單時講係咪撩交嗌？貴公司請埋咁嘅經理真係倒米！🙄🙄🙄🙄🙄
繼續閱讀
由於合作夥伴遠到而來，我們一行四人決定去中環娛樂行2樓嘅福和雍共享中式點心午餐😄中式點心酒樓去得多，一般都係比較嘈，比較少好似呢間餐廳咁寧靜，感覺較優雅☺️我哋叫咗幾款唔同嘅點心一齊試，亦叫咗一個豉椒排骨飯😋 我個人覺得佢哋嘅點心做得比較精緻，味道亦唔錯☺️ 特別推薦叉燒酥同雞絲蝦春卷，真係覺得好好食😋😋枱與枱之間也分得比較開，唔會有好迫嘅感覺，感覺上比較有私人空間😄我同合作夥伴們都可以坐得好舒服☺️
繼續閱讀
位於中環娛樂行商場入面有一間古式格調食點心嘅餐廳，因為餐牌字體太細有老花睇唔清楚，總之基乎推介嘅都有點，人叫就食啦，師傅教落寫食評最好影餐牌，不過今次多款點心造型關係，相片已到上限，菜脯煎蛋餅、芋蓉焗布甸、蛋黃千層糕、酥皮焗叉燒餐包均非常美味，秘製六堡茶去油膩，不過茶位醬油收費屬於昂貴，幸好有老板們通融陪付，總括位置非常方便、點心選擇多，環境優雅，要嚟最好預早訂枱，食完有時間仲可以過隔嚟睇返場戲。
繼續閱讀